ހައި ކޯޓު: ފިންގަޕްރިންޓް ހުށަޅާ މީހުން ޕާޓީތަކުގެ ދަފުތަރުން އުނިކުރާ މައްސަލަ ވަނީ އިސްތިއުނާފުކޮށްފައި. --މިހާރު ފޮޓޯ/ނިޝާން އަލީ
17 އޮކްޓޯބަރ 2016 - 21:32
1 comments
ސިޔާސީ ޕާޓީތަކުގެ ގާނޫނު އައުމުގެ ކުރިން ޕާޓީތަކުގައި ރަޖިސްޓްރީ ވެފައިވާ މެމްބަރުންގެ ތެރެއިން ފިންގަޕްރިންޓް ހުށަހަޅާފައި ނެތް މީހުން ޕާޓީތަކުން ވަކިކުރަން އިލެކްޝަންސް ކޮމިޝަނުން ނިންމި ނިންމުން ބާތިލް ނުކުރެވޭނެ ކަމަށް ސިވިލް ކޯޓުން ކުރި ހުކުމް މިއަދު އިސްތިއުނާފަށް ހުށަހަޅައިފި އެވެ.
އިދިކޮޅު އެމްޑީޕީ އާއި ޑީއާރްޕީން މި މައްސަލަ ހައި ކޯޓުގައި އިސްތިއުނާފުކޮށްފައި މި ވަނީ އެ ޕާޓީތަކުން ސިވިލް ކޯޓަށް މައްސަލަ ހުށަހެޅި ފަހުން ސިޔާސީ ޕާޓީތަކުގެ ގާނޫނަށް ގެނައި އިސްލާހެއްގެ ސަބަބުން އިލެކްޝަންގެ ނިންމުން ރަނގަޅު ކަމަށް ކުރި ހުކުމާ ގުޅިގެންނެވެ.
ޕާޓީތަކުގެ ގާނޫނު 2013، އައުމުގެ ކުރިން ޕާޓީތަކަށް ސޮއިކޮށްފައި ތިބި މެމްބަރުންގެ ފިންގަޕްރިންޓް ހުށަހަޅަން ނުޖެހޭނެ ކަމަށް ބުނެ އެމްޑީޕީ އާއި ޑީއާރްޕީން ކުރި ދައުވާ ކުރިއަށް ދަނިކޮށް ގާނޫނު އިސްކޮށްފައި ވަނީ ގާނޫނު އައުމުގެ ކުރިން ޕާޓީތަކަށް ސޮއިކުރި މީހުން ވެސް ފިންގަޕްރިންޓް ހުށަހަޅަން ޖެހޭނެ ކަމަށެވެ.
ޕާޓީތަކުގެ ގާނޫނަށް އެންމެ ފުރަތަމަ އަމަލުކުރަން ފެށިއިރު، އެ ގާނޫނު އައުމުގެ ކުރިން ސޮއިކުރި މެމްބަރުންގެ ފިންގަޕްރިންޓް ހުށަހަޅަންޖެހޭނެ ކަމަކަށް ބުނެފައެއް ނެތެވެ. އެކަމަކު އިލެކްޝަންސް ކޮމިޝަނުން މިދިޔަ އަހަރު ނިންމީ ގާނޫނު އައުމުގެ ކުރިން ސޮއިކުރި މެމްބަރުން ވެސް ފިންގަޕްރިންޓް ހުށަހަޅަންޖެހޭނެ ކަމަށާއި ހުށަނާޅައިފި ނަމަ ޕާޓީން ވަކިކުރާނެ ކަމަށެވެ.
ފިންގަޕްރިންޓް ހުށަނާޅާ މީހުންގެ ޕާޓީ މެންބަޝިޕް ގެއްލުމާ އެކު އިދިކޮޅު އެމްޑީޕީ އަށް ވަނީ މެންބަރުން އެންމެ ގިނަ ޕާޓީގެ މަގާމު ގެއްލި، ވެރިކަންކުރާ ޕީޕީއެމް އަށް އެ މަގާމު ލިބިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފފ
18 October 2016
އާއިލާއާއި ބެހޭ ޤާނޫނު 2001 ގައި ތަސްދީޤު ކުރީ އެކަމަކު އެ ޤާނޫނު އައުމުގެ ކުރިން ކޮށްފައި ހުރި ކާވެނިވެސް ސައްހަ އެޤާނޫނުގެ ދަށުން ކުރީގެ ކައިވެނި އިތުރަށް ރަޖިސްޓުރީ ކުރަން ނުޖެހި އޮޓޯއިން ތަޖިސްޓުރީ ވީކަމަށް ބެލުމަށް ނިންމީ!