އައްޑޫ ހިތަދޫގެ މަގަކުން 100،000ރ. ހޮވި ބިދޭސީ މީހާގެ އަގުވަޒަންކޮށް، ފައިސާގެ އިނާމެއް އިއްޔެ ދީފި އެވެ.
ސިޓީއުރައެއްގައި އޮތް 100،000ރ. ހޮވީ ބަންގްލަދޭޝް މީހެއް ކަމަށްވާ އެމް.ޑީ ކަމާލް ހޮސައިން މިދިޔަ ހުކުރު ދުވަހެވެ. އެ ފައިސާތައް އޭނާ ފުލުހުންނާ ހަވާލުކުރުމުން މިދިޔަ ހޮނިހިރު ދުވަހު އެ ފައިސާގެ ވެރި ފަރާތް ހޯދައި ހަވާލުކޮށްފައި ވެ އެވެ. ފައިސާގެ ވެރި ފަރާތް އަލީ އަބްދުއްސައްތާރު ވަނީ ކަމާލް ހޮސެއިން އަށް ޝުކުރު އަދާކޮށްފަ އެވެ.
ހިތަދޫ ޕޮލިސް ސްޓޭޝަންގައި އިއްޔެ ބޭއްވި ރަސްމިއްޔާތެއްގައި ފުލުހުން ވަނީ ކަމާލް ހޮސެއިންގެ އިހުލާސްތެރިކަމާއި ތެދުވެރިކަން އަގު ވަޒަން ކުރުމަށްޓަކައި ހަނދާނީ ލިޔުމަކާއި ހަދިޔާއެއް ދީފަ އެވެ. އޭނާ އަށް ހަނދާނީ ލިޔުން ހަވާލުކޮށްދެއްވީ ސައުތު ޕޮލޮސް ޑިވިޝަންގެ ކޮމާންޑަރު އަމީން އަބްދުލް ގައްޔޫމެވެ.
އެ ފައިސާގެ ވެރި ފަރާތް އަލީ ވަނީ ކަމާލް ހޮސެއިން އަށް ފައިސާގެ އިނާމެއް ވެސް ދީފަ އެވެ. އަދި އޭނާ ހިންގާ ހޮޓަލުން އެއް މަސްދުވަހުގެ ކެއުން ހިލޭ ލިބޭނެ ގޮތް ވެސް ހަމަޖަައްސަދީފައި ވެ އެވެ. އެއްވެސް ދުވަހަކުން ކަމާލް ވަޒީފާއެއް ނެތިއްޖެ ނަމަ، ކަމާލް އަށް ވަޒީފާއެއް ދޭނެ ކަމަށް ވެސް ބުނެފައި ވެ އެވެ.
