ކޮވިޑް-19އާ ގުޅޭ މުދަލުން 16 މިލިއަން ރުފިޔާގެ ޑިއުޓީ މާފުކޮށްދީފި

އެމްޕީއެލް ސަރަހައްދުގައި މުދާ ކްލިއާ ކުރަނީ-- ފޮޓޯ: އަހުމަދު އަވްޝަން/މިހާރު

އިދުހާމް ނައީމް، މިހާރު

18 ޖޫން 2020 - 13:15

މި އަހަރުގެ ފުރަތަމަ ފަސް މަސްދުވަހު ރާއްޖެ އަށް އެތެރެކުރި ކޮވިޑް-19އާ ގުޅޭ މުދަލުން 16.2 މިލިއަން ރުފިޔާގެ ޑިއުޓީ މާފުކޮށްފައިވާ ކަމަށް ކަސްޓަމްސް އިން ބުނެފި އެވެ.

ރާއްޖޭގައި ކޮވިޑް-19 ފެތުރުން ކޮންޓްރޯލް ކުރުމަށް ބޭނުންވާ ސިއްހީ ސާމާނުން ނަގާ ޑިއުޓީ މާފު ކޮށްދެއްވާނެ ކަމަށް ރައީސް އިބްރާހިމް މުހައްމަދު ސޯލިހު ވަނީ ވިދާޅުވެފަ އެވެ. އެހެންކަމުން މި ވަގުތު އިއުލާން ކޮށްފައިވާ ސިއްހީ ކުއްލި ނުރައްކަލުގެ ހާލަތު ނިމެންދެން އެކަހަލަ މުދަލުން ނަގާ ޑިއުޓީ މާފު ކުރާނެ އެވެ.

ރައީސް ޑިއުޓީ މަޢާފްކުރެއްވި ތަކެތީގެ ތެރޭގައި ސިއްހީ ދާއިރާ އަށް ބޭނުންވާ ގޮގަލްސް އާއި ޕީޕީއީ ކިޓު އަދި ހެޒްމެޓް ސޫޓުތަކާއި ސޫޓު ހިމެނެ އެވެ. މީގެއިތުރުން އަންގި އާއި މާސްކާއި ފޭސް ޝީލްޑް، އަދި އަތްދޮންނަން ބޭނުންކުރާ ތަކެއްޗާއި ސެނިޓައިޒާ އިން ވެސް ވަނީ ޑިއުޓީ ކަނޑާލައިފަ އެވެ.

ކޮވިޑް-19އާ ގުޅޭ މުދަލުގެ ތެރެއިން ޑިއުޓީ މާފުކޮށްދިން މުދަލުގެ ތެރޭގައި ސަރުކާރުން ގެންނަ ތަކެތީގެ އިތުރުން އަމިއްލަ ފަރާތްތަކުން ގެންނަ މުދާ ވެސް ހިމެނެ އެވެ. މި ލުޔާ އެކު ގިނަ ރިސޯޓުތަކުންނާއި ކުންފުނިތަކުން ވަނީ މި ދުވަސްވަރު ރާއްޖެ އަށް އެހީތެރިވުމުގެ ގޮތުން ގިނަ އަދަދެއްގެ ސިއްހީ ސާމާނު ގެނެސްފަ އެވެ.

އިމްޕޯޓް ޑިއުޓީ ކަސްޓަމްސް ރައީސް އިބްރާހިމް މުހައްމަދު ސޯލިހް

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދުންމާރި

19 June 2020

ޑިއުޓީ މަޢާފުކޮށްފީމޭ ބުނުމަކުން ނުފުދޭ. ތިތަކެތީގެ އަގު ކޮންޓްރޯލްކުރަންޖެހޭ. ޑިއުޓީ ނެގިއިރު މާސްކެއް ގަންނަން ލިބޭ އަގަށްވުރެ އެތައް ގުނައެއް އަގުބޮޑުކޮށް ޢާންމުންނަށް ގަންނަން ލިބެނީ. ވީމާ ތިއީ ވިޔަފާރިވެރިންނަށް ހެޔޮއެދިގެން ކުރިކަމެއްތާ!