12 ޖުލައި 2020 - 11:14
29 comments
ސަރުކާރުގެ އެންމެ ބޮޑު ހޮސްޕިޓަލް، އައިޖީއެމްއެޗުގެ ނަރުހުންގެ ޔުނީފޯމް ދެ އަހަރު ފަހުން އަނެއްކާ ވެސް މިއަދު ބަދަލުކޮށްފި އެވެ.
ކުރިއާ ހިލާފަށް އެއްވެސް ޑިޒައިނެއް ނެތް، ނޫކުލައިގެ ޔުނީފޯމުގައި މިއަދު ނަރުހުން ވަނީ ޑިއުޓީ އަށް ނުކުންނަން ފަށައިފަ އެވެ. އާ ޔުނީފޯމުގެ އަތް ދިގުވެފައި، ވަށް ބުރުގާގެ ބަދަލުގައި ޝޯލް އެޅޭނެ ކަމަށް އެ އައިޖީއެމްއެޗުން ބުނެ އެވެ.
އެ ހޮސްޕިޓަލުން ބުނީ، ޑިޒައިނަށް ބަދަލު ގެނައުމުގެ އިތުރުން، އާ ޔުނިފޯމު ހުންނާނީ ރަނގަޅު ކޮލިޓީއެއްގައި ކަމަށާއި ރައްކާތެރިވާނެ ކަމަށެވެ.
We are delighted to unveil the new Uniform for our Nurses. In addition to being a change in design, the new uniform offers an upgrade in comfort, safety and quality. pic.twitter.com/APqV0uIMcN
— IGMH (@igmhmv) July 12, 2020
އައިޖީއެމްއެޗް ނަރުހުންގެ ޔުނީފޯމް ބަދަލު ކުރުން
މީގެ ކުރިން އެންމެ ފަހުން އައިޖީއެމްއެޗު، ނަރުހުންގެ ޔުނީފޯމު ބަދަލު ކޮށްފައިވަނީ މެއި 12، 2018 ގަ އެވެ. އެއީ ވެސް ވިލު ނޫކުލައިގެ ޔުނީފޯމެކެވެ. އެ ޔުނީފޯމުގައި ހުދު ކުލަ އާއި ވިލު ނޫކުލައިގެ މާތަކެއް ޖަހާފައިވެ އެވެ.
ދެ އަހަރު ތެރޭގައި ނަރުހުންގެ ޔުނީފޯމު ބަދަލުކުރީ ކީއްވެގެންތޯ މީޑިއާ އޮފިޝަލާ ސުވާލު ކުރުމުން އަދި ޖަވާބެއް ނުލިބެ އެވެ.
ގިނަ ނަރުހުން މިހާރު ޔުނީފޯމު ލަނީ ޑިއުޓީ އަށް ނުކުމެފަ އެވެ. މި ދުވަސްކޮޅު ގެއިން އާ ޔުނީފޯމު ލައިގެން ދިޔަ ކަމުގައި ވިއަސް، އެ ޔުނީފޯމާ އެކު ގެއަށް ނުދެވޭނެ ކަމަށް އެ ހޮސްޕިޓަލުން ނަރުހުންނަށް އަންގާފައި ވެ އެވެ.
އެންމެ ކުރިން ނަރުހުން ލީ ހުދު ކުލައިގެ ޔުނީފޯމެކެވެ. މިއީ މި ފަހުން ޔުނީފޯމު ބަދަލުކުރި ތިން ވަނަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޑަހަންޖާ
12 July 2020
ކުރީގެ ޔުނިފޯމުތައް ރާއްޖެތެރޭ ހޮސްޕިޓަލަކަށް ފޮނުވާނުލަނީތަ.
ޢަލިއަ
12 July 2020
އަސްލު ރީނދޫކުލައަށް ބަދަލުކުރި ނަމަ މާރީތިވީސް، މިހާރުވެސް ގޯހެއްނޫން މޯދީގެ ކުލަޔަކާ އެބަ ވައްތަރުވޭ، އެއީވެސް އަހަރެމެންގެ މީހެއްނުދޯ
ދޮންބެއްޔާ
12 July 2020
މިހާތަނަށް ނަރަހުން ބޭނުންކޮށްފައިވާ ޔުނީފޯމަށް ބަލާއިރު، އަދިވެސް ހުދު ޔުނީފޯމް ވަރެއްނެތް. ޔުނީފޯމާއެކު ހުދު ކެޕް. އޭގައި ކަޅުފަށް. ކަޅު ފަށްތަކުން ނަރުހުންގެ ރޭންކު އަންގައިދޭ. އެ ހުދު ޔުނީފޯމުގައި ނަރުހުން ފެންނައިރު ނޭނގި ނަމަވެސް އިޙްތިރާމް ކުރެވޭ. ހައިބަތު ދައްކުވައިދޭ.
ސިސްޓަރ
12 July 2020
މިއީ ވެސް ހަމަ ތަފާތުކުރުން ނޫންތޯ!!! މާލެ ވީމަ ވަކި ގޮތެއް، ރާއްޖެތެރެ ވީމާ ވަކި ގޮތެއް!!
އެއްކަލަ މީހާ ދޯ
12 July 2020
ތަނުގެ ވެރިޔަކަށް ހުންނަމީހާ ބަދަލުވީމަ މިރާއްޖޭގަ އެންމެ ފުރަތަމަ ކުރާ ކަމަކީ މުވަޒަފުންގެ ޔުނިފޯމް ބަދަލުކުރުމާއި އިންފާރުގެ އުސްމިން ބަދަލުކުރުން. ހައުސިން މިނިސްޓްރީ އިން އަދި މާލޭ ސިޓީ ކައުންސިލުން މިގޮތަށް ބަދަލުގެނައި ކިތައްމެ ތަނެއްގެ އަދިވެސް ހަދާން ހުންނާނެ. ދެރަކަމަކީ މި ކަންކަމަށް ޚަރަދު ކުރާނެ ފައިސާ ބަޖެޓްކޮށް އަދި ލިބޭކަން. އަދި މިކަންކަން ބާލާނެ ބަޔަކު ނެތްކަން. ގައިމުވެސް ކުރަން މާ ފައިދާބޮޑު ކިތައްމެ ކަމެއް ނުކޮށް އެބަހުރި!
ދޮން މަނިކު
12 July 2020
ސިއްހީ ދާއިރާއައް ބުނި ވައުދުތައް ފުއްދުނީ ... ވަރައްފުރިހާ މަ .....
ސިސްޓަރ
12 July 2020
ވައުދުތައް ކުރަނީ މާލެ އައް އެކަނިތޯ؟؟؟
ބުރަފަތިކަނބުލޮ
12 July 2020
ކުރީގެ ހުދު ޔުނިފޯމް އަދިވެސް އެންމެ ކަމުދަނީ
މީހާމީހާ
12 July 2020
މަޖިލޙިގެ ރުހުންނެތި މިވަރުގެ ކަމެއް ކުރަން ހެޔޮ ނުވާނެ. އަޅުގަނޑު ގޮވާލަން މިހާރުން މިހާރަށް މި މައްސަލަ ބަލާ 241 ކޮމިޓީގެ ރުހުން ނެތި ޔުނިފޯމް ބަދަލު ނުކުރެވޭގޮތް ހަދާ، ނަރުހުންގެ ޑިއުޓީ ޓޭބަލްތައްވެސް މިނިވަން މުއައްސަސާތަކާ ކޮމެޓީން ހަދަން ފަށަން
މީހަކު
12 July 2020
ޔުނީފޯމަކީ ޚިދުމަތާ ގުޅޭ އެއްޗެއް ނޫން. ކުރިން ދެބެންގެ ދެދަރި ބޭބެ ހުރި އިރު ހާދަ ގިނަ ކުރިއެރުންތަކެއް ހޯދިއޭ. ހާދަ ތަރައްޤީއެއް ކުރިއޭ. މިހާރު އެ ހުރިހާކަމެއް ހުރީ ހުއްޓިފައި.
ލެބޯރެޓަރީ
12 July 2020
ފޮޓޯނަގަން އަންގި ލެއްވިޔަކަސް ނުވާނެ، އެއް ޕޭޝަންޓާ އަނެއް ޕޭޝަންޓާ ދޭތެރޭ ވެސް އެ ސެނެޓައިޒް ނުކުރޭ. ކޯވިޑްވެސް ތިތާ ފެތުރުނީ ފަރުވާކުޑަކަމުން. ކިޔުއައިޑީއަށް ވާނުވާނޭގެ
ހުސްނާމުހުސިން
12 July 2020
މިހާރު މާ ރީތި. ކުރީ ޔުނީފޯރމު ހީވަނީ ކޮއްމެވެސް ރިސޯޓެއްގެ ސަޕާރ އެއްގެ ސްޓާރފެއްހެން.