ބިން ލާދިން އަކީ ޝަހީދެއް ކަމަށް ވިދާޅުވުމުން އިމްރާން ޚާން ހޫނު ފެނަށް

ބިން ލާދިން އަކީ ޝަހީދެއް ކަމަށް އިމްރާން ޚާން ވިދާޅުވީ ޕާލަމެންޓުގައި ވާހަކަ ދައްކަވަމުން. --ފޮޓޯ: އޭއެފްޕީ

ހަސަން އާމިރު، މިހާރު

26 ޖޫން 2020 - 20:12

އިސްލާމްއާބާދު (ޖޫން 26) - އަލްގައިދާ ޖަމާއަތުގެ ކުރީގެ ލީޑަރު އުސާމާ ބިން ލާދިން އަކީ އެމެރިކާ އިން "ޝަހީދުކޮށްލި" މީހެއް ކަމަށް ޕާކިސްތާނުގެ ބޮޑު ވަޒީރު އިމްރާން ޚާން ޕާލަމެންޓުގައި ވިދާޅުވުމުން އިދިކޮޅު ފަރާތްތަކުން ވަރަށް ބޮޑަށް ނުރުހުން ފާޅުކޮށްފި އެވެ.

ސެޕްޓެމްބަރު 11، 2001 ގައި އެމެރިކާ އަށް ޓެރަރިސްޓް ހަމަލާ ދިނުމުގެ އިސް މޭސްތެރިޔާ، މަރާލީ ޕާކިސްތާނުގެ އަބޮޓްއާބާދުގައި، ބިން ލާދިން ދިރިއުޅުނު ގެއަށް މެއި 2، 2011 ގައި އެމެރިކާގެ ޚާއްސަ ސިފައިން ދިން ހަމަލާތަކުގަ އެވެ. އެ ހަމަލާގެ މައުލޫމާތު އެމެރިކާ އިން ކުރިން ޕާކިސްތާނަށް އަންގައިފައެއް ނުވެ އެވެ.

"އެމެރިކާ ސިފައިން އަބޮޓްއާބާދަށް ގޮސް ބިން ލާދިން ޝަހީދުކޮށްލުމުން ޕާކިސްތާން ކުރަން ޖެހުނު ހިތާމައިގެ މަތިން އަޅުގަނޑު ހަނދާނެއް ނުނެތޭނެ،" އިމްރާން ޚާން ވިދާޅުވި އެވެ.

ބިން ލާދިން އަށް ނިސްބަތްކޮށް ޝަހީދެއް ކަމަށް އިމްރާން ޚާން ވިދާޅުވުމުން، އިދިކޮޅު ލީޑަރު އަދި ކުރީގެ ފޮރިން މިނިސްޓަރު ޚަވާޖާ އާސިފް ވަނީ އިމްރާން ޚާނަަށް ފާޑު ވިދާޅުވެ، ބިން ލާދިން އަކީ ޓެރަރިސްޓެއް ކަމަށް ވިދާޅުވެފަ އެވެ.

އަލްގައިދާގެ ކުރީގެ ލީޑަރު ބިން ލާދިން. --ފޮޓޯ:އޭއެފްޕީ

"އޭނާ (ބިން ލާދިން) ވަނީ އަޅުގަނޑުގެ ގައުމު ހަލާކުކޮށްލާފައި. އެކަމަކު (އިމްރާން ޚާން) އެ ވިދާޅުވަނީ އެއީ ޝަހީދެއް ކަމަށް،" ޕާލަމެންޓުގައި އާސިފް ވިދާޅުވި އެވެ.

ބިން ލާދިން މަރާލިއިރު ޕާކިސްތާނުގެ ވެރިކަމުގައި އޮތް ޕާކިސްތާން ޕީޕަލްސް ޕާޓީ (ޕީޕީޕީ) ގެ ލީޑަރު ބިލަވާލް ބުއްޓޫ ވަނީ އިމްރާން ޚާން ޓެރަރިޒަމަށް ހިތްވަރު ދެއްވާ ކަމަށް ތުހުމަތު ކުރައްވައިފަ އެވެ.

ކުރީގެ މަޝްހޫރު ކްރިކެޓް ކުޅުންތެރިޔާ ޚާން ތާލިބާނުންނާ މެދު ހަމްދަރުދީ ވެވަޑައިގަންނަވާތީ އިދިކޮޅު ފަރާތްތަކުން ވަނީ ކުރިން ވެސް ނުރުހުން ފާޅުކޮށްފަ އެވެ. އަދި އިމްރާން ޚާނަށް ވަނީ "ތާލިބާން ޚާން" ގެ ނަމުން މުޚާތަބް ކޮށްފަ އެވެ.

މީގެ ހަތަރު އަހަރު ކުރިން ދެއްވި ޓީވީ އިންޓަވިއުއެއްގައި އިމްރާން ޚާން ވަނީ ބިން ލާދިން އަކީ ޓެރަރިސްޓެއް ކަމަށް ވިދާޅުވާން ދެކޮޅު ހައްދަވައިފަ އެވެ.

އުސާމާ ބިން ލާދިން އިމްރާން ޚާން ޕާކިސްތާން

10 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިހި ރާންބާގަސް

28 June 2020

އެމެރިކާ އިސްވެ އޮވެގެން އިޒުރޭލަށް ވަގިވެރިވެގެން ފަލަސްދީނަށް އެކުރާ ރަހުނުކުޑަ އަނިޔާ އަކީ ޓެރެރިޒަމްނޫން ދެންކޮންއެއްޗެއްތޯ؟ ލީބިޔާއަށް އަރަގަނެގެން ގައްޒާފީ މަރާލުން އެއީ ޓެރަރިޒަމްއެއްނޫންތޯ؟ މިޔަށްމަގަ މުސްލިމުންނަށް އެފަދަ ނުބައި ލާއިންސާނީ އަމިޔާތަކެއްދިނުމުން އެކަމަށް ލިބުނު އިންސާފަކީ ކޮބާތޯ؟ ޓެރަރިޒަމްގެ ބާނީ އަކީ އެމެރިކާ އިޒުރޭލު1

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގރ34

27 June 2020

ދެރަކަމެއް. މިހެން ހަމަ ތަނަކުން ފެންނަ މީހަކު މަރާލާ ކޮންމެ މީހަކަށް ޝަހީދެކޭ ކިޔޭތަ. ބިންލާ ދިން މަރާލި އެމެރިކާ މީހުންނަކީ ކުށެއް ނެތްބައެއް ހަމަ. އެމެރިކާ ސަރުކާރުން ކުރާ ކަންތަކުގެ ސަބަބުން އެމެރިކާ މީހުން މެރުން ހުއްދަ ވޭތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ 1

27 June 2020

ބިންލާދިން އަކީ އެމެރިކާގެ އެޖެންޓެއް....... އިރާގުގެ އާއި ފަލަސްތީނަށް އަރަން ވެގެން އެމެރިކާ ބޭނުން ކުރި ހަތިޔާރު..... މީހުން ލޯމަތީގައި ކުޅެފައިވާ ޑްރާމާއެއް...... ސެޕްޓެމްބަރ އެގާރައިގެ ހަމަލާއަކީ މިކަމަށް މަގުފަހި ކުރުމަށް ހިންގާފައިވާ ޖަރީމާތައް......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލަމު

26 June 2020

މަބުނީ ނަމުގަ ކޮމެންޓް ކުރާ ބޭފުޅާ ހާދަ މުސްލިމުން ދެކެ ރުޅިއައިސްފަ. ބަލަ ފަލަސްތީނާ އިރާގާއި އަފްގާނިސްތާނާއި ސީރިޔާއާއި ލީބިޔާއާއި ކަޝްމީރާ ރާޚީނުގެ މުސްލިމުންގެ ލެއިން ފެންވަރައިގެން ތިބި މީހުންނަށް ހަމްދަރުދީވާ މީހުންނާއިމެދު ބުނަނީ ކީކޭ؟ އެމީހުންނަށް ޓެރަރިސްޓުންނޭ ނުކިޔޭނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަބުނީ

26 June 2020

އެތައް އިންސާނުން ރަހުމެއްނެތި މަރާލި މީހަކަށް ހަމްދަރުދީވާ ބަޔަކީ އެކަމަށް ހިތްވަރުދޭ މީހުން. ދެން މުސްލިމުންނާ ދިމާލަށް ޓެރަރިސްޓުންނޭ ބުނީމަ ރުޅިއަންނަނީވެސް ހަމަ މި މީޙުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަބުނީ

26 June 2020

އެހެންވީމާ މޯދީގެ ފަސްބައިގަ އެލިގެން މޯދީ އަށް ސަނާ ކިޔަމުން ދުވާ މީހުންނަކީ މުސްލިމުން މަރަން ހިތްވަރުދޭ މީހުން ދޯ؟ ރަނގަޅަށް ދޯ މި ބުނީ؟ މޯދީ މަޝްހޫރުވެފައިވަނީ ގުޖްރާތުގެ ގާތިލްގެ ނަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުއްދީން

27 June 2020

ތަންދޮރު ނޭނގި، މައުލޫމާތު ފުރާނަން ނޭނގި ތިއްބައި، މީޑިއާއިން ފަތުރާ މައުލޫމާތު ސިކުނޑިއަށް ޖަމާވީމަ ތިހެން ވެދާނެ. ވެލީގައި ވެސް އެތައް ބާވަތެއްގެ ވެލި ހުންނަ ފަދައިން މަޢުލޫމާތު ތަކުގައި ވެސް އެތައް ބައިތަކެއްވޭ. އެކަން އެނގޭނެ ޑރ އަފްރާޝީމު ޝަހީދު ކުރި ވާހަކަ މީޑިއާގައި ފެތުރިފައި އޮތް ގޮތަށް އެކަނި ވިސްނާލިޔަސް. 2013 ގެ އިންތިޚާބާއި ހަމަޔަށް އެމްޑީޕީގެ ބޮލުގައި، އޭގެފަހުން 2018 އާއި ހަމަޔަށް ޔާމީން ބޮލުގައި. މިހާރު ބަދަލުވަމުން އަންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީމާން

27 June 2020

މުސްލިމުން ނަކީ ޓެރެރިސްޓުން ނޭ ބުނާ މީހާ އަކީ ފިތުނަ އުފައްދަން އުޅޭ މީހެކެވެ. ވަކި ނަސްލަކީ ނުވަތަ ވަކި ދީނެއްގެ ބަޔަކީ ޓެރެރިސްޓުނެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަބު

26 June 2020

ބިންލާދިން އަކީ އެއް ބައެއްގެ ނަޒަރުގައި ޝަހީދެއް. އަނެއް ބައެއްގެ ނަޒަރުގައި ޓެރަރިސްޓެއް. އެމެރިކާއިން ބިންލާދިންއާބެހޭ ގޮތުން ދެއްކި ވާހަކަތަކަކީ ހަގީގަތެއް ނަމަ އެއީ ޓެރަރިސްޓެއް. ދޮގެއްނަމަވެސް ޝަހީދެކޭ ބުނާނެ ގޮތެއް ނުވިސްނޭ. އެމެރިކާ އިން އޭނަ މަރާލަން ހިންގި އޮޕަރޭޝަނަށް ކިޔާނީ ކީކޭ؟ މިނިވަން ގައުމަކަށް ވަދެ ސިއްރުން މީހުން މެރުން ހުއްދަވީ ކިހިނެއް؟