ދިރާގު ހެޑް އޮފީސް-- ފޮޓޯ: ނިޝާން އަލީ/ މިހާރު
26 މެއި 2020 - 19:33
8 comments
ކޮވިޑް-19އާ ގުޅިގެން ކަސްޓަމަރުންނަށް ދިމާވާ ދަތިތަކަށް ލުޔެއް ދިނުމުގެ ގޮތުން ދިރާގު ހޯމް ފިކްސްޑް ބްރޯޑްބޭންޑާއި މޮބައިލް ފޯނުތަކަށް ދީފައިވާ ހިލޭ ޑޭޓާ އާއި ޑިސްކައުންޓް އަންނަ މަހު ވެސް ލިބޭނެ ކަމަށް އެ ކުންފުނިން ބުނެފި އެވެ.
ދިރާގުން ހިލޭ ޑޭޓާ އާއި ޑިސްކައުންޓް އޮފާތައް ތައާރަފްކުރީ މިދިޔަ މާޗް މަހު ސިއްހީ ކުއްލި ނުރައްކަލުގެ ހާލަތު އިއުލާން ކުރުމުންނެވެ. މި އޮފާތައް އަންނަ ޖޫން މަހު ވެސް ދޭ ގޮތަށް ނިންމީ މި ދަނޑިވަޅު އިންޓަނެޓް ބޭނުން ކުރަން ޖެހިފައިވާ މިންވަރު ކުރިއަށްވުރެ އިތުރު ވެފއިވާތީ ކަމަށް އެ ކުންފުނިން ބުންޏެވެ.
އެ ކުންފުނިން ދޭ އޮފާތަކުގެ ތެރޭގައި ހޯމް ފިކްސްޑް ބްރޯޑް ބޭންޑު ކަސްޓަމަރުންނަށް އަންނަ މަހު ވެސް 50 ޕަސެންޓާއި 140 ޕަސެންޓާ ދެމެދުގެ އިތުރު ޑޭޓާ ހިލޭ ލިބޭނެ އެވެ. އަދި ޖޫން 15 އާ ހަމައަށް ހުރިހާ ބޫސްޓާތަކުން 50 ޕަސެންޓު ޑިސްކައުންޓް ލިބޭނެ އެވެ.
ދިރާގުގެ ހުރިހާ ޕޯސްޓް ޕެއިޑް ކަސްޓަމަރުންނަށް މިދިޔަ ތިން މަހު ލިބުނު އިތުރު ޑޭޓާ އަންނަ މަހު ވެސް ލިބޭނެ އެވެ. އެއީ 50-75 ޕަސެންޓާ ދެމެދުގެ ހިލޭ ޑޭޓާ އެވެ. އަދި ބޫސްޓާތަކުން ވެސް 50 ޕަސެންޓުގެ ޑިސްކައުންޓު ލިބޭނެ އެވެ.
ޕްރީޕެއިޑް ކަސްޓަމަރުންނަށް ވެސް ދިރާގުން ވަނީ ހާއްސަ އޮފާތަކެއް ތައާރަފު ކޮށްފަ އެވެ. މީގެ ތެރޭގައި މަންތްލީ ޑޭޓާ އެޑް އޮންތަކުން އިތުރު 50 ޕަސެންޓް ޑޭޓާ ހިލޭ ދިނުމާއި ވޮއިސް އެޑް އޮންތަކުން 50 ޕަސެންޓް ޑިސްކައުންޓް ދިނުން ހިމެނެ އެވެ. މި އޮފާތައް އަންނަ މަހުގެ 15 ވަނަ ދުވަހުގެ ނިޔަލަށް ލިބޭނެ އެވެ.
މީގެ އިތުރުން ދިރާގު މަމެން ބޭނުން ކުރާ ކަސްޓަމަރުންނަށް ހުރިހާ ޑޭޓާ ޕްލޭންތަކުން 20 ޕަސެންޓް އިތުރު އެލަވެންސް ލިބޭއިރު ހުރިހާ އެލްޓީއީ ބޫސްޓަރުތަކުން 50 ޕަސެންޓުގެ ޑިސްކައުންޓު ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު އިބުރާހިމް
27 May 2020
އަޅުގަނޑަށް ޑިސްކައުންޓްގެ ގޮތުގައި އެއްލާރި ވެސް ބޭނުމެއްނޫން، ތިޔަކުންފުނިން އަޅުގަޑު ބޭނުމީ އަޅުގަނޑު އެދިފައިވާ ޚިދުމަށް ރަގަޅަށް އެއްވެސް ކަހަލަ މަކަރާއި ހީލަތެއް، އަދި އޮޅުވާލުމެއް ވެސްނެތި ތެދުދުވެރިކަމާއި އެކު އަޅުގަނޑަށް ދެއްވުން، އަދި އެއްވެސް ކަހަލަ އޮޅުވާލުމެއްނުވާނެ ކަމުގެ ޔަގީންކަން ދެއްވުން. ޢެވަރުން ފުދޭނެ...
ށިސިެ
27 May 2020
ޑޭޓާ އަކީ ހުރިހާ ޤައުމެއްގސވެސް މަސްނިމުނީމަ ރިސެޓް ވާ އެއއޗެއް...އެއީ ފިޙަާރަ އިން ގަންނަ ފެއް ބަސްތާހެން ޓެންޖިބަލް އެއް×ެއްނޫން.އަބުރާ ގެންގޮސް ދޭކަށް
ޑެލްބޯއި
26 May 2020
އެމެރިކާގެ ރައީސްކަން ކުރެއްވި ތޯމަސް ޖެފަރސަން ވިދާޅުވެފައިވަނީ. މީހުން އެމީހުން ކާތަކެއްޗާއި ބޭނުން ކުރާ ބޭސް ސަރުކާރުން ނިންމުމަށް ދޫކޮށްލައިފިނަމަ އެމީހުންގެ ހަށިގަނޑު ނިކަމެތިވެގެންދާނީ ހުދުމުހުތާރު ވެރިކަމެއްގައި ދިރިއުޅޭ ނަފްސެއްގެ ދަރަޖައަށެވެ. މިއަދު ރާއްޖޭއިން ފެނިގެންދާ މަންޒަރަކީ އޭނާ އެވިދާޅުވި ކަހަލަ މަންޒަރެއްކެވެ. މަޖިލީހުގެ ރައީސް މިކަން ދެނެވަޑައިގަނެ އެމަގުން ރާއްޖެ ނުދޭތޯ ކުރައްވާ މަސައްކަތައް ތައުރީފު ހައްޤެވެ.
ޚޮރަޕްޓް
26 May 2020
ކަންމަތީ ފިހާރައިން މިދިޔަމަހު 200 ރުޔިޔާއަށް ގަތް ފުއްބަސްތާ މަސްނިމުނު އިރު ކައިހުހެއްނުވިއެވެ. މަސްނިމުނުއިރު ފުއްބަސްތާއިން ނުކެވި ހުރި 20 ކިލޯފުއް ކަންމަތީ ފިހާރައިގެ ސޭޓު އަތުލައިގަނެގެން ނުގެންދެއެވެ. ނަމަވެސް ދިރާގުން އަހަރެމެން ގަނެފައިވާ ޑޭޓާއިން މަސްނިމޭއިރު ބޭނުންނުކުރެވި ހުރިޑޭޓާ ދިރާގުން އަތުލަނީ ކޮންހަމަޔަކުންތޯ މިހާރު ނޫހުން ސުވާލުކޮށްބަލަ.
އަގުހެޔޮ އަންލިމިޓެޑް
26 May 2020
ކޮބާ ހޭ އަގުހެޔޮ ކުރި އިންޓަނެޓް. އަންލިމިޓެޑް ކުރަން ވީ އިންޓަނެޓް.
ނިރު
26 May 2020
ގަނެފަ ފައިސާ ދައްކާފަ ހުންނަ މޮބައިލް ޑޭޓަރ އާ ހޯން އިންޓަރނެޓް މަސްނިމޭއިރު ބާކީ ހުންނަ ބައި ޖެހިގެން އަންނަމަހު ލިބޭގޮތް ހަދާލަ ދިނީމަ ނިމުނީ ... މި ބުނަނީ ފައިސާ ދައްކާފަ ގަނެފަ ހުންނަ އެއްޗެއްގެ ވާހަކަ .. ހިލޭ ދޭށެކޭނޫން .. އަމިއްލަ ހައްގެއް ހޯދަން މިބުނަނީ
އަޒުހާދު
26 May 2020
ރަނގަޅު ކަ މެއް. އެކަ މަކު ދިރާގުން ބޮޑު އަގު ނަގާފައި ދޭ ޚިދު މަތުގެ ފެންވަރު ވަރަށް ދަށް. އިރު އިރު ކޮޅާ ވައިފައި ކެނޑި ކެނޑި. މިގޮތަށް ހޯދަ ފައިސާ ހަލާލެއް ނުވަނެ....
ނިރު
26 May 2020
ތި އެހީ ބަލައެއް ނުގަންނަން .. ހެޔޮހިތުން ކަމެއް ކޮއްދެންޔާ ބިލްތަކުން އެއްރުފިޔާ ނަމަވެސް ކުޑަކޮއްދީ