މާފަރު އެއާޕޯޓު: ރީޖަނަލް އެއާޕޯޓްސް ކުންފުނިން މަސައްކަތް ކުރަމުން އަންނަނީ މިއަހަރު ފަހުކޮޅު ޝެޑިއުލްޑް ފްލައިޓް ފެށުމަށް.-ފޮޓޯ: މާފަރު އެއާޕޯޓު ފޭސްބުކް ޕޭޖް
04 ޖޫން 2020 - 01:16
14 comments
ކޮވިޑް-19 ފެތުރޭތީ ރާއްޖެ އަށް މީހުން އައުން މަނާކޮށްފައި އޮތުމަށް ފަހު، ޓޫރިޒަމަށް ރާއްްޖެ އަލުން ހުޅުވައިލާ އިރު އުއްމީދުކުރާ ވަރަށް އެއާލައިންތައް ނައުން އެކަށީގެންވާ ކަމަށާއި ގިނައިން އަންނާނީ ޕްރައިވެޓް ޖެޓްތައް ކަމަށް ބެލެވޭތީ އިތުރު ދެތިން އެއާޕޯޓަކަށް ޕްރައިވެޓް ޖެޓް ޖެއްސޭނެ ގޮތެއް ހެދޭތޯ ބަލަމުން އަންނަ ކަމަށް ޓްރާންސްޕޯޓް އެންޑް ސިިވިލް އޭވިއޭޝަން މިނިސްޓްރީން މިރޭ ބުނެފި އެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީން މިރޭ ބޭއްވި ވާޗުއަލް ބައްދަލުވުމެއްގައި ޓްރާންސްޕޯޓް މިނިސްރީގެ ސްޓޭޓްް މިނިސްޓަރު އަހުމަދު ޒުހައިރު ވިދާޅުވީ އެހެން އެއާޕޯޓްތަކަށް ޕްރައިވެޓް ޖެޓް ޖައްސަން ހުއްދަ ދޭނީ ޓްރާންސްޕޯޓް މިނިސްޓްރީގެ ގައިޑްލައިންތަކާ އެއްގޮތަށް ތައްޔާރުވާ ތަންތަނަށް ކަމަށެވެ. އޭނާ ވިދާޅުވީ ގައިޑްލައިން ތައްޔާރުކުރަމުން އަންނަނީ އަޔާޓާ އާއި އައިކާއޯ އަދި ރާއްްޖޭގެ ހެލްތު ޕްރޮޓެކްޝަން އެޖެންސީގެ ގައިޑްލައިންތަކަށް ބަލައިގެން ކަމަށެވެ.
"އަޅުގަނޑަށް ހީވަނީ ފުރަތަމަ ފައްޓައިގަންނަ އިރަކު އެކްޕެކްޓޭޝަންސްއާ އެއްވަރަކަށް ނާންނާނެ. އަޅުގަނޑަށް ހީވަނި ބޮޑަށް އަންނާނީ ޗާޓާސް އަދި ޕްރައިވެޓް ޖެޓްސް އެއްޗިހިހެން. އަޅުގަނޑުމެން މި ބަލަނީ މާލޭގެ އިތުރުން އެހެން ދެތިން އެެއާޕޯޓެއް ވެސް ޕްރައިވެޓް ޖެޓްތައް ޖެއްސޭ ގޮތަކަށް. އަޅުގަނޑުމެން މި ތައްޔާރުކުރާ ގައިޑްލައިނާ އެއްގޮތަށް އެ ބޭފުޅުންނަށް ތައްޔާރުވެވިއްޖެއްޔާ އެތަންތަނަށް ވެސް އޮޕަރޭޓްކުރަން ހުއްދަ ދޭން،" އޭނާ ވިދާޅުވި އެވެ.
ނ. މާފަރުގައި ހަދާފައިވާ އެއާޕޯޓަކީ މިހާރު ޖެޓްތައް ޖައްސާ އެއާޕޯޓްތަކުގެ އިތުރުން ދެން އެންމެ ބޮޑަށް ތައްޔާރުވެފައި އޮތް ތަން ކަމަށް ވާތީ ޓްރާންސްޕޯޓުގެ އަމާޒަކީ އެއީ ކަމަށް ބެލެވެ އެވެ. ވެލާނާ އިންޓަނޭޝަނަލް އެއާޕޯޓްގެ އިތުރުން އަތޮޅު ތެރޭގައި ހުރި ބައެއް އެއާޕޯޓްތަކަށް ވެސް ޖެޓްތައް ޖެއްސެ އެވެ.
ޒުހައިރު ވިދާޅުވީ ރާއްޖެ އަށް ދަތުރުތައް ފަށަން ޝައުގުވެރިވާ އެއާލައިންތައްް ގިނަ ކަަމަށާއި ބޯޑަރު އަލުން ހުޅުވާނެ އިރެއް ބަލަން އެ އެއާލައިންތަކުން ގުޅަމުން ވެސް އަންނަ ކަމަށެވެ. ދުނިޔޭގެ ހުރިހާ ގައުމެއް ވެސް އަދި ތިބީ ގޮތް ނިންމަން ނޭނގޭ ހާލަތެއްގައި ކަމަށާއި އެއާލައިންތައް އައުން ބިނާވާނީ ގައުމުތައް ހުޅުވާ މިންވަރެެއްގެ މައްޗަށް ކަމަށް އޭނާ ވިދާޅުވި އެވެ.
"އަޅުގަނޑަށް އުއްމީދުކުރެވެނީ ކުރިއަށް އޮތް ދެތިން ހަފްތާއެއް ތެރޭގައި ގާތްގަނޑަކަށް އެނގޭނެ ކަންނޭނގެ ޑިމާންޑް އަންނަ ވަރެއް، "އޭނާ ވިދާޅުވި އެވެ.
ކޮވިޑް-19 ފެތުރޭތީ ރާއްޖޭގެ ބޯޑަރުތައް ބަންދުކުރީ މާޗް މަހު އެވެ. ސަރުކާރުން މިހާރު ތައްޔާރުވަމުން އަންނަނީ އަންނަ މަހު ރާއްޖޭގެ ބޯޑަރުތައް ހުޅުވާލައި، ޓޫރިޒަަމް އަލުން ފެށުމަށެެވެ. ކޮވިޑް-19 ފެތުރުމުގެ ބިރާ އެކުގައި އެ ސިނާއަތު ކުރިއަށް ގެންދާނެ ރައްކާތެރިކަމުގެ ގައިޑްލައިނެއް ވެސް މިހާރު ވަނީ އެކުލަވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޅުކަލޭގެވިކިފަ
04 June 2020
ހަނިމާދޫ އަދި ގަން ތަރައްޤީވީމަ ރައްޔިތުންނަށް ފައިދާވާނީ. ކޮންމެ ރިޒޯޓު އޯނަރަކު އަމިއްލަ އެއަރޕޯޓެއް ހަދާ ލޭންޑިން އަދި ހެންޑްލިންގުން އަމިއްލައަށް ލާރިނަގަން ކައިރރީގަ އެއަރޕޯޓެއް އަޅާގެން ރައްޔިތުންގެ އެއަރޕޯޓުތަކަށް ފައިސާ ނުވަންނަ ގޮތަށް ހަދާނެ ކަމެއްނެތް. ޖެޓުތަށް ޖައްސަންވާނީ ރައްޔިތުންގެ އެއަރޕޯޓުތަކަށް. އެފައިސާ ލިބެންޖެހޭނީ ރައްޔިތުން ގެ ރީޖަނަލް ހަބް ތައް ތަރައްޤީކުރަން.
ކރެބނސބ33
04 June 2020
ބަލަ މާފަރު އެއަރޕޯރޓް އެއޮތީ ހުޙަށް
ފަރުދު
04 June 2020
ރާއްޖެ ތެރޭގައި އެންމެ ފުރަތަމަ ދިވެހި ސަރުކާރުން ޚަރަދު ކޮށްގެން ހެދި އެއަރޕޯރޓް އެގޮތަށް އޮވެ ވީރާނާވެގެން ދާއިރުވެސް އެތަން އިތުރަށް ތަރައްޤީ ކުރުމަކަށް އެއްވެސް ސަރުކާރަކުން އެއްވެސް ކަހަލަ ސަމާލު ކަމެއް ނުދެއްވާ ! ދިވެހި ސަރުކާރުގެ ހުރިހާ ކަމެއް ހުރިހާ ދައުރެއްގައިވެސް ރާއްވަވަމުން ގެންދަވަނީ ޤައުމުގެ ކުރިމަގަށް ވުރެ ބޮޑަށް ސިޔާސީ ފައިދާތައް ކުރިޔަށް ނެރުއްވައިގެން ! ކަންކަމަށް ހިނގާ ޚަރަދުތައް އިންތިހާއަށް ބޮޑުވެގެން ދަނީ ވެސް އެހެންވީމަ!
ހުޢްޓުވާ
04 June 2020
ދާލުގަ ޔުނިވާރސަލް، ޅަވިޔަނިގަ ކްރައުންޗަމްޕާ، އދގަ ގާސިމް. މޯލްޑިވިއަން އަދި އެމްއޭސީއެލް ދަތި ހާލުގަ ދިން ޚިދުމަތްތައް ހަދާނުން އެދިޔައީ. ދެން ހުރިހާ ފަހިކަމެއް އޮންނާނީ ޓީއެމްއޭ، މަންތާ އަދި މިބުނި އެއަރޕޯރޓުތަކަށް. ވިޔަފާރިވެރިންނާ އެކުވެގެން ސިޔާސީ މީހުންތައް ޤައުމު ކައިހުސްކޮއް ނަގަނީ.
އަޅުކަލޭގެ
04 June 2020
ދެން ކިހިނެތް ހަދައި ދޭންވީ. އިންވެސްޓް ނުކުރާންވީތަ؟ ނޫނީ ކޯޓާއެއް ހަދަންވީތަ ކޮންމެ މީހަކަށްވެސް އެއްރިސޯޓު ހެދޭގޮތަށް؟ ކަލެއަށް ދީފިއްޔާ ހެދޭނެތަ؟ އިންވެސްޓް ކޮށްގެން އެމީހުން " ޤައުމު ކައިހުސްކުރާތީ" ގައުމަށް ޓްކްސް އާމްދަނީ ހޯދާ، މުވައްޒަފުންނަށް މުސާރަދީ ހެދުން ހުއްޓާލަން ވީތަ؟
ކަލޭގެ
04 June 2020
އަޅުކަލޭގެ. މުވައްޒަފުންނަށް މުސާރަދޭ ވާހަކަ ދައްކަން ލަދުގަނެބަލަ. ކޮވިޑް19 ގެ ހާލަތުގަ ތިބުނާ "އިންވެސްޓަރުން" މީހުންތައް ކަނޑާ އުކާ ނެގީ. އަދި މިއުޅެނީ އެނިކަމެތި މުވައްޒަފުން އެހާލުން އަރާނުގަނެވި. ކަލޭގެ ލަދެއް ހަޔާތެއް ނެތެއްނު މުސާރައޢ ކިޔާފަ އަނގަހުޅުވަން. "އިންވެސްޓް: ކުރާތީ އޭ. ފައިސާ ހުރީތީއޭ ކިޔާފަ ދައުލަތަށާއި އާންމު ރައްޔިތުމީހާއަށް ގެނލުންވާގޮތަށް ރައްޔިތުންގެ މުދާ ދީ ހުސްކުރާކަށްނުޖެހޭ.
ހެޔޮނުވާނެ
04 June 2020
ކަންތައްތައް މިދަނީ އެއްކަލަ މަޓީ ގްރޫޕް ބޭނުންވާގޮތައް އެމީހުންގެ މުށުތެރޭ ރާއްޖޭގެ އެކޮނަމީ ބޭއްވޭގޮތައް. ރާއްޖެ ނިކަމެތިވި ވަގުތު ރައްޔިތުން ބަނޑަށް ގެތަކުގަ ތަޅުއަޅުވާފަ އެމީހުންނަަށް ސަރުކާރުން ހިބަކޮއްދީފަހުރި (ރައްޔިތުންގެ ރަށްތަކުގަ) އަރާމުގަ އުޅެލާފަ، ހާލަތު ރަނގަޅުވާން ފެށުމުން ނުކުމެ މޭޒުދަށުންނާ މަތިން ސަރުކާރުގެ ބޮޑުންނަށް ބައި އަޅާގެން ރައްޔިތުންގެ މުދާ ކާންފެށީ.
މަންނާނު
04 June 2020
ސީޔާސީ ފަރާތްތަކަށް ހަމައަށް ބައިއެޅޭގޮތައް ތިކަންކުރަން ތިއުޅެނީ މާމިގިލި އެއާޕޯޓް ބޭނުންކުރަން ތިހުރިހާ ސަކަރާތެއް ތިޖަހަނީ ރާއްޖެއަށް ލިބޭރުފިޔާކޮޅު ސިޔާސީވެރިންނަށް ބައިއަޅަނީ
ނިރު
04 June 2020
ލިޔުމުގަ ވިލާ އެއަރޕޯޓްގެ ނަން ނެތަސް ލިސްޓްގެ އެންމެ ކުރީގަ އޮންނާނެހެން ހީވަނީ ވިލާ އެއަރޕޯޓް ނަން... ޤާސިމް ޗުއްޓީ ކުރުކޮއް ލައްވާފަ ވޯޓްދޭން މާލެ ވަޑައިގަތީ ވަކި މަގުސަދެއްގަ
ކަލީމާ
04 June 2020
ހަނިމާދޫގައި އޮންނާނެ ވ ފެންވަރު އިންޓަރނޭޝަނަލް އެއަރޕޯޓެއް
ކަލީމާ
04 June 2020
ހަނިމާދޫ އެއަރޕޯޓް ތަރައްޤީ ނުކުރާތި ޖެޓެއް ޖެއްސޭ ވަރަށް. އިންޓަރނޭޝަނަލް ބޯޑު އަޅުވާފަ ބައިންދާ. ލާހިކެއް ނޫން އުތުރުގެ ވޯޓް ލިބޭކަށް. ޔާމީނަށް ވީގޮތް ވާނީ 2023 ގަ. ޔާމީނުވެސް އައިހެވަން އޭ ކިޔާފަ ހުވަފެން ދެއްކީ
ކަސަބު
04 June 2020
ތިހެން އަންނަ މީހުނާ އެމީހުން ތިބޭނެ ރިސޯޓުތަކުގެ ހުރިހާ މުވައްޒަފުން އެރިސޯޓެއްގައި ތިބުން މަޖްބޫރު ކުރަންޖެހޭ. ސަޕްލައި ދޯނިތަކުގައިވެސް ހަރުދަނާ ފިޔަވަޅުތައް އަޅަންޖެހޭ.