14 ޖޫން 2020 - 14:41
16 comments
ބޮލީވުޑްގެ ޒުވާން އެކްޓަރު ސުޝާންތު ރާޖްޕޫރު މިއަދު އަމިއްލަ އަށް މަރުވެއްޖެ އެވެ.
އިންޑިއާގެ ނޫސްތަކުން ރިޕޯޓްކޮށްފައިވާ ގޮތުގައި 34 އަހަރުގެ އެކްޓަރު މަރުވެފައި އޮއްވައި ފެނުނީ މުމްބާއީގައި އޭނާ ދިރިއުޅޭ އެޕާޓްމަންޓްގެ ތެރޭގައި ދަންޖެހިގެންނެވެ. އަދި އަމިއްލަ އަށް މަރުވުމުގެ ދުވަސްތަކެއް ކުރިން އޭނާ އުޅުނީ ޑިޕްރެޝަންގައި ކަމަށް ސުޝާންތާ ގާތް ބައެއް މީހުންނާ ހަވާލާދީ މީޑިއާތަކުން ބުނެ އެވެ.
ސުޝާންތަކީ 2013 ގައި ފިލްމު "ކައި ޕޯ ޗޭ" އިން ބޮލީވުޑަށް ނުކުތް އެކްޓަރެކެވެ. އޭގެ ކުރިން އޭނާ ވަނީ މަޝްހޫރު ޓީވީ ސިލްސިލާ "ޕަވިތުރަ ރިޝްތާ" ގައި ވެސް މަސައްކަތްކޮށްފަ އެވެ. ސުޝާންތުގެ އެންމެ ފަހުގެ ފިލްމަކީ މިދިޔަ އަހަރު ނެޓްފްލިކްސް ސްޓްރީމްކުރި "ޑްރައިވް" އެވެ.
SHOCKING : Actor Sushant Singh Rajput commits suicide.
— Sudhir Chaudhary (@sudhirchaudhary) June 14, 2020
މިދިޔަ އަހަރު އޭނާ ފެނިގެން ދިޔަ ފިލްމުތަކުގެ ތެރޭގައި "ޗިޗޯރޭ" އާއި "ސޯންޗިރައްޔާ" ހިމެނެ އެވެ. ސުޝާންތު ކުޅުނު ފިލްމުތަކުގެ ތެރޭގައި ސާރާ އަލީ ޚާން ބޮލީވުޑަށް ތައާރަފުވި "ކޭދަރުނާތު" އާއި "ރާބްތާ" އާއި "އެމްއެސް ދޯނީ: ދި އަންޓޯލްޑް ސްޓޯރީ" އަދި "ޕީކޭ" ހިމެނެ އެވެ.
ސުޝާންތުގެ ކުރިއަށް އޮތް ފިލްމަކީ 2014 ގައި ރިލީޒްކުރި ހޮލީވުޑްގެ ފިލްމު "ފޯލްޓް އިން އަވާ ސްޓާޒް" ގެ ހިންދީ ރިމެކް "ދިލް ބޭޗާރާ" އެވެ.
ސުޝާންތަކީ އޭނާއާ އެކު "ޕަވިތުރަ ރިޝްތާ" ކުޅުނު ބަތަލާ އަންކިތާ ލޯކަންދޭއާ އެކު ވަރަށް ގިނަ ދުވަސްތަކެއް ވަންދެން ލޯބީގެ ގުޅުމެއް ބޭއްވި ތަރިއެކެވެ. އަދި އޭނާ އެންމެ ފަހުން ލޯބީގެ ގޮތުން ގުޅިގެން އުޅުނީ "ޖަލޭބީ" ފަދަ ފިލްމުތަކުން ފެނުނު ބަތަލާ ރިއާ ޗަކްރަބަތީއާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަމަނާ
15 June 2020
ޑިޕްރެޝަން އަކީވެސް ބައްޔެއް.އެބަލީގެ ފަރުވާއަކީ ގިނަގިންއިން ﷲ ހަނދުމަކުރުމާއި ޒިކުރުކުރުން..ނަމާދުކޮށް އެކަމުން މިންޖުވޭތޯ ދުޢާކުރުން އަދި އެއަށްފަހު ﷲ އަށް ވަކީލުކުރުން..ﷲ އަކީ އެންމެ އޯގަާވަންތަ އެންމެ ރަހީމްވަންތަ ރަސްކަލާންގެ.އެފަރާތަށް އިތުބާރުކޮށް ސަބަބުތަކުގައި ހިފަންވާނެ.އަޅުގަނޑަކީ ތިޔަބަލީގައި ވަރަށް ތަކުލީފު އުފުލި މީހެއް..ޑޮކްޓަރަށް ދައްކައިގެން ބޭސްތަކެއްކާން ލޯބިވާ މީހުން ނޭދޭ..އެމީހުންގެ ނަސޭހަތާއެކު ޝިފާ ލިބުނީ ﷲ ގެ ކިބަފުޅުން.
ފޫހި
14 June 2020
ﷲ ހަނދުމަކުރުން އިތުރުކުރާށެވެ.
ައަފުރާސިޔާބު
14 June 2020
ޑިޕްރެޝަން މިއީ ﷲ ތަޢާލާ ހަނދުމަކުރުމާ ދުރަށްދިއައީމާ އަންނަ ކަމެއް. މިއަށް ދިވެބަހުން ކިޔާނަމެއް ނެތިގެން އިނގިރޭސި ބަހަކުން ލިޔަން ޖެހުނީ ކަމަށް ބެލެވޭނީ. ރަނގަޅުވާނީ ނަފްސާނީ ބައްޔެއްގައި ދުވަސްކޮޅެއްގައި އުޅެފައި ކުފުރުވީއެވެ. ކާފަރުން އިތުރަށް ވާނޭ ކުފުރެއްވެސް ނޯންނާނެތީ ކާފަރުންނަށް މިބާވަތުގެ ބަލިމަޑުކަމުން ޝިފާއެއް ލިބޭނީ އިސްލާމްވެ ޒިކުރުކޮށް ގުރުއާން ކިޔެވުމުން.
ކާކުބުނީ
14 June 2020
ޑިޕްރެޝަންއަކީ ބައްޔެއް، އެއީ މުސްލިމަަކަށް ވީތީ ނުޖެހޭ ބައްޔެއްނޫން. މުސްލިމް ޤައުމުތަކުގައިވެސް މިބަލި އިންތިހާ. އެއީ ﷲ ހަނދުމަކުރުމުން ދުރުވެގެންވާކަމެއްވެސް ނޫން. ކެންސަރު ބަލި ޖެހިފައި ހުރި މީހަކާ ދިމާލަށް އެއްވެސް މީހަކު ނުބުނޭ ކަލޭ އަމިއްލައަށް ރަނގަޅުވާށޭ، ނަމާދު ކުރާށޭ، ތަންކޮޅެއް އޯގާވަންތަކަން އިސްކުރަން ދަސްކުރޭ.
މަބުނީ
14 June 2020
ޑިޕްރެޝަންއަކީ ބައްޔެއް ކަމެއް ؟..... އެއީ މުސްލިމަަކަށް ވީތީ ނުޖެހޭ ބައްޔެއްނޫން ކަމެއް ؟..... މަށަކަށް ނޭނގޭ...... އެކަމަކުވެސް މަށަށް ޔަގީންކަމާ އެކު އެނގޭ ކަމަކީ މުސްލިމުން އަމިއްލައަށް މަރުވުން އެހެނިހެން ދީންތަކުގެ މީހުންނަށް ބަލާއިރު ބޮޑުތަނުން މަދުކަން....... އެހެންކަމުން މަށަށް ބުނެވިދާނެ މުސްލިމުން ޑިޕްރެޝަން އާއި ވަރަށް ދުރުކަމަށް.......
މަބުނޫ
15 June 2020
އެހެން ދީންތަކުގެ މީހުންނަށްވުރެ އަމިއްލައަކަށް މަރުވާރޭޓު މުސްލިމުން މަދުކަން ކަލޭ ކޮންގޮތަކަށް ހެދި ތަފާސް ހިސާބަކުން ބެލިކަމެއްތީ
ބުއްޅަބަފާ
15 June 2020
ތާކުހުރި ގުއި ގަނޑަކައްވެސް މަބުނީ ހާދަ އޯގާތެރިއެއްތިވަނީ
ކަމަނާ މަނިކެ
15 June 2020
މުސްލިމިންނަށްވެސް މިތަކުލީފު އުފުލާ .މިއީ ބައްޔެއް. ތަފާތަކީ ހަގީގީ މުސްލލިމުން އަމިއްލައަށް މަރުނުވާކަން.ސަބަބަކީ އެހެން މަރުވުމުން ހުރީ ކޮންގޮތެއްކަން އެނޣޭތީ.. މި ކުއްޖާ ބަލިން ރަނގަޅުވާން އިސްލާމޮވިނަމަ އޭ ހާދަ ހިތަސް އަރައޭ..ކާފަރުން ދެކޭގޮތުގައި މަރުވީމާ ތަކުލީފުތަކަށް ނުމުން އައީ..ރެސްޓް އިން ޕީސް..އެހެންވެ ސަލާމަތް ނުވެވޭވަރަށް ފިކުރުބޮޑުވުމުން މަރުވަނީ.ކިރިޔާވެސް އީމާންތެރިކަމެއް ވާ ހިތަކަށް އެނގޭނެ ހައްލު އޮތީ ﷲގެ މަގުގައިކަން.
ހަސަބު
14 June 2020
ހައިރާންވި ޚަބަރެއް. މުސްލިމުންވެސް އަދި ދިވެހިންވެސް މިހާރަކަށް އައިސް ކުރާކަމެއް. ހިތްދަތި ދިރިއުޅުން އުޅޭ މީހަކު ނަމަ އެހާ ހައިރާން ނުވީސް. ކުރިމަތީގައި އުޖާލާ މުސްތަގްބަލެއް އޮތް ޒުވާނެއް.
އެހެންތަ
14 June 2020
ކޮންމެ ދިރިއުޅުމެއް އުޅުނަސް ބަލިވީމަ އެންމެންވެސް ވަނީ ބަލި.
ހަޤީގަތް ޤަބޫލް ކުރޭ
14 June 2020
އުޖާލާ ދިރިއުޅުމެއް ލިބޭނީ މާތްﷲ ހަދުމަކޮށް ނަމާދުކުރާނަމައެވެ. ތެދެކެވެ. ފައިސާއިން ލިބުުނު އުފަލެއް ނެތެވެ.
ޝޮކްތެރަޕީ
14 June 2020
ޑިޕްރޭޝަނައް އެމްމެ މޮޅު ފަރުވާއަކީ ނަމާދު.
ސަސޒި
14 June 2020
ވިސްނާލާށެވެ. މަޝްހޫރުކަމާއި، މީސްތަކުންގެ މެދުގައި މަޤުބޫލުވުމާއި، މުއްސަނދިކަމަކީ ހިތްތަކަށް ހަމަޖެހުން ލިއްބައިދޭ ކަމެއް ނޫނެވެ. ހިތްތައް އެދި ގޮވަނީ އެ ހިތްތަކެ ވެރި ރައްބު ހަނދުމަކުރުމަށެވެ. އެކަމާ ފެއަށް ގޮސްގެން އެ ހިތްތަކަށް ހަމަޖެހުމެއް ނުލިބެއެވެ. "ހިތްތައް ހަމަޖެހެނީ، اللّه ހަނދުމަކުރުމުން ނޫންހެއްޔެވެ؟" (ސޫރަތުއް ރަޢުދުގެ 13 ވަނަ އާޔަތުގެ މާނަ)
ހިއްވަރު
14 June 2020
މި މީސް މީހުން ކޮޕީ ނުކުރުމަށް ދިވެހި ފިލްމުސްޓަރުން ގެ ކިބައިން އެދެމެވެ.މިއީ ރޯލް މޮޑަލުން ނެއް ނޫނެވެ.އެއް ވެސް ޒުވާނަކު މާއްދިއްޔަތަށް ގޮސް ހުސްނުވާ ހުށި ކަމެވެ. ކޮންމެ އިންސާނަކަށް ވެސް ދުނިޔޭގައި އިމްތިހާނު ތަކާ ކުރިމަތި ވާނެއެވެ. އެފަދަ ވަޤުތުގައި ރޫހާނިއްޔަތުން ހިއްވަރު ހޯދާށެވެ. ރަގަޅުވާނެ އެވެ. އަމިއްލައަށް މަރުވުމަކީ ހައްލެއް ނޫނެވެ.އަދި ކިއެއްތަ އަމިއްލަ އަށް މަރުވުމަކީ އެއްމެ ފިނޑި އަދި އެއްމެ ގޯސް އެއްމެ ބޮޑި ފާފައެވެ
ޝިޔާމް
14 June 2020
ހިތްތަކަށް ހަމަޖެހުން ލިބެނީ ﷲ ހަނދުމަކުރުމުން. އެނޫން ގޮތްގޮތުން ހަމަޖެހުން ހޯދަން އުޅެފިނަމަ އާޙިރު ނަތީޖާއަކީ މީ.
މޯލްދިވިޔަން
14 June 2020
އެހެން ނޫން ނަ މަ ހާދަ ބޔަކު ދަން ޖެހޭނެޔޭ