ރޭގެ ހަމަނުޖެހުމާ ގުޅިގެން 22 ބިދޭސީއަކު ހައްޔަރުކޮށްފި

ހަމަނުޖެހުން ހިންގި ބިދޭސީންނާ ވާހަކަ ދައްކަނީ. -- ފޮޓޯ: ޕޮލިސް

ޝުރުފާ މުހައްމަދު، މިހާރު

21 ޖުލައި 2020 - 21:22

ވ. އަތޮޅުގައި ތަރައްގީ ކުރަމުން އަންނަ ރިސޯޓެއްގައި މަސައްކަތް ކުރާ ބިދޭސީންތަކެއް ރޭ ހިންގި ހަމަނުޖެހުމާ ގުޅިގެން 22 މީހަކު 15 ދުވަހުގެ މުއްދަތަށް ހައްޔަރުކުރަން ކޯޓުން އަންގައިފި އެވެ.

ފުލުހުން މިރޭ ބުނީ، މި ހަމަނުޖެހުންތަކާ ގުޅިގެން ފުލުހުންގެ ބެލުމުގެ ދަށަށް ގެންދިޔަ 22 ބިދޭސީ މަސައްކަތްތެރިން ބަންދުގައި ބައިތިއްބައިގެން ތަހުގީގު ކުރިއަށް ގެންދަން ފެލިދޫ މެޖިސްޓްރޭޓް ކޯޓުން 15 ދުވަހުގެ މުއްދަތެއް ދީފައިވާ ކަމަށެވެ.

ރޭގެ ހަމަނުޖެހުމުގައި އެއްވެސް މީހަކަށް އަނިޔާއެއް ނުވެ އެވެ. ނަމަވެސް އެ މީހުންގެ ސުޕަވައިޒަރުގެ ކޮޓަރިއަށް ގެއްލުން ދީފައިވާ ކަމަށް ފުލުހުން ބުނެފައި ވެ އެވެ. އެ ރަށުގައި މަސައްކަތަށް ހުރަސް އަޅައި ބިދޭސީން އިހުތިޖާޖު ކުރުމާ ގުޅިގެން ފުލުން ރޭ ބުނެފައި ވަނީ މައްސަލަ ހައްލު ކުރުމަށް އެ ބިދޭސީންގެ ސްޕޮންސަރު ހަރަކާތްތެރިވި ކަމަށެވެ.

ނަމަވެސް ވ. އަތޮޅުގައި ރިސޯޓެއްގެ ގޮތުގައި ތަރައްގީކުރާ މި ރަށުގެ ބިދޭސީން އިހުތިޖާޖަށް ނުކުތީ ކޮން ސަބަބަކާ ހެދީ ކަމެއް ފުލުހުން ނުބުނެ އެވެ.

ރާއްޖޭގައި މަސައްކަތް ކުރުވާ ބައެއް ބިދޭސީންނަށް މުސާރަ ނުދޭ މައްސަލަ އިންތިހާ އަށް ބޮޑުވެފައިވާއިރު، އެ މީހުން އިހުތިޖާޖު ކުރުމާއި އެ ކަންކަމާ ގުޅިގެން ހަމަނުޖެހުން ހިންގުން ދަނީ އާންމުވަމުންނެވެ. ރިސޯޓެއްގެ ގޮތުގައި ތަރައްގީ ކުރާ ބ. ބޮޑުފިނޮޅުގައި މަސައްކަތްކުރާ ރިޒް ކުންފުނީގެ ބިދޭސީންތަކެއް ވެސް މި މަހުގެ ދެވަނަ ދުވަހު އެ ރަށުގައި 13 ދިވެއްސަކު ރަހީނުކޮށް، ބޮޑު ހަމަނުޖެހުމެއް ހިންގި އެވެ. އެ ތަނުން ވެސް 19 ބިދޭސީއަކު ވަނީ ހައްޔަރުކޮށްފަ އެވެ.

އެ މީހުންގެ ބަންދުގެ މުއްދަތު ދެ ފަހަރު އިތުރުކޮށްފައިވާއިރު، އެމީހުންގެ މައްޗަށް ފުލުހުން ވަނީ ޓެރަރިޒަމާއި ވައްކަން ފަދަ ބޮޑެތި ކުށްތަކުގެ ތުހުމަތުކޮށްފަ އެވެ.

ހުޅުމާލޭގައި އިމާރާތްކުރާ ސިފައިންނާއި ފުލުހުންގެ ފްލެޓްތަކުގެ ކޮންޓްރެކްޓަރު ތައިލެންޑުގެ އައިލެންޑް އެކްސްޕާޓުގެ ބިދޭސީ މުވައްޒަފުން ވެސް މި މަހުގެ 13 ގައި ހިންގި ހަމަނުޖެހުމުގައި ފުލުހުންނަށް އަނިޔާވެ، ފުލުހުންގެ ވެހިކަލަކަށާއި ބައެއް އާންމުންގެ މުދަލަށް ވެސް ގެއްލުން ދީފަި ވެ އެވެ. މި ހަމަނުޖެހުމުން ވެސް 41 ބިދޭސީއަކު ހައްޔަރުކޮށްފައިވާއިރު އެ މީހުންގެ ބަންދުގެ މުއްދަތަށް ކްރިމިނަލް ކޯޓުން ވަނީ 15 ދުވަސް ދީފަ އެވެ.

ރައްޔިތުންގެ މަޖިލީހުގެ ގައުމީ ސަލާމަތާއި ހާރިޖީ ގުޅުންތަކުގެ ކޮމިޓީގައި، ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލް މިއަދު ވަނީ، ބިދޭސީންގެ މައްސަލައަކީ ގައުމީ މަސްލަހަތަށް ނުރައްކާވާ ކަމެއްގެ ގޮތުގައި ސިފަކުރައްވައިފަ އެވެ.

މުޒާހަރާ ފުލުހުން ބިދޭސީން ހަމަނުޖެހުން

13 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

22 July 2020

ކަމެއްވާއިރަށް ބޭރުމީހުންނަށް މުޒާހަރާ ކުރަން ފުރުސަތު ދެވިގެން ނުވާނެ، މިކަންކަން ވަރަށް ހަރުކަށިކޮށް ގެންދަންޖެހޭނެ، ހައްޔަރު ކޮއްލައިފަ ދޫކޮއްލެވޭ ސިސްޓަމެއް އޮވެގެން ނުވާނެ، މިކަން މިދަނީ އާއްމުވަމުން ހައްދުން ނެއްޓިއްޖެނަމަ މިވެރިންގެ ފަރާތުން ފެނިގެންދާނެ ކުޑަ ކުޑަ މިސާލެއް މިދޭތެރެއިން ހުޅުމާލެއިން އެފެނިގެން ދިޔައީ، މުސާރަ ނުދެވުން، ކާން ނުދެވުން، މިފަދަކަންކަން ހައްލުކުރަންޖެހޭނީ މުޒާހަރާ ކޮއްގެންނެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހާ ވިންދު

22 July 2020

ފުލުހުން ކާކުދެކެ ބިރުން ކާކުގެ ހައްގެއް ގެއްލިދާނެތީބާ ރިސޯޓުގެ ނަން ސިއްރު ކުރަނީ ހަމަ އަޖައިބުވެދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާމަނަ23

22 July 2020

ކަންމަތި ވިޔަފާރިޔަކަސް، ދަނޑަކަސް، މިމީހުން. ދިވެހި ވިޔަފާރި ކޮންޕެޓިޝަނެއްނެތް. ހުރިހާ ލާރިއެއް ބޭރަށް. މާރުކޭޓުން ބޭރުކުރުމުން ރަށުތެރެއަށް. ގޮޅިއެއް މާރުކޭޓުގަނެތީ، މާލެ ތެރޭގަ ބައިވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމުގެދަރި

22 July 2020

ބިދޭސީންގެ އަމަލަކީވެސް ބަލައި ފިޔަވަޅުއަޅަންޖެހޭ އަމަލެއް. އެކަމަކު އޭގެ ކުރިން އެހިސާބަށް ކަންކަން ދިޔައީ ކީއްވެތޯ ބަލައި ފިޔަވަޅުވެސް އަޅަންޖެހޭނެ. މިހާރު މިފެންނަނީ ބިދޭސީންނަށް ފިޔަވަޅު އަޅާފައި މުސާރަ ނުދީ މަސައްކަތްކުރުވާ ކުންފުނިތައް ނުހުއްޓި، ފައިސާ ހުންނަ ވިޔަފާރިވެރިޔާއަށް އަދަބު ނުދެވިގެން ދާތަން. މީ ރާއްޖޭގެ އަގު ވެއްޓިގެންދާނެ ކަމެއް. ގައުމުގެ އަބުރު ގެއްލޭނެ ކަމެއްް. ހަމަހަމަކަމާއެކު ފިޔަވަޅުއަޅަންވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާދިރު

22 July 2020

ލަންކާގައި ހަދާހެން ހަދާބަލަ. ޥިޔަފާރިއެށް ނުކުރެވޭނެ ބިދޭސިންނަކަށް. އޭރުން ޤައު މު މުއްސަނދިވާނީ. ދިވެހިންނަށް ވަޒީފާ އިތުރުވާނީ. ބޮޑެތި ކަންކަ މަށް ގެންނަ ބޭރު މީހުން ބޭރު ވާންޖެހޭނެ ކަން ނި މުނީ މައި . ޢެ މީހުން ބޭރުކުރަންޖެހޭނީ ގެންނަ ކުންފުނިން. ބޭރުވިތޯ ބަލަންޖެހޭނީ މަޤާ މުތަކަށް ލައިފައި ތިބޭ ސަރުކާރުގެ ވެރިން. ޢެކަކު އަތް މައްޗަށް ދޫކުރާ އުސޫލަކުން ނޫން. ޑިޕާރޓްމަންޓު ތަކުން ފުރޭނިގެން އަންނަ ގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޫޕާޕަރޭ88

22 July 2020

ބިދޭސީންގެ ފިހާރަތަށް މުޅި ރާއްޖޭގައި އަދި ދިވެހިން ވަޒީފާ ނުލިބި ދުވަނީ. ބޭރު މިހުންގެ ބާރުގެ ކުޑަ މިންވަރެށް އެ ދައްކާޅީ. ޢަހަރެ މެންގެ ފުލުހުންނާ ދި މާލަށް އޮށްގާ އުކިގެން ނުވާނެ. ކިހާބޮޑު ދުއްޕާނެށް. ޢަހަރެ މެން ރާއްޖެ ރައްޔިތުންނާ ފުލުހުންގެ އިއްޒަތާ ކަރާ މާތަަށް އެރު މަކީ މުސްތަޤްބަލް ވަރަށް ބަނަވެ ހިތި ދުވަހެށް ފެންނާނެ ދުވަހެށް. މާ ލަސްނުވަނީސް އެން މެން އެކުގައި ތެދުވަންވެއްޖެ. ސިންގަޕޫރުގައި ކަންކުރި ގޮތަށް ކޮއްގެން ނޫނީ ސަލާ މަތެށް ނެތް.