13 ޖުލައި 2020 - 20:10
39 comments
ގޯތިގެދޮރުގެ މާކެޓު ހުރި ގޮތް ދެނެގަތުމުގެ ދިރާސާއެއް ހެދުމުގެ އެއްބަސްވުމެއްގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީީސީ) އާއި މޯލްޑިވްސް ނެޝަނަލް ޔުނިވާސިޓީ (އެމްއެންޔޫ) އިން މިއަދު ސޮއިކޮށްފި އެވެ.
"ހައުސިން މާކެޓް ސްޓަޑީ" ހެދުމުގެ އެއްބަސްވުމުގައި އެޗްޑީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ސުހައިލް އަހުމަދެވެ. އެމްއެންޔޫ އިން ސޮއިކުރެއްވީ ވައިސް ޗާންސެލަރު ޑރ. މުހައްމަދު ޝަރީފެވެ.
އެޗްޑީސީން ނެރުނު ބަޔާނެއްގައި ބުނީ ހައުސިން މާކެޓް ސްޓަޑީގެ އިތުރަށް ވެސް އެހެން ބައެއް ދިރާސާތައް މި އެއްބަސްވުމުގެ ދަށުން ހަދާނެ ކަމަށެވެ. އޭގެ ތެރޭގައި ވިޔަފާރި އާއި ބޯހިޔާވަހިކަމުގެ މައުލޫމާތު ހޯދައި މިކަމަށް މުވައްޒަފުން ތަމްރީނު ކުރުމާއި އެއާ ގުޅުން ހުރި އެކި ދިރާސާތައް ހެދުން ހިމެނެ އެވެ.
އެއްބަސްވުމުގެ ދަށުން ކުރާނެ ބައެއް ކަންކަން:
- ގެދޮރު ގަތުމާއި ކުލީގެ މިންގަޑު ކަނޑައެޅުމުގައި ބަލަން ޖެހޭނެ ކަންކަން ދިރާސާ ކުރުން.
- ފައިނޭންޝަލް ސެކްޓާގައި ލިއުިޑިޓީ ހުރި މިންވަރު ދިރާސާކުރުން.
- އިމާރާތްކުރަން ބޭނުންވާ ފައިސާ ހޯދުމުގައި ހުރި ދަތިތަކާއި އިމާރާތްކުރާ ފަރާތްތަކަށް ދިމާވާ ގޮންޖެހުންތައް ހޯދައި ދިރާސާކުރުން.
- ރާއްޖޭގެ ރިއަލް އެސްޓޭޓް ވިޔަފާރީގައި ގާނޫނީ ގޮތުން ދިމާވާ ދަތިތައް ދެނެގަތުން.
- ސަރުކާރުގެ ބޯހިޔަވާހިކަމުގެ ސިޔާސަތުތައް ކަނޑައެޅުމަށް އިލްމީ ދިރާސާތަކުގެ އަލީގައި ލަފަ އާއި މަޝްވަރާ ދިނުން.
އެޗްޑީސީން ބުނީ މިފަދަ ދިރާސާތަކަކީ ސްމާޓް ސިޓީ ކޮންސެޕްޓް އިތުރަށް ފުރިހަމަ ކުރުމަށް މިބޭނެ ބާރެއް ކަމަށެވެ.
ހުޅުމާލޭގެ ހައުސިން ޔުނިޓްތަކުގެ ކަންކަން ބަލަހައްޓާ ބެލެނިވެރި ފަރާތް އެޗްޑީސީން ބުނީ ހުޅުމާލެ ތަރައްގީ ކުރުމުގައި އެކުލަވައިލާ ޕްރޮޑަކްޓްތަކަކީ އިލްމީ ހޯދުންތަކުގެ އަލީގައި ކުރާ ކަންކަމަށް ހެދުމަކީ ވަރަށް ބޮޑު އިސްކަމެއް ދޭ ކަމެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްމާލު
14 July 2020
ތިޔަކަހަލަ ރީސާޗް ހަދަން ޑރ. ހަސަން ހަމީދަށް ވުރެ ޑރ. މުއިއްޒު މާމޮޅުވާނޭ!!!
މުލޭ
14 July 2020
ތިޔަ ދިރާސާގެ ބޭނުމަކީ 7000 ފްލެޓް ހަވާލު ކުރުމުން މާލެއިން ހުސްވާ އަމިއްލަ ވިޔަފާރި ވެރިންގެ އެޕާޓްމަންޓް ތަކަށް ވަންނާނެ ބަޔަކު ނުވެދާނެތީ ސޯޝަލް ހައުސިންގެ އިތުރު ޕްރޮޖެކްޓްތައް ސަރުކާރުން ނުހިންގުމަށް ބަހަނާ ދެއްކުމަށް ކުރާ ދިރާސާއަކަށް ނުހައްދަވާށެވެ. 20 އަހަރު ކުރިން ހަދާ ނިންމާ ނުވަތަ ލިބޭ ކުލިން ލޯނު ދައްކާ ނިންމާފައި ހުރި ޢިމާރާތްތަކުންވެސް 2 ކޮޓަރި ވިހި ހާސް ރުފިޔާއަށް ދެނީ ހަމަ ލޯނު ދެއްކުމުގެ ނަމުގައެވެ.
އުދުހޭ
14 July 2020
7000 ފްލެޓް ދޫކުރީމަ ގެދޮރު ކުއްޔަށް ދީގެން އަތުންފައިން މަސައްކަތެއް ނުކޮށް ލާހޫރޭ ސިޔާސީ މީހުންނަށް ލިބޭނީ ކިހާވަރެއްގެ ގެއްލުމެއްތޯ ބަލަން ދިރާސާއެއް ހަދަނިއްޔޭ ބުނިއްޔާ މާ ތާހިރުވާނެ!
މަލްޓި ފެމެލީ ހޯމް
14 July 2020
މަލްޓި-ޖެނެރޭޝަން/މަލްޓި-ފަމިލީހޯމް ތަޢާރަފް ކުރޏްވީ. ދެކޮޓަރި ނުވަތަ ތިންކޮޓަރި އެޕާޓްމަންޓާއެކު ކާފަމާމަގެ ނުވަތަ ބައްޕަމަމްމަ/މައިދަދައަށް ވަކިންކުޅެވޭނެ އެއްކޮޓަރީގެ ނުވަތަ ސްޓޫޑިއޯ އެޕާޓްމަންޓް ހުންނަގޮތަށް. މުސްކުޅި މައިންބަފައިން ދަރިންނާ ދުރުގައިނޫޅެވޭނެ. އެކަހަލަ އެޕާޓްމަންޓްގައި އަލަތުކައިވެނިކުރާދަރިއަށްވެސް އުޅެވޭނެ. ވަރަށްގިނަ އާއިލީ މައްސަލަ ހައްލުވާނެ. އާއިލާއެއްގެއެއްގައި ވަކިން ދިރިއުޅެވޭނެ.
ބޮޑުމީހާ
14 July 2020
މިގައުމުގަ އުޅޭ އެންމެ ކުޑަކުއްްޖާއަށްވެސް އިގޭ މިތާ ހުރި މައްސަލަތައް، ހައުސިންގ ޑިމާންޑް އޮތްވަރު. ޗަރުކޭސް ނުކުޅެ ފިޒިކަލީ ކަމެއް ކުރެވޭތޯ ބަލާ
ރަދީފް ހުސެން
14 July 2020
ތިމާމެންކުރާ އަމިއްލަ ވިޔަފާރިއެއް އިތުރައް ފުޅާކުރަން ހަދަން ބޭނުންވެގެންއުޅޭ ދިރާސާއެއް ރައްޔިތުންގެ ބަޖެޓުފޮތުގަޖަ ހާފަ ހަދާލީމާ ބޭނުންވާ ދިރާސާ ހިލޭލިބުނީ. ހީލަތުގެ ކަރުނަ
މޮހަދު
14 July 2020
ގައުމަށް ލިބޭ ހާ ފައިސާއާއި އެތައް ބިލިޔަނުން ލޯނު ނަގައިގެން ހުޅުމާލެ އަށާއި ގުޅީފަޅަށާއި މާލެއަށް އޮއްސަމުންދާ ފައިސާ އަކީ މިގައުމުގެ ޜައްޔިތުން ދިރިއުޅެމުންދާ ދުވިސައްތަ ރަށުގެ ރައްޔިތުންނަށް ދިމާވެފައިވާ ބޮޑު ބޭއިންސާފެވެ. ރިޔަލްސްޓޭޓް ވިޔަފާރި ކުރަން އުޅުނަށް މީ ހައްދު ފަ ހަނަޅައި ހިންގަމުންދާ ޖަރީމާއެކެވެ. މާލޭ ދިރިއުޅޭ މީ ހުންނޭ ބުނެ ރާއްޖެތެރޭ ރަށްރަށުގެ ރަޖިސްޓްރީ އައިޑީ ކާޑު އޮތް އެކި ރަށްރަށަށް ނިސްބަތްވާ މީ ހުން ލައިގެން ގުނަނީއެވެ
ދިވެހިމީހާގެ ދަރި
14 July 2020
ރައްޔިތުންނަށް ގެދޮރު ނުދީ ބަޔަކަށް ލާރިގަނޑެއް ދޭނެ ގޮތަކަށް އަނެއްކާވެސް މޮޅު ރޮކެޓެއް ޖަހާލީ. ދިރާސާއެއް ނެހެދިޔަސް ގެއެއް ހަދައިފިއްޔާ ކުއްޔަށް މީހުން ހިފަން ދާވަރު މިއޮތީ ފެންނަން. ހުހަށް ހުރި ގެއެއް ނެތް ތާނގައި ކޮޓަރިގަނޑެއްގައި ދިހަބާރަ މީހުން ނިދަނީ. ފްލެޓް ކޮމިޓީން ގޭގެޔަށް ގޮސް ހެދި ދިރާސާ ކޮބައިތަ؟ އެވަރުން ނުފުދޭތަ!
މަގޭ ހިޔާލް
14 July 2020
ސަރުކާރުން ހައުސިން އަޅާއިރު އެކިފަންތީގެ މީހުންނަށް ފުލެޓުއެލުން މުހިންމު ހަމައެކަނި އެންމެ އާދައިގެ މީހުންނަށް އެޅުމުގެ ބަދަލުގައި
ޘާމިރު
14 July 2020
ފައްޔާޒު މޮޅުވާހަކަ ދައްކަނީ ނަތިޖާއެއް ނުފެނޭ ... މިނިސްޓަރުގެ ފެއިލިޔާ ވަގުތުނަގާލުން. ޑަބަލް މަސައްކަތް ކުރުން، މިހާރުހުރި ޕްރޮޖެކްޓްތައް ނުފެށުން. ޢަދި ކުރީ ސަރުކާރުން ކޮށްފަހުރި ކަންކަން ބެލުމުގަ ބެކާރު ވަގުތު މިއީ ބޭކާރު އެކްސްކިޔުޒްތައް ރައްޔިތުން ބޭނުންވަނީ ނަތީޖަ ހުސްއަންގަ ތަޅާއަޑުއަހާކައްނޫން