އަޔާ ސޫފިޔާގެ ބޭރުގައި އެތައް ބަޔަކު ނަމާދު ކުރި. --ފޮޓޯ:އީޕީއޭ
24 ޖުލައި 2020 - 16:42
5 comments
އިސްތަންބޫލް (ޖުލައި 24) - ތުރުކީގެ އިސްތަންބޫލްގެ ތާރީޚީ ސައިޓް މިއުޒިމެއްގެ ގޮތުގައި ބޭނުންކުރުމަށް ފަހު މިސްކިތަކަށް ބަދަލުކޮށް، 86 އަހަރަށް ފަހު ފުރަތަމަ ފަހަރަށް އެ ތަނުގައި މިއަދު ނަމާދު ކޮށްފި އެވެ.
ޔުނެސްކޯ ވޯލްޑް ހެރިޓޭޖް ލިސްޓުގައި ހިމަނާފައިވާ 1،500 އަހަރުވީ ސައިޓް ދާރުލްއާސާރަކަށް ހަދާފައި ވަނީ 1934 ވަނަ އަހަރު އެވެ. އޭގެ ކުރިން 1931 ވަނަ އަހަރާ ހަމައަށް އެތަނުގައި ނަމާދު ކުރި އެވެ. އެ މިސްކިތް ދާރުއާސާރަކަށް ބަދަލުކޮށްފައި ވަނީ ކަމާލް އަތާތުރުކެވެ. އެކަމަކު ތުރުކީގެ ކޯޓަކުން އެކަން ބާތިލްކޮށް، މިސްކިތެއްގެ ގޮތަށް ނޫން އެހެން ގޮތަކަށް އެ ތަން ބޭނުން ކުރުން ވަނީ މަނާކޮށްފަ އެވެ.
އަޔާ ސޫފިޔާގައި ހުކުރު ނަމާދުގައި ރައީސް އުރުދުޣާން (މ) އާއި ކެބިނެޓް މެންބަރުން ބައިވެރިވެވަޑައިގެންނެވި. --ފޮޓޯ:ރޮއިޓާސް
ރައީސް ރަޖަބް ތައްޔިތު އުރުދުޣާން ވަނީ ދުނިޔެ އަށް މަޝްހޫރު އަޔާ ސޫފިޔާގައި ޖުލައި 24 ވާ ހުކުރު ދުވަހުގެ ހުކުރު ނަމާދުން ފެށިގެން ނަމާދު ކުރާނެކަން އިއުލާން ކުރައްވައިފަ އެވެ. އަޔާ ސޫފިޔާގައި ކުރި މިއަދުގެ ހުކުރު ނަމާދުގައި އުރުދުޣާން ވެސް ބައިވެރިވެވަޑައިގެންނެވި އެވެ.
ސެކިއުރިޓީ ޗެކްކޮށް، މިސްކިތަށް ވަނުމުގެ ހުއްދަ ދިނީ 1،000 މީހުންނަށެވެ. އެހެން މީހުން ނަމާދު ކުރީ މުސައްލާ ފަތުރައިގެން ބޭރުގަ އެވެ.
ހަޔާ ސޫފިޔާ މިސްކިތުގެ އެތެރެ. --ފޮޓޯ:އަލީ ޔެރްލިކަޔާ
އިސްތަންބޫލްގެ ގަވަރުނަރު އަލީ ޔެރްލިކަޔާ ވިދާޅުވީ މުސްލިމުން ތިބީ އަޔާ ސޫފިޔާގައި ނަމާދު ކުރެވޭނެ ވަގުތެއްގެ އިންތިޒާރުގައި ކަމަށެވެ.
އަޔާ ސޫފިޔާގައި ނަމާދު ކުރަން ފަށާނެކަން ޖުލައި 10 ވަނަ ދުވަހު އުރުދުޣާން އިއުލާން ކުރެއްވުމާ އެކު ތުރުކީގެ ސެކިއުލާ އިދިކޮޅު ފަރާތްތަކުގެ ފާޑުކިޔުންތައް އަމާޒުވި އެވެ. އުރުދުޣާން ވިދާޅުވީ 86 އަހަރަށް ފަހު އަޔާ ސޫފިޔާގައި ނަމާދު ކުރަން ފެށި ނަމަވެސް މުސްލިމުން ނޫން މީހުންނަށް ވެސް އެތަނަށް ޒިޔާރަތް ކުރެވޭނެ ކަމަށެވެ. އަޔާ ސޫފިޔާ އަށް މިދިޔަ އަހަރު ވަނީ 3.7 މިލިއަން މީހުން ޒިޔާރަތްކޮށްފަ އެވެ.
އަޔާ ސޫފިޔާ އިމާރާތްކޮށްފައި ވަނީ 1،500 އަހަރު ކުރިން. --ފޮޓޯ:ރޮއިޓާސް
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެޔޮ ހިތުން
24 July 2020
މިސްކިތާ ބެހޭ ކުޑަ ހިސްޓްރީ އެއް( މިސާލަކަށް" ކާކު ކީއްވެ ކޮންއިރަކު ހެދި މިސްކިތެއް ކަން) ފަދަ ކަން ކަމެވެ.
ޢެންދެމޭބޭބެ
24 July 2020
ޜޯމަން އީސްޓަރން އެމްޕަޔާ، ނޫނީ ބައިޒަންޓައިން އެމްޕަޔާގެ ދުވަސްވަރު ހެދި އެމީހުންގެ ފައްޅިއެއް. މުސްލިމުން އިސްތަމްބޫލު ހިފުމަށްފަހު މިސްކިތަކަށް ހެދީ.
ޕަރޗޭސްޑް
25 July 2020
ސުލްތާން ފާތިހު އާއި އޭނާގެ މުސްލިމް ލަޝްކަރު އިސްތަންބޫލް ފަތަހަ ކުރެއްވުމަށްފަހު އީސްޓަރން އޯރތޮޑޮކްސް ކްރިސްޓިއަނުން އަތުން އެފައްޅި އަމިއްލަ ޚަރަދުގައި ބައްލަވައިގަނެ މިސްކިތަކަށް ބަދަލު ކުރެއްވީ. އެއަށް ފަހު އަތާ ތުރުކު ކިޔާ ސެކިއުލަރިސްޓަކު ތުރުކީއަށް ޒިޔާރަތްކުރި ހުޅަނގުގެ ކްރިސްޓިނެއްގެ ބަހަށް އަޔާ ސޫފިއާ ބަންދުކޮށް ދާރުލް އާޘާރަކަށް ބަދަލުކުރީ. މިފަހުން އުރްދުޢާން އަލުން މިސްކިތަކަށް ބަދަލު ކުރެއްވީ.
ސަރުދާރު
25 July 2020
ސުލްތާނާ ފާތިހަކީ ސޫފީއެއް. ސޮލާހުއްދީނުލް އައްޔޫބީއަކީ ސޫފީއެއް. އެހެންވެ ހުޅަނގުގެ އެޖެންޓުން ނިކުމެ ސޫފިޒަމް ނައްތާލީ. ތުރުކީގައި އަލުން ސޫފި އެޓަމަން އެމްޕަރެއެއް އުފެދި މުސްލިމުން އެކުވެރިވެ ބާރުވެރިވުން އެއީ ވަރަށް ދެކޭހިތްވާ ދުވަހެއް.
ދޮގު ނުހަދާ
26 July 2020
ސަރުދާރު ކަލޯ، އެއީ ފާތިހެއް ނޫން އިސްތަންބޫލް ފަތަޙަ ކުރެއްވީ. އެއީ ސުލްތާން މެހްމެދް (މެޙްމެޓް).