20 ޖުލައި 2020 - 19:13
9 comments
އައްޑޫ އިންޓަނޭޝަނަލް އެއާޕޯޓް ކޮމްޕެނީ (އޭއައިއޭ) ގައި އޮތް މޯލްޑިވްސް އެއާޕޯޓްސް ކޮމްޕެނީ ލިމިޑެޓް (އެމްއޭސީއެލް) ގެ 10 ޕަސެންޓް ހިއްސާ ދޫކޮށްލުން އަވަސް ކުރަން ފިނޭންސް މިނިސްޓްރީގައި އެދެން ރައްޔިތުންގެ މަޖިލީހުގެ އެސްއޯއީ ކޮމިޓީން މިއަދު ނިންމައިފި އެވެ.
އެ ކޮމިޓީގެ މިއަދުގެ ބައްދަލުވުމުގައި ވަނީ ގަން އިންޓަނޭޝަނަލް އެއާޕޯޓުގެ ހާލަތު ދިރާސާކޮށް، ނިންމި ގޮތުގެ ރިޕޯޓާ ގުޅޭ ގޮތުން މަޝްވަރާ ކޮށްފަ އެވެ.
ފޭދޫ ދާއިރާގެ އެމްޑީޕީގެ މެންބަރު މުހައްމަދު ނިހާދު ވިދާޅުވީ، އެމްއޭސީއެލްގެ ހިއްސާ އޭއައިއޭގައި އޮތް ނަމަވެސް، އައްޑޫ އެއާޕޯޓު ތަރައްގީ ކުރުމުގައި އެ ކުންފުނީގެ އެހީތެރިކަން އެއްވެސް ވަރަކަށް ނުލިބޭ ކަމަށެވެ.
އޭއައިއޭގައި އޮންނަނީ އެމްއޭސީއެލްގެ 10 ޕަސެންޓް ހިއްސާ އާއި ސަރުކާރުގެ 60 ޕަސެންޓާއި ކާސާ ހޯލްޑިންސްގެ 30 ޕަސެންޓު ހިއްސާ އެވެ.
"އަޅުގަނޑަކަށް އެއްގޮތަކަށް ވެސް ނުފެނޭ އެއް އިންޓަނޭޝަނަލް އެއާޕޯޓުގެ ހިއްސާ އަނެއް އިންޓަނޭޝަނަލް އެއާޕޯޓުގައި އޮތުން. އެމްއޭސީއެލްގެ ހިއްސާ އައްޑޫ އިންޓަނޭޝަނަލް އެއާޕޯޓުގައި އޮތުމުން މަސްލަހަތު ފުށުއަރާނެ. އެހެންވީމާ އެމްއޭސީއެލްގެ ހިއްސާ އޭއައިއޭ އަށް ވީ އެންމެ އަވަހަކަށް ނެގުމަށް ފިނޭންސް މިނިސްޓްރީއަށް ދެންނެވުން މުހިއްމު،" ނިހާދު ވިދާޅުވި އެވެ.
އޭނާ ވިދާޅުވިގޮތުގައި، އެމްއޭސީއެލްގެ ހިއްސާ އައްޑޫ އެއާޕޯޓު ކުންފުނީގައި އޮތުމުން އެންމެ ފުރިހަމަ އަށް ކުރިއަރަން އުނދަގޫވާނެ އެވެ. ނިހާދުގެ މި ހުށަހެޅުމަށް ތުލުސްދޫ ދާއިރާގެ އަމިއްލަ މެންބަރު އިބްރާހިމް ނަސީމް ތާއީދު ކުރެއްވި އެވެ.
މަޖިލީހުގެ އެސްއޯއީ ކޮމިޓީގެ ބައްދަލުވުން މިއަދު ކުރިއަށް ގެންދަނީ.---ފޮޓޯ: މަޖިލިސް
އޭއައިއޭއާ ގުޅޭ ރިޕޯޓަށް ގިނަ އިސްލާހުތަކެއް މިއަދުގެ ބައްދަލުވުމުގައި ހުށަހެޅި އެވެ. ނިހާދުގެ އިތުރުން ފުވައްމުލަކު މެދު ދާއިރާގެ އެމްޑީޕީގެ މެންބަރު ހުސައިން މުހައްމަދު ދީދީ އާއި މާފަންނު މެދު ދާއިރާގެ އެމްޑީޕީގެ މެންބަރު އިބްރާހިމް ރަޝީދު (ބޮންޑޭ) ވެސް ރިޕޯޓަށް އިސްލާހު ހުށަހެޅުއްވި އެވެ.
އޭގެ ތެރޭގައި ހިމެނޭ އެއް އިސްލާހަކީ އޭއައިއޭގެ ހިދުމަތްތަކުން ލިބޭ ފައިދާއިން، ކުންފުނި މިހާރު ތަހައްމަލު ކުރަމުންދާ މާލީ ދަތިކަމުން އަރައިގަނެ، ގަން އިންޓަނޭޝަނަލް އެއާޕޯޓުގެ ހިދުމަތްތައް ފުޅާކޮށް، އިތުރު އެއާލައިންތަކުގެ ދަތުރުތަކަށް އިތުރު ފުރުސަތު ދިނުމަށް މިހާރު އެ ކުންފުނިން އެކުލަވައިލާފައިވާ ޕްލޭނާ އެއްގޮތަށް ކުރިއަށް ގެންދިއުމަށް އެދުމެވެ.
އޭއައިއޭ ތަރައްގީ ކުރުމަށް އެކުލަވާލާފައިވާ ޑިވެލޮޕްމެންޓް ޕްލޭނުގައި 2020-2025 އަށް 15 މިލިއަން ޑޮލަރު ބޭނުންވާނެ ކަމަށް އަންދާޒާކޮށްފައިވެ އެވެ. އެ ފައިސާ ހޯދުމަށް ބައިނަލްއަގުވާމީ އިދާރާތަކުން ފައިނޭންސް ހޯދުމަށް ނުވަތަ ކޮންޓްރެކްޓް ފައިސޭންސް އުސޫލުން މާލީ އެހީ ހޯދުމަށް ކުރަންޖެހޭ މަސައްކަތްތައް އަވަސްކުރަން ވެސް އިސްލާހު ހުށަހަޅާފައިވެ އެވެ.
މަޖިލީހުގެ އެސްއޯއީ ކޮމިޓީގެ ބައްދަލުވުން މިއަދު ކުރިއަށް ގެންދަނީ.---ފޮޓޯ: މަޖިލިސް
މީގެ އިތުރުން، ފައިނޭންސް ކުރާނެ ގޮތާއި ޕްރޮޖެކްޓްތައް ފެށުމުގައި ހަމަޖެހިފައިވާ ތާރީހާއި ޕްރޮޖެކްޓްތައް ތަންފީޒު ކުރާނެ ގޮތް އެނގޭނެ ގޮތުގެ ތަފްސީލު ޕްލޭނެއް އެކުލަވައިލައި ކުރިއަށް އޮތް 45 ދުވަހުގެ ތެރޭގައި އެސްއޯއީ ކޮމިޓީއާ ހިއްސާ ކުރަން އޭއައިއޭ އަށް އަންގަން ކޮމިޓީން ފާސްކުރި އެވެ. ސ. ގަމުގައި ހިންގާ ގެސްޓް ހައުސް، ދޫގަސް ތަރައްގީކުރުން އޭއައިއޭގެ ދަށަށް ބަދަލުކުރުމަށް ކުރަން ޖެހޭ މަސައްކަތް އަވަސް ކުރަން އަންގަން ވެސް ނިންމި އެވެ.
މީގެ ދެ އަހަރު ކުރިން، 2018 ގައި ވެސް ދޫގަސް ތަރައްގީ ކުރުމަށް އެމްޕީއެލްއާ ހަވާލު ކުރި އެވެ. އޭރު ވިސްނީ ދޫގަހުގައި 120 ކޮޓަރި ތަރައްގީ ކުރުމަށެވެ.
އެސްއޯއީ ކޮމިޓީން ވަނީ އޭއައިއޭ އަށް ދިމާވެފައިވާ މާލީ ދަތިތަކުން އަރައިގަތުމަށްޓަކައި ފިނޭންސް މިނިސްޓްރީ އާއި އިކޮނޮމިކް މިނިސްޓްރީން މިހާރަށް ވުރެ ބޮޑަށް މަސައްކަތް ކުރުމަށް ވެސް އެދިފަ އެވެ. އައްޑު އަށް މުދާ އެތެރެކުރާ އަދި ބޭރުކުރާ މީހުންނަކީ ކޮބައިތޯ ބަލައި އެ މީހުނަށް ދިމާވާ ދަތިތައް ދެނެގަނެ، އެކަންކަން ހައްލު ކުރެވޭނެ އިންތިޒާމުތައް ހަމަޖެެއްސުމަށް އޭއައިއޭން މަސައްކަތް ކުރުމަށް ވެސް ހުށަހަޅާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާނު 77
21 July 2020
ޗަންޕާގެ ހިއްސާ ދައުލަތަށް ނެގުން ނުވަތަ ފަންސާހަށް ވުރެ މަތިން އޭނައަށް ދިނުން. އެއިރުން ތިތަން ތަރައްގީ ވާނެ.
ހަގީގަތަކީ
21 July 2020
ހަގީގަތަކީ ހުޅުލެ ވެސް ވިއްކާލަން އުޅުނުކަން، ދިރާގު މެޖޯރިޓީ ހިއްސާ ވިއްކިކަން، އިންޑިއާ މީހުންނަށް ތަންތަން ބެހިކަން
އިބްރާ
21 July 2020
ގައުމު ހިންގަން ނޭނގުނީމާ ދެންމިނުކުންނަނީ ގައުމުގެ ހަރުމުދާ ވިއްކަން.
ދާދާއަލީ
21 July 2020
އެނެއްކާވެސް ވިޔަފާރި ގަނޑެއް އަނބުރާލަނީދޯ! ބަލަ ކާސާގެ 30% އޮވެގެން ފުށުނާރާތަ؟ މަޖްލިސް އެންމެ ފުރަތަމަލަންވި އިސްލާހަކީ، މަޖްލީސް މެންބަރަކަށް ފަސްޓްޑިގްރީ މިނިމަމް ރިކަރމަންޓް! ހިތަށްއަރާ މިމީހުން އަމިއްލަ ކިޔޭއެއްޗިން އެނގޭބާވައޭ! ކުޑަކޮއްވެސް ތަންދޮރު ދަންނަބެއްދޯ ލާންވާނީ މިތަނަށް، ބަޔަކު ހަމަ އެއްޗެއްކިޔާށޭ ބުނާއިރަށް ކީމަކާ ކަމަކުނުދާނެ!
ފަހުދު
21 July 2020
10% ޝެއާޔާ ހެދިގެން ދޯ އެއަރްޕޯޓް ޑިވެލޮޕް ނުކުރެވިގެން މިއުޅެނީ. މިހާރުވެސް މިއުޅެނީ ބަޔަކައް %100 ދީގެން ގައުމު ވީރާނާވެ މިކަމަކުން އަވަހައް ސަލާމަތް ނުވެވިގެން. ތިތަންތަނުގެ މިހާރު ތިބި ވެރިން ބަދަލުކޮއް ހިންގަން އެންގޭ ބަޔަކާ ހަވާލު ކޮއްބަލަ ދެންވެސް
ބިން އަބުދުލް އަޒީޒް
21 July 2020
ހަމަތިބެފަ ނުވަތަ ލިޔުމެއްކިޔާލާފަ ވާނުވާނޭންގޭހާލު ކޮމެންޓް ކުރުން އެހާ ރަނގަޅެއްނޫން. ޢޭ،އައި،އޭގެ މިސްރާބު މިހާރު ހުރީ ރަނގަޅަށްކަމަށް ފެނޭ. އޭ.އައި އޭގެ މެނެޖްމަންޓް އަދި އޭ.އައި.އޭގެ ޑެވޮލޮޕްމަންޓްއާއި ގުޅުންހުރި މިއިންޑަސްޓްރީގެ ހުރިހާފަރާތްތަކަށް އެއްބާރުރުލުންދީ ފުރުސަތު ފަހިކޮށްދީ ހުރީހާ އެންމެން ގުޅިގެން މަސައްކަތްކުރަންވީ ވަގުތުމީ.
ރޯނު އިކޮނޮމިސްޓް
21 July 2020
10% ހިއްސާއަކީ ކޮންޓޮރޯލިންގް ޝެއާއެއްނޫން. ޑިސިޝަން މޭކިންގް ގައި އެމްއޭސީއެލްގެ ހިއްސާއެއް އޮންނާނެހެން ހިޔެޔްނުވޭ! ކީއްވެ ޗަމްޕާގެ ހިއްސާ ދޫކޮށްލަން ނުގޮވަނީ؟ މިތަން ކޮންޓްރޯލް ކުރަނީ އެމީހުން. ސަރުކާރުވެސް އޮންނަނީ ނިދާފަ. އަސްލު މާރަނގަޅުވާނެ އެމްއޭސީއެލް ގެ ސަބްސިޑިއަރީއެއްގެ ގޮތަށް މިތަން ހިންގިއްޔާ!
މަސްވެރިޔާ
20 July 2020
ދިވެހި ސަރުކާރު ހިގަނީ ޕްރައިވޭޓް ކުންފުންޏެއްހެން. ޢެމްއޭސީއެލްގެ %100 ހިއްސާއާއި ގޭން އިންޓަރނޭޝަނަލްގެ %60 ހިއްސާ ސަރުކާރަށް ބާރުފޯރާގޮތަށް އޮތުން ކިހިނެތްބާ؟ %70 ހިއްސާ މަޖިލީހުގެ މެމްބަރުން ބެލެހެއްޓުން މާރަގަޅުވާނެ ތޯއްޗެއް.
ނަޖުމުއްދީން
20 July 2020
ސަހާދެއް ބޯހަލާކު.