ލީގުގެ މޮޅު ކުޅުންތެރިއާ ސެންޓޭ (ވ) އަށް ސްޕޯޓްސް ކޮމިޝަނަރު ޑޭވް އިނާމު ދެއްވަނީ. --ފޮޓޯ: ނިޝާން އަލީ/ މިހާރު
23 އޮކްޓޯބަރ 2016 - 00:51
3 comments
އުރީދޫ ދިވެހި ޕްރިމިއާ ލީގުގެ މޮޅު ކުޅުންތެރިޔާގެ މަގާމަށް ޓީސީ ސްޕޯޓްސް ކްލަބުގެ އަލީ ފާސިރު (ސެންޓޭ) އަދި އެންމެ މޮޅު ގޯލްކީޕަރަކަށް ކްލަބް އީގަލްސްގެ ސްރީ ލަންކާ ކީޕަރު ސުޖަން ޕެރޭރާ ހޮވައިފި އެވެ.
ދެ ކުޅުންތެރިންނަށް އިނާމް ދެއްވީ މިރޭ އޮތް ލީގުގެ ނިމުމުގެ ރަސްމިއްޔާތުގައި ސްޕޯޓްސް ކޮމިޝަނަރު އަހުމަދު ނަޝީދު (ޑޭވް) އެވެ.
މި އަހަރު ޓީސީ އަށް ބަދަލުވި ސެންޓޭ ވަނީ އެ ޓީމަށް ލީގުގެ ދެ ވަނަ ހޯދައިދިނުމުގައި މުހިއްމު ދައުރެއް އަދާކޮށްފަ އެވެ. އޭނާ އަކީ ލީގުގައި އެންމެ ގިނަ ލަނޑު ޖެހި ކުޅުންތެރިއާ ވެސް މެ އެވެ. ސެންޓޭ ވަނީ މިއަދު ހަވީރު ކްލަބް ވެލެންސިއާ ކޮޅަށް ހެދި ހެޓްރިކާ އެކު ސީޒަނުގައި ޖުމްލަ 29 ގޯލް ހަމަކޮށްފަ އެވެ.
ލީގުގެ މޮޅު ކީޕަރު ސުޖަން (ވ) އަށް ސްޕޯޓްސް ކޮމިޝަނަރު ޑޭވް އިނާމު ދެއްވަނީ. --ފޮޓޯ: ނިޝާން އަލީ/ މިހާރު
އެންމެ މޮޅު ކީޕަރުގެ މަގާމަށް ހޮވުނު ސުޖަން ވަނީ މި ސީޒަނުގައި އީގަލްސް އަށް ތަފާތު މޮޅު ކުޅުމެއް ދައްކައިފަ އެވެ. އީގަލްސް އިން ލީގުގެ ތިން ވަނަ ހޯދި ނަމަވެސް ފުރަތަމަ ދެ ބުރުގައި އެ ޓީމުން ލީގުގެ ކުރީގައި ޑޮމިނޭޓްކުރި އިރު، އެންމެ މުހިއްމު ދައުރެއް އަދާކުރީ އޭނާ އެވެ. އީގަލްސްގައި ދެއްކި މޮޅު ކުޅުމާ އެކު ސުޖަން އަށް ލަންކާ ގައުމީ ޓީމުގެ ޖާގަ ޔަގީންވެފައިވާއިރު އެންމެ ފަހުން ކުޅުނު މެޗުތަކުގައި ލަންކާގެ ކެޕްޓަންކަން ކުރީ ވެސް އޭނާ އެވެ.
ލީގުގެ ފެއާޕްލޭ ޓީމަކަށް ހޮވުނީ މުޅިން އަލަށް ވާދަކޮށް ހަތަރު ވަނަ މަގާމް ހޯދި ޔުނައިޓެޑް ވިކްޓަރީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލާތި!،
23 October 2016
السلام عليكم ، بِسْمِ اللَّهِ الرَّحْمَنِ الرَّحِيم ، މިދިވިހިރާއްޖޭގަ މިހާދުވަސް ވެގެންދާ އިރު ފުޓް ބޯޅަ އައްމިހާފޯރި ދޭއިރު ބޭރުގެމިނަގަޑައް ބަލާން ޔޫރަޕް ގެގޮތައް ބަލަގެން ކިހިނެއްބާ މި ނިންމުންތައް މިނިންމަނީ އަސްލުގަ މިގޮތައް ކަންތައްތައް ކުރާތީ ފުޓް ބޯލާގަ މިދިވެހިރާއްޖެ ކުރިޔައް ނުގޮސްގެން މިއުޅެނީ ނުދަނީ ، ހަމަހޭ ހުރިކޮންމެ އިންސާނަކައް ވިއްޔާ ވަކިކޮޅަކައް ބުރަނުވެ ބުނަންޔާ ބަލާނަމަ މޮޅުކުޅުންތެރިޔާ މަގާމައް ދިނުން އޮތީ ސަންވީލް ޣާސިމއް (ބޮންޑަ) އައް ދެންކުރިޔައް އޮތްތަނުގަ ބަލަތި ﷲ އިރާދަފުޅުކުރެއްވިއްޔާ އަޅުގަނޑު މިބުނި ބަހުގަ ހުރިވަރު އިގިދާނެތާ ! ان شاء الله ، آمين ،،،،،!.
ވިސްނާލީމާ
23 October 2016
ސެންޓޭއަށް ހަމަ ހައްގުބާ!؟! މިހާރު ސެންޓޭ ތަފާތު މޮޅުކުޅުމެއްކުޅޭތާ ދެތިން ހަތަރު އަހަރުވަނީ! އެކަމަކު މޮޅުކުޅުންތެރިޔާގެ އެވޯޑެއްނުލިބޭ! ނުދޭ! ވަނީކީތްކަމެއްނޭނގޭ! މިއަހަރު ޓީސީީއަށް ކުޅުމަކީ ސެންޓޭއަށް އެބުނާ އެވޯޑެއްލިބޭ އަހަރު ކަމުގާ ވެދާނެ! މަރްހަބާ ސެންޓޭ! ވަރަށް ވަރަށް އުފާވެއްޖެ! -އިބްރާހީމް-
ގުޑްލަކް
23 October 2016
ސެންޓޭ ހަމަ މޮޅީ. ދެން އޮތީ މޮޅު ކުޅުންތެރިޔާގެ އެވޯޑް އުފުލާލުން. މަރުހަބާ ސެންޓޭ