ކޮމަންވެލްތުގެ ހެލްތު މިނިސްޓަރުގެ ވާޗުއަލް ބައްދަލުވުމުގައި ރާއްޖޭގެ ހެލްތު މިނިސްޓަރު އަމީނާއި ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ މިއަދު ބައިވެރިވެވަޑައިގަންނަވަނީ.---ފޮޓޯ: ހެލްތު މިނިސްޓްރީ
14 މެއި 2020 - 19:58
28 comments
ދުނިޔެއަށް މިހާރު ކުރިމަތިވެފައިވާ ކޮވިޑް-19 ގެ ބަލިމަޑުކަމުގައި ކޮމަންވެލްތުގެ މެމްބަރު ގަައުމުތަކަށް އެެހީތެރިވެވޭވެ ގޮތްތައް ބަލައި، ވަސީލަތްތައް ހޯދާނެ ނިޒާމެއް އެ ޖަމާއަތުގެ ތެރޭގައި އުފައްދަން ރާއްޖެ އިން ހުށަހަޅައިފި އެވެ.
ކޮމަންވެލްތު ހެލްތު މިނިސްޓަރުން މިއަދު ބޭއްވި ވާޗުއަލް ބައްދަލުވުމުގައި ރާއްޖޭގެ ހެލްތު މިނިސްޓަރު އަބްދުﷲ އަމީން ވިދާޅުވީ، ބަލިމަޑުކަަމަށް މެމްބަރު ގައުމުތައް ތައްޔާރުވުމަށް އެހީތެރިވެދޭނެ ނިޒާމެއް ގާއިމްކުރާ އިރު، ބަލަން ޖެހޭނީ ހަމަ އެކަނި ސިއްހީ ނިޒާމަށް ނޫން ކަަމަަށާއި އިޖުތިމާއީ އިގުތިސާދީ ގޮތުން ކުރިމަތިވާ މައްސަލަތަކަށް ވެސް ރިއާޔަތްކުރަން ޖެހޭ ކަމަށެވެ. މިހާރު ކުރިމަތިވެފައިވާ ބަލިމަޑުކަމާ ކުރިމަތިލުމުގައި ކޮމަންވެލްތުގެ ކޮންމެ ގައުމަކުން ވެސް މަސައްކަތް ކުރަމުން އަންނަ ގޮތް ލިޔެ ރައްކާކޮށް، އެހެން ގައުމުތަކަށް އެ މައުލޫމަތު ލިބެން ހުރުން މުހިއްމު ކަމަށް ވެސް އަމީން ވިދާޅުވި އެވެ.
"ދުނިޔޭގެ ކަންކޮޅުތަކަށް ފެތުރިފައިވާ އަދި ވަަސީލަތުގެ ގޮތުން ތަނަވަސް ޖަމާއަތެއްގެ ގޮތުގައި ކޮމަންވެލްތަކީ ދުނިޔޭގެ ސިއްހަތަށާއި އިންސާނިއްޔަތަށްޓަކައި މަސައްކަތް ކުރާ ބާރަކަށް ވެވިިދާނެ،" ރާއްޖެ އިން ކޮމަންވެލްތުގައި އަލުން ބައިވެރިވި ފަހުން ބޭއްވި ހެލްތު މިނިސްޓަރުންގެ ފުރަތަމަ ބައްދަލުވުމުގައި އަމީން ވިދާޅުވި އެވެ.
ހަތަރު އަހަރުގެ މެދުކެނޑުމަކަށް ފަހު ރާއްޖެ އިން ކޮމަންވެލްތާ ގުޅުނީ މި އަހަރުގެ ފެބްރުއަރީ 1 ގަ އެވެ.
މިއަދުގެ ބައްދަލުވުމުގައި އަމީން ވިދާޅުވި ގޮތުގައި، ކޮވިޑް-19 ގެ ސިއްހީ، އިޖުތިމާއީ އަދި އިގުތިސާދީ އަސަރު ކޮންމެ ގައުމަކާއި ކޮންމެ ފަރުދަކަށް ވަނީ ކޮށްފަ އެވެ. އެކަމަކު މި ކާރިސާ އަށް ތައްޔާރުވި ގޮތާއި އަމަލުކުރި ގޮތް ވެސް ތަފާތު ކަމަށް ވިދާޅުވި އެވެ. ކިތަންމެ ވަރަކަށް ތައްޔާރުވި ވިޔަސް، މިހާ ބޮޑަށް ގުޅިލާމެހިފައިވާ ދުނިޔެ އެއްގައި އެއްވެސް ގައުމަކަށް އެ ބަލިން މުޅިން ސަލާމަތްވެގެން ނުތިބެވޭނެ ކަމަށް މިނިސްޓަރު ވިދާޅުވި އެވެ.
"ދުނިޔޭގެ ކަންކޮޅުތަކަށް ފެތުރިފައިވާ އަދި ވަަސީލަތުގެ ގޮތުން ތަނަވަސް ޖަމާއަތެއްގެ ގޮތުގައި ކޮމަންވެލްތަކީ ދުނިޔޭގެ ސިއްހަތަށާއި އިންސާނިއްޔަތަށްޓަކައި މަސައްކަތް ކުރާ ބާރަކަށް ވެވިިދާނެ،" އަމީން
އޭނާ ވިދާޅުވީ ގައުމުތަކުގެ މެދުގައި އޮތް ގުޅުން ތަކަކީ މި ފަހަރުގެ ކާރިސާއިން އަރައިގަތުމުގެ އިތުރުން މީގެ ފަހުން ކުރިަމތިވާ ކަމަކަށް ތައްޔާރުވުމަށް ވެސްް މުހިއްމު ގުޅުންތަކެއް ކަމަށެވެ.
"ދިވެހިރާއްޖޭގެ ހާލަތުގައި ވެސް، ފެނުނީ ރާއްޖޭގެ ހުރި ނާޒުކު ކަމާއި އެހެން ގައުމުތަކުގެ އެހީތެރިކަމަށް ބަރޯސާވާ މިންވަރާއި ގައުމުތަކާ އެކު އޮތް ގުޅުންތަކުގެ މުހިއްމުކަން" އަމީން ވިދާޅުވި އެވެ.
ކޮމަންވެލްތުގައި ބައިވެރިވެ، އެ ގައުމުތަކުގެ ސަފަށް އަލުން ނުކުމެވުމުގެ އުފާ ވެސް މިއަދުގެ ބައްދަލުވުމުގައި މިނިސްޓަރު އަމީން މިއަދު ފާޅުކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރުބެ
15 May 2020
އެއީ ކީއްވެގެން ކޮމަންވެލްތުން؟ ރާއްޖެއަށް ލިބޭހާ ޑޮލަރު ބޭނުންކުރަނީ ކޮމަންވެލްތާއި ޑަބްލިޔު އެޗްއޯއިންތަ؟
އަހމަދު
15 May 2020
މިތަނުން ވަކިވީމަ ހީވީ ވަރަށް ކަންތައް ކޮށްދޭ ބައެއްކަމަށް، އޭރުގެ އިދިކޮޅުން ހީވީ މޮޔަވެގެން އުޅުންހެން. މިޤައުމު ވެންޓިލޭޓަރުގައި މިއޮތްއިރު ކޮށްފިންކަމެއް ދިން ފައިސާގޮއްޗެއް ވޭތަ. ތިތަނުގައި ބައިވެރިވެގެން ބައިވަރު ޚަރަދުތަކެއް ކުރަނީ ބޯހަލާކު
ބޮޑުމީހާ
15 May 2020
ކޮމަންވެލްތުގައި ދިދަ ނަގަން ޝާހިދުކުރި ދަތުރުގެ ޚަރަދުވެސް އަަދި ފޫނުބެއްދޭ. މިވަރު ތަނަކާއި ގުޅިގެން ސްކޫލު ދަރިވަރުންލައްވާ ލަވަ ކިޔައި ހެދީ
ދިއްދޫމީހާ
15 May 2020
ތިވަރު ތާކުން ވަކިވެގެން ހީވީ އެހެން ކަމެހެން، ކޮމެންވެލުތުން ރާއްޖެ މިހާތަނަވީ އެހީތަ ބަލާބަލަ؟؟ އެޔަވުރެން ގިނައިން ރާއްޖެއިން ކޮމެންވެލްތަ ހަރަދުކުރޭ....
އަންނި ތަކުރުބެ
14 May 2020
އެކި ފެންވަރުގެ ހޮސްޕިޓަލް އަލާނީ މިހާރު މިސަރުކާރުން ފަސްވަރަކައް ހޮސްޕޓަލް ނިމުމުގެމަގުމަތީވަނީ ޔާމީނުއެޅިޔޭކިޔާފަ ނުޔެހޭ މިޖަޒީރާޔަކު ބުރިބުރިޔައްނަގާކައް
ކޮރަލް
14 May 2020
ރާއްޖެ އިންވެސް ހަރަދު ކުރާ އިރު ހަރަދު ކުޑަ ގޮތަކަށް ވިސްނަން ޖެހެ އެވެ. ސަރުކާރައް 3 މަސްވަންދެން ހިފަހައްޓާ ނުލެވުނެވެ. މިހާރު އޮތީ ލޯނާ ސަލާން ޖެހުމެވެ. ދަރަނި ބޮޑުވެފަ ރަނގަޅު ރިޒާވް އެއް ނެތެވެ . ސިޔަސީ މީހުންގެ އެލަވަންސް އާ މުސާރަ އެހާ ބޮޑެވެ. ހައްގު ދަނޑުވެރީންނާ މަސްވެރީން ނަށް ލިބެންވާ ފައިސާ އާ ތަކެތި ލިބެނީ ސިޔާސީ މީހެއް ނެގީމަ އޭނަ އަތުން.ކުޔަށެވެ. ގޮޅި ކުއްޔަށް ހިފަންވެސް މެމްބަރުން އެބައުޅެ އެވެ.
މުނާ އަލީ
14 May 2020
ރަނގަޅު ވާހަކައެއް. މިފަދަ ނިޒާމެއް ގާއިމުކުރެވޭއިރު ބަލަން ޖެހޭނީ ހަމަ އެކަނި ސިއްހީ ނިޒާމަށް ނޫން، އިޖުތިމާއީ އިގުތިސާދީ ގޮތުން ކުރިމަތިވާ މައްސަލަތަކަށް ވެސް ރިއާޔަތްކުރަން ޖެހޭ. މިނިސްޓަރު އަމީންފަދަ ވަށާޖެހޭ މީހުންގެ ސިޔާސަތުތަށް ވަށާޖެހޭނެ. ޝައްކެތްވެސް ނެތް.
ހަސަން އަހުމަދު
14 May 2020
އުނދަގޫ ދުވަސްތަކެއްކަންއެނެގޭ. މިސްޓޭކްސްތައްވެސް ހެދިފަހުރެދާނެ. އެހެންނަމަވެސް ގިނަ ފްރަންޓްތަކުގައި ހެލްތުން ދައްކާ ލީޑަރޝިޕް ފާހަގަކުރަންޖެހޭ. ހެލްތު ޑިޕްލޮމަސީގަ ސަރުކަރުން މިގެންގުލޭ ވިސްނުން ރަގަޅު.
ރިސާ
14 May 2020
ތިއީ ކީއްކުރާ ޖަމިއްޔާއެއްތަ؟ މި އޮތްހާ ދުވަހު ތިތަން އޮތީ ކޮންތާކު؟ އިނގިރޭސިން ކޮށްދިން ކަމެއް އެބައޮތް؟ ތިއީ ބޭކާރު ޖަމިއްޔާއެއް
ސޯލިހް
15 May 2020
ޢެތައް ކުދިންނަކަ ސްކޮލަސިޕްދިން. ޢެކުދިން ފްރަންޓްލައިންގަ ވަރަށް ކެރިގެން ހިދުމަތްދޭންވެސް އެބަތިބި. ކޮށްދޭ ކަންތަށް ރަހުމަތްތެރިން މިނަންޏާ .ވަރަށް ދެރަ
ކޮކްޓޭލްއަ
14 May 2020
ގައުމުދެކެ ލޯބިވާނީ ކިހިނެއްތޯ ޙުދު ތިމާމީހާގެ އަމިއްލަ ނަފްސް ދެކެވެސް ލޯބިނުވާބަޔަކު ހަރާމެއް ހަލާލް ނުބަލާ އެމީހަކާ އެމީހަކު އަތުޖެހުނު އެއްޗެއް ކައި ސުންނާފަތި ކުރަމުން މިދަނީ ކޮބާތޯ މިގައުމުގެ ކާބަފައިން ހޯދާދެއްވި ބޯޓް ފަހަރު 1 ދޭއްކެއްނޫން 98 އާޣްބޯޓް ސަރި އަދެއް ނުކުދެވުނު ވީ ތަނެއް ވަންތަނެއް ނޭންގުނު ކިތައް ދިވެހިންގެ ވަޒީފާތޯ ބޯޓް ތަކާ އެއްކޮއް ދުއްވާލީ ހުދު ތިމާމީހާ ވަދެލާނެ ފެންވަރުގެ ހޮސްޕިޓަލެއް ނޭޅުނު ދެން ކޮން ރައްޔިތެއްގެ ތޯ