އީލޮން މަސްކްގެ ދަރިއަށް ދިން ނަން ކިޔާކަށް ނޭނގެ!

އީލޮން ދަރިފުޅާ އެކު.

އަހުމަދު އަދްޝަން، މިހާރު

07 މެއި 2020 - 12:36

ޓެސްލާ އާއި ސްޕޭސް އެކްސް ފަދަ ކުންފުނިތަކުގެ ވެރިޔާ އަދި މަހުޖަނު އީލޮން މަސްކަށް މި ހަފުތާގައި ލިބުނު ދަރިފުޅުގެ ނަން އިއުލާންކުރުމާ އެކު، އެ ނަން ކިޔާނެ ގޮތެއް ނޭނގިގެން ގިނަ ބަޔަކު އެ ވާހަކަ ދައްކަން ފަށައިފި އެވެ.

އީލޮން، 48، އާއި ކެނެޑާ އަށް އުފަން އޭނާ ބައިވެރިޔާ ގްރައިމްސް އަށް ހޯމަ ދުވަހު ލިބުނު ފިރިހެން ދަރިފުޅުގެ ނަމަކީ "X Æ A-12" އެވެ. މި ނަން ކިޔާނެ ގޮތެއް ނޭނގިގެން ސޯޝަލް މީޑިއާގައި ބޮޑު ބަހުސެއް ވެސް ހިނގަމުން ދަނިކޮށް ގްރައިމްސް ވަނީ ނަމުގައި ހިމެނޭ އަކުރުތަކުގެ ތަފުސީލު ޓްވިޓާގައި ހިއްސާކޮށްފަ އެވެ.

Mom & baby all good
— Elon Musk (@elonmusk) May 5, 2020

އޭގައި ބުނެފައިވާ ގޮތުން "X" އަކީ ވަކި އެއްޗެއް ދޭހަނުވާ އަކުރެކެވެ. "Æ" އަކީ ލަވް/އާޓިފިޝަލް އިންޓެލިޖެންސެވެ. "A-12" އަކީ އެ މީހުންގެ ފެވަރިޓް މަތިންދާ ބޯޓް SR-17 އެވެ. އަދި "A" ރަމްޒުކޮށް ދެނީ އާޗެންޖެލް އެވެ.

•X, the unknown variable ⚔️
•Æ, my elven spelling of Ai (love &/or Artificial intelligence)
•A-12 = precursor to SR-17 (our favorite aircraft). No weapons, no defenses, just speed. Great in battle, but non-violent 🤍
+
(A=Archangel, my favorite song)
(⚔️🐁 metal rat)
— ꧁ ༒ Gℜiꪔ⃕es ༒꧂ 🍓🐉🎀 小仙女 (@Grimezsz) May 6, 2020

މި ނަމާ ބެހޭ ގޮތުން ބައެއް މީހުން ބުނެފައި ވަނީ މިއީ ދަރިއަކަށް ނަން ކިޔަން ޖެހޭ ގޮތެއް ނޫން ކަމަށާއި މިކަމުގެ ސަބަބުން، ކުއްޖާ ބޮޑުވަމުން އަންނަ އިރު، ބޮޑެތި އުނދގޫތަކާ ކުރިމަތިލާން ޖެހޭނެ ކަމަށެވެ.

how do we pronounce it???
— gibson (@aworldaIone) May 6, 2020

އެގޮތުން އެ ނަން ކިޔާނެ ގޮތެއް ނޭނގިގެން ސްކޫލްގައި ބުލީއާ ކުރިމަތިލާން ޖެހި ނަން ބަދަލު ނުކުރެވިގެން އުޅޭނެ ކަމަށް ބުނެފައިވެ އެވެ.

X Æ A-12 is never gonna find their name on a gift shop keychain
— agent p (@wlwgosling) May 6, 2020

ބައެއް މީހުން ބުނީ އެ ކުއްޖާ އަށް ތަންދޮރުފިލައި އަމިއްލަ އަށް ކަންކަން އެނގެން ފަށާ ހިސާނުން އެ ނަން ބަދަލުކުރަން އުޅޭނެ ކަމަށެވެ.

old mcdonald had a farm X Æ A-12
— aaron (@aaronneedshelp) May 5, 2020

"X Æ A-12" އަކީ އީލޮން އަށް ލިބުނު ހަތް ވަނަ ދަރިފުޅެވެ. އެއީ މުޅިން ވެސް ފިރިހެން ކުދިންނެވެ. އެ ކުންދިންގެ ނަންތަކަކީ ނަވާޑާ އެލެގްޒެންޑާ މަސްކް، ޑެމިއަން މަސްކް، ގްރިފިން މަސްކް، ޒޭވިއާ މަސްކް، ސެޒޯން މަސްކް އަދި ކައީ މަސްކެވެ.

Elon Musk’s son not gonna have birthdays he’s gonna have updates😭😭
— juju (@jujubangzz_) May 6, 2020

އިލޮން މިހާތަނަށް ދެ މީހަކާ ކައިވެނިކޮށް، އެ ކައިވެނިތައް ރޫޅިފައިވާ އިރު، ދެވަނަ އަށް ކައިވެނިކުރި ތަލޫލާ ރައިލީއާ ދެ ފަހަރެއްގެ މަތިން ކައިވެނިކުރި އެވެ. އެއީ 2010-2012 އަދި 2013-2016 އަށެވެ. އޭނާގެ އަލަތު ކައިވެންޏަކީ 2000 ވަނަ އަހަރު ޖަސްޓީން މަސްކްއާ ކުރި ކައިވެންޏެވެ. އެ ކައިވެނި ރޫޅުނީ 2008 ގަ އެވެ.

އިލޮން އާއި މިހާރުގެ ބައިވެރިޔާ، ލަވަކިޔުންތެރިޔާ ގްރައިމްސް ލޯބީގެ ގޮތުން ގުޅުނީ 2018 ގަ އެވެ.