07 ޖުލައި 2020 - 11:59
14 comments
ހިޔާ މަޝްރޫގެ ފްލެޓްތަކަށް އެދި ފޯމު ލާފައިވާ މީހުންގެ ތެރެއިން ހާލަތު ބަލަން ނުގުޅޭ މީހުންގެ ލިސްޓު ރައީސް އޮފީހުން މިއަދު އާންމުކޮށްފި އެވެ.
ހިޔާ ފްލެޓްތައް ދޫކުރުމުގެ ކުރިން އެ ފްލެޓްތަކަށް އެދި ހުށަހަޅާފައިވާ މީހުންގެ ތެރެއިން ޝަރުތު ހަމަވާ މީހުންގެ ދިރިއުޅުމުގެ ހާލަތު ބަލަން ގުޅައި އެމީހަކު ދިރިއުޅޭ ތަނަކަށް ޒިޔާރާތް ކުރެ އެވެ. ފްލެޓްތަކުގެ މައްސަލަ ބަލާ ކޮމިޓީން އާންމުކޮށްފައި ވަނީ މިގޮތަށް ގުޅި ގުޅުމުން ދީފައިވާ ނަންބަރަށް ނުގުޅޭ މީހުންގެ ނަންތަކެވެ.
މި ލިސްޓުތަކުގައި ހިމެނެނީ ހިޔާ މަޝްރޫގެ ދަށުން ފްލެޓަށް އެދިH4 ،H5 ،H6 ، H8 އަދި H10 މި ކެޓެގަރީއަށް ފޯމު ހުށަހަޅާފައިވާ ފަރާތްތަކުގެ ތެރެއިން، ގުޅޭނެ ނަންބަރެއްގެ ގޮތުގައި ދީފައިވާ ނަމްބަރުން، ނުގުޅުނު މީހުންނެވެ. އަދި H7 އަދި H9 ކެޓަގަރީއަށް ފޯމު ލީ މީހުންގެ ދިރިއުޅުމުގެ ހާލަތު ބެލުމުގެ މަސައްކަތް އަދި ނުނިމޭތީ، އެ މަސައްކަތް ނިމުމުން އެ ދެ ކެޓަގަރީގައި ނުގުޅޭ މީހުންގެ ލިސްޓްތައް ވެސް އާންމުކުރާނެ ކަމަށް ހައުސިން މިނިސްޓްރީން ބުންޏެވެ.
މި ލިސްޓުތަކުގައި ޖުމްލަ 475 މީހުން ހިމެނެ އެވެ. ކޮމިޓީން ބުނީ މިއީ ފްލެޓް ލިބޭ މީހުންގެ ފައިނަލް ލިސްޓުތައް ނޫން ކަމަށެވެ.
މި ލިސްޓުގައި ނަން ހިމެނޭ މީހުން ކޮމިޓީއަށް އެކަން އަންގަން ވަނީ އެދިފަ އެވެ. އެގޮތުން މި މަހުގެ 14 ވަނަ ދުވަހުގެ ކުރިން ކޮމިޓީން ކަނޑައަޅާފއިވާ ފޯމު ފުރައި ހުށަހަޅަން ޖެހެ އެވެ.
ހުޅުމާލޭގެ ދެ ވަނަ ފިޔަވަހީގައި ކުރީގެ ރައީސް އަބްދުﷲ ޔާމީންގެ ސަރުކާރުން އިމާރާތް ކުރަން ފެށި 7،000 ފްލެޓު ނިންމަން ޗައިނާގެ ކުންފުންޏާ އެކު އެއްބަސްވެފައި އޮތީ މިދިޔަ އަހަރުގެ ޑިސެމްބަރަށެވެ. އެކަމަކު މަސައްކަތް ނިންމަން އަދި އަށް މަސްވަރު ނަގާނެ ކަމަށް، އާ ހައުސިން މިނިސްޓަރު މުހައްމަދު އަސްލަމް އިއްޔެ ވިދާޅުވި އެވެ.
މި ފްލެޓްތައް ލިބުނު މީހުންގެ ލިސްޓް ކުރީ ސަރުކާރުން ވަނީ ނެރެފަ އެވެ. އެކަމަކު މި ސަރުކާރުން ނިންމީ ފްލެޓް ލިބުނީ ހައްގު މީހުންނަށްތޯ ކަށަވަރުކުރަން އަލުން ފޯމްތައް ބަލައި، ހާލަތު ވަޒަންކުރާ ގޮތަށެވެ.
އަސްލަމް ވިދާޅުވީ މިހާތަނަށް 40 ޕަސެންޓް ގޭގެ އަށް ޒިޔާރަތްކޮށްފައިވާ ކަމަށެވެ. ބާކީ ހުރި 60 ޕަސެންޓް ގެތަކުގެ ހާލަތު ބެލުމަށް ފަހު، މި މަސް ނިމޭއިރު ލިސްޓް އާއްމުކުރަން ފަށާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޫނި
08 July 2020
އަހަރެންގެ ހާލަތު ބަލަށް ގުޅާނި ކަމެއް ނެތް. އަހަރެން ދިރިއުޅޭ ތަނޭކިޔާ ދަށްކާނެ ތަނެއް ނެތް. އެކި ދުވަހު އެކިތާ މިއުޅެނި. ހޮވިފަ އިނިންޔާ ފުލެޓް ހަވާލު ކުރަށް ގުޅާ
މޯޑް
08 July 2020
ކޮންހާލަތެއްތޯ ބަަލަނި. ލިބޭއެއްޗަކުން ކުށްޔަށް ބޮނޑް ހޭދައެއް ކުރަންޖެހޭތީ ސަރުކާރުގެ ބޯހިޔާވަހިކަމަށް ކުރިމަތިލަނި. ސަރުތު ހަމަވަންޏާ ދިނީމަ ނިމްނީއެއްނު. އަހަރެން ފުލެޓަށް ފޯމްލީފަހުން 3 ވަނަ ގޭގަ މިއުޅެނި. ތަފާތު ސަބަބުތަކާހުރެ ނިކުންނަށް ޖެހިގެން. ހާލަތު ދެން ވަޒަންކުރޭ.
ދެރަ
07 July 2020
ހާލަތު ބަލަން ބައެއް ގޭގެއައް ގޮސް ފުލެޓް ލިބޭނެ ކަމުގެ ގެރެންޓީވެސް ދީފަ އެބަހުއްޓޯ. އަދި ބުނާކަމަށްވެ . މިދަނީ ޝޯޓްލިސްޓް ކުރެވިފައިވާ ގޭގެއަށޭ
ސޯކާބ
07 July 2020
ތިޔަބުނާ ލިސްޓު ތަކުގަ ގިނައީ ރައްރަށުގެމީހުން ރައްރަށުގެމީހުންނައް މަލޭންފުލެޓްވެސް ރަސުންގޯތިވެސް މިމަލޭމިހަކައްވިއްޔާ ބިންހަރާމް އެކަމަކުގާނޫނޫނުގަ ބުނޭ ނަސްލަކައް ކުލަޔަކައް އުފަންވާ ރަށްކައް ނުބަލާ އެންމެން ހަމަހަމަވާނޭ މިހަރުވެސް އެބައޮއް އެތައްރަށަކުން ގޯތިދޫކުރާވާހަކަ އެކަމަކު މިމާލޭގެ ރައްޔތަކައް ގޯއްޗެއް ނުދޭން ނިންމައިގެން މިއުޅެނީ އެދިގުރާސްތާ 30 އަހަރުފެށި ނަސްލީ އިމްތިޔާޒް ދިރުވާއާލާކުރަން ހަމައެކަނި މާލޭގެ ރައްޔިތުންނައް ގޯތި ނުދނ
ކަންތަކާ ޖެހުނީ
07 July 2020
ރާއްޖެއަށް ލިބޭހާ އާމްދަނީއެއް މާލެއަށް އަޅަނީ ރާއްޖެތެރޭ މީހުން ބުނެގެންތަ؟ އެމީހުންގެ އަސާސީ ހައްޤުތައް ލިބެން އޮތްތަނަކުން ހޯދަން އައީމަ މައްސަލައަކަށްވެގެން ތިއުޅެނީ. އާނ ރައްޔިތުންގެ ލާރިން ހިއްކާފަ ހުޅުމާލެއާއި ގުޅީފަޅުވެސް ފުރެންދެން ފްލެޓް އަޅާފަ މާލެ މީހުންނަށް އެކަނި ދޭންވީ. އޭރުންތާ އެހެންގޮތެއްނެތިގެން ރަށްރަށުން އަންނަ މީހުންނަށް ބޮޑު އަގުގަ އެތަންތަން ކުއްޔަށް ދީގެން ބޭރު ކަރަކަރައަށް ދިރިއުޅުން ބަދަލުކޮށްގެން އުޅެލެވޭނީ.
ބޮޑުމީހާ
07 July 2020
މިއަށްވުރެ ތަންދޮރު ނުދަންނަ ސަރުކާރެއް ނާދެ އަދި. ކަލޭމެންވެރިކަމުގަ ހުޅުމާލެއިން ގޯއްޗާއި ފްލެޓްދިނީ އިންސާފުންތަ! ޓޫރިޒަމްއަށް ރަށްތައް ދޫކޮށްފަ ހުރީ އިންސާފުންތަ! ނެތް މައްސަލައެއް އުފައްދައިގެން މިމީހުން ޕާޓީ އެކްޓިވިަްޓުންނަށް ލާރިތަކެއް ދެނީ!
ހޮޅިސަރުކާރު
07 July 2020
ފުލެޓް ލިބުނު ލިޔުން ދީފައިވާ ފަރާތްތަކަށް ފުލެޓް ހަވާލު ކުރަންޖެހެ . އެހެންނޫނީ ކުރީ ހުރިހާ ސަރުކާރުތަކުން ދިން ފުލެޓްތައްވެސް ބާތިލް ކުރަން ޖެހެ . އެއީ އެއްވެސް ސަރުކާރަކުން ކުރި އަދި ކުރާނެ ކަމެއް ނޫން .
ހައްގުބަސް
07 July 2020
އައްޑޫގެ އެތަކެއް ބަޔަކަ ފްލެޓު ލިބޭނެކަން ޔަގީން.
ޫވުބު
07 July 2020
ކޮބާތަތިބުނާ ލިސްޓް. ލިސްޓުގެ ލިންކެއްލާދީބަލަ
ހައްގުބަސް
07 July 2020
އޮނަރަބްލް އަފީފު ދީދީ މޮޔަފުޅުވީތޯ. އައްޑޫގަ އެހެރީ ފްލެޓުއަޅާފަ ބަޔަކު ނޫޅެ އެތަނައް ވަންނާކަ. ސަރުކާރުން ކުރީ ބޭކާރު ހަރަދެ. ރަނގަޅު ފެންވަރުގެ ހޮސްޕިޓަލެ އެބަހުރި. ލަންކާ އިޔާލަންނައް ވަނީ ގެއްލުން. ފިތުނަ އުފެއްދުމަކީ އަބަދުވެސް ބައެއްމީހުން ކޮއްއުޅޭ ފީކަޅާ އަމަލެއް.
ޙާމް1
07 July 2020
ހުސެން ސުޖާއު، ޗާނދަނީ ވިލާ،- އައް ވެސް ފްލެޓު ލިބިފަ ނުގުޅިފަ އޮތްކަމަށް ލިސްޓުގަ އެބަ އޮތް. ނުވެސް ނަގާނެތާ ތަނަވަސް މާލޭގަ އެތައް ގެދޮރެއް ހުރި ލަކްޝަރީ އިމާރާތެއްގަ އުޅުއްވާ އާއިލާ އަކުން 600ސފޓ ތަނަކަށް ކުރިމަތި ލީވެސް އަޅެ ކީއްވެ؟ ނިކަމެތި އެތައް ބައެއްގެ ނަންވެސް ލިސްޓުގަ ނުހިމެނި.