ރައީސް އިބްރާހިމް މުހައްމަދު ސޯލިހު މިއަދު ގައުމާ މުޚާތަބު ކުރައްވަނީ.
04 މެއި 2020 - 19:32
45 comments
ރާއްޖޭގައި މަސައްކަތް ކުރާ ބަންގަލަދޭޝްގެ 1،500 މީހަކު އަނބުރާ ފޮނުވައިލުމުގެ މަސައްކަތް މި ހަފުތާގެ ތެރޭގައި ސަރުކާރުން ކުރިއަށް ގެންދާނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ކޮވިޑް-19 ގެ ބަލިމަޑުކަމާ ގުޅޭ ގޮތުން ހަވީރު 5:30 ގައި ދެއްވި ޚިތާބެއްގައި ރައީސް ވިދާޅުވީ، ބަންގްލަދޭޝްގެ މީހުން ފޮނުވައިލުމުގެ މަސައްކަތް ކުރިއަށް ގެންދަވަނީ އެ ގައުމުގެ ސަރުކާރާ ވާހަކަ ދައްކައިގެން ކަމަށެވެ.
ރާއްޖެ އިން މިހާތަނަށް ކޮވިޑް-19 އަށް ޕޮޒިޓިވްވި 527 މީހުންގެ ތެރޭގައި އެންމެ ގިނައީ ވެސް ބަންގްލަދޭޝްގެ މީހުންނެވެ. އެ ގައުމުގެ 268 މީހަކު ވަނީ އެ ބައްޔަށް ޕޮޒިޓިވްވެފަ އެވެ. ކޮވިޑް-19 އަށް މިހާތަަނަށް ޕޮޒިޓިވްވި ދިވެހިންގެ އަދަދަކީ 183 އެވެ.
ބަންގްލަދޭޝްގެ މީހުންގެ މެދުގައި ކޮވިޑް-19 އާދަޔާ ޚިލާފު ބާރު މިނެއްގައި ފެތުރޭއިރު، އެ މީހުން ފޮނުވައިލުމަށް ސަރުކާރުން އަންނަނީ މި ދުވަސްވަރު މަސައްކަތްތަކެއް ކުރަމުންނެވެ. ފޮރިން މިނިސްޓަރު އަބްދުﷲ ޝާހިދު ދެ ފަހަރެއްގެ މަތިން ބަންގްލަދޭޝްގެ ފޮރިން މިނިސްޓަރަށް ގުޅުއްވައި އެކަމާ މެދު މަޝްވަރާ ކުރެއްވި އެވެ. އަދު އެ ކަމުގައި އެއްބާރުލުން ދެއްވާނެ ކަމުގެ ޔަގީންކަން ދެއްވި ފަހުން ވަނީ ބަންގްލަދޭޝްގެ އަސްކަރީ މަތިންދާބޯޓެއްގައި ވަނީ 68 މީހަކު އަނބުރާ ގެންގޮސްފަ އެވެ. އެއީ އެ ގައުމާއި ނޭޕާލްގައި ތިބި ދިވެހިން ގޮވައިގެން ރާއްޖެ އައި މަތިންދާބޯޓެކެވެ.
"ގިނަ އަދަދެއްގެ ބިދޭސީންތަކެއް، ވަންނާނެ ގެދޮރެއް، އާމްދަނީ ހޯދާނެ ވަޒީފާއެއް، އަދި ރަސްމީ ލިޔެކިޔުމެއް ނެތި ރާއްޖޭގައި އުޅެމުންދާއިރު، ހަމަ ގައިމު ވެސް އެ މީހުން ރާއްޖެ އަށް ގެނައި ބަޔަކު ތިބޭނެ. މިއީ އެއް ދުވަހަކުން ދެ ދުވަހަކު ކުރިމަތިވި ކަމެއް ނޫން،" ރައީސް
ރައީސް އިބްރާހިމް މުހައްމަދު ސޯލިހު މިއަދުގެ ޚިތާބުގައި ވަނީ ބިދޭސީންގެ މައްސަލައިގައި ކަންބޮޑުވުން ފާޅުކުރައްވައިފަ އެވެ.
"ގިނަ އަދަދެއްގެ ބިދޭސީންތަކެއް، ވަންނާނެ ގެދޮރެއް، އާމްދަނީ ހޯދާނެ ވަޒީފާއެއް، އަދި ރަސްމީ ލިޔެކިޔުމެއް ނެތި ރާއްޖޭގައި އުޅެމުންދާއިރު، ހަމަ ގައިމު ވެސް އެ މީހުން ރާއްޖެ އަށް ގެނައި ބަޔަކު ތިބޭނެ. މިއީ އެއް ދުވަހަކުން ދެ ދުވަހަކު ކުރިމަތިވި ކަމެއް ނޫން،" ރައީސް ވިދާޅުވި އެވެ.
ރާއްޖޭގައި ކޮވިޑް-19 ބިދޭސީންގެ މެދުގައި ފެތުރެން ފެށުމާ އެކު، ރައްކާތެރިކަމުގެ ފިޔަވަޅެއްގެ ގޮތުން، އެ ބަލީގެ އަލާމާތްތައް ފެންނަ ހުރިހާ ބިދޭސީން ކަރަންޓީން ކުރުމަށް އެޗްޕީއޭ އިން ވަނީ ނިންމައިފަ އެވެ. އަދި އެފަދަ މީހުން މި ވަގުތަށް ބައިތިއްބާނެ ތަންތަން ސަރުކާރުން އަންނަނީ ހަދަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮކްޓެލް އަލ
05 May 2020
މިކަމުގެ އެންމެ ފުރިހަމަ ޒިންމާވާން ޖެހޭނީ ސަރުކާރުތަކުން އެއީ މީކީ ބަނގުލާދޭޝްގެ ބޯޑަރުގަ އޮއްގައުމެއްނޫން އެމީހުން އަންނަނީ ސީދާ އެއަރޕޯޓް އިން އިމިގްރޭޝަން ތެރޭންލާފަ ކޮންމެވެސް މީހެއްގެ ހަވާލުގައި ތެދުފުޅެއް ކޮންމެވެސް މީހަކު ގެންނާނީ އެގަނައިބޭފުޅުން އިމިގްރޭޝަން ގާނޫނާ ޙިލާފްވީމާ ގާނޫނީ ފިޔަވަޅު އެޅުން އެއީ ސަރުކާރުގެ ޒިންމާއެއް ފަރުދީ ޒިންމާއޭ ވިދާޅުވެފައެއް ޒިންމާއިން ބަރީއްޔައެއް ނުވެވޭނެ މަގާމް ތަކާ ހަވާލުވަނީ ގާނޫނު އަސާސީ ހިންގަން
ބައްލަވާ
05 May 2020
އެމީހުން ފޮނުވާލަން ރައްޔިތުން އެވަރަށް ގޮވާތީ އެމީހުން ހިތްހަމަޖައްސާލަދެވޭނެ ކަމަށް ތިޔަ އަދަދު މާ ކުޑަ.
ޑީއެޗް-11
05 May 2020
ފަށާނީ 1500 އޭ ކިޔާފަ ނިމޭއިރު 150 ފޮނުވުނަސް ސާބަސް ދިވެހިރާއްޖޭގައި ގައުމަށް ޚިދުމަތް ކުރުމުގެ ރޫހުވަނީ ވަޅުޖަހާފަ މިއައްސަސާތަކުން ޕްރެޝަރާ ކުރިމަތިލާން ނުކެރި ފަސް ޖެހިފަ
މުހިސިނާ ބޭރުމަތި
05 May 2020
މަނިކުފާނު ހައްދަވަނީ ހުސްދޮގު ވިދާލުވިނޫތޯ ބީއެމްއެލް އިންލޯނު ނަގާފަ ހުރިފަރާތްތަކުން ހަމަސްދުވަހައް ފަސްކޮއްދިން ވާހަކަ މަނިކުފާނު ވިދާޅުވާ އެއްޗަކާ ބޭންކުން ކިޔާއެއްޗަކާ ދިމާނުވޭ ބޯހަލާކު ބީއެމްއެލް މެނޭޖަރ ނޫނީ އާސްތު ނޫރައްދީން ހިތަކައްނާރާ ކަހެރުވަކެކޭވެސް އަޅުގަނޑާ ދިމާވި ގިނަމީހުން ބޭންކާމެދު ނުރިހިފަ ވާހަކަދެއްކީ އަޅުގަނޑު އެދެނީ ރައީސް ނުވާވަރު ކަންތައް ކޮއްދޭނަމޭ ކިޔާފަ ސަޅިބައިސާ ނުކެނޑުން.
ފާރިހަތު އަބްލޯ
05 May 2020
މިކަމުގެ ޒިންމާ ނަގަންޖެހޭނީ ލޭބަރ މިނިސްޓްރީ ހިންގި ރައީސް ޔާމީނާއި ގޯލްކީޕަރު މާއްޓޭ. ވަރަށް ހިތާމަވެރި!
ކާރިހަތު
05 May 2020
މިސަރުކާރަށް ލިބުނު ދޮޅު އަހަރުތެރޭ ކަމެއްނުކުރެވުން އެއީ ނުބަލަންވީ ބައިވީމަ ވަރަށް ސަޅި.
ގަޓް ބްރޯ
05 May 2020
މިވަގުތު 1500 ބިދޭސީން ގައުމަށް ފޮނުވާލާފަ މި ބަލިމަޑުކަމުން އަރައިގަނެވުމުން އަނެއްކާ އިތުރަށް 15،000 ބިދޭސީން އެތެރެކޮށްފިއްޔާ ކަމަކުނުދާނެ. ރާއްޖޭގަ ބޭކާރުވެގެން މިއުޅޭ ބިދޭސީން މަދުކުރެވޭނީ އިތުރު ބިދޭސީން ރާއްޖެއަށް ނުގެނެސް އަދި ގަވައިދާޚިލާފަށް އުޅޭ ބިދޭސީންނަށް ސަރުކާރާ އާންމުންވެސް މަސައްކަތްދިނުމާ ތަންތަން ކުއްޔަށް ދިނުންވެސް ހުއްޓާލައިގެން. ވަގުތީ ފައިދާއަށްވުރެ ގައުމާ ރައްޔިތުންނަށް އިސްކަންދޭންޖެހޭނެ.
ޙިނި
05 May 2020
ތަންކޮޅެެއް ޕުރޮއެކްޓިވް ސަރުކާރެއް ދެން ގެންނަންވީ.
މީތެދެއް
05 May 2020
ޢެއްމެ ފުރަތަ އިމްގްރޭސަން ގެމައްސަލަ ބަލާ އެއީ ވަންނަ ދޮރާށި ހުޅުވާދޭ ފަރާތް އެއަށް ފަހު އެހެން ފަރާތް...
ަަަަަހ
05 May 2020
ރަނގަޅު ފެށުމެއް. މިގޮތަށް ކުރިއަށް އޮތްތާގައިވެސް މީޙުން ގެންދާނެކަމަށް އުންމީދުކުރަން
ޑޯން
05 May 2020
މިދުނިޔޭގަ އޮވޭތަ ވިޝާނެއް ،ބަންގާޅިން މިނިވަންކަމަތީ އުޅޭގައުމެއް؟ ޓްރެފިކް ގައިވައިދާ ހިލާފްވެއްޖެޔާ.. ހުރިހާ ދިވެހިން ފައިންކުރާނީ .ބަންގާޅިންގެޔަށްފޮނުވާލާނީ. މީކޮންއުސޫލެއް؟ ތަފާތުކުރުންވަރަށްބޮޑު