ބިޔޯންސޭގެ އާ އަލްބަމް "ބްލެކް އިޒް ކިންގް" މި މަހުގެ 31 ގައި

ބިޔޯންސޭ.

އަހުމަދު އަދްޝަން، މިހާރު

02 ޖުލައި 2020 - 08:03

އެމެރިކާގެ މަޝްހޫރު ލަވަކިޔުންތެރިޔާ ބިޔޯންސޭގެ އެންމެ ފަހުގެ އަލްބަމް "ލެމަނޭޑް" ނެރުނުތާ ހަތަރު އަހަރުން ފަހުން، އޭނާގެ އާ އަލްބަމް ނެރުމުގެ ތައްޔާރީތައް ވެއްޖެ އެވެ.

މި މަހުގެ 31 ވަނަ ދުވަހު ޑިޒްނީ ޕްލަސްގައި ރިލީޒްކުރަން ނިންމާފައިވާ އަލްބަމްގެ ނަމަކީ "ބްލެކް އިޒް ކިންގް" އެވެ.

ގާތްގަނޑަކަށް ހުރިހާ މަސައްކަތެއްހެން ބިޔޯންސޭ އަމިއްލަ އަށް ކުރި އަލްބަމްގައި ހިމެނޭ ލަވަތަކުގެ ތެރޭގައި އެމެރިކާގެ ކަޅު ނަސްލުގެ މީހުންގެ ހާއްސަ ދުވަހެއްގައި ގޮތުގައި ޖޫން މަހުގެ 19 ގައި ފާހަގަކުރާ "ޖޫންޓީންތު"ގެ މި އަހަރުގެ ދުވަހާ ގުޅުވައިގެން ނެރުނު ލަވަ "ބްލެކް ޕެރޭޑް" ވެސް ހިމެނެ އެވެ.

ރެޕާ ޖޭ-ޒީއާ ކައިވެނިކޮށްގެން ތިން ދަރިން ވެސް ތިބި ބިޔޯންސޭ "ބްލެކް އިޒް ކިންގް" އާ ބެހޭ ގޮތުން ނެރުނު ބަޔާނެއްގައި ބުނީ އެ އަލްބަމަކީ ހުރިހާ ގޮތަކުން ވެސް ވަރަށް ހާއްސަ އަލްބަމެއް ކަމަށެވެ.

View this post on Instagram

Happy Juneteenth Weekend! I hope we continue to share joy and celebrate each other, even in the midst of struggle. Please continue to remember our beauty, strength and power. _ “BLACK PARADE” celebrates you, your voice and your joy and will benefit Black-owned small businesses. Click the link in my bio to learn more.

A post shared by Beyoncé (@beyonce) on Jun 19, 2020 at 6:47pm PDT

"އަލްބަމުން ދޭނެ އެންމެ މުހިއްމު މެސަޖަކީ އުންމީދުތަކާއި ކުރިމަގަށް ހުވަފެންތައް ދެކުމުގެ މުހިއްމުކަން." ބިޔޯންސޭ، 38، ބުންޏެވެ.

މިހާތަނަށް ހަ އަލްބަމެއް ނެރުނު ބިޔޯންސޭ 2016 ގައި ގެނެސްދިން "ލެމަނޭޑް" އަކީ 2017 ގައި ބޭއްވި 59 ވަނަ ގްރެމީ އެވޯޑްސްގައި ނުވަ ކެޓަގަރީއަކުން ނޮމިނޭޓްވެ، ބެސްޓް އާބަން ކޮންޓެމްޕަރަރީ އަލްބަމާއި ބެސްޓް މިއުޒިކް ވީޑިއޯގެ އެވޯޑް ހޯދި އަލްބަމެކެވެ.