އިންސާފު ހޯދުމަށް މީގެ ކުރިން ބޭއްވި ހިނގާލުމުގައި، ރައީސް އިބްރާހިމް މުހައްމަދު ސޯލިހު ބައިވެރިވެވަޑައިގަންނަވަނީ.- ފޮޓޯ: އަހުމަދު އައިހަމް/ ދި އެޑިޝަން
02 ޖުލައި 2020 - 18:13
14 comments
މަރުގެ މައްސަލަތައް ތަހުގީގުކުރުމުގައި ރިޔާސީ ކޮމިޝަނަށް އެހީތެރިކަން ފޯރުކޮށްދިނުމަށް ބޭރުގެ މާހިރަކު އައްޔަންކޮށްދެއްވުން އެދި ރައީސް އިބްރާހިމް މުހައްމަދު ސޯލިހުގެ އަރިހުން އެދިފައިވާނެ ކަމަށް، ވަގަށް ނަގާފައިވާ ނޫސްވެރިޔާ ރިލްވާން އަހުމަދާއި މަރާލާފައިވާ ބްލޮގަރު ޔާމިން ރަޝީދުގެ އާއިލާއިން މިއަދު ބުނެފި އެވެ.
ރިލްވާންގެ ދައްތަ، ފާތިމަތު ޝެހެނާޒު "މިހާރު" އަށް ބުނީ، ނޮވެމްބަރު 17، 2018 ގައި އުފެއްދި ކޮމިޝަންގެ މަސައްކަތްތަކަށް ބޭރުގެ މާހިރެއްގެ އެހީ ހޯދުމުން ތަހުގީގުތައް އިތުރަށް ފުރިހަމަވާނެކަމަށް ގަބޫލުކުރެވޭ ކަމަށެވެ. އެހެންވެ، އިންސާފު ހޯދުމަށް ކުރަމުން އަންނަ މަސައްކަތުގައި އެކަން އެދުނީ ކަމަށް ބުންޏެވެ.
ރައީސް އޮފީހުގައި ރައީސާ އެކު ބޭއްވި ބައްދަލުވުމުގައި ޝެހެނާޒާއި އޭނާގެ މަންމަގެ އިތުރުން ޔާމީންގެ މަންމަ އާއި ދައްތަ ބައިވެރިވި އެވެ.
ޝެހެނާޒު ބުނީ، ބޭރުގެ މާހިރެއްގެ އެހީ ހޯދުމަށް އެދުމުން އެކަން ކޮށްދެއްވާނެ ކަމަށް ރައީސް ވިދާޅުވި ކަމަށެވެ.
"ބޭރުގެ އިންވެސްޓިގޭޓަރެއް ގެންނަން އެދުނީ ތަހުގީގު އިތުރަށް ފުރިހަމަކުރަން. އެއީ އިތުރަށް ލިބޭ ބާރަކަށް ވާނެތީ. އެކަން ކޮށްދެއްވާނެ ކަމަށް ވިދާޅުވި. މި މަސައްކަތް ކުރަނީ ހުރިހާ އާއިލާއަކަށް ވެސް އިންސާފު ހޯދައިދިނުމަށް،" ޝެހެނާޒު ބުންޏެވެ.
ރިޔާސީ ކޮމިޝަނުން އަންނަނީ ރިލްވާނާއި ޔާމީނާއި ޑރ. އަފްރާޝީމް އަލީގެ އިތުރުން ރ. މީދޫ ފެންފިޔާޒުގޭ މުހައްމަދު އަނަސްގެ މަރަށް އިސްކަންދީ، ޖުމްލަ 28 މައްސަލައެއް ތަހުގީގު ކުރަމުންނެވެ. ތެރެއިން ދެ މައްސަލައެއް ނިންމާފައިވާ އިރު ނުވަ މައްސަލައެއްގެ ރިޕޯޓް ކޮމިޝަނުން ލިޔަމުން އަންނަ ކަމަށް ރައީސަށް ކޮމިޝަނުން އޮތީ މައުލޫމާތު ދީފަ އެވެ.
އޮގަސްޓު، 2014 ގައި ރިލްވާން ކިޑްނެޕްކުރުމުގެ ދައުވާ، ގ. ހިލްޓަން އާލިފް ރައޫފާއި ގދ. ވާދޫ، ކަރަންކާގޭ، މުހައްމަދު ނޫރައްދީންގެ މައްޗަށް އުފުލި އެވެ. ދައުލަތުން ކުރި ދައުވާ އެ ދެ މީހުންގެ މައްޗަށް ސާބިތެއް ނުވި އެވެ. ދައުލަތުން ތުހުމަތު ކުރި ގޮތުގައި ރިލްވާން ގަދަކަމުން ފޮރުވީ އާލިފް ގެންގުޅުނު ރަތް ކުލައިގެ ކާރަކަށް އަރުވައިގެން ގެންގޮސްގެންނެވެ.
އޭޕްރީލް، 2017 ގައި ޔާމީން ދިރިއުޅުނު ގޭގެ ސިޑި ގޮޅި ތެރޭގައި ތޫނު އެއްޗެހިން ހަމަލާދީ އޭނާ މަރާލި މައްސަލާގައި ހަ މީހެއްގެ މައްޗަށް ދައުވާ ކުރެ އެވެ. އެ މައްސަލައިގައި މިހާރު އޮތީ ހުކުމާ ކައިރީގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
03 July 2020
ހިޔެއްނުވޭ އަމިއްލައަތުންޖަހާ ވައަތްބުރިކޮށްލަފާނެހެނެއް މީލައްކަވާހަކަ
ޑރ. ރާމީ ހަސަން ވައިނުޖެހޭގެއާގެ
03 July 2020
(1) މަރު ކޮމިޝަން ގައި ޑޮކްޓަރ އަކު ނެތް. (2) މަރު ކޮމިޝަން ގައި ކްރައިމް އިންވެސްޓިގޭޓަރ އަކު ނެތް. (3) މަރު ކޮމިޝަން ގައި ފޮރެންސިކް އެކްސްޕާރޓް އަކު ނެތް. ދެން ކީއްކުރާ ކޮމިޝަން އެއް ތޯ ؟ ކުޅޭ-ކުޅޭ ކޮމިޝަން އަކުން ނަތީޖާ އެއް ނުނެރެވޭނެ ކަން ސަރުކާރަށް ފުރަތަމަ ވެސް އެނގެން ޖެހޭނެ ނޫން ތޯ ؟
ފޮއި މައްޗަށް
04 July 2020
ޢެބަހުރި ނުުންތޯ 1. ޑރ ސޫދު 2 ކޮންސްޓަބަލް ސޫދު 3 ކޯޕްރަލް ސޫދު
ޝޮކްތެރަޕީ
02 July 2020
މިމަސްސަލަތައް ބަލާވަރަކައް ބެދެނީ އެމްޑީޕީގެ މީހުން.
ޑރ. ރާމީ ހަސަން ނިއުޔޯކް/އެމެރިކާ
02 July 2020
ރައުދާ ގެ މަރުގެ ރިޕޯރޓް ވެސް މަރުތަކާއި ބެހޭ ކޮމިޝަނުން ތައްޔާރު ކުރީ މަރާލި ކަމަށް ބުނެވޭ ތަނަށް އެއް ފަހަރަު ވެސް ޒިޔާރާތް ނުކޮށް ކަމަށް ރައުދާ ގެ ބައްޕަ ޑރ. އާތިފް ވިދާޅުވޭ. މިއީ އެހެން މަރުތަކުގެ ކަންކަމުގައި ވެސް ކޮމިޝަނުން ފަރުވާ ކުޑަަކުރި ކަމުގެ ވަރަށް ބޮޑު ނިޝާނެއް. ބޭރު ގެ އެންމެ މެމްބަރެއް ނޫން ތިޔަ ކޮމިޓީ ގައި ހިމަނަންވީ. ކޮމިޓީ ގެ މެޖޯރިޓީ އަކީ ބޭރުގެ ނަން ހިނގާ ލޯޔަރުން ކަމުގައި ހަދަން އެބަޖެހޭ!
ޗަކޮއި ކައިޒީން
02 July 2020
ސަފާރީގަ ދަމުނަމާދު ކުރަން ތިއްބަ އަންހެނަކު ގެނބޭތީ ޢަޑުއިވިގެން އޭނަ ސަލާމަތްކުރި ރޯޔަލްފެމެލީއާ ގުޅުން އޮންނަ އޯނާސް އޮފްދަބޯޓު ކޮބައިތޯ. ޝަރުމީލާ ފަދައިން ގެއްލުނީބާ
ސާޝްް
02 July 2020
ރޯޔަލް ރޭޕް ކޭސްގެ ހަގީގަތް ހޯދަން އިބުރާހި މްވެސް އެބަޖެހޭ ހިނގާލު މެއްގަ ބައިވެރިވާން!
ޙަލީމާ
02 July 2020
ޔާމީނުގެ ތެޔޮވިޔަފާރީގެ މައްސަލަ ބަލަން ރައީސް ނަޝީދުގެ ވެރިކަމުގައި ބޭރުގެ ބަޔަކާއި ހަވާލުކޮށްގެން ދައުލަން 10 މިލިޔަން ޑޮލަރު ( 150 މިލިޔަން ރުފިޔާ ) ޚަރަދު ކުރި އިރު އެތެޔޮގަތް ކުންފުންޏެއްގެ ނަމެއް، ފޯން ނަންބަރެއް އެކައްޗެއް ވެސް ނުހޯދުނު. ދެން ކީކޭ މިކިޔަނީ މީހާރު 10 އަހަރު ވެއްޖެ އެމައްސަލަ ތަހުޤީޤު ކުރާތާ. ކުރެވުނުހާ ވެސް ކަމަކީ އަލްޖަޒީރާއިން ރިޕޯޓެއް ދައްކާލުން.
ޢާއިޝަތު ލައިލާ
02 July 2020
ރޯޔަލް ރޭފް ކޭސް އަޑު ކަޑުވާލުމަށް މީޑިޔާގައި އެއްމެ ފަހުގެ ހަތިޔާރު ބޭނުން ކޮއްލީއެވެ. ރޯޔަލް ފެމެލީއަށް ރޯޔަލްކަން ހޯދައި ދިނުމުގައިވެސް އެެއްމެ ބޮޑަށް ބޭނުންް ކުރީ މިހަތިޔާރު.
ޢާމިރު
02 July 2020
ބައެއްފަހަރު ހިތަށް އެބައަރާ މިއުޅެނީ ވަކި ބަޔަކަށް ޙުކުމް ކޮށް ޖަލައް ނުލެވިގެން އުޅޭ ހެން.
ރަދީފްް
02 July 2020
ތިކަމަކީ ކޮށްފިނަމަ ބަޔކަށް އިންސާފްލިބިދާނެކަމެއް. މިވެރިކަން ނިމި މިދަނީ ހަރާމުންހަރާމް ފޮނިވާހަކަދައްކައި ރައްޔިތުންގެ ލޮލުގައި ކަޅުއަނދުނެއްއެޅުވީ !!!