23 ޖުލައި 2020 - 18:05
29 comments
ކޮވިޑް-19 އާ ގުޅިގެން ކުރިމަތިވެފައިވާ މާލީ ހާލަތުން އަރައިގަތުމަށްޓަކައި ބޭރުގެ މާލީ އިދާރާތަކުން ލޯނު ނެގުން ނޫން އިތުރު ގޮތެއް މިވަގުތަށް ނެތް ކަމަށް އެމްއެމްއޭގެ ކުރީގެ ގަވަރުނަރު އަހުމަދު ނަސީރު މިއަދު ވިދާޅުވެއްޖެ އެވެ.
ނޭޝަނަލް ފެޑެރޭޝަން އޮފް މޯލްޑިވިއަން އެމްޕްލޯއީސް (އެންއެފްއެމްއީ) އިން ބޭއްވި ވެބިނާގައި، ރާއްޖޭގެ އިގްތިސާދަށް ކުރިމަތިވެފައިވާ ހާލަތުން އަރައިގަތުމާ ގުޅޭ ގޮތުން ނަސީރު ވިދާޅުވީ، މިދިޔަ ތިން މަހަށް ބަލާއިރު ފޮރިން އެކްސްޗޭންޖް ރެވެނިއު ހުރީ ސުމެއްގައި ކަމަށެވެ. މީގެ އެންމެ ބޮޑު ސަބަބަކީ ޓޫރިޒަމް ދާއިރާ ހުއްޓި، އެކްސްޕޯޓުގެ ދާއިރާ އިންތިހާ އަށް ދަށްވުމެވެ.
ނަސީރު ވިދާޅުވި ގޮތުގައި، ދުނިޔޭގެ މާލީ އިދާރާތައް ކަމަށްވާ އިންޓަނޭޝަނަލް މަނިޓަރީ އޮތޯރިޓީ އާއި ވޯލްޑް ބޭންކް ފަދަ ތަންތަނުން މާލީ އެހީތެރިކަން ލިބުނު ނަމަވެސް އިތުރު އިދާރާތަކުން ވެސް މާލީ އެހީ ހޯދަން ވަނީ މަޖުބޫރު ވެފަ އެވެ.
"ގާތްގަނޑަކަށް ޖީޑީޕީގެ ނިސްބަތުން ބަލާ ނަމަ 15-20 ޕަސެންޓާ ދެމެދުގެ އަދަދެއް ހަރަދުތައް މެނޭޖް ކުރަން އެބަ ހޯދަން ޖެހޭ. މިއީ ގާތްގަނޑަކަށް 800 މިލިއަން ޑޮލަރާއި އެއް ބިލިއަން ޑޮލަރާ ދެމެދުގެ އަދަދެއް،" އޭނާ ވިދާޅުވި އެވެ.
ނަސީރު ވިދާޅުވީ، މި ފައިސާ ބޭނުންވާ އިރު ރާއްޖޭގެ ދަރަނީގެ ހާލަތާއި ރިޒާވް އިންތިހާ އަށް ދަށްވުމުގެ ސަބަބުން ފައިސާ ހޯދުމުގައި ބޮޑެތި ދަތިތައް ދިމާވާނެ ކަމަށެވެ. ރާއްޖެ ކަހަލަ ކުޑަ ގައުމަކަށް މިއީ ވަރަށް ބޮޑު އަދަދެއް ކަމަށާއި ނަމަވެސް މި ނޫން އިތުރު ގޮތެއް ފައިސާ ހޯދުމުގައި ރާއްޖެ އަށް ނެތް ކަމަށް އޭނާ ވިދާޅުވި އެވެ.
"ބޭރުގެ މާލީ އިދާރާތަކުން މި ފައިސާ ނުލިބިއްޖެ ނަމަ މިހާރު ނަގާފައިވާ ދަރަނިތަކަށް ފައިސާ ދައްކަން ޖެހޭނީ ރާއްޖޭގެ ބޭންކްތަކުން ފައިސާ ހޯދައިގެން،" ދެ އަހަރެއްހާ ދުވަސް ވަންދެން މަރުކަޒީ ބޭންކުގެ ގަވަރުނަރުކަން ކުރެއްވުމަށް ފަހު ޖުލައި 24، 2019 ގައި އެ މަގާމުން އިސްތިއުފާ ދެއްވާފައިވާ ނަސީރު ވިދާޅުވި އެވެ.
މިގޮތަށް ކަންކަން ކޮށްފި ނަމަ އަނެއްކާ ވެސް ރާއްޖޭގެ ރިޒާވް ހީނަރުވެ، އެކްސްޗޭންޖް ރޭޓަށް ލޮޅުން އަރާނެ ކަމަށް އޭނާ ވިދާޅުވި އެވެ.
ނަސީރު ވިދާޅުވީި ގޮތުގައި، ކްރެޑިޓް ރޭޓިން އޭޖެންސީތައް ކަމަށްވާ މޫޑީސް އާއި ފިޗް އިން ރާއްޖޭގެ ރޭޓިން ޑައުންގްރޭޑް ކޮށްފައިވާ މި ދަނޑިވަޅުގައި ރަނގަޅު ނުވަތަ ކުޑަ އިންޓަރެސްޓް ރޭޓެއްގައި ލޯނު ހޯދުމަށް ފަސޭހައެއް ނުވާނެ އެވެ. އެހެންކަމުން އިސްލާމިކް ފައިނޭންސިން އަށް ދިއުން މިވަގުތު ވަރަށް މުހިއްމު ކަމަށް އޭނާ ވިދާޅުވި އެވެ.
މާލީ ހާލަތުން އަރައިގަތުމަށްޓަކައި ސަރުކާރުން ވަނީ ސަރުކާރުގެ ހަރަދުތައް ކުޑަ ކުރުމަށް މުހިއްމު ގިނަ ފިޔަވަޅުތަކެއް އަޅައިފަ އެވެ. އަދި ބޭރުގެ މާލީ އިދާރާތަކުން މިހާތަނަށް 189 މިލިއަން ޑޮލަރު ވަނީ ހޯދައިފަ އެވެ. މީގެ ތެރެއިން ގާތްގަނޑަކަށް 90 ޕަސެންޓަކީ ލޯނު އެހީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވ ފޫހި
24 July 2020
އަނގޔާ އަތާ ދިމާނުވީމަ އިސްލާމީ ފައިނޭސިން އުސޫލުން ކަންކަން ކުރުމަށް ޑޮލަރު ލިބި ބާރުހުރި އިރު ޔަހޫދީ އުސޫލުން ފިރުއައޮނު އީމާންވިގޮތަށް
ކީސް
24 July 2020
ކަލޯ ގަވަރުނަރުކަން ކުރީ ތަނެއްދޮރެއްއެގިގެންތަ ނޫނީ މީހުގެ މެސުގައި ގަސްތުގައި ބިރުވެެރިކަން އުފައްދަންތަ ހަ މައެކަނީ އޭޑީބީ ދިން 25 މިލިޔަން ލޯނު އަދި 25 މިލިޔަން ހިލޭ މިއަށް ބަލާލިޔަސް 189 އެއްގެ ތެރެއިން 10ޕަރަސަންޓަށް ވުރެ މަށްޗަށް ހިލޭލިބުނުކަން އަދުރޭއަށް ތިޔަބޭފުޅާއަށް ނޭންގުނަސް އެގޭ މީހުން މިޤަ އު މުގަ ގިނައީ ސިޔާސީ މަޤާ މަކަށް ދޫވިއްކާގެން ތިބޭފުޅާ އުޅުނަސް ތަންކޮޅެއް ބޮޑުވަރު
ކަކުނިބޯ
24 July 2020
ބޭރުގެ މާލީ އިދާރާތަކުން މިހާތަނަށް 189 މިލިއަން ޑޮލަރު ވަނީ ހޯދައިފަ އެވެ. މީގެ ތެރެއިން ގާތްގަނޑަކަށް 90 ޕަސެންޓަކީ ލޯނު އެހީ އެވެ. ކީކޭތޯ ތިޔަ ވިދާޅުވަނީ ކޮބާތޯ 25 މިލިޔަބް ހިލޭ އަދި25 މިލިޔަން ލޯނު އެއްބަޔަކު ދިންއިރު އަނެއްބަޔަކު 50މިލިޔަން ޑޮލަރު ހިލޭދިނީ މާ 189 މިލިޔަންގެ ތެެރެއިން މިބުނި ހިލޭ 75 މިލިޔަން އެއީ 10 ޕަރސަންޓަށް ވީ ތިޔަބޭފުޅަވެސް އަދުރޭ ކިޔެވި ޔުނިވަރސިޓީއި ން ގުރެޖުއޭޓްވީމ މަތޯ؟
ޝޮކްތެރަޕީ
23 July 2020
މި ސަރުކާރައް ޤައުމު ނުހިންގެނީ ކީއްވެތަ؟
ޝޮކްތެރަޕީ
23 July 2020
ކީކޭތަ މިގޮވަނީ ސަރުކާރު ނުހިންގެންޏާ ހަމައެކަނި ގޮތަކީ އިސްތިއުފާ ދިނުން. ޔާމިނާ ވެރިކަން ހަވާލު ކުރުން. ރޔާމިން ވެރިކަމައް އެރިއިރު ޤައުމުގެ ހަޒާނަގަ ލޯލާރިއެއްވެސް ނެއް. ރޔާމިން ވެރިކަމުން ފޭބި އިރު ރާއްޖޭގެ ރިޒާވް 900ޑަލަރާ ގާތް ކުރާވަރަކައް ހުރި. މި ސަރުކާރައް
މގގގ77
23 July 2020
ނަސީރުބުނިހެން އިސްލާމިކް ފައިނޭންސްގެ ތެރެއިން ލޯނުވެސް ނަގަންވީ..ހަމަ އެއާއެކު ފ އަތޮޅު ސައުދީއަށް ދިގުމުއްދަތަކށް ކުއްޔަށްދޭންވީ ދިވެހިންނަށް 60 % ވަޒީފާ ލިބޭގޮތަށް..ބޮޑެތި ރަށްތަގުގައި ދަނޑުވެރިކަންވެސް ފަށަންވީ..
ޒުރާކް
23 July 2020
ރުފިޔާ ޗާޕްކުރާވަރުން ކުރަނީ..ޑޮލަރ 19ރފއަށްވެސް ނުލިބޭ..މިމީހުން ވެރިކަންކުރާނަމަ ޑޮލަރ 22އަށް ނާރުވާ ނުފައިބާނެ..
Abdulla Nafiz
23 July 2020
ނަސީރު ބުނުއްވާނެ ލޯނު ނަގާށޭ، ޖަލީލު ބުނުއްވާނެ ލޯނު ނުނަގާށޭ. ދެން ހަދަންވީ ގޮތެއް އެބައެގޭތަ....
ގެދޮރު ނެތް މާލޭމީހާ
23 July 2020
އިސްލާމިކް ބޭންކިންގ ގެ އުޞޫލަށް ދާން ޖެހެނީ އިޤްތިޞާދު އަޑިއަޅާލީމަތޯ.
މާޒިން123
23 July 2020
މިލިޔުމުގައި ސަރުކާރުން ޚަރަދު ކުޑަކުރަން ފިޔަވަޅުއަޅާ ވާހަކަ ބުނާއިރު ޚަރަދުކުރުމުގައި އެއްވެސް ބެލުމެއްނެތްތަން އަޅުގަނޑަށްފެނޭ. މިސާލަކަށް ގުޅީފަޅުން ފުލެޓްލިބުންމީހުނަށް އެވަރުގެ ބޮޑު ބަދަލެއް ދައުލަތުން ދޭންޖެހޭނެތޯ ސުވާލުކުރެވޭ. 80 ހާސް ޑައުންޕޭމަންޓަކަށް 4ލައްކަ 50 ހާސްދީފަ އަދި ފްލެޓްދިނުމުން އެއީ ބޮޑުވަރު. ކޮވިޑް ެެެެެެެެެެެެެެެެެެެެެެެެެެެެެެެެެެެެެެެެެެެެެއައިސޮލޭޝަނަށް ދިހަހާސް މީހުން ބޭތިއްބިއިރު މީހަކަށް 750 ރެއަކަށް ރިސޯޓްތަކަށް.
Abdulla Nafiz
23 July 2020
މާޒިން123 ތިބުނީ ރަނގަޅު ވާހަކައެއް، އެކަމަކު އެކަން ނުކޮށްދިނަސް އަނެއް ދުވަހު މަގުތަކަށް ނުކުންނާނެ ޙައްޤު ގެއްލިގެން މުޒާހަރާކުރަން...........