ހިތަދޫގެ ފިހާރައެއްގައި ކަސްޓަމަރަކު.
03 ޖޫން 2020 - 11:07
19 comments
އައްޑޫގެ ފިހާރަތައް ރޭގަނޑު ނުހުޅުވާ ގޮތަށް އައްޑޫ ސިޓީ ކައުންސިލުން އަނެއްކާ ވެސް ނިންމައިފި އެވެ.
ކައުންސިލުން ނެރުނު ބަޔާނެއްގައި ބުނީ އިކޮނޮމިކް މިނިސްޓްރީން ކުރިން ނިންމާފައި އޮތް ނިންމުމެއްގެ މައްޗަށް ބިނާކޮށް، އަލުން ވިޔަފާރި ގަޑިތަކަށް ގެނައި ބަދަލާ އެކު، ފިހާރަތައް ހުޅުވައިގެން ހިދުމަތް ދެވޭނީ ހެނދުނު 6:00 އިން ހަވީރު 6:00 އަށް ކަމަށެވެ.
ކައުންސިލުން ބުނިގޮތުގައި އެ ވަގުތުތައް ފިޔަވައި އެހެން ގަޑިތަކުގައި ފިހާރަތައް ހުޅުވައިގެން ހިދުމަތް ދިނުމަކީ މަނާކަމެކެވެ.
މީގެ އިތުރުން، އައްޑޫގެ ކެފޭ/ރެސްޓޯރަންޓުތަކުގައި ތިބެގެން ޚިދުމަތް ހޯދޭނީ ހެނދުނު 6:00 އިން ރޭގަނޑު 10:00 އަށް ކަމަށާއި އެ ނޫން ގަޑިތަކުގައި އެ ތަންތަން ހުޅުވުމަކީ މަނާކަމެއް ކަމަށް ކައުންސިލުން ބުނެ އެވެ. ހެނދުނު 6 ން ރޭގަނޑު 10 އަށް ނޫނީ ޑެލިވަރީގެ ޚިދުމަތް ވެސް ނުދޭނެ އެވެ.
ކައުންސިލުން ބުނިގޮތުގައި މިގޮތަށް ނިންމި ނަމަވެސް ކުރިން ވެސް 24 ގަޑިއިރު ހިދުމަތް ދޭން ހުއްދަ ދީފައިވާ ވިޔަފާރިތަކަށް ފުރުސަތު އޮންނާނެ އެވެ. ވިޔަފާރީގެ މުއާމަލާތްތައް ހިންގަންވާނީ ކައުންސިލުން އާންމުކޮށްފައިވާ ގައިޑްލައިންތަކާ އެއްގޮތަށް ކަމަށް ވެސް ބުންޏެވެ.
ކޮވިޑް-19 ގެ ރައްކާތެރިކަމުގެ ފިޔަވަޅެއްގެ ގޮތުން އައްޑޫގައި ދުވަސްތަކެއް ވަންދެން ވިޔަފާރިތައް ބަންދުކޮށް، ޑެލިވަރީގެ ހިދުމަތަށް ބަރޯސާވެފައި އޮތުމަށް ފަހު، ވިޔަފާރިތަކަށް ލުއި ދީފައި ވަނީ މިދިޔަ މަހުގެ މެދުތެރޭގަ އެވެ. ޑެލިވަރީގެ ހިދުމަތް ފަސޭހަކުރުމުގެ ގޮތުން އައްޑޫގައި ވަނީ ހިލޭ ވައިބާ މެރުވެރިކޮށް، އޯޑަރުކޮށް، ޑެލިވަރީގެ ހިދުމަތް ހޯދޭ ގޮތަށް ފަރުމާކޮށްފައިވާ "ލިންކިޓް" ކިޔާ ސިސްޓަމެއް މިދިޔަ މަހުގެ ކުރީކޮޅު ތައާރަފުކޮށްފަ އެވެ.
ކޮވިޑް-19އާ ދިމާކޮށް އައްޑޫގެ ފިހާރަތައް ރޭގަނޑު ބަންދުކުރާ ގޮތަށް އެންމެ ފުރަތަމަ ނިންމީ މިދިޔަ މާޗް މަހުގެ 26 ވަނަ ދުވަހު އެވެ. އެކަމަކު އެކަމާ ގުޅިގެން ގިނަ ބައެއްގެ ކަންބޮޑުވުންތަކާ ގުޅިގެން މާޗް 27 ގައި ކައުންސިލުން އެ ނިންމުން ބާތިލުކުރި އެވެ.
ކޮވިޑް-19 އިން ރައްކާތެރިވުމަށް އައްޑޫގައި ހަރުކަށި ފިޔަވަޅުތަކެއް އަޅަމުން އައި ނަމަވެސް މިހާތަނަށް މި ސިޓީން އެ ބައްޔަށް އެއްވެސް މީހަކު ޕޮޒިޓިވްއެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރަފަރާ
03 June 2020
ސޯބެ ގޯހެއް ނަހަދާނެ. ސޯބެ މިހާރު އެހެރީ އިދިކޮޅުގައި ހުރެ އިދިކީލިވުން އާދަވެފައި.
ޢައްޑޫ މީހާ
03 June 2020
ސެވަންއިލަވަމން ފިހާރަ އައް ވިޔަފާރި ކުރަން ވަޑައިގަންނަވަން ވީނޫންތޯ
ސޯބެ098765
03 June 2020
ކައުންސިލުން މިއުޅެނީ ކީއްކުރަންބާ . ސަރުކާރު އޮތީ ނިދާފަބާ . ރައްޔިތުން ބަލައިގަންނަ ކައުންސިލެއްނޫން . ކުރިޔައް އޮތީ ވޯޓު . ސަރުކާރުން ވިސްނާ.
ޔާމީނު ޖަލުން
03 June 2020
ދިވެހިން ބޭނުމެއްނުވާނެ ކުރީގެ ބޯދާ އެއްވެސް ކަމެއް ބަދަލުކުރާކަށް. 6 އިން 6އަށް ފިހާރަ ހުޅުވީމަ ގިނަ ބަޔަކަށް އޭގެ އިޖްތިމާއީ ފައިދާކުރޭ. އެތަށް ބަޔަކަށް ރޭގަޑނޑު އާއިލާޔާއެކު ވަގުތު ހޭދަކުރެވޭ. އަނެއްކާ ފިހާރަތަކުގެ ސޭލްސްވެސް ވަކި ދަށެއްނުވޭ ކަރަންޓް ބިލު ބޮޑުތަނުން ކުޑަވެ އިންޖީނުގެއަށް ލޯޑު ކުޑަވޭ. ދުނިޔޭގެ ތަންތާނގަވެސް އިރުއޮއްސުނީމަ ވިޔަފާރިއާއިގެން ތެޅިފޮޅޭކަށް ނޫޅޭ. ހުޅުވާފަ ހުންނާނީ 24 ގަޑިއިރު ޚިދުމަތްދޭ ސެވަން އިލެވެން ފަދަ މާޓްތައ
އަހައްމަދު
03 June 2020
ދަންނަވަންތޯ؟ ދިވެހިންނަކީ ހައްދު ފަހަނަޅާފައިވާ މިނިވަންކަމާ އެކު އުޅެން ދަސްވެފަތިބި ބައެއް. ވަކިން ހާއްސަކޮށް މިހާރު މިއޮތް ޖީލަކީ އަޅުވެތިކަމުގެ ރަހަ ދުވަހަކުވެސް ލާފަތިބި ބައެއްނޫން. މިހާރުގެ ދިވެހިންނަކީ ތިބުނާގޮތަށް އުޅެން ދަސްވެފަ ތިބިބައެއްވެސް ނޫން. ފިހާރަތައް 24 ގަޑިއިރު ހުޅުވާފަ ނުބަހައްޓަންޏާ ދިވެހިންނަށް ކަމަކު ނުދާނެ. ރަށުތެރޭގަ އެނބުރެން ބޭނުންވާނެ. އެވަރިހަމަ މުޅި ރަށުތެރޭގެ އެތަންމިތާ ވައިރަސް ފެތުރުނަސް.
އައްޑޫގެ ޙާލަތު
03 June 2020
މުޅި އައްޑޫ މިއޮތީ ގޮނޑުވެފާ. މިފަހުން ކުރި ވިއްސާރއިގައި ގިނަ ގެތަކަށް ބޮޑެ ގެއްލުން ލިބި އައްޑޫގެ ނިކަމެތިކަން ވަނީ އިތުރުވެފައި. ރިސޯޓުތަކުން އެތަކެއް ބަޔަކު ކަނޑަލާ އެތަކެއް ޢާއިލާ ވަނީ ނިކަމެތިވެފައި. ދަރަނިވެރިކަމުގާ.މަގުތަކާޢި ޕާކުތައް ވަނީ ނަޖިސްވެ ތަޢައްޔަރުވެފައި. ސާފުތާހިރުކަމެއް ނެތް. މަގުމަތީގައި އުޅެ ކުދިން ވަނީ ގިނަވެފައި. ވައްކަމާއި މާރާމާރީ އާއި މަސްތުވާތަކެތީގެ މައްސަލަތަށް އިންތިހާއަށް އިތުރުވެއްޖެ. މިވަރު ޚުލާސާއަކަށް ފުދޭނެ.
އިކޮނޮމިސްޓް ނޮޓް ކެމިސްޓް
03 June 2020
އިކޮނޮމިކް މިނިސްޓްރީ މީ ކީއްކުރަން އޮންނަތަނެއްބާއޭ ހިތަށްއަރާ. މަޖިލީސް މެމްބަރުން ވެސް ދެއަތް އުރާލައިގެން ތިބޭއިރު ކަހާތަން ހިރުވާ ވެސް ނުލާ ރައްޔިތުން ފަނާވެ ބިކަ ވާއިރުވެސް. އެކަމަކު ވޯޓު ހޯދަންވީމާ އިންސާފުގެ ދަތުރު ފަށާނެ. ނޫއިގްތިސޯދު ކިޔާނެ. ރަނުން ރަނަށް ނުކޮށްދޭކަށް ކަމެއްނޯވޭ. މަންޒިލެއްނެތް ދަތުރެއް ސަހާދެއް މިބުނީ.
ލޮނުމެދުފަޓާސް
03 June 2020
އޭ ކިހިނެއް ތިވަނީ، ރައްޔިތުން ފަނާވެ ބިކަވާތީ ރައްޔިތުންގެ ތިޖޫރި އެއްވެސް މިނެއްނެތި ހުޅުވާލަންވީތޯ، ހަދަންވީ ގޮތެއްވެސް ބުނެބަލަ، ރާއްޖޭގަ އޮތް ލޮކްޑައުން އެއްކޮށް އުވާލަންވީތޯ، ހަދަންވީ ގޮތެއްވެސް ޚިޔާލެއްވެސް ދެއްވިނަމަ..........
ކެޕްޓަން ކުމާރު
03 June 2020
ވަރަށް މުޢުތަބައްރުގޮތަކަށް އެގިފައިވާގޮތުން ސިޓީ ކައުންސިލުން މީގެ 10 ވަރަކަށް ދުވަސް ކުރިން ގޭދޮށު މަސް ފެކްޓަރީ ޕްރޮޖެކްޓް 11 މިލިއަން ރުފިޔާ އަށް ކުޑަ ބިންކުއްޔަކަށް އަދި ބޮޑުބައި އަމިއްލައަށް އިންވެސްޓްކުރާގޮތަށް ހުށަހަޅާފަ އޮތްވާ 6 މިލިއަން ރުފިޔާ އަށް ކައުންސިލަރުން ތަކަކާއި އަރިސް ކުންފުންޏެއް ކަމުގައިވާ އެލްނާތް މޯލްޑިވްސް 125000 އަކަފޫޓާއެކު ދިން މައްސަލަ ވަނީ އޭސީސީގައި. މިހާރުން މިކަމުގައި މަޢްލޫމާތު ފޯރުކޮށްދެއްވުމަށް ދަންނަވަން.
ބޮނޑަގޭ ދޮންއަލިއެ
03 June 2020
ހަރުކަށި ނިންމުންތައް ނިންމަނީ ދެތިން މީހުން ގެ ފިކުރަށް. މިހާރު އޮތް ގޮތުން އާއްމު ފިހާރަތައް ހެނދުނު 6 އިން ހަވީރު 6 އަށް. ރެސްޓޮރަންޓް ކެފޭތައް ހަވީރު 6 އިން ރޭގަޑު 10 އަކަށް. ކޮވިޑް ފެތުރުން ހުއްޓުވާން ރައްޔިތުން ގޭގައި ތިބޭނެ ވަގުތަކީ ރޭގަޑު 10 އިން ހެނދުނު 6 އަށް. ވަރަށް ފުރިހަމަ ނިންމުމެއް ދެއްތޯ. ކޮވިޑްއޭ ބުނެ ދެކޮޅު އަރައިރުންވާ ނިންމުން ނިންމުމުގެ އެވޯޑެއް މަމެންގެ މެޔަރު އަށް ދޭންޖެހޭނެ ދައުރު ނިމި ފޭލިވެގެން ދާއިރުގާ
ޑާޑާ
03 June 2020
އަވައްޓެރި ސްރީލަންކާގަ ކޮންމެރެއަކު 10ން 4ށް ކާފިއު އެހެން ގަޑި ތަކުގަ ފިހާރަތައް ހުޅުވައިގެން ވިޔަފާރި ކޮށް އުޅެވޭކަމަށް ހަބަރުތައް ލިބެނީ. ދަތުރުފަތުރުކޮށް އުޅުންވެސް ކުރިން މިބުނި ގަޑިތަކުގަ ނޫން އެހެން ހުރިހާ ވަގުތެއްގަ ހުއްދަ، އެއީވެސް ކޮވިޑް19 އާ ގުޅިގެން ކަމަށް ވަނީ، އަނެއްކާ ހަފްތާއަކު އެކެއް ނޫނީ ދެދުވަހު 24 ގަޑިއިރު މުޅި ގައުމުގަ ކާފިއު، ދެކޮޅު ޖެހޭބާ!؟ މިވާގޮތެއް އިނގޭބާ!؟
ޖާސިމް
03 June 2020
ދެން މިކަންވެސް އަޅުވާ އެޗްޕީއޭ ބޮލުގައި. ބައެއް ކައުންސިލްތަކުން ކުރަނީ އެޗްޕީއޭއަށްވެސް ޖެއްސުން.
އަހް
03 June 2020
ދެން ކޮން ޖެއްސުމެއް ކުރާކަށް މިއަތޮޅުގަ ބައްޔެއްވެސް އޮތީކީއެއްނޫން، ހަމަ މޮޅުގޮތެއް ހަދަން. ރައްޔިތުންނަށް ފައިދާހުރި ކަމެއްގަ ވަގުތުތައް ހޭދަކުރެވޭތޯ ބަލާބަލަ