ކެނެރީފް ރިސޯޓު: ހޯމަ ދުވަހުން ފެށިގެން ބަންދުވާނެ ކަމަށް ވަނީ ބުނެފައި.
13 ޖޫން 2020 - 20:28
15 comments
އައްޑޫގައި ހިންގާ ކެނަރީފް ރިސޯޓުގެ މާލީ ހާލަތު ދަށްވުމުގެ ސަބަބުން ދެ އަހަރަށް ބަންދު ކުރަން ނިންމާފައިވާ ކަމަށް އެ ރިސޯޓުން މިއަދު ބުނެފި އެވެ.
އެ ރިސޯޓުގެ ޑިޕާޓްމެންޓު މެނޭޖަރަކު ނަން ހާމަނުކުރަން އެދި "މިހާރު" އަށް ވިދާޅުވީ 2014 ވަނަ އަހަރުން ފެށިގެން މިއަދާ ހަމައަށް ރިސޯޓު ހިންގަމުން އައީ 21 މިލިއަން ޑޮލަރުގެ ގެއްލުމެއްގައި ކަމަށެވެ. މިހާރު ވިސްނާފައި އޮތީ އަންނަ ހޯމަދުވަހު ރިސޯޓު ބަންދުކުރުން ކަން ރިސޯޓުގެ ޖެނެރަލް މެނޭޖަރު މިއަދު އަންގާފައިވާ ކަމަށް އޭނާ ވިދާޅުވި އެވެ.
ކެނެރީފް ރިސޯޓު 2014 ވަނަ އަހަރުން ފެށިގެން ހިންގަމުން އަންނަނީ ސިންގަޕޫރުގެ ކްރެސަންޑަސް ކުންފުނިންނެވެ. އެ ރިސޯޓު ބަންދު ކުރަން ނިންމީ ސިންގަޕޫރުގައި ހުންނަ ރިސޯޓުގެ މައި އޮފީހުން ކަމަށް ވެސް ޑިޕާޓްމެންޓް މެނޭޖަރު ވިދާޅުވި އެވެ.
އޭނާ ވިދާޅުވި ގޮތުގައި ރިސޯޓު ހިންގުމުގައި ސަރުކާރުން ލިބެން ޖެހޭ އެއްބާރުލުން ނުލިބޭތީ ވެސް ރިސޯޓުގެ ޖެނެރަލް މެނޭޖަރު ވަނީ ކަންބޮޑުވުންފާޅުކުރައްވައިފަ އެވެ. އެ ރިސޯޓު ހިިންގުމުގައި ދިމާވާ ދަތިތައް ސަރުކާރާއި ހިއްސާ ކޮށްފައިވާއިރު އަދިވެސް ޓޫރިޒަމް މިނިސްޓްރީގެ ބަހެއް އެކަމާ ގުޅިގެން ލިބިފައި ނުވާ ކަމަށް އޭނާ ވިދާޅުވި އެވެ.
ރިސޯޓު ހިންގުމަށް ދިމާވާ ދަތިތަކުގެ ގޮތުގައި އެ ރިސޯޓުން ފާހަގަކޮށްފައި ވަނީ ގަން އިންޓަނޭޝަނަލް އެއާޕޯޓަށް އަންނަ ބޭރުގެ ފްލައިޓުތައް މަދުވުމާއި މޯލްޑިވިއަނުން ޓޫރިސްޓުންގެ ފެއާ ބޮޑު ކުރުމެވެ.
ސަރުކާރުން އަންނަނީ އެ ރިސޯޓު ކަރަންޓީން ފެސިލިޓީއެއްގެ ގޮތުގައި ބޭނުން ކުރަމުންނެވެ. ނަމަވެސް އެ ފެސިލިޓީގައި މިވަގުތު ތިބި އެންމެންގެ ޓެސްޓު ހެދުމަށް މިއަދު ސާމްޕަލް ނަގާފައިވާއިރު ހޯމަ ދުވަހު އެންމެން ދޫކޮށްލާނެ ކަމަށް އެ ރިސޯޓުން ވަނީ ލަފާ ކޮށްފަ އެވެ. އެހެންކަމުން އެ ދުވަހުން ފެށިގެން އެ ރިސޯޓު ބަންދުވާނެ އެވެ.
ކެނެރީފް ރިސޯޓުގައި މިވަގުތު އައްޑޫ ސިޓީއަށް ނިސްބަތްވާ 200 އެއްހާ މުވައްޒަފުން މަސައްކަތް ކުރެ އެވެ.
ކޮވިޑް-19އާ ގުޅިގެން ރާއްޖޭގެ ޓޫރިޒަމް މަޑުޖެހިފައި އޮތް ނަމަވެސް އަންނަ ޖުލައި މަހުން ފެށިގެން ޓޫރިސްޓުންނަށް ރާއްޖެ ހުޅުވާލަން ސަރުކާރުން އަންނަނީ މަސައްކަތް ކުރަމުންނެވެ. މިއާއެކު ރިސޯޓުތަކުން ވެސް އަންނަނީ ޓޫރިޒަމް މިނިސްޓްރީގެ ގައިޑްލައިނާ އެއްގޮތަށް ރިސޯޓު ހުޅުވުމަށް ތައްޔާރުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޝީދު.
14 June 2020
ތީ ކެނެރީގޭ ރިސޯޓެއްތަ؟ ކެނަރީފް ކިޔާތީ ހަމަ އަހާލީ ...
ޢަހޫ
14 June 2020
ސުރުހީ ކިޔާލާފަ ކުރި ކޮމެއްޓެއްތޯ. ޥަރަށްމޮޅުކަމެއްދޯހިތުންތިކުރީ.
ޝިޔާމް
14 June 2020
އައްޑޫއަތޮޅުގައި ރިސޯޓްތަކާއި ހޮސްޕިޓަލްތަކާއި އެއާޕޯޓްތަކަށް ޖެހޭނީ ތިހާލަތް. އެއީ ބަޔަކު އަޑީގައި ތިބެގެން ހަމަ ކުރިމަތި ކުރުވާ ކަމެއް.
އޮނަރަބްލް އަފީފު ދީދީ
14 June 2020
ރިސޯޓްނުހިންގާ 2 އަހަރުދުވަހަށްތިބުމަކީ ޤަބޫލުކުރެވޭނެ ކަމެއްނޫން. ކައުންސިލުން މިކަމަށް ދެކޮޅުހަދާންޖެހޭނެ. # ހެރެތެރެ ގެސްޓްހައުސް ވިލެޖެއްގެގޮތުގައި 10 ވަރަކަށް ސިޓީހޮޓަލާއިއެކު ތަރައްޤީކުރުމުގެވިސްނުން ނެތްނަމަ ގަމާއި ޗައިނާގެ 3 ސިޓީއަކާއި، ސައުތު އެފްރިކާ، ބޮމްބޭ، އޮސްޓްރޭލިއާ އާއި ގަމާއި ވީކްލީ ޝެޑިއުލް ދަތުރު އެއަރ ބަސް އޭ 330 އަށްވުރެން ކުޑަނޫންބޯޓެއްގައި ބާއްވަދޭބަޔަކަށް 50 އަހަރަށް ރިސޯޓް ހަވާލުކުރޭ. އޭރުން ދެކުނުގެ ޓްއަރިޒަމަށް ދިރުން އަތުވެދާނެ.
އޮނަރަބްލް އަފީފު ދީދީ
13 June 2020
އެމްޑީޕީގެ މެނިފެސްޓޯ ތަންފީޒު ކުރުމައްޓަކާ ވަންއައިލަންޑް ވަންރިސޯޓް ކޮންސެޕްޓްގެބަދަލުގައި ދިހަ 12 ބުރީގެ ސިޓީ ހޮޓަލުގައި ޑަބަލް ބެޑް ރޫމެއް 60 ޑޮލަރަށް ވިއްކުމަށްޓަކާ ހެރެތެރޭގައި މިފަދަ 10 ހޮޓާ ޑިވޮލޯޕް ކުރުމަށް ބިޑަށް ހުޅުވާލައްވާ. # އިތުރަށް ލ. އަތޮޅުގައި މިފަދަ 50 ހޮޓާ ހިމެނޭ ގެސްޓް ހައުސް ވިލެޖެއް ތަރައްޤީ ކުރަން 10 އަކަފޫޓްގެ ބިން ދޫކުރުމަށް ފަހު ހުވަދޫ އަތޮޅުން 80 ރަށް އަގުބޮޑު ރިސޯޓް ތަރައްޤީ ކުރަން ބައިނަލް އަޤުވާމީ ބިޑަށް ހުޅުވާލާ.
އެމްސް
13 June 2020
މޯލްޑިވިއަންގެ/ޓިކެޓްގެއަގު ކިހިނެއްތޯ ތިރިކުރާނީ ކުންފުނީ ބޮޑުންގެމުސާރަ ލައްކައިން މަތީގަ ބަހައްޓައިގެން!
އޮނަރަބްލް އަފީފު ދީދީ
13 June 2020
އެއްބަސްވުމާއިއެއްގޮތަށް ރިސޯޓްނުހިންގުމަކީ ދައުލަތަށާއި ސަރަހައްދުގެއިޤްތިސޯދަށް އަދި ރީޖަނުގައި ކުރާންރާވާފައިވާ އެތައްކަމަކަށް އޭގެ ނޭދެވޭއަސަރު ކުރާނެކަމަކަށްވާތީ އިތުރު ފުރުސަތެއްނުދީ އެއްބަސްވުން އުވާލާންޖެހޭ. # އަދި ކޮރެއާ، އޮސްޓްރޭލިއާ، ރަޝިޔާ، ކެނަޑާ، ޖެޕާން ފަދަ ޤައުމެއްގެކުންފުންޏަކަށް 99 އަހަރަށް ރަށް ދޫކުރުމަށްފަހު ގޭންއެއަރޕޯޓް ތަރައްޤީކުރުމަށް އެފަރާތުގެ ބެންކްގެރަންޓީގައި 5 ބިލިޔަންޑޮލަރުގެ ލޯނުނަންގަވާ އެންމެޒަމާނީ އެއަރޕޯޓެއް ޤާއިމްކުރައްވާ.
ކަލޭތީ ކާކު
26 August 2020
5ބިލިޔަން ލޯނު ކަލޭތަ ދައްކަނީ
އޮނަރަބްލް އަފީފު ދީދީ
13 June 2020
ނޫން..!! ނޫން.! ތިގޮތަށް ތިކަންކުރުމަށް ދައުލަތުން ފުރުސަތުދީގެން ނުވާނެ. # ދައުލަތާއި ތިޔަކުންފުންޏާއި ދެމެދު ރިސޯޓްހިންގުމަށް ރަށް ދޫކޮށްފައިވާ މަޤުސަދަށް އެކަންކުރުމަށް ކުންފުންޏަށް ނުކުޅެދިއްޖެހާލަތުގައި އެކުންފުނީގެދަށުގައި އެގޮތަށް ރަށްބޭއްވުމަށް ފުރުސަތުދީ ދައުލަތާއި އައްޑޫގެ ރައްޔަތުންގެ އާމްދަނީގެއްލިގެންދިއުމަށް ބަލަހައްޓައިގެން ތިބެވޭނެ ޤާނޫނީހަމައެއް ނޯންނާނެ. # އަގު މަގުކުރުމަށްފަހު ދައުލަތަށް ރަށްނަންގަވާ އިންވެސްޓްމަންޓް ވިއްކާލާ.
އަހުމަދު545
13 June 2020
އަފީފުއްދީން ދީދީ އަޅުގަނޑަށްފެންނަނީ މިސަރުކާރަށް ތާއީދުކުރިއަސް ރައްޔިތުންނާގުޅޭކަންކަމުގައި ބުނަންޖެހޭ ބަސްތައް ބުނާ މީހެއްގެ ގޮތުގައި. ކޮންމެޕާޓީއެއްއޮތަސް އެޅިހާބަތަކަށް ރިހައަޅާއިރު ކަމެއްގޯސްކޮއްދަންޏާ ޕާޓީރޫހު އެއްފަރާޓްކޮއްފަ ގައުމީރޫހު ކުރިއަށްނެރެންޖެހޭނެ. ތިފަދަ ބޭފުޅުން އައްްޑޫގައި ގިނަނަމަ އައްޑޫ މިއަދުމިއޮތްހާލަތުން އަރައިގަނން ވަރަށްފަސޭހަވާނެ.
ހުސްނޫ
13 June 2020
މޯލްޑިވިއަނުން ޓޫރިސްޓުން އަތުން މިނަގާ ޓެކްސް(ޓިކެޓުން އިތުރަށް ނަގާ ލާރި) މިއީ ގާނުނާ ހިލާފަށް ނެގޭ އެއްޗެއް. މިކަމުގެ ސަބަބުން ލޯކަލްޓޫރިޒަމް ކުރިއަށް ނުދަނީ..
އެމްސް
13 June 2020
މޯލްޑިވިއަންގެ ބޮޑަކަށް ހުރީ ވިލާސްލޮޓެެއްގަ އައިސް ހުރި ކުރީ ވިލާޓްރެވަލްސްގެ މުވައްޒަފެއް، އެހެންވީމަ ކޮންފްލިކްޓް އޮފް އިންޓަރެސްޓް އަބަދުވެސް އޮންނާނެތާ!
އެދުން1
13 June 2020
މާލޭމީހުން ރާއްޖޭގެ އެހެން އެއްވެސް ތަނެއް ކުރިއެރިއަކަ ނުދޭނެ.
ބޯގޯސް އަފީފް ދީދީ
13 June 2020
މިގައުމުގެ ރައީސަކަށް މިވަގުތު ހުރީ ފާދިއްޕޮޅު ހިންނަވަރު މީހެއް. އެއީ މާލޭ މީހެއްނޫން. ދެން މިނޫހަށް ކޮމެންޓްކުރާ އޮނަރަބްލް އަފީފް ދީދީ އަށް ރައީސްކަންދޭންވީދޯ އައްޑޫ ގައި ރިސޯޓު ހިންގުވަން. ބަލަގަ މާލޭގައި އުޅޭ އައްޑޫމީހުން ގެންދެބަލަ ރަށަށް. އެމީހުން މާލޭގައި ތިބެނީޔޯ. ގައިމުން އެމީހުން ގައިގައި މީހަކު ނުހިފައްޓާ.
އިސްމާލި
14 June 2020
ކޮންމެ ކަމެއް ވާ އިރަށް މާލޭ/ރާއްޖެތެރޭ އޭ މިކިޔަނީ ކޮން ކަމަކާ ތަ؟