އިންޑިއާގައި ތިބި 235 ދިވެއްސަކު ރާއްޖެ ގެނެސްފި

އިންޑިއާއިން ދިވެހިން ގެނައި ފްލައިޓް އެއާޕޯޓުގައި: މިއަދު ވަނީ 235 ދިވެއްސަކު ރާއްޖެ ގެނެސްފައި -- ފޮޓޯ/މޯލްޑިވިއަން

މުއިއްޒު އިބްރާހިމް، މިހާރު

12 މެއި 2020 - 00:29

ކޮވިޑް-19 ފެތުރެން ފެށުމުން އިއުލާނުކުރި ލޮކްޑައުންއާ ހެދި އިންޑިއާގައި ތާށިވެފައިި ތިބި 235 ދިވެއްސަކު މިއަދު ރާއްޖެ ގެނެސްފި އެވެ.

ކޮވިޑް-19 އާ ހެދި ގިނަ ގައުމުތަކެއް ލޮކްޑައުން ކުރުމުން ވައިގެ ދަތުރުތައް ހުއްޓާލިއިރު އެކި ބޭނުންތަކުގައި އެ ގައުމުތަކުގައި ތިބި ދިވެހިން ތާށިވި އެވެ. އޭގެ ތެރެއިން ބައެއް ދިވެހިން ކުރިން ވަނީ ރާއްޖެ ގެނެސްފަ އެވެ.

އިންޑިއާގެ އެކި ސިޓީތަކުގައި ތިބި 235 މީހަކު މިއަދު ރާއްޖެ ގެނައީ ފޮރިން މިނިސްޓްރީ މެދުވެރިވެގެން ބޭއްވި ގައުމީ އެއާލައިން މޯލްޑިވިއަންގެ ދެ ފްލައިޓެއްގަ އެވެ. އިންޑިއާގެ ނިއު ދިއްލީން މިރޭ އައި ފްލައިޓްގައި 185 މީހަކު ގެނައިއިރު، މިއަދު މެންދުރު އައި ފްލައިޓްގައި 50 ދިވެއްސަކު ރާއްޖެ ގެނެސްފައިވާ ކަމަށް މޯލްޑިވިއަން އިން ބުންޏެވެ.

Our 2nd repatriation flight today from India arrives @VelanaAirport with 185 Maldivians from #Delhi & #Trivandrum.These flights are an initiative by the Govt. of Maldives & spearheaded by @MoFA to #BringOurCitizensHome from multipe Indian cities amid Covid19. #HappsNow 🇲🇻 pic.twitter.com/HA9PoJZf1q
— Maldivian (@MaldivianAero) May 11, 2020

މޯލްޑިވިއަންގެ ޓްވީޓް

ރާއްޖެއިން ބޭރުން އަންނަ ދިވެހިން ކަރަންޓީގައި 14 ދުވަސް ހޭދަކުރަން ޖެހޭތީ މިއަދު ރާއްޖެ އައި ދިވެހިން ވެސް ކަރަންޓީގައި މަޑުކުރަން ޖެހޭނެ އެވެ.

މީގެ ކުރިން ވެސް އިންޑިއާ އާއި ލަންކާގެ އިތުރުން އެކި ގައުމުތަކުގައި ތިބި ގިނަ އަދަދެއްގެ ދިވެހިން ސަރުކާރު މެދުވެރިވެގެން ރާއްޖެ ގެނެސްފައި ވާއިރު، އިތުރު ފްލައިޓްތަކެއް ކުރިއަށް އޮތް ތަނުގައި ވެސް އެކަމަށް ބޭއްވޭތޯ މަސައްކަތް ކުރަމުން އަންނަ ކަމަށް ފޮރިން މިނިސްޓްރީން ބުނެފައިވެ އެވެ.

އިންޑިއާ ރާއްޖެ-އިންޑިއާ ފޮރިން މިނިސްޓްރީ

3 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަތްދޯ

12 May 2020

އަނެއްކާ އަނެއް ބަޔަކު ބޭރުން ގެނައީ. މިމީހުންގެ ތެރޭގަ ވައިރަސްގެ އާ ވައްތަރުތަކެއް ހިފައިގެން އައި ބަޔަކު ނެތް ކަމުގެ ގަރަންޓީއެއް އެބަ އޮތްބާ؟ ކަރަންޓީނުގަ ތިއްބާވެސް އެކަހަލަ ކަމެއް ދިމާވެއްޖިއްޔާ އެއޮތީ އަނެއްކާ ވެސް ބަލީގެ އާ ކަންތަކެއް ދިމާވެފަ. ކީއްކުރާނީ. މާތްރަސްކަލާގެއާ ވަކީލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

12 May 2020

ތިއައި ބަޔެއްގެ ތެރެއިން ސިޔާސީ ބޮޑުންގެ މީހަކު ނޫނީ އެންމެން ތިބޭނީ ކަރަންޓީނުގައެވެ. އެމީހުން ގެ ވިއްޔާމުން ކުރާނެ ޓެސްޓެއް ނޯންނާނެ ކަމަށް ޚުދު އެމީހުން ބުނުމުން އެކަމާ ދެކޮޅު ހަދާނެ ފުލުހަކު ނަރުހަކު މިނިސްޓަރަކު ނުހުންނާނެއެވެ. - ޤައުމުގެ އަދުގެ ހާލަތު 19 -

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑީ

12 May 2020

ވެރިކަން ބީވީމަ، ކޮންމެ ކަމެއްގަ ފިތުނަފަސާދަ އުފައްދަން މަސައްކަތް ކުރަންވާނެ. ވެރިކަން ރަގަޅަށް ކޮށްދިންނަމަ، ރައްޔިތުން އުޅުނީހީ އުރާލައިގެން. ރާއްޖޭއަށް އާމްދަނީ ލިބޭނެ އިތުރު ގޮތެއް/ގޮތްތަކެއް ދައްކާދީ، ބޭރުމީހުންގެ މައްސަލަ ހައްލުކޮށްދީ، ހުރިހާ ރަށެއްގެ ހޮސްޕިޓަލްގަ ހުރިހާ ވަސީލަތެއް ޤާއިމްކޮށްދިންނަމަ، މިއަދު އަހަރުމެން މިހާލުގަ އުޅޭކަށް ނުޖެހުނީސް.