ރާއްޖޭގައި ކޮންމެ ފަސް އަންހެނަކުން އެކަކީ ހަޔާތުގެ ބައިވެރިޔާގެ ފަރާތުން އަނިޔާ ތަޖުރިބާކުރާ މީހެއް ކަމަށް ތަފާސްހިސާބުން ދައްކާ.
08 މެއި 2020 - 19:17
21 comments
އަނބިމިހާ އަށް އަނިޔާކޮށް، އިންޒާރު ދިން ކަމަށް ބުނާ މީހާ ރޭ ހައްޔަރުކޮށްފައިވާ ކަމަށް ފުލުހުން ދެންމެ ބުނެފި އެވެ.
ފުލުހުންގެ މީޑިއާ އޮފިޝަލް މިރޭ ވިދާޅުވީ، އެ ފިރިހެން މީހާގެ މައްސަލަ ސޯޝަލް މީޑިއާގައި އާންމުކުރިތާ ކުޑަ އިރުކޮޅެއްގެ ތެރޭގައި، ރަށުތެރެ ޕެޓްރޯލްކުރަން އުޅުނު ފުލުހުންނަށް، އެ މައްސަލައިގައި ތުހުމަތުކުރެވޭ މީހާ ފެނިގެން ހައްޔަރުކޮށްފައިވާ ކަމަށެވެ.
އެ މައުލޫމާތު އާއިލާއާ ވެސް ހިއްސާ ކޮށްފައިވާ ކަމަށް އޮފިޝަލް ވިދާޅުވި އެވެ.
"މި މައްސަލަ ފުލުހުން ދަނީ ތަހުގީގުކުރަމުން،" އޭނާ ވިދާޅުވި އެވެ.
އަނބިމީހާ އަށް އަނިޔާކުރާ މައްސަލަ ފެންމަތިވީ އެ މީހުންގެ ފިރިހެން ދަރިފުޅު، އޭނާގެ ބައްޕަގެ އައިޑީ ކާޑުގެ ފޮޓޯއާ އެކު އެ ވާހަކަ ފޭސްބުކްގައި އާންމު ކުރުމުންނެވެ.
ރޭ 9:44 ގައި އެ ފިރިހެން ކުއްޖާ ކުރި ޕޯސްޓުގައި އެދިފައިވަނީ ބައްޕަ ހޯދައިދިނުމަށެވެ. ބައްޕަގެ މައްސަލަ އާއިލާ އިން މީގެ ކުރިން ވެސް ފުލުހުންނަށް ހުށަހެޅި ކަމަށާއި ނަމަވެސް ރަނގަޅުވާނެ ކަމަށް ބުނުމުން އެ ދެ ފަހަރަ ވެސް މައްސަލަ ދޫކޮށްލީ ކަމަށް ދަރިފުޅު ބުނެފައި ވެ އެވެ.
އޭނާ ލިއުނު ގޮތުގައި މަންމަ އާއި ބައްޕަގެ ވަރީގެ މައްސަލަ މިހާރު އޮތީ ކޯޓުގަ އެވެ. އެހެންކަމުން މަންމަ އާއި ބައްޕަ ދިރިއުޅެނީ ދެ ގޭގައި ކަމަށާއި ނަމަވެސް ރޭ މަންމަ އުޅޭ ގެއަށް ގަދަކަމުން ވަދެ، މަންމަގެ ފޯނު އަތުލައި، ސިޑި މައްޗަށް ކޮއްޕައިލި ކަމަށް ވެސް އޭނާ ލިއުނެވެ. މަންމަގެ އިތުރުން އަންހެން ދައްތަ އަށް ވެސް ބައްޕަ އަނިޔާކުރާ ކަމަށް އެ ކުއްޖާގެ ޕޯސްޓުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޅި
09 May 2020
ކޯޓުއަމުރު ނެރޭއިރު މީހާ މަރުވެފަ އޮތަސް ހެޔޮ ދޯ. ކިހާދެރަކަމެއް. ގެވެށި އަނިޔާކުރާމީހުންނަށް ހަލާކުހުރި.
ސަޅި
09 May 2020
ތި ދެއްކި ހިތްވަރަށް ސާބަސް. ތިބާއަށް ހެޔޮރަހުމަތް ލައްވާށި.
އަލީ ސޯލިހު
09 May 2020
ތިޔަ ވާހަކަ ފޭސްބުކުގަ ލިޔުނު ކުއްޖާގެ ހިއްވަރަށް ސާބަސް ދެމެވެ. ބައްޕަގެ ފަރާތުން ދައްތައާއި މަންމަ ސަލާމަތް ކުރަން ތިޔަ ކުރި މަސައްކަތަށް ސުކުރުވެރި ވަމެވެ. އަދި ބުނަމެވެ. އެއްވެސް މީހަކު އަނެކަކަށް އަނިޔާކުރާތަން ފެނިއްޖެ ނަމަ ލަސްނުކޮށް އަންގަންވާފަރާތަށް ކުރިޔަށް އޮތްތަނުގައިވެސް އަންގަން ވާނެއެވެ، އަދި މީހުނަށް އަޅާލާ ގުޅޭ ރަގަޅު މީހަކަށް ކޮއްކޮ ވާންވާނެއެވެ. ﷲ އިރާދަކުރެއްވިއްޔާ ތި އާއިލާ ގެވެށި އަނިޔާއިން ސަލާމަތް ކުރައްވާށި އެވެ
ދޮން މަނިކު
09 May 2020
މ މި ރާއްޖޭގައި ޖެހިލުއްނެތި ކޮން މެ ބާވަތެއްގެ ކުށެއްވެސްކޮއްލަނީ އެކުށައް ކަޑައެޅިފަ އޮންނަ އަދަބެއް ފުރިހަ މައައް ތަންފީޒު ނުކުރާތީ... މީހުން މަރާ އަދި ކުޑަކުދިންގެ މައްސަލަ.... މި މީހުންވެސް އުޅެނީނުހަނު މިނިވަން ކަން މަތީގަ.....!!!!
ގެދޮރު ނެތް މާލޭމީހާ
09 May 2020
އަނބިންނަށް އަނިޠާކުރުމަކީ ފިރިހެނުންގެ ސިފައެއް ނޫން. ބުނަން ނުވާ ވަރުގެ ރަނގަޅު ކިޔަންމަންތެރި އަނބިން ރާއްޖޭގައި ވެސް އުޅޭހެން، ފިރިންނަށް އެކި ކަހަލަ އަނިޔާ ދޭ އަނބިންވެސް ހާދަ ގިނައޭ މި ރާއްޖޭގައި. އެވާހަކަ ދައްކަނީ ވަރަށް މަދު ބަޔަކު.
ފަނުދުންމާރީ
08 May 2020
ހަޤީޤަތް ބަލާ ނުލާ ވާހަކަ ދައްކާ މީހުން ހާދަ ގިނައޭ ދޯ މިތާ؟ އާއިލީ މައްސަލަ ތަކަކީ މިރާއްޖޭގައި ވަރަށް އާންމުކަމެއް. ހައްލު ނުހޯދި ގޮސް މުޅި އުމުރަށް މިކަމުގައި އުޅެން ޖެހިފައިވާ އެތައް އާއިލާ އެއް ވޭ.
ހަސަނު
08 May 2020
ޖިނާއީ އިޖުރާތުގެ 40 ވަނަ މާއްދާގެ ނ ގައި ބުނެފައިވާފަދަ ހާލަތެއްގައި ތޯ ސަސްޕެކްޓް ހައްޔަރުކުރީ. މަގުމަތީ ޕެޓްރޯލް ކުރަން އުޅުނު ފުލުހުންނަށް ފެނިގެން ހައްޔަރު ކުރިކަމަށް ބުނަނީ. ކުށްކުރީ ރޭގެ ވަގުތެއްގަ ގެއެއްގެ ތެރޭގަ. ހައްޔަރު ކުރީ 12 ގަޑިއިރުފަހުން މަގުމަތިން. އެވެސް ފޭސް ބުކްގައޮތް ޕޯސްޓަކަށް ބަލާފަ. އަދިވެސް ބުނެލަން އަމުރެއް ނެތި އޮންސީނުން ނޫންގޮތަކަށް ހައްޔަރެއް ނުކުރެވޭނެ.
އިބިރިހިންބެއްޔާ
08 May 2020
މަގުމަތީގައި އުޅުމުގެސަބަބުންވެސް ހައްޔަރުކުރެވިދާނެ ނޫންތޯ؟ 1،000 ރުފިޔާގެ ޖުރިމާނާވެސް އިތުރުކޮއްލައްވާތި. އުސްތާޒު ހަސަނުވެސް އަޕްޑޭޓްވެބަލަ.
ޚަންދު
08 May 2020
އަނބިމީހާއަށް އަނިޔާ ކުރުން އެއީ ފިރިހެން ވަންތަ ސިފައެއް ނޫނެވެ. ޙަޤީޤީ ފިރިހެންވަންތަ ކަމަކީ އަނެއްޖިންސަށް އޯގާތެރިވުމެވެ. ފިރިހެނުން އަންހެނުން އަނބީންގެ ގޮތުގައި ހިފަނީ އަމާނާތެއްގެ ގޮތުގައެވެ. ދަރިން ބޮޑެތިވީމާ އެދަރިންގެ ކުރިމަތީގައި ކުދިންގެ މަންމައަށް އަނިޔާ ކުރުމަކީ ހަމައެކަނި އެއަންހެނާއަށް ކުރެވޭ އަނިޔާއެއްނޫނެވެ. ކޮންމެ މީހެއްގެވެސް މަންމައެއް ހުންނާނެވެ. އަނިޔާއެއް ލިބޭކަށް ނޭދޭނެއެވެ.
ޕޮލިސް
08 May 2020
ޙަސަނާ ޖިނާޢީ އިޖުރާއަތުގެ 40 ވަނަ މާއްދާ ކިޔާލަބަލަ ކޯޓު އަމުރު ނެތި މީހުން ހައްޔަރުކުރުމުގެ ބާރު ލިބޭ ހާލަތުތައް އެގޭނެ އޭރުން އޮން ސީނުގަ އަދިވެސް އަޅައިގެން ތިއުޅެނީ ކުރީގެ އިސްޕިރިންކޯޓުގެ ހަނދާނުގަ
ފިތުރީ32
08 May 2020
ޖެނޑާރ މިނިސްޓަރު އިސްތިއުފާ
ޖަމީލުބެ
09 May 2020
ކުރީގެ މިނިސްޓަރު ވަނީ އިސްތިއުފާ ދެއްވާފަ، އެހެންވީމަ ތިކަހަލަ ކަންތަކެއް ނުހިނގާނެ
ބޮނެތްތުރީ92
09 May 2020
ފިރިއަކު އަންބަކަށް އަނިޔާ ކޮށްފިއްޔާ ޖެންޑަރ މިނިސްޓަރު އިސްތިއުފާ. މީހެއްގެ ވަޒީފާ ގެއްލިއްޖިއްޔާ އިކޮނޮމިކް މިނިސްޓަރު އިސްތިއުފާ. މީހަކު ނަމާދު ނުކޮށްފިއްޔާ އިސްލާމިކް މިނިސްޓަރު އިސްތިއުފާ. ޓޫރިސްޓަކު ކުށެއްކޮށްފިއްޔާ ޓޫރިޒަމް މިނިސްޓަރު އިސްތިއުފާ. ދަރިފުޅު އިމްތިހާނުން ފެއިލް ވެއްޖިއްޔާ އެޑިއުކޭޝަން މިނިސްޓަރު އިސްތިއުފާ. ނޫނޭ ނޫނޭ ކަލޭ މޮޅު އިގޭ!