ކޮވިޑް-19: ވަޒީފާ ގެއްލުނު މީހުން ޖޮބް ސެންޓަރަށް ރިޕޯޓް ކުރަން ޚާއްސަ ހޮޓްލައިނެއް

އިކޮނޮމިކް މިނިސްޓަރު ފައްޔާޒު: ވަޒީފާ ގެއްލޭ ފަރާތްތަކުން ރިޕޯޓްކުރަން އެހީވުމަށް ޚާއްސަ ހޮޓްލައިނެއް އެ މިނިސްޓްރީން ވަނީ ގާއިމް ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

26 އެޕްރީލް 2020 - 16:43

8 comments

ކޮވިޑް-19 އާ ގުޅިގެން، ވަޒީފާ ގެއްލިފައިވާ މީހުންނާއި ވަޒީފާގެ ހާލަތަށް ބަދަލު އައިސްފައިވާ މީހުން ރިޕޯޓް ކުރަން ޚާއްސަ ހޮޓްލައިނެއް އިކޮނޮމިކް މިނިސްޓްރީން ގާއިމްކޮށްފި އެވެ.

ކޮވިޑް-19 އާ ގުޅިގެން އިގްތިސާދަށް ކުރިމަތިވަމުންދާ ގެއްލުންތަކުގެ ސަބަބުން ގިނަ ބައެއްގެ ވަޒީފާ ގެއްލި އަދި މުސާރަ އާއި އިނާޔަތްތައް ނުލިބޭ ގޮތަށް ގިނަ ބަޔަކު ވަނީ ދިގު މުއްދަތަކަށް ޗުއްޓީއަށް ދާން ޖެހިފަ އެވެ. އެހެންވެ، އެފަދަ ކަންކަން ރިޕޯޓް ކުރަން އިކޮނޮމިކް މިނިސްޓްރީން ކުރިން އޮތީ ޖޮބް ސެންޓަރެއް ގާއިމް ކޮށްފަ އެވެ.

އެ މިނިސްޓްރީން ބުނީ ޖޮބް ސެންޓަރުގައި ރިޕޯޓް ކުރުމަށް އެހީތެރިކަން ބޭނުންވާ ނަމަ އެ ސެންޓަރުގެ ހޮޓްލައިން 1475 އަށް ގުޅަން އެދޭ ކަމަށެވެ. އެ ކޯލް ސެންޓަރު ކޮންމެ އާދިއްތަ ދުވަހުން ފެށިގެން ބުރާސްފަތި ދުވަހާ ހަމައަށް ހެނދުނު 10 ން މެންދުރު 1 އާ ހަމައަށް ހުޅުވިފައި ހުންނާނެ ކަމަށް އިކޮނޮމިކް މިނިސްޓްރީން ބުންޏެވެ.

ކޮވިޑް-19 އާއި ގުޅިގެން ވަޒީފާގެ ހާލަތަށް ބަދަލު އައިސްފައިވާ ފަރާތްތަކުން ޖޮބް ސެންޓަރ (https://t.co/tcntWJ5Hjx) ގައި ރިޕޯޓް ކުރުމަށް އެހީތެރިކަން ބޭނުންފުޅުވާނަމަ ޖޮބް ސެންޓަރުގެ ކޯލް ސެންޓަރުގެ ނަންބަރު 1475އަށް ގުޅުއްވާ!
— Economy & Trade (@MoEDmv) April 25, 2020

އިކޮނޮމިކް މިނިސްޓްރީގެ ޓްވީޓް

ކޮވިޑް-19 އާ ގުޅިގެން، ވަޒީފާ ގެއްލުނު މީހުންނާއި މުސާރަ އާއި އިނާޔަތްތައް ވަކި މިންވަރަކަށް ވުރެ ކުޑަވާ މީހުން މި މަހުން ފެށިގެން 5،000ރ. އިން ގެ އިނާޔަތެއް ކުރިއަށް އޮތް ތިން މަހު ދޭނެ ކަމަށް ސަރުކާރުން އޮތީ އިއުލާންކޮށްފަ އެވެ. އަދި ވިޔަފާރިތަކަށް އެހީވުމަށް ސަރުކާރުން އިއުލާންކުރި 2.5 ބިލިއަން ރުފިޔާގެ އިގްތިސާދީ ޕެކޭޖްގެ ދަށުން އެހީ ދިނުމުގައި ވެސް ވަޒީފާތައް ހިމާޔަތް ކުރަން އިސްކަން ދޭނެ ކަމަށް ވެސް ސަރުކާރުން ކުރިން އޮތީ ހާމަކޮށްފަ އެވެ.

އިކޮނޮމިކް މިނިސްޓްރީ ވަޒީފާ ވަޒީފާ ނުލިބުން

8 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެރަ

27 April 2020

10 ޖެހިއްސުރެ ކިހާ ވަރަކަށް މިގުޅަނީ. ފޯނެއް ނުނަގާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުރޭ 1

26 April 2020

ސިޓީ ކައުންލިސްތަކުން ރަށްރަށުގެ ވިޔަފާރިތައް ހަލާކު ކޮށްލާއިރު ވެސް ދެއަތް އުރާލައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބަހައްދަ

26 April 2020

ކަމެއް ކުރުމުގެ ނިޔަތުގައި އެއްކަމެއް ނުކުރާ ހެން މަށަށް ހީވަނީ. ކޮންމެވެސް އެހެން މަގްސަދުތަކެއް މިހުންނަނީ ކޮންމެ ކަމެއްގަވެސް. އިޚްލާޞްތެރިކަމުގެ ކަންފުޅެއް ވެސް ނުހުރޭ. ހިވާކަހަލަ ބަޔަކަށް ނޭނގެޔޭ. ފެނުނަސް ރޭކާވެސް ނުލާނޭކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުއްތުރާ

26 April 2020

ޓްރޭޑުން ވިޔަފާރިތައް ރައްކާތެރިކޮށް އިގްތިސާދު ރަނގަޅުކުރަން ކަމެއް ކުރާތަނެއް ނުފެނޭ. ހަމަ ހުސް އަނގަ ތަޅަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަ ގޯތި އާދަނު

26 April 2020

އެސްއެމްޢީ ލޯނު ހޯދަން ބައި އަޅަން ޖޭ ގޮތަށްތޯ މިކަންވެސް އޮންނަނީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 April 2020

ވެލާ ކަހަނބު ނޭވާލާން ފެންމައްޗަށް އަރާހެން އަލީވަހީދާއި ފައްޔާޒު ދޭތެރެއަކުން ބޯދިއްކޮށްލާ އެއްޗެއް ބުނެލާފައި ގެއްލޭނެ. އޭގެ ފަހުން އެބުނިކަމެއް ކުރާން މަސައްކަތެއް ކުރާތަނެއް އެކަން ކުރެވުނުތަނެއް ނުފެންނާނެ.