ވިޔަފާރި / އެމްޓީސީސީ

ފުވައްމުލަކުގެ މަގުތައް އަންނަ މަހު ހަދަން ފަށާނެ

ފުވައްމުލަކުގެ ރިންގްރޯޑުގައި އަލަށް ތާރު އަޅާ ސަރަހައްދުގައި ޕޭވްމަންޓު ހަދަން ތައްޔާރުކޮށްފައި.---ފޮޓޯ: މިހާރު

އިދުހާމް ނައީމް، މިހާރު

10 ޖޫން 2020 - 20:13

3 comments

ފުވައްމަލަކުގެ މަގުތައް ހެދުމުގެ އަމަލީ މަސައްކަތް އަންނަ މަހު ފަށާނެ ކަމަށް އެމްޓީސީސީން މިއަދު ބުނެފި އެވެ.

ފޭސްބުކްގައި މީހަކު ކުރި ސުވާލަކާ ގުޅިގެން އެ ކުންފުނީގެ މެނޭޖިން ޑިރެކްޓަރު އާދަމް އާޒިމް ވިދާޅުވީ، މިހާރު ވެސް އެ މަގުތަކުގެ ޕްލޭނިންގެ ގިނަ މަސައްކަތްތަކެއް ކުރިއަށް ގެންދާ ކަމަށެވެ. މީގެ ތެރެއިން ބައެއް މަސައްކަތްތައް ފުވައްމުލަކުގައި ހުންނަ އެމްޓީސީސީގެ ހެޑް އޮފީހުގައި ކުރިއަށް ގެންދާ ކަމަށް އޭނާ ވިދާޅުވި އެވެ.

އާޒިިމް ވިދާޅުވިގޮތުގައި، ފުރިހަމަ މަގުތަކެއް ފެންނާނީ ފުރިހަމަ ޕްލޭނެއް ހަދައިގެންނެވެ. އެހެންކަމުން ޕްލޭން ތައްޔާރުކޮށް، އަންނަ މަހު އެ މަސައްކަތް ހަލުވި ކަމާއެކު ކުރިއަށް ގެންދާނެ ކަމަށް އޭނާ ވިދާޅުވި އެވެ.

Abdulla Jameel Ahmed Maguthah baaru speed ga kuriyah dhaathan July 2020 nimumuge kurin fenigen dhaane IA. Planning ge...
Posted by Adam Azim on Wednesday, June 10, 2020

އާޒިމްގެ ފޭސްބުކް ޕޯސްޓް--

ފުވައްމަލަކުގެ މަގުތައް ހެދުމުގެ މަޝްރޫއު މެދު ކެނޑިފައި އޮތުމަށް ފަހު، އަލުން ފަށާފައިވަނީ މިދިޔަ އަހަރުގެ އޭޕްރީލް 17ގަ އެވެ. ކުރީގެ ރައީސް އަބްދުﷲ ޔާމީންގެ ސަރުކާރުން އެ މަސައްކަތް އެމްއާރުޑީސީއާ ހަވާލު ކުރި ނަމަވެސް އަލުން އެ މަގުތައް ހަދަން ހަވާލުކުރީ އެމްޓީސީސީއާ އެވެ.

މި މަޝްރޫއުގެ ދަށުން ރިންގްރޯޑާއެކު، އެ ސިޓީގެ 31 މަގެއްގައި ތާރު އަޅައި ރަނގަޅު ފެންވަރަކަށް ހަދާނެ ކަމަށް އެމްޓީސީސީން މީގެ ކުރިން ވަނީ ބުނެފަ އެވެ. އެގޮތުން އެތެރޭގެ މަގުތަކުގެ ތެރެއިން ތާރު އަޅާ މަގުތަކުގެ ދިގުމިނަކީ ގާތްގަނޑަކަށް 16 ކިލޯމީޓަރެވެ. ރަށުގެ ރިންގްރޯޑުގެ ވަކި ހިސާބެއްގައި މިހާރު ތާރު އަޅާފައިވީ ނަމަވެސް އެ މަގުގައި އަލަށް ތާރު އަޅާ ސަރަހައްދުގެ ދިގުމިނަކީ 2.9 ކިލޯމީޓަރެވެ.