ކޮވިޑް-19 ޓާސްކްފޯސްގެ އިސްބޭފުޅުންނާ ރައީސް އިބްރާހިމް މުހައްމަދު ސޯލިހު މީގެ ކުރިން ބޭއްވި ބައްދަލުވުމެއްގައި ބައްދަލުކުރައްވަނީ.---ފޮޓޯ: ރައީސް އޮފީސް
30 މެއި 2020 - 20:25
18 comments
ކޮންމެހެން ކުރަންޖެހޭ މަސައްކަތް ކުރުމަށް މާދަމާއިން ފެށިގެން ދެ ހަފުތާ އަށް ސަރުކާރުގެ އޮޮފީސްތައް ހުޅުވަން ރައީސް އިބްރާހިމް މުހައްމަދު ސޯލިހު މިއަދު ނިންމަވައިފި އެވެ.
ކޮވިޑް-19 އިން ރައްކާތެރިވުމަށް، މިދިޔަ މާޗު މަހުގެ މެދެއްހާ ހިސާބުން ފެށިގެން ސަރުކާރުގެ އޮފީސްތައް ވަނީ ބަންދުކޮށްފަ އެވެ. ނަމަވެސް ފިޔަވަހިތަކަކަށް ބަހާލައިގެން ލޮކްޑައުނަށް ލުއިތަކެއް ދޭން މިހާރު ވަނީ ފަށައިފަ އެވެ. ލުއި ދޭ ފުރަތަމަ ދެ ހަފުތާގައި ވަޒީފާ އަށް ނުކުންނަށް ހުއްދަ ދިނަސް އެ ހުއްދަ ލިބޭނީ ޕެންޝަންގައި ބައިވެރިވެފައިވާ މުވައްޒަފުންނަށް އެކަނި ކަމަށް ވަނީ ހަމަޖައްސައިފަ އެވެ.
ރައީސް އޮފީހުން ބުނީ މާދަމާ އިން ފެށިގެން އަންނަ މަހުގެ 11 ވަނަ ދުވަހާ ހަމައަށް، ކޮންމެހެން ކުރަންޖެހޭ މަސައްކަތްތައް ކުރަން ކޮންމެ ހަފުތާއެއްގެ ހޯމަ، އަންގާރަ އަދި ބުދަ ދުވަހުގެ ހެނދުނު 9:00-1:00 އަށް އޮފީސްތައް ހުޅުވާނެ ކަމަށެވެ. އެތަންތަން ހުޅުވިޔަސް، އާއްމުން ހިދުމަތް ހޯދުމުގެ ފުރުސަތު ހުޅުވާނުލަން ވަނީ އަންގައިފަ އެވެ.
މި ދުވަސްވަރު އޮފީސްތައް ހުޅުވައިގެން ކުރާނެ މަސައްކަތްތައް އެތަނެއްގެ މިނިސްޓަރު ނުވަތަ އެންމެ އިސްވެރިޔާ ކަނޑައަޅުއްވާނެ ކަމަށާއި އެހެންވެ މި ދުވަސްވަރު އެތަނެއް ހުޅުވާނީ މުވައްޒަފުން ހާޒިރުވެގެން ކޮންމެހެން ކުރަންޖެހޭ މަސައްކަތްތައް އެކަނި ކުރުމަށް ކަމަށް ވެސް ބުންޏެވެ.
އޭގެ އިތުރުން އޮފީސް ހުޅުވައިގެން ކުރަންޖެހޭ މަސައްކަތްތަކުގެ ތަފްސީލް ހެލްތު ޕްރޮޓެކްޝަން އެޖެންސީ (އެޗްޕީއޭ) އަށް ހުށަހަޅަންޖެހެ އެވެ. އެއަށްފަހު މަސައްކަތްކުރަން ޖެހޭނީ އެ އެޖެންސީން ކަނޑައަޅާ ގޮތަކާއި މިންގަނޑެއްގެ މަތިންނެވެ.
ވީހާ ވެސް މަދު މުވައްޒަފުން މަސައްކަތަށް ނެރުމަށް ރައީސް ވަނީ އޮފީސްތަކަށް އަންގަވައިފަ އެވެ.
"ސަރުކާރުގެ އިދާރާތައް ހުޅުވަން ޖެއްސެވި ދުވަސްތަކާއި ވަގުތުތަކުގެ އިތުރުން އެހެން ވަގުތެއްގައި ސަރުކާރުގެ އިދާރާއެއް ހުޅުވައިގެން ކޮންމެހެން މަސައްކަތެއް ކުރަން ޖެހިއްޖެ ހިނދެއްގައި އެ އިދާރާއެއްގެ ވަޒީރު ނުވަތަ އެންމެ އިސްވެރިއަކު ކަނޑައަޅުއްވާ ގޮތެއްގެ މަތިން އެ އިދާރާއެއް ހުޅުވައިގެން އެ މަސައްކަތް ކުރެއްވުމަށް ވަނީ އަންގަވައިފަ އެވެ،" ރައީސް އޮފީހުން ބުންޏެވެ.
އޮފީސް ހުޅުވިއަސް މިހާރެކޭ ވެސް އެއްފަދައިގެން މުވައްޒަފުން ގޭގައި ތިބެގެން މަސައްކަތްކޮށް، އޮންލައިންކޮށް ދެވެން ހުރި ހިދުމަތްތައް ދިނުމަށް އެމަނިކުފާނު އަންގަވާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަގޫ
01 June 2020
ވަގުތީގޮތުން ރައީސްކަންކުރަންފެންނަނީ މައިމޫނާ. ރައީސް ސޯލިހު ދޭންބުނި ލޯންތައްކޮބައިތޯ.
ކޮރަލް
31 May 2020
ކޮރޯނާ ވެބަސައިޓް އެއް ހަދާ އާއްމުންނަށް މައުލޫމާތު ކުރިން ލިބޭނެ ގޮތަ ހަދާ ދީބަ؛ލާށެވެ. ނޫސް ކޮންފަރެންސް އިން ލިބެނީ ހެލްޕް ލައިން އެވެ. ނުސްތަކުން ލިބެނީ ކަމެއް ވާން އުޅޭ ވާހަކަ އެވެ. ހުޅުވާނެ އޮފީސް ތަކާ އޮފިސްތަކުން ލިބޭނެ ހިދުމަތް ތައް އެއް ވެބްސައިޓް އަކުން ހާމަ ވާނެ ގޮތަ ހަދާ ދީބަލާށެވެ.
ހީރާ
31 May 2020
ޢެޑިޔުކޭޝަން މިނިސްޓްރީގެ ސިޔާސީ މަޤާމުތަކުގަ ތިބި ވެރިން.ގޭގަ ނިދަން ނުބައިތިއްބާ ނެރެންވާނެ! ތައުލީމީ ނިޒާމު މިއޮޢްގެން ފުޑެނީ
ނޫނޭވާ ގަދަ
31 May 2020
މެއި 18ން30ށް ރާއްޖޭގެ ކަރވް އިނީ ދިމާ މައްޗަށް. އެންމެ ފަހުގެ ހިސާބުތަކުން ދައްކަނީ ޓެސްޓް ކުރެވުނު މީހުންގެ 10 ޕަސެންޓް ޕޮޒިޓިވް ކަމަށް. ކޮންކަހަލަ ކުރިއެރުމެއް ހޯދިގެންތޯ ދިވެހިން މި އުޅެނީ؟ ގެއަށް ބަލި ވައްދައިގެން ލޯބިވާ މާމަ ކާފަމެން ނޫނީ މައިންބަފައިންގެ ދުވަސް ދުއްވާ ނުލެވިގެންތޯ؟ނަމޫނާއަކަށް ބެލި ދެކުނުކޮރެޔާ ފަދަ ތަރައްގީ ތަންތަނުންވެސް އެންމެ ފަހުން ހެދުނީ ގޯހެއްކަމަށް ބަލާ އަލުން ރެސްޓްރިކްޝަންސް މިހާރު އެކުރަނީ އިތުރު. ދިވެހިންގަދަ!
މޯ
31 May 2020
19 މާރިޗުގައި ސަރުކާރު ބަންދުކުރި އިރު މާލެއިން އެއްވެސް ބަލި މީހަކު ނުފެނޭ. 30 މެއި ގައި މާލެއިން 125 ބަލި މީހުން ފެނުނީމާ 31 މެއި އިން ފެށިގެން ސަރުކާރު ހުޅުވުމަކީ ކޮން ފިލޯސަފީއަކުން ކުރާ ކަމެއްބާ؟ ”މީހުން ބަލިޖެހޭ ވަރު މަދީ ތޯ؟
ބޮޑުމީހާ
31 May 2020
މި ގައުމުގެ ހުރިހާ އޮފީސްތަކުގައި ކުރާ މަސައްކަތް އެޗްޕީއޭއަށް ފޮނުވަންޖެހޭ ސަބަބެއް ނުވިސްނުނު.
ޚޮބާ މަގްސަަކީ
31 May 2020
ރައްޔިތުން އަތުންނަގާޓެކުސްފައިސާއިން ޚަރަދުކޮއްގެން އޮފީސްތައް ހުޅުވާ މުސާރަނަގާފަ ރައްޔިތުމީހާ ގިއްގަޅުވާލާ އެއްވެސްޚިދުމަތެއްވެސް ނުދިނުމަކީ ކޮންކަހަލައިންސާފެއް؟ އަނބިދަރިންނާއި އާއިލާބެހެއްޓުމައް ހަލާލުގޮތުގައި އާމދަނީހޯދަން މަސައްކަތްކުރުން ފުރުސތުނުދީ އަނިޔާވެރިވަމުން ދެން ކޮންޑްރާމާއެއްކުޅެންތިއުޅެނީ؟
އަލީ!
31 May 2020
ގިނަ މުވައްްޒަފުންބޭނުންވަނީ ކަމެއްނުކޮށް ގޭގަތިބެގެން މުސާރަހޯދަން!!! ޅޮލް!!
ފާއިޒު
31 May 2020
ތެދެއް ގިނަ މުއަށްޒަފުން! އެކަ މަކު އަހުރެން އޮންލައިންކޮށް ކޮން މެދުވަހަކު މަސައްކަތް ކުރަން!
ރަދުން999
30 May 2020
އަދިނުވޭ އޮފީސްތައް ހުޅުވާކަށް. ހިދުމަތެއް ބޭނުމެއް ނުވާނެ. ރައްޔިތުން ނެތިދިޔާމަ އޮފީސް ހުޅުވަން މަޑުކުރުން ބުއްދިވެރި. އޭރުން ބަލި ނުޖެހޭނެ އެކަކަށްވެސް.
ޤުދުރަތު
30 May 2020
ގޭގައި ތިބޭ ކާފަ/މާމަ މެނާ މެދު ސަމާލު ވުމަށް ހަނދުމަ ކޮށް ދެމެވެ. އެމީހުން ގޭގާ ބައި ތިއްބާފައި ބޭރުން "ހަނދިޔާ" އެއް ގެއަށް ނުގެނެސް ވޭތޯ ބައްލަވަވާށެވެ.