ނިއު ޒީލެންޑުގެ ލޮކްޑައުން އަށް ލުއި ދިނުމާ އެކު ބައެއް މީހުން ބޭރުގައި. --ފޮޓޯ:އޭއެފްޕީ
05 ޖޫން 2020 - 16:41
13 comments
ވެލިންޓަން (ޖޫން 5) - ނިއު ޒީލެންޑުގެ ގާތްގަނޑަކަށް ފަސް މިލިއަން މީހުންގެ އާބާދީގެ ތެރޭން އެ ގައުމުގައި މިހާރު ހުރީ ކޮރޯނާވައިރަހަށް ޕޮޒިޓިވް އެންމެ މީހެއް ކަމަށް އޮފިޝަލުން ބުނެފި އެވެ.
ނިޒު ޒީލެންޑުގައި ހުރި ހަމައެނި ކޮވިޑް-19 ގެ ބަލި މީހާ ވެސް އޮތީ ހޮސްޕިޓަލުގައެއް ނޫނެވެ. އެ ގައުމުން ކޮރޯނާވައިރަހުގެ އާ ކޭސްއެއް ނުފެންނަތާ މިހާރު ޖެހިޖެހިގެން 13 ދުވަސްވެއްޖެ އެވެ. އެއްވެސް މަރެއް ރިޕޯޓްކޮށްފައެއް ނުވެ އެވެ.
ނިއު ޒީލެންޑުން ވަނީ ކޮރޯނާވައިރަހަށް 1,504 މީހުން ޕޮޒިޓިވްވެ 22 މީހުން މަރުވެފަ އެވެ. އެ ބަލިން ވަނީ 1,481 މީހުން ރަނގަޅުވެފަ އެވެ.
އެހެންވެ ސޯޝަލް ޑިސްޓެންސިން ފަދަ ފިޔަވަޅުތައް އުވާލުމަށް ފަހު، އަންނަ ހަފުތާ އިން ފެށިގެން ނިއު ޒީލެންޑް އާއްމު ހާލަތަށް ގެނެވޭނެ ކަމަށް އޮފިޝަލުން ވަނީ ބުނެފަ އެވެ.
ބޮޑު ވަޒީރު ޖަސިންޑާ އާޑާން ވިދާޅުވީ ފިޔަވަޅުތަކަށް ލުއިދީ އެލާޓް ލެވަލް އެކަކަށް ދަށްކުރުމާ މެދު ހޯމަ ދުވަހު ގޮތެއް ނިންމަވާނެ ކަމަށެވެ. ލޮކްޑައުން އެއްކޮށް އުވާލަން މިއުޅެނީ އެލާޓް ލެވެލް ހަތަރަކަށް މައްޖައްޗަށް ޖައްސައި، ގައުމު ލޮކްޑައުންކުރިތާ ދެ މަހަށް ވުރެ ގިނަ ދުވަސް ފަހުންނެވެ.
އާއްމު ހާލަތަށް ގެނައުން ބިނާވާނީ ދާދި ފަހުން ލޮކްޑައުން އަށް ދިން ބޮޑު ލުޔާ ގުޅިގެން ކޮރޯނާވައިރަސް ކޭސްތައް އިތުރުވެފައިވާ މިންވަރެއްގެ މައްޗަށެވެ.
ނިއު ޒީލެންޑުގެ އެލާޓް ލެވެލް އެކަކަށް ދަށްކުރި ނަމަވެސް ގައުމުގެ ބޯޑަރު ހުޅުވާލުމުގެ ވިސްނުމެއް އަދި ނެތެވެ. ބޯޑަރު ހުޅުވާލައިފި ނަމަ އިމްޕޯޓެޑް ކޭސްތައް އިތުރުވެދާނެ ކަމުގެ ބިރު ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަމޫނާ
06 June 2020
ނަމޫނާ ގައުމެއް ތިފަދަ ކަންކަމުން ދޭހަވަނީ ގައުމު ހިންގަމުންދަނީ ހެދިފައިވާ ރަނގަޅު އޮނިގަނޑެއްގެތެރެއިންކަން
ފޫބު
06 June 2020
ދިވެހިންގެ އަހުލާގު އެއީ ހުރިހާވެސް މައްސަލައަކީ. ދެން ދިވެހިރާއްޖޭގެ ބިދޭސީން ދެން މާލޭ ގެ ސިޔާސަތު
.falcon_autho
05 June 2020
މިބިންމަތީގަ މާލެސިޓީ ނޫނީ ނޯންނާނެ މިޔަށް ވުރެން ވަކިން ބޮޑަށް އާބާދީ ތޮއްޖެހިފަ އޮތް ސިޓީއެއް. މިޔައްވުރެން ވަކިން ގިނައިން ބިދޭސީ މަސައްކަތު މީހުން ތޮއްޖެހިފަ އޮތް ސިޓީއެއް. މިޔައްވުރެން ވަކިން ގިނައިން އެއްޗެހި އިންޕޯޓުކުރާ ސިޓީއެއް. ހުރިހާ ގޮންޖެހުމަކާއި އެކުވެސް މިބިންމަތީގަ މާލެސިޓީ ނޫނީ ނޯންނާނެ މިފެންވަރަށް ކޮވިޑް19 ކޮންޓުރޯލް ކޮއްލެވުނު ސިޓީއެއް. ސާބަސް ފުރަންޓްލައިންގަ ތިއްބެހި ހުރިހާ ފަހުލަވާނުންނަށް. ކީޕް ފައިޓިން ސޫން ވީވިލް ވިން.
ނަންނު
05 June 2020
ހޭލުންތެރި ވު މާއި ގޮތްދޫކުރާން ދަސްކުރަންވީ
ނަޖުމުއްދީން
05 June 2020
އުޅެންދެވެންޏާ ދާންވީ ސިންގަޕޫރު ނޫނީ ނިއުޒިލޭންޑަށް.
އަލީގ
06 June 2020
ކަމެއް ނުކޮއް އުޅެވޭވަރައް ފައިސާ ހުރިއްޔާ ސިންގަޕޫރު ރަނގަޅުވާނެ. އެކަމަކު މަސައްކަތްކޮއް ފައިސާ ހޯދަންޖެހެންޏާ ގިނަ ދިވެހިންނައް ކެއްވާވަރައްވުރެ މާ ބުރަކޮއް މަސައްކަތް ކުރަންޖެހޭނެ.
ކަސަބު
05 June 2020
ރާއްޖެއަކީ ހުރިހާ އެއްޗެއްހެން އިމްޕޯރޓް ކުރާ ގައުމެއް. އެހެންވީމާ ބައެއް މީހުން ކޮވިޑް އިމްޕޯރޓް ކުރީ.
ކަރުފެލޭ
05 June 2020
މަބުރޫކޫ.. ހީވޭތަ ކަމެއް ހެން.. 5 މިލިޔަން މީހުންގެ ޤައުމެއް ގައި ބަލި ޖެހުނީ 1500 މީހުނަށެވެ. މިހާރު ބަލި މީހަކު ނުފެންނަ ތާ 13 ދުވަސް ވެއްޖެއެވެ. މިރާއްޖޭގައި މިހާރު 2000 މީހުން ބަލި ޖެހެން ގާތް ވެއްޖެ އެވެ. އާބާދީ 5 ލައްކަ ވެސް ހަމަ ނުވެއެވެ. އަދި ކޮބާ އެހާ ދޮގު ވެސް އެބަ ހަދައެވެ. އޮޅުވާ ލައެވެ.
2 ލައްކަ އޭ
05 June 2020
ޢަދި ފެތުރެނީވެސް ހަަ މައެކަނި އެެން މެ ރަށަކު
ގަޓް ބްރޯ
05 June 2020
ކަންކަމަށް ގާބިލް އިޚްލާސްތެރި ވެރިންނާ ކިޔަމަންތެރި ރައްޔިތުން ތިބުމުގެ ފޮނި ނަތީޖާ.
ބަޑީ
05 June 2020
މިކަހަލަ ކޮމެންޓްތަކަށް ޖަވާބު ދޭންވެއްޖެއްޔާ ދެން އެހެން ކަމެއް ކުރާނެ ވަޤުތެއް ނޯންނާނެ!! އެކަމުވެސް ހަމަ އެއްޗެއް ބުނެނުލާ ނުހުރެވުނީ. ކުރިންވެސް ތަފާތުފަހަރުތަކެއްގާ އަހާލިފަދައިން، ބަޔެއް އެހެން ޤައުމުތަކާ ރާއްޖެޔާ ވަރަށް ބޮޑެތި ތަފާތުތަކެއް އެބަހުރި. ނިޔުޒީލެންޑަށްވުރެން ރާއްޖޭގަ މީހުން މަދަކަސް، އެ ޤައުމުގާ ބިމުގެ އަކަ ކިލޯމީޓަރެއްގާ ކިތައްމީހުން އުޅޭތޯ؟ އެޤައުމުގާ 20ވެސް ނޫޅޭކަމަށްވަނީ އެކަމު މާލޭގަ 33000 އަށްވުރެގިނަ.
އަލީގ
05 June 2020
ބަޑީގެ ވާހަކައައް ތާއީދު އާބާދީ ބޮޑުވުމައްވުރެ މިކަހަލަ ރޯގާއެއް ފެތުރުމައް އެންމެ ބޮޑައް މަގުފަހިވާނީ އަކަ ކިލޯމީޓަރަކައް އާބާދީޖެހޭ ނިސްބަތް މަތިވިވަރަކައް. އަދި ހަމަމިގޮތައް ރޯގާޖެހުނު މީހުންގެ އަދަދު ދައްވުމައްވުރެވެސް ބޮޑު ކާމިޔާބަކައްވާނީ ރޯގާގަ މަރުވާ މީހުންގެ އަދަދު މަދުކުރެވުނުވަރަކުން. މިހެންބުންޏަސް ރޯގާ މުޅިން ކޮންޓްރޯލްކުރެވުމަކީ ވަރައްބޮޑުކާމިޔާބެއް ރާއްޖޭގަ ހުރިހާ އެއްޗެއް ބޭރުން ގެންނަންޖެހޭތީ މުޅިން ކޮންޓްރޯލްކުރުން ދަތިވާނެ.
ާަބޫލޫބޭ
05 June 2020
ގައުމު ތަކުގެ ނަންކިޔަން އެގުނަކަސް އަދި ކަމަކު ނުދާނެ. ޏިއުޒިލެންޑް ރަށްޔިޔުންނަކީ ކިޔަމަންތެރި ބައެއް.ލުއިދިނީމަ މިހާރުވެސް މާފަންނު ކޮޅު ލަކުޑިގުދަންތަކުގަ އެތިބެނީމީހުން ޖަމާކޮއްގެން ސިގިރޭޓްބޯށާ ސަޅިބައިސާކަޑަން. އަދި މާލޭގަ މިއުޅޭގޮތަށް ގެއަކު200މީހުނެއްނޫޅޭނެ.