އެކެއްގެ ޝަކުވާ: މުސާރަ ނުދޭތާ ހަތް މަސް، ގައިން ތާހިރުވެވޭނެ ގޮތެއް ވެސް ނެތް!

އައިލެންޑް އެކްސްޕާޓުގެ ބިދޭސީން އިއްޔެ ކުރި މުޒާހަރާގައި ބައިވެރިވި މީހަކު ވީޑިއޯއަކަށް ވާހަކަ ދައްކަނީ.

އާސިމާ ނިޒާރު، މިހާރު

07 ޖުލައި 2020 - 11:38

ސިފައިންނާއި ފުލުހުންނަށް ހާއްސަކޮށްގެން ހުޅުމާލޭގައި ހަދަމުން އަންނަތާ އަށް އަހަރުވީ އިމާރާތްތަކުގެ މަސައްކަތުގައި އުޅޭ ބިދޭސީ މުވައްޒަފުންގެ ޝަކުވާތައް މިހާރު ވަނީ ކޮޅުން ލައިފަ އެވެ. އޭގެ ތެރެއިން އެކެއްގެ ވާހަކަތަކުން ވެސް، އެމީހުން ތިބި ނިކަމެތި ހާލު އެނގެ އެވެ.

އިއްޔެ އެމީހުން ކުރި މުޒާހަރާއެއްގައި ބައިވެރިވި އިންޑިއާ މީހަކު، ހިންދީ ބަހުން ވާހަކަ ދައްކަމުން ރުޅިވެރިކަމާ އެކު ބުނީ، މުސާރަ ނުލިބޭތާ ހަތް މަސް ވެއްޖެ ކަމަށާއި ގައިން ތާހިރުވެވޭނެ ގޮތެއް ވެސް ނެތް ކަމަށެވެ.

ޖުމުލަ 14 ބުރީގެ އެ އިމާރާތްތައް ހަދަމުން އަންނަނީ ތައިލެންޑް ބައެއްގެ ހިއްސާ އޮންނަ އައިލެންޑް އެކްސްޕާޓްސް އިންނެވެ. މުސާރަ ނުދީ އެތައް މަހެއް ވުމުން އުފެދުނު ހިތްހަމަނުޖެހުންތަކުގައި އިއްޔެ މުޒާހަރާކޮށް ފްލެޓްތަކުގައި ހުރި މުދަލަށް ވެސް ގެއްލުންދިނެވެ.

މުސާރަ ނުލިބޭތީ މިދިޔަ މަހުގެ 25 ގައި ވެސް ވެސް ބިދޭސީން މުޒާހަރާކުރި އެވެ.

އޭގެ ތެރެއިން 80 ވަރަކަށް މުވައްޒަފުން ވަނީ އައިލެންޑް އެކްސްޕާޓްސްގެ އިސް ވެރިންނާ ބައްދަލުކޮށްފަ އެވެ. ދެ ފަރާތުން އެއްބަސްވެފައި އޮތީ މުސާރަ ދިނުމާ ގުޅޭ ކަންކަމުގައި ނިންމާ ގޮތެއް އެންމެ ލަސްވެގެން އަންނަ ހުކުރު ދުވަހުގެ ކުރިން އަންގާށެވެ.

އިއްޔެ މުޒާހަރާ ކުރި އެކެއްގެ ވީޑިއޯއެއް ސޯޝަލް މީޑިއާގައި ވަނީ ދައުރުވެފަ އެވެ. އެމީހާ ބުނާ ގޮތުން މުސާރަ ނުލިބޭތާ ހަތް މަސް ވެއްޖެ އެވެ. ގައިން ތާހިރުވާން ދަތް އުނގުޅާ ބޭހާއި ސައިބޯންޏެއް ވަރު ވެސް އަތުގައި ނެތް ކަމަށް އޭނާ ބުންޏެވެ.

Hindi bahun muzaahaaraa kuri bidheysee eh ge shu'ooru. pic.twitter.com/cRuADN7LfS
— Nauty🇲🇻 (@nautymatox) July 6, 2020

"މިއީ ކިހިނެއް ކުންފުނި ހިންގާ ބައެއް؟ ފުލުހުން ވެސް އެކަމާ ގުޅިގެން އެއްވެސް ކަމެއް ނުކުރޭ. ދެން އަހަރެމެން ކީއް ކުރާނީ؟" އޭނާގެ ހިތްހަމަނުޖެހުން ފާޅުކުރި އެވެ.

މީގެ ކުރިން ބޭއްވި މުޒާހަރާގައި ބައިވެރިވި ބިދޭސީއަކު "މިހާރު" އަށް ބުނީ ބައެއް މީހުންނަށް މުސާރަ ނުދޭތާ ހަތް މަސް ވެއްޖެ ކަމަށެވެ. ކޮންމެ މަހެއް ނިމޭއިރަށް އަންނަ މަހު މުސާރަ ދޭނަމޭ ބުނާ ކަމަށާއި އެކަމަކު އެެހެން ނުވާ ކަމަށް އޭނާ ބުންޏެވެ.

Musaara nudhin massalaigai bidheyseen muzaaharaa koh, fuluhunge flat thakah gellundheefi

The most trusted news source in the Maldives

Mihaaru

ބިދޭސީންނަށް މުސާރަ ނުދިނުމުގެ މައްސަލަ މިހާރު ބޮޑެވެ. އެގޮތުން ބ. ބޮޑުފިނޮޅުގައި ރިސޯޓު ހެދުމުގެ މަސައްކަތް ކުރަމުން އަންނަ ބިދޭސީންނަށް މުސާރަ ނުދޭތާ ހަ މަސް ވެ، އެ މީހުން ވަނީ އެ ތަނުގައި ތިބި ދިވެހިންތަކެއް ރަހީނު ވެސް ކޮށްފަ އެވެ. ރަށުގެ މަސައްކަތް ކުރަމުން އަންނަ، ރައްޔިތުންގެ މަޖިލިހުގެ މިލަންދޫ ދާއިރާގެ މެމްބަރު އަލީ ރިޒާގެ ރިޒް ކުންފުންޏަށް ހިއުމަން ޓްރެފިކިންގެ ސީރިއަސް ތުހުމަތުތަކެއް ވެސް ވަނީ ކޮށްފަ އެވެ.

ފުލުހުން ހުޅުމާލެ ބިދޭސީން މަސައްކަތްތެރިންގެ ހައްގުތައް

52 ކޮމެންޓް, 171 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު

08 July 2020

ގައުމުގެ ރައްޔިތުންނައް ބޮޑުމުސާރައެއް ދޭންޖެހިދަނެތީ ކުންފުނި ތަކުން ބަލަނީ އަގުހެޔޮ ބަޔަކު ނީލަން ފިހާރައިން މުދާނަގާ އުސޫލުން ގެނެސް މިތާ މަސަތްކަތް ކުރުވަން ކަމެއް ޖެހުނީމަ މިއެނގެނީ ކުންފުނި ތަކުގެ ވެރިންގެ ޖާހިލުކަން ރިޒް ކުންފުނި އުވާލާ ބިދޭސީންނައް މުސާރަ ދިނުމައްފަހު ފުރުވާލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން

08 July 2020

ހުރިހާ ޖަރީމާއެއްގެ އަސްލު ގޮސްގުޅެނީ ސަރުކާރުތަކުގެ އިސްމަގާމުތަކުގައި ތިބިމީހުނާއެވެ. ބިދޭސީންނަށް މުސާރަނުދީ ގާނޫނު މުގުރާފަ ތިބި މެންބަރުން އިސްތިއުފާ ދޭންޖެހޭ ނުވަތަ މަގާމުން ދުރުކުރެވެންޖެހޭ، "އިއްޒަތްތެރި" މި ބަހުގެ މާނަ އޮޅޭ ހިސާބަށް ކަންކަން މިދަނީ، އިރުއިރު ކޮޅާ ގާނޫނު ބަދަލުކުރާހެން "އިއްޒަތްތެރި" މި ބަހުގެ މާނަވެސް ބަދަލު ކުރަންވީނުން!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބެ

08 July 2020

ދިވެހިރާއްޖޭގެ މުއައްސަސާތަކުގެ ނާގާބިލްކަން އަދި ޒިންމާ އަދާނުކޮށް ރައްޔިތުންގެ ޓެކްސް ފައިސާއިން މުސާރަކާލާގެން ތިބޭމީހުންގެ އިހުމާލު ބަލައިދޭނެ ގާނޫނީ ވަކީލަކު އެބަހުރިބާ . މުޅިންވެސް ސައިކަލުގަ އިސްޓިކާޖެހުން ޖުރިމަނާކުރުން. ދެންކލހުރިކަންކަމައް ކަނުލޮލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟުހާމްބެ،×

08 July 2020

ގައިންތާހިރު ނުވިޔަސް ބަޑުފުރާ ކައިގެންނު ތިހުރީ؟؟އެހެންވިމާ އޯކޭނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު.

08 July 2020

ފުލުހުންނާހަމަޔަށް ނުގޮސް 7 މަސް މަސައްކަތް ކުރީ ކީއްކުރަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަދުގަނޭ

08 July 2020

ވެރިންގެ ނުަބައިކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ

07 July 2020

މުރަމަސައްކަތް ކުރާ ބިދޭސީން ނައް މުސާރަ ނުދެވޭ ، ކޫލިވަރު ގަ ތެރެއިން އެއްވެސް ކަމެއް ނުކޮއް ބަރާބަރައް މުސާރަލިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިލަފަޅު

07 July 2020

ސިފައިންނާއި ފުލުހުންނަށް ހާއްސަކޮށްގެން ހުޅުމާލޭގައި ހަދަމުން އަންނަ ފުލެޓްތަކުގައި މަސަތްކަތް ކުރާ ގިނަ ބިދޭސީންތެރޭގައި ހިއުމަންޓުރެފިކް މީހުން ތިބިތޯ ބަލަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޝަފާ.

08 July 2020

މުސާރާގެ ވާހަކަ ދައްކާއިރައް ކޮން ހިއު މަން ޓުރެފިކިންނެޖޭ ތިޔަކިޔަނީ.. މަސައްކަތް ކުރުވާފިއްޔާ މުސާރަ ދޭންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގުބުޅާ

07 July 2020

އިންސާފުހޯދަން މަގުމައްުޗަށް ނުކުންނަން މިޖެހެނީ މިހާރު ހުރިހާކަމެއްގަ. ދޭސީ އެއް ބިދޭސީއެއްވިޔަސް.ލަދުން ބޯހަލާކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

08 July 2020

ތިކަމަކީ 1990ގެ އަހަތުތަކުގައިވެސް ރާްއްޖޭގެ ކޮްނސްޓްރަކްޝަން އިންޑަސްޓްރީގެ ހާލަތު އައުކަމެއްނޫން. ނަމަވެސް ބަޔަކު އަޑީގަތިބެގެން މިދަތިދަނޑިވަޅުގައި ބޮޑެތިމަޝްރޫއުތަށް ހުއްޓުވުމުގެބޭނުމުގައި އެއްބަޔަކު ދިވެހިންރަހީނުކޮށް ތަކެއްޗާ މުދަލަށް ގެއްލުންދިނުމުން އެކަށީގެންވާފިޔަވަޅު ނޭޅުމުން 2ވަނަ ކަންތަށް ތަޖްރިބާކުރަންޖެހި މުޅިޤައުމު އެއްއަޑަކުން ޤުޤުމާލުމަށް މިމީހުން ނިކުންނާނެކަމުގެ ހެކި ތިޔަފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓް ބްރޯ

07 July 2020

ސަރުކާރު ނާގާބިލްވެ މުއައްސަސާތައް ފެއިލްވެފަވާ ކޮންމެ ގައުމެއްގަވެސް އޮންނާނީ އިޖުތިމާއީ މައްސަލަތައް ފުނިޖެހިފަ. ރާއްޖެގަވެސް މިފެންނަނީ އެކަން. ބައިނަލްއަގްވާމީ އެހީހޯދަން އިންސާނީ ހައްގުތަކާ ބެހޭ ގަރާރުތަކުގަ ސޮއިކޮށްފަ ދެން ވާނުވާ ބަލާނުލާތިއްބާ ދުނިޔޭގެ ކުރިމަތީ ރާއްޖެ ފަލީހަތްވެ ނިމިއްޖެ. އަދި ސަރުކާރުތަކުގެ ބޮޑުން އަމިއްލަ އަންބޮނޑި ބޮޑުކުރަން އެތެރެކުރި ބޭރުމީހުން މިއަދުމިވަނީ ހައްލު ނުކުރެވޭވަރު ބޮޑު ގައުމީ މައްސަލައަކަށް ވެސް ވެފަ!