ވޯލްޑް ހެލްތު އެސެމްބްލީގެ ބައްދަލުވުމުގައި ރާއްޖޭގެ ހެލްތު މިނިސްޓަރު އަމީން އޮންލައިންކޮށް މިއަދު ބައިވެރިވެވަޑައިގަންނަވަނީ.---ފޮޓޯ: ހެލްތު މިނިސްޓްރީ
18 މެއި 2020 - 19:06
11 comments
ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) ގެ ސިޔާސަތުތައް ކަނޑައަޅަން، މެމްބަރު ހުރިހާ ގައުމެއްގެ ސިއްހީ އިސްވެރިން ބައިވެރިިކޮށްގެން ބާއްވާ 73 ވަނަ ވޯލްޑް ހެލްތު އެސެމްބްލީ މިއަދު ފަށައިފި އެވެ.
ކޮވިޑް-19 ފެތުރޭތީ ރައްކާތެރިވުމުގެ ގޮތުން އަޅާފައިވާ ފިޔަވަޅުތަކާ އެކު، ބޮޑަށް ވާޗުއަލްކޮށް ކުރިއަށް ގެންދާ މި އަހަރުގެ ވޯލްޑް ހެލްތު އެސެމްބްލީގައި ރާއްޖޭގެ ފަރާތުން ބައިވެރިވި ވަފްދުގައި އިސްކޮށް ހުންނެވީ ހެލްތު މިނިސްޓަރު އަބްދުﷲ އަމީނެވެ. އެ މިނިސްޓްރީގެ އިސް އެހެން ބައެއް ބޭފުޅުންނާއި ކޮވިޑް-19އާ ގުޅިގެން ފަންނީ ލަފާއަރުވާ ޓެކްނިކަލް އެޑްވައިޒަރީ ގްރޫޕް (ޓެގް) ގެ ޑޮކްޓަރުންނާއި ޖެނީވާގައި ހުންނަ ރާއްޖޭގެ މިޝަންގެ ބޭފުޅުން ވެސް ރާއްޖޭގެ ވަފުދުގައި ހިމެނެ އެވެ.
ޖެނީވާގައި މިއަދު ފެށި ވޯލްޑް ހެލްތު އެސެމްބްލީ. މިފަހަރުގެ މައުލޫއަކީ ކޮވިޑް-19 ރެސްޕޮންސް
މި ބައްދަލުވުމުގައި ހެލްތު މިނިސްޓަރު އަމީން ތަގުރީރު ކުރައްވާނީ މިރޭގެ އިރާކޮޅުގެ ވަގުތެއްގަ އެވެ.
މި އަހަރުގެ ބައްދަލުވުމުގައި މިނިސްޓަރުންނާއި ހާއްސަ މެހުމާނުންގެ ގޮތުގައި ބައިވެރިވެވަޑައިގަންނަވާ މާހިރުުން ތަގްރީރުކުރައްވާނީ "ކޮވިޑް-19 ރެސްޕޮންސް" (ކޮވިޑް ފެތުރެން ފެށުމުން އަމަލުކުރި ގޮތް) ބެހޭގޮތުންނެވެ.
ވޯލްޑް ހެލްތު އެސެމްބްލީ އަކީ މީގެ ކުރިން ސްވިޓްޒަރލޭންޑްގެ ޖެނީވާ ކޮންމެ އަހަރަކު ވެސް ހަފްތާއެއްހާ ދުވަހުގެ މުއްދަތަށް ކުރިއަށް ގެންދާ ބައްދަލުވުމެކެވެ. އެކަމަކު މި އަހަރު އެ އެސެމްބްލީ ބާއްވާނީ މިއަދުން ފެށިގެން ދެ ދުވަހުގެ މުއްދަތަށެވެ. އެ ގޮތުން ދުވާލަކު ތިން ސެގްމެންޓް ކުރިއަށް ގެންދާނެ އެވެ.
#WHA73 opened avenues to deliberate on #COVID19 response from member countries discussing - measures, exit-strategies & aftermath of pandemic.
— Ministry of Health (@MoHmv) May 18, 2020
Maldives took this opportunity to emphasize the importance of health in all spheres of life to mitigate effects of health crisis. @WHO pic.twitter.com/HFpRliRYKz
ހެލްތު މިނިސްޓްރީގެ ޓުވީޓް
ޑަބްލިއުއެޗްއޯގެ މެމްބަރު 194 ގައުމު ބައިވެރިވެގެން ބާއްވާ މި އަހަރުގެ ބައްދަލުވުމުގައި ކޮވިޑް-19އާ ގުޅޭގޮތުން ހެލްތު މިނިސްޓަރުން އެކުލަވައިލައްވާ އެއްބަސްވުމެއްގައި ސޮއިކުރައްވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިންގާސަނާ
18 May 2020
ބުނައްޗޭ ތިމަންނަމެން ތަފާތު ކަމަކަށް ކުރި ކަމަކީ މާސްކު އެޅުވުން ހުއްޓުވާފަ ވެންޓިލޭޓަރު ގަންނަން ހުރި ވިއްޔާ ހުރި ލާރިކޮޅެއް ޚަރަދު ކުރީއޭ.
ސިންގާ
18 May 2020
https://www.businessinsider.com/who-no-need-for-healthy-people-to-wear-face-masks-2020-4 އެެއީ ދުނިޔޭގެ ސިއްހަތު ޖަމިއްޔާއިން އޭރު ރިކޮމެންޑު ކުރި ގޮތް އިނގޭތޯ. ރާއްޖޭގައި މިހާ ތަނަށް ކޮންމެ ފިޔަވަޅެއް އަޅާފައިވަނީ މަޝްވަރާ ކުރުމަށްފަހު. އެކަމަކު ވާނުވާ ނޭނގި ކޮމެންޓު ކުރާ މީހުން ގިނައީ.
ސިންގާސަނާ
18 May 2020
ތި ދިން ލިންކަކީ ވެލިޑް ކަމާއި ގުޅުން ހުރި ޑަބްލިއު އެޗްއޯގެ ލިންކެއް ނޫން. އެހެން ނޫނަސް ކޮން ގައުމެއްގަތޯ މިފަދަ ގޮތަކަށް އަމަލުކޮށްފާ އޮތީ. ނިކަން ދައްކަ ބަލަ ކޮންކޮން ސަރުކާރުތަކަކުންތޯ މާސްކު ނާޅާށޭ ބުނެފާ ހުރީ. އޭރުން ތީތި ގަބޫލުކުރަން ފަސޭހަ ވާނެ. ހަމަ އެއްޗެކޭ ކިޔަކަސް ނުފުދޭނެ.
ސިންގާ
18 May 2020
ދެންވެސް އާޓިކަލް ކިޔާބަލަ އަނގަނުތަޅާ. އޭރުން އެނގިދާނެ ގައުމުތައްވެސް އަދި ޑަބްލިއުއެޗްއޯގެ ނިންމުންވެސް.
ރީތި މޫސަ
18 May 2020
މިއީ ނޫންތޯ ރައްޔިތުންނަށް ފާއިދާ ކުރަނިވި މަޖިލީސްތަކަކީ. ކޮވިޑް ޓެސްޓު ކިޓުތައް އިޖާދުކޮށް ބާޒާރަށް ނެރުނުއިރު އެންމެ ފުރަތަމަ މި ކިޓްތައް ޑަބްލިއުއެޗްއޯ މެދުވެރިކޮށް ހޯދި އެއް ގައުމު ރާއްޖެއަކީ. ރާއްޖޭ ރައްޔިތުންގެ މަޖިލީހުންވެސް ކޮވިޑްއާ ގުޅޭ މިފަދަ މަސައްކަތްތަކެއް ކޮށްދޭ ނަމަ ކިޙާ ރަނގަޅުވީސް. އެކަމަކު ހުސް ޖެއްސުން.
ގައްދާރު
18 May 2020
ވޯލްޑް ހެލްތު އެސްމްބްލީގައި މިފަހަރު އޮތީ ދުނިޔޭގެ އެންމެ ބޮޑު ދެ ބާރު ކަމުގައިވާ އެމެރިކާއާއި ޗައިނާގެ ތަޅާލުން. ޓްރަމްޕު ކުރިއަށް އޮތް އިންތިހާބަށް ތައްޔާރުވުމަށްޓަކައި މިކަން އެބަޖެހޭ ޗައިނާ ބޮލުގައި އަޅުވަން. އޭރުން ޓްރަމްޕު ސަލާމަތްވާނީ. ހަމަ މިގޮތަށް ރާއްޖޭގެ ޓަރަމްޕު ނަޝީދަކީ. ހެލްތުގެ އެންގުންތަކަށް ގޮންޖަހާ ހުންއަންނާނެ ކަމަށް ރަޖާލާން ނުވާނެޔޭ ދެފޫޓޫ ދެފޫޓު ބަހައްޓައިގެންވެސް ވޯޓުލާން ޖެހެނެޔޭ ކިޔާ މުޅި އޮޕަރޭޝަން ފޭލު ކޮށްލަން އުޅުނީ އިންތިހާބަކަށްޓަކައި.
ކޮއިން 19
18 May 2020
އެކަމަކު ރާތްޖެތްޖެއިން ބޭނުންވާނީ ލާރިކޮޅެއް ކޮންމެހެއްމިބަލިންސަލާމަތްވޭތޯ އެއްނޫ މިފަހަރު ހެލްތުމިނިސްޓަރު ދެކެ ވވވ ލޫހިވާނެ ނަސީދު
ޟާސް
18 May 2020
ކިތަންމެ ހަޖަމު ކުރަން ދަތިވިޔަސް ނަޝީދަކީ މާޒީ. މިހާރު ވެރިއަކަށް ހުރީ ރައީސް އިބޫ.
ސިނާން
18 May 2020
ކޮވިޑްއާ ޖެހިގެން ދުނިޔޭގެ އެންމެ ކުރިއަރާފައިވާ ގައުމުތަކުގެ ސިއްހީ ނިޒާމުވެސްވަނީ ފުނޑިގެން ގޮސްފައި. އަދި ހީވެސް ނުކުރާފަދަ ގައުމުތަށް ވަނީ މިކަމުގެ މައްޗަށް ކުރި ހޯދާފައި. ތިޔަފަދަ ސެޝަނެއްގައި އެންމެންގެ ތަޖުރިބާތަށް ހިއްސާކޮށް މިކަމުން އަރައިގަންނަން ރަނގަޅު މަގެއް ހޯދަން ގުޅިގެން މަސައްކަތް ކުރުމަކީ މާތް ކަމެއް. ހެލްތު މިނިސްޓަރު ތިޔަ ކުރައްވާ މަސައްކަތުަގައި ﷲ ބަރަކާތް ލައްވާށި.
ޟާސް
18 May 2020
ތި ތަނުގައި ތަގްރީރު ކުރަން ނަޝީދަށް ނުހުރެވުނީތީ މާދަމާ މަޖިލީހުން ބަޔާނެއް ނެރޭނެ ހެލްތު މިނިސްޓަރާ ދެކޮޅަށް
ފަސީ
18 May 2020
މިއީ ހުރިހާ ގައުމެއްވެސް އެއްބަޔަކު އަނެއް ބަޔަކަށް އެހީތެރިކަން ފޯރުކޮށްދޭންޖެހޭ ވަގުތު. ރާއްޖެއަށް މިއަދުވެސް ޑަބްލިއުއެޗްއޯއިން ވަނީ 10،000 ކިޓާއި ޕީޕީއޭ ހަދިޔާކޮށްފައި. އުއްމީދަކީ މި ބޭފުޅުންގެ ބުރަ މަސައްކަތުން ރާއްޖެ އެކަނި ނޫން މުޅި ދުނިޔެވެސް ކޮވިޑުން އަރައިގަތުން.