ދަރަވަންދޫގައި އިމަޖެންސީ މެޑިކަލް ސެންޓަރެއް އެޅުމަށް މިނިސްޓަރު އަމީން (ކ) އާއި އިންޑިއާގެ ހައިކޮމިޝަނަރު ސޮއި ކުރައްވަނީ: މިއީ އިންޑިއާގެ ހިލޭ އެހީގެ ދަށުން އަޅާ ތަނެއް
20 ޖުލައި 2020 - 20:36
6 comments
ބ. ދަރަވަންދޫގައި އިމަޖެންސީ ސިއްހީ ހިދުމަތްދޭ މަރުކަޒެއް ހަދަން ބަޔަކާ މިއަދު ހަވާލުކޮށްފި އެވެ.
ހެލްތު މިނިސްޓްރީން ބުނި ގޮތުގައި އެލްއެފް ކޮންސްޓްރަކްޝަނާ ހަވާލުކޮށްގެން މި މަރުކަޒު އަޅަނީ އިންޑިއާ ސަރުކާރުން ދިން އަށް 7.4 މިލިޔަން ރުފިޔާއިންނާއި ސަރުކާރު ބަޖެޓުން ހަރަދުކުރާ ނުވަ ލައްކަ ރުފިޔާއިންނެވެ.
އެ މިނިސްޓްރީން ބުނީ ދަރަވަންދޫ ހެލްތު ސެންޓަރުގައި އިމަޖެންސީ ފަރުވާދޭ ބައެއް ނެތުމުން، އެ ހިދުމަތް ދިނުމަށް ވަރަށް ބޮޑަށް ދަތިވާ ކަމަށެވެ. އަދި ބ. އަތޮޅުގައި ގިނަ އަދަދެއްގެ ރިސޯޓް ހުންނައިރު އެ ރަށުގައި ޑޮމެސްޓިކް އެއާޕޯޓެއް އޮތުމުން، އިމަޖެންސީގައި ފަރުވާ ދޭން ޖެހޭ މީހުންނަށް އަވަސްކަމާއެކު އެ ހިިދުމަތް ފޯރުކޮށްދެވޭނެ ކަމަށް ބުންޏެވެ.
މި މަޝްރޫއުގެ ދަށުން ސިއްހީ މަރުކަޒުގައި ފުލްފްލެޖް އިމަޖެންސީ ސެންޓަރަކާއި ޓްރެއިން ފެސިލިޓީއަކާއި އޮފީހެއް ހަދާނެ އެވެ.
ދަރަވަންދޫގައި މި މަޝްރޫއު ހިންގަނީ އިންޑިއާ ސަރުކާރުން ރާއްޖެއަށް ދީފައިވާ 106 މިލިޔަން ރުފިޔާގެ ހިލޭ އެހީގެ ތެރެއިންނެވެ. މި އެހީގެ ދަށުން، އއ. އުކުޅަހުގައި ކޮންވެންޝަން ސެންޓަރަކާއި އެއަތޮޅު ރަސްދޫ ބަނދަރު ހިމާޔަތް ކުރުމުގެ މަޝްރޫއު ވަނީ ހިންގައިފަ އެވެ. އަދި މާލެއަށް ވެހިކަލާއި މެޝިނަރީޒް ހަވާލުކޮށްފައިވާއިރު، ބ. ފެހެންދޫގެ ދަރިވަރުން އެއަތޮޅު ގޮއިދުއަށް ކިޔަވަން ދިޔުމަށް ފެރީއެއް ވެސް ވަނީ ހަވާލުކޮށްފަ އެވެ.
ރާއްޖޭގައި ހުންނަ އިންޑިއާގެ ހައިކޮމިޝަނުން ބުނިގޮތުގައި އެ އެހީގެ ދަށުން އަދި އިިތުރު މަޝްރޫއުތައް ވެސް ކުރިއަށް ގެންދާނެ އެވެ.
އެތަނުން ބުނީ ރާއްޖޭގެ ސިއްހީ ދާއިރާ ކުރިއެރުވުމަށް އިންޑިއާއިން ބޮޑު އިސްކަމެއް ދޭ ކަމަށާއި ކޮވިޑް-19ގެ ބަލިމަޑުކަމުން އަރައިގަތުމަށް ވެސް ގިނަ އެހީތަކެއް އެ ގައުމުން ފޯރުކޮށްދީފައިވާ ކަމަށެވެ. އެގޮތުން ސިއްހީ ދާއިރާގެ މަސައްކަތްތެރީންނަށް އެހީވުމަށް އިންޑިއާއިން 14 މީހުން ހިމެނޭ ހާއްސަ ޓީމެއް އައިސްފައިވާއިރު، ބޯޑަރުތައް ބަންދުކުރުމުން ވެސް ރާއްޖެއަށް ބޭނުންވާ މުހިއްމު ބޭސްތައް އެ ގައުމުން ފޮނުވާފައިވާ ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
21 July 2020
މައި ސަރުކާރަށް ރަގަޅު ބަދަލެއް ދޭން އެއްބަސް ވެފަ އޮތީމަ މިހެން ކަންކަން ކުރަމުން ދަނީ. ޙަނިމާދޫ އެއަރޕޯޓް. ގުޅިފަޅު ޕޯޓް. މިއީ ލިސްޓްގެ އެއްބައި. ސާބަހޭ ދިވެހިން.
ރަދީފްއޮފިޝިއަލް
21 July 2020
ތަނެއްގެ ވަށާ ފާރު ރާނަން ޖެހުނަސް އެކަން މިކުރަނީ އިންޑިޔާގެ ތައްޕާހުން.ދެރަ ދޯ
ގަމަރިއްޔާތަ
20 July 2020
ބ.އަތޮޅުގައި ގިނަ އަދަދެއްގެ ރިސޯޓް ހުރެފައި، ރަށުގައި ޑޮމެސްޓިކް އެއާޕޯޓެއް އޮތުމުން، އިމަޖެންސީގައި ފަރުވާ ދޭން ޖެހޭ މީހުންނަށް އަވަސްކަމާއެކު އެ ހިިދުމަތް ފޯރުކޮށްދެވޭނެ ގޮތަށް ދަރަވަންދޫ ހެލްތު ސެންޓަރުގައި ފުލްފްލެޖް އިމަޖެންސީ ސެންޓަރަކާއި، ޓްރެއިން ފެސިލިޓީއަކާއި އޮފީހެއް އެޅިގެން ދިޔުންވާނީ އަތޮޅުގެ ރައްޔިތުންނަށް ލިބޭ ވަރަށް ބޮޑު ފަސޭހަ އަކަށް. ޝުކުރިއްޔާ ސިއްހަތު ވަޒީރު. ގައުމައިގެން ކުރިއަށް!
ސާދާތު
20 July 2020
އެކަމަކުވެސް ދެން އެންޑީޕީއަކަށް ވޯޓެއްނުދޭނަން
ދިވެއްސެއްް
20 July 2020
ސާބަހޭ. ކޮވިޑް ކޮންޓްރޯލު ކުރަމުގެ ބުރަ ބޮޑު މަސައްކަތް ކޮނޑުގައި އަޅައިގެން ހުރެވެސް އެއްވެސް އުޒުރެއް ނުދައްކާ ހެލްތު މިނިސްޓަރު ވައުދު ފުއްދުމުގައި. އެންމެންނަށް ނަމޫނާ ވަޒީރެއް!
ދޯރި
21 July 2020
މި ސަރުކާރުގައި ކަމެއް ކުރެވޭ ވަޒީރަކަށް ހުރީ އަމީނާއި ޝާހިދު ދެން ތިބީ ހުސް އަނގަ ތަޅާ ވަޒީރުން. އެކޮނޮމިކް މިނިސްޓަރަށް މީހާތަނަށް ރާއްޖެ ގެނެވުނު އިންވެސްޓްމެންޓެއް ނެތް. ބޭރުމީހުންގެ ކިބައިން ސަލާމަތް ނުވެގެން އުޅޭ މިނިސްޓަރަކަށް އެންމެ މުހިއްމު އިގްތިޞާދީ ދެ ވުޒާރާ ހަވާލުކޮށްގެން އެމްޑީޕީ މެމްބަރުން އަތްޖަހަން ތިބެނީއެވެ.