16 މެއި 2020 - 19:26
54 comments
ބަންގްލަދޭޝް އިން ރާއްޖެ އަށް ހިލޭ އެހީގެ ގޮތުގައި ދިން 10 ޓަނުގެ ކާބޯތަކެތި އެ ގައުމުގެ އަސްކަރީ މަތިންދާބޯޓެއްގައި މިއަދު ރާއްޖެ ގެނެސްފި އެވެ.
ކޮވިޑް-19 ގެ ބަލިމަޑުކަމުގެ ވަގުތު އެހީގެ ގޮތުގައި ބަންގްލަދޭޝް އިން ފޮނުވި ތަކެތީގެ ތެރޭގައި ހިމެނެނީ ބޭހާއި މެޑިކަލް ބައެއް ސާމާނުގެ އިތުރުން، ފިޔާ، ބިސް މުގު، އަލުވި، ކުކިން އޮއިލް، ބަރަބޯ، ތޮރާ، ކަރާ އަދި އަލަނާސި ކަމަށް ފޮރިން މިނިސްޓްރީން ބުންޏެވެ.
ކޮވިޑް-19 ރާއްޖޭގައި ފެތުރެން ފެށުމާ އެކު ވެސް، ބަންގްލަދޭޝް އިން ވަނީ މީގެ ކުރިން ވެސް ރާއްޖެ އަށް ކާބޯތަކެތީގެ އެހީ ފޮނުވައިފަ އެވެ. ކާބޯތަކެއްޗާއި ސިއްހީ އެހީތެރިން ބޭނުންވާ ޕީޕީއީ ވެސް ހަދިޔާކޮށް މި ސާމާނާ އެކު މީގެ ކުރިން ރާއްޖެ އައީ އަސްކަރީ މަނަވަރެކެވެ. އަދި އެ ގައުމުގައި ތިބި ދިވެހި ދަރިވަރުން ވެސް ރާއްޖެއަށް ގެނެސްދީފައިވާއިރު އެ ގައުމުން ވަނީ ރާއްޖެ އަށް ޑޮކްޓަރުންގެ ޓީމެއް ވެސް ފޮނުވައިފަ އެވެ.
ބަންގްލަދޭޝް އިން ފޮނުވި މި އެހީ އަށް ފޮރިން މިނިސްޓަރު އަބްދުﷲ ޝާހިދު ވަނީ ޝުކުރު އަދާކުރައްވައިފަ އެވެ. މިނިސްޓަރު ޝާހިދު ކުރެއްވި ޓުވީޓެއްގައި، އެ ގައުމުގެ ސަރުކާރުން ރާއްޖެއާ މެދު ބަހައްޓަވާ ހިތްހެޔޮކަމަށްޓަކައި ބަންގްލަދޭޝްގެ ބޮޑުވަޒީރު ޝައިހް ހަސީނާ އަށް ހާއްސަ ޝުކުރެއް އަދާކުރައްވާފައިވެ އެވެ.
Welcome the 2nd #Bangladesh Air Force flight with over 9 tons of food, medical equipment and medicine as aid to the #Maldives. We thank the govt. & the people of Bangladesh for their kindness and generosity. Thank you PM Sheikh Hasina, FM @AKAbdulMomen and Bangladesh Air Force. pic.twitter.com/B30EbZpugR
— Abdulla Shahid (@abdulla_shahid) May 16, 2020
ބަންގްލަދޭޝް އިން ރާއްޖެ އައި މި އަސްކަރީ ފްލައިޓުގައި، ސައްހަ ލިޔެކިޔުން ނެތި ރާއްޖޭގައި އުޅޭ ބަންގްލަދޭޝްގެ 70 މީހުން ފޮނުވާލަން ވަނީ ނިންމައިފަ އެވެ. މީގެ ކުރިން ވެސް ރާއްޖެ އަށް އެހީއާ އެކު އައި ބަންގްލަދޭޝްގެ ފްލައިޓުގައި 68 މީހަކު ވަނީ އަނބުރާ ގައުމަށް ގެންގޮސްފަ އެވެ.
ރާއްޖޭގައި ސައްހަ ލިޔެކިޔުން ނެތި ދިރިއުޅެމުންދާ ބިދޭސީން އަނބުރާ ގައުމަށް ފޮނުވާލުމަށް ކުރަމުން އަންނަ މަސައްކަތުގެ ތެރެއިން ބަންގްލަދޭޝް އަށް ނިސްބަތްވާ 15،00 މީހުން ފޮނުވާލުމުގެ މަސައްކަތް ކުރަމުން އަންނަ ކަމަށް ސަރުކާރުން ވަނީ ކުރިން ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުމަދު އީސަ
17 May 2020
މެން ކިތަން މެ ބާވަރު އެއްޗެއްސެއް ދިނަސް މިތާބަންގާޅީން ބާތިއްބާކައްބޭނުމެއްނޫން ަަަަަަަަަަަަަަަަަަަަސަބަކީ އަހުލާގު މީނުންނައް އިހުތިރާމާގަދަރު ކުރާކައްނޭގެ
އެސްކޮބާރ
17 May 2020
މިއަށް ކިޔަންވީ 10 ޓަނުގެ އެހީގެ ޑިޕްލޮމެސީ. ކޮންމެ ފަހަރަކު ދިހަ ޓަނުގެ އެހީ ފޮނުވާފައި، 70 މީހުން އަނބުރާ ގައުމަށް ގެންދިޔައިމަ، ދެން ހުރިހާ ދިވެހިން އުފާފާޅުކުރަން ކޭކުފަޅައި ހަވާއަރުވަންވީ. ބޮލަކަށް 4000 ޑޮލަރު ބަންގާޅުގައި ހުންނަ އެޖެންޓަކަށް ދީފައި ރާއްޖެ އަންނަންޏާ ދެންވިސްނާލާ މިކަމުން ބަންގާޅުގެ ބައެެއް އެޖެންޓުން ނަގާނެ ފައިދާ. މިކަޓު ބެހިގެންދަނީ ރާއްޖޭގެ އިމިގްރޭޝަންގައި އުޅޭ ބައެއް މީހުންނަށާ ދިވެހި ކުންފުނިތަކަށާ އެތައް ބަޔަކަށް
މާދުރުތަރި
16 May 2020
އަހަރަމެން ދިވެހިން ބޭނުންވަނީ ނުގަވައިދުން ރާއްޖޭގައި އުޅޭ 150،000 ބަންގަލަދޭޝް މީހުން އެމީހުންގެ ގައުމަށް ގެންދަން ސަރުކާރުން ބަންގާޅު ސަރުކާރުން އާއި ސަމާސާ ނުކޮށް ކަރަޕްޝަން ނުހިންގާ އުޅުން. ބޭކާރު ވާހަކަ މަދުކޮށް އަމަލުން މިކަން ކޮށްބަލަ! އިބޫ އަދި އިބޫގެ ކެބްނެޓް އަދި ފެންނަނީ ސަކަރާތްޖަހާ ފޮޓޯ ނަގަން އުޅޭތަން. އިދިކޮޅުން އުޅެނީ ޔާމީނު މިނިވަންކުރަން. ނަސީދު އުޅެނީ ވެރިކަން ނުލިބިގެން. ބޯހަލާކު!
މަރީން
16 May 2020
މި ސަރުކާރުގެ އެއްމެ ބާރުގަދަ އަދި އެއްމެ ހިންގުންތެރި ވަޒީރަކީ ޝާހިދު. ޝާހިދުގެ މަސައްކަތައް އިހްލާސްތެރިކަމާއިއެކު ޝުކުރުދައްނަވަން. އެދެނީ ކުރިއަށްއޮތްދުވަސްތަކުގައި ވީހާވެސް ގިނައިން ބޭރުގެ އަދި އަވައްޓެރި ގައުމުތަކުން ރާއްޖެއަށް ދޭ އެހީ ގިނަވެ ގުޅުން އިތުރުވެގެންދިއުން. އަދި ދިވެހިންނަށް ކުރާ އިހްތިރާމް އިތުރުވެގެން ދިއުން.
ހިނި ގުނުން
17 May 2020
އިނގިރޭސި ވިލާތާއި އެހެން އަގުބޮޑެތި ޤައުމުތަކުގަ ދަރިންނާއި، ތިމާގެމީހުންނާއި ރައްޓެހިން ލައްކައިން ގުނޭ މުސާރަދީފަ، ދިރިއުލޫން ސަރުކާރުގެ ޚަރަދުގަ ހަމަޖައްސާގެން ސަލާންޖަހަންފެށީމަ ތިންވަނަ ދުނިޔޭގެ އެންމެ ފަޤީރު ޤައުމުތަކުން ހިތައްއޮބިނޯވެގެން އެއްޗެއްދިނީމަ އެއީތަ ހިންގުންތެރިކަމަކީ.
އޮނަރަބްލް އަފީފު ދީދީ
16 May 2020
ސޯލިޙްގެ ސަރުކާރުން 800މ ޑޮލަރުގެ ބްރިޖަކުން މާލެއާއި ކުރީގެގުޅިފަޅު (މިހާރު ބަންގްޅި މާލެ) ގުޅާލާއިރު އެރަށުގެއާބާދީ 100000 އަށްވުރެން އިތުރުވާނެ ނޫންތޯ؟ # މިމީހުނަށްދޫކުރާނީ ރަށްވެހިކަމުގެލިއުންތޯ ނުވަތަ ނަންރެސިޑަންސް ވީސާތޯ؟ ހަދާނުގައިބަހައްޓާން ޖެހޭއެއްޗަކީ މިދާގޮތަށްމިކަންކަން ދާންދޫކޮށްފިނަމަ ބަންގްލަދޭޝްއަށްވުރެން ކާރީގައި 1.343ބ މީހުންގެ ބޮޑު އާބާދީއެއްވެސްއެބައޮތްކަން. މާދަމާ އެމީހުންގެތެރެއިން 3 ލައްކަމީހުން އެގޮތަށްއަތުވެއްޖެނަމަ ހަދާނީކިހިނެއް؟!
ޒިންދަގީ
16 May 2020
ބަންގްލަދޭޝް ޗައިނާއަށްވުރެ ރަނގަޅުތާ.. ޗައިނާގެ ވާހަކަ އަބަދު ބަޔަކު ދައްކާތީ ހަމަ ބުނެލީ.
ބާބުލް ބާްއި އަސަ މިއާ
16 May 2020
ހެޔޮނުވާނެ ކޮކްސް ބާޒާރުގަ ތިބި ނިކަމެތި ރޮހިންޏާ ރެފިއުޖީންނަށް މިފަދަ އެހީތައް ދީބަލަ.
falcon_autho
16 May 2020
އަޅެ މީ ހާދަ ވަރުގަދަ ބަޔެކޭ ދޯ؟ މިތަނުގައި ގަވާޢިދާ ޚިލާފަށް އުޅޭ ބަންގްލާދޭޝް މީހުން ގެންދިއުމުގެ ބަދަލުގައި ކާތަކެއްޗާއި ބޭސް މިފޮނުވަނީ. ބަންގާޅުގެ ބިން ކުޑައީތަ؟ މިގައުމަށް ރެފިއުޖީންގެ ގޮތުގައި 100000 ބަންގާޅު މީހުން ބައިތިއްބާން. މިހާރު ޙަގީގަތުގައި ތިބުނެވެނީ މިތާގައި ތިބި ބަންގާޅު މީހުންނަކީ ރެފިއުޖީންނޭ. ތިމަންމެންނަށް ދެވެން އޮތް އެހީއެއް ވެދޭނަމޭ ކަލޭމެން އެމީހުން ބަލަހައްޓާށޭ.
ރަންނަ
16 May 2020
އިންސާނީ ވަގުވިޔަފާރި ކޮށްގެން ގެނެއްސަ ތިބިމީހުން ގިނައީ. ގެނައިމީހުންނަށް ބެވިއްޔާމާރަނގަޅުވާނެ. އަމިއްލަ ވަތަނުގަ ވަންނާނެ ގެދޮރެއްނެތް ރެފުއުޖީން މާގިނަ
އޮނަރަބްލް އަފީފު ދީދީ
16 May 2020
ކ. އަތޮޅު ގުޅި ފަޅުގެ ނަމަކަށް "ބަންގްޅި ފަޅު މާލެ" ކިޔަންވީ. ދުނިޔޭގެ ކޮން ޤައުމަކުންތޯ މިގޮތަށް އިމިޤްރޭޝަން ޤާނޫނާއި ޙިލާފް ބިދޭސިންނަށް ވީވީއައިޕީ ހިދުމަތް ދެނީ؟! ކުރިން މިމީހުން އެތެރެކުރިމީހުނަށް ވުރެން ބޮޑު އަދި ނުރައްކާތެރި ޖަރީމާއެއްނޫންތޯ ހިންގަމުންމިގެންދަނީ. # ދެންފެންނާނީ ރެޑް ކޮރޮސްއާއި އިންޓަނޭޝަނަލް ހިއުމަންސް ރައިޓް ފަދަ ޖަމާއަތްތަކާއި ޕްރެޝަރ ޤުރޫޕްތަކުން ތިއީ "ބައިނަލްއަޤުވާމީ ރެފިއުޖީ ކޭމްޕްތަކެއްކަމަށް" ކަޑައަޅާތަން.
ގްރީން
16 May 2020
މަހްލޫފް އެހެރީ އެކަ މާ ފޫގަޅާފަ
ހަސަންބެ ގެ ދޮން އަލީ
16 May 2020
ތި އެހީ ދިނުމަށް ވުރެ މިގައުމުގައި ތިބި ބަނގަލަދޭސް މީހުންނަށް ރަނަގަޅުވާނީ އެމީހުންގެ ގައުމަށް ގެންދިޔަށްޔާ !