ސައުތު ޗައިނާ ކަނޑަށް ޗައިނާ އިން އަތްގަދަކުރުން ގާނޫނާޚިލާފު: އެމެރިކާ

ސައުތު ޗައިނާ ކަނޑުގެ ޖަޒީރާއެއް ކަމަށްވާ ވޫޑީ އައިލެންޑްގައި ޗައިނާ އިން ހަދާފައިވާ އެއާޕޯޓެއް. --ސެޓެލައިޓް ފޮޓޯ: ގެޓީ އިމޭޖަސް

ހަސަން އާމިރު، މިހާރު

29 ޖުލައި 2020 - 23:43

7 comments

ވޮޝިންޓަން (ޖުލައި 29) - ސައުތު ޗައިނާގެ ކަނޑުގެ ވަސީލަތްތައް ޗައިނާ އިން ބޭނުން ކުރަމުން ދަނީ ބައިނަލްއަގުވާމީ ގާނޫނުތަކާ ޚިލާފަށް ކަމަށް އެމެރިކާ އިން މިދިޔަ ހަފުތާގައި ބުނެފި އެވެ.

އެމެރިކާގެ މި ކޮމެންޓާ އެކު ސައުތު ޗައިނާ ކަނޑުގެ ސަރަހައްދުގައި ހިމެނޭ އައްސޭރި ފަށުގެ ގައުމުތަކަށް ވަނީ ބޮޑު ހިތްހަމަޖެހުމެއް ލިބިފަ އެވެ.

ކެލިފޯނިއާގައި ވާހަކަ ދައްކަވަމުން ޚާރިޖީ ވަޒީރު މައިކް ޕޮމްޕެއޯ ވިދާޅުވީ ސަައުތު ޗައިނާ ކަނޑަށް ޗައިނާ އިން ނުފޫޒް ފޯރުވުމުން ހުއްޓުވުމަށް މިނިވަން ގައުމުތަކުން މަސައްކަތް ކުރަން ޖެހޭނެ ކަމަށެވެ.

"މިނިވަން ގައުމުތަކުން ކޮމިއުނިސްޓް ޗައިނާ ބަދަލު ކުރަން މަސައްކަތް ނުކޮށްފި ނަމަ، ކޮމިއުނިސްޓް ޗައިނާ އިން އެ ގައުމުތައް ބަދަލު ކުރާނެ،" ރިޗަޑް ނިކްސަން ޕްރެޒިޑެންޝަލް ލައިބްރަރީގައި ވާހަކަ ދައްކަވަމުން ޕޮމްޕެއޯ ވިދާޅުވި އެވެ.

ސައުތު ޗައިނާ ކަނޑުގެ ޖަޒީރާއެއް ކަމަށްވާ ވޫޑީ އައިލެންޑް ހިއްކުމަށް ފަހު، ޗައިނާ އިން ހަދާފައިވާ އެއާޕޯޓެއް. --ސެޓެލައިޓް ފޮޓޯ: ގެޓީ އިމޭޖަސް

ސައުތު ޗައިނާ ކަނޑުގެ ރަށްތަކުގައި ޗައިނާ އިން ދަނީ އަސްކަރީ ކަރުކަޒުތައް ގާއިމްކުރަމުންނެވެ. ޕޮމްޕެއޯ ވިދާޅުވެފައި ވަނީ މިއީ ބައިނަލްއަގުވާމީ ގާނޫނުތަކާ ކަނޑައެޅިގެން ޚިލާފު ކަމެއް ކަމަށެވެ. ސައުތު ޗައިނާ ކަނޑުގައި ޗައިނާ އިން ހިންގަމުންދާ ހަރަކާތްތަކާ އެމެރިކާ އިން މީގެ ކުރިން ވެސް ވަނީ ދެކޮޅު ހަދައިފަ އެވެ. ނަމަވެސް އެއީ ގާނޫނުތަކާ ޚިލާފު ކަމެއް ކަމަށް އެ ގައުމުން ބުނި މިއީ ފުރަތަމަ ފަހަރެވެ.

"ސައުތު ޗައިނާ ކަނޑުގައި ޗައިނާ އިން ރަސްކަން ކުރުމުގެ ފުރުސަތު ދުނިޔެ އިން ނުދޭނެ،" ޕޮމްޕެއޯ ވިދާޅުވެފައިވެ އެވެ.

ސައުތު ޗައިނާ ކަނޑު ވެރިކުރުމަށް ޗައިނާ އިން ކުރަމުންދާ މަސައްކަތަށް ބުރުނާއީ، މެލޭޝިއާ، ފިލިޕީންސް، ޓައިވާން އަދި ވިއެޓްނާމުން ދަނީ ދެކޮޅު ހަދަމުންނެވެ.

ޗައިނާ އެމެރިކާ މައިކް ޕޮމްޕިއޯ

7 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުލޭ

30 July 2020

އިޒްރޭލާއި އެމެރިކާ ނޫން ބަޔަކު މި ދުނިޔޭގައި ގާނޫނާ އެއްގޮތަށް ނޫޅޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

30 July 2020

އެމެރިކާ ކުރީމަ އޯކޭ .. ޗައިނާ ކުރީމަ ނޮޓް އޯކޭ ... ދެން ޗައިނާއެއް ނުހުއްޓުވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭޝިއާ ހޮޕްހޮޕް

31 July 2020

އުގެއިރުގެ މުސްލިމުންނާއި ދޭތެެރޭ ކަންކުރަމުންދާ ސިއްރު ކަންކަމުގެ ސަބަބުން ޗައިނާ އަށް ކުރި ސަޕޯޓުވެސް އަނބުރާ ގެންގޮސްފިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

30 July 2020

ސައުތު ޗައިނާކަނޑު އޮތީ ކޮންތާކު އެމެރިކާ އޮތީ ކޮންތާކު؟ މުޅި ދުނިޔެއަށް ގާނޫނާ ޚިލާފަށް އަތްގަދަކުރާ ބަޔަކު ވަރަށް ސާފު. އެކަނޑަށް ކިޔަނީ ސައުތު ޗައިނާ ކަނޑޭ. އެމެރިކާ ކަނޑެކޭ ނުކިޔާ. ދުނިޔޭގެ ހަތަރު ބިތުގައި އަސްކަރީ ބޭސްތައް ހަދައިގެން އުޅެނީ ކޮންބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްކާ

30 July 2020

ތިޔަ ކަނޑާއި ޖެހިގެންތިއޮތް ޖަޕާނަށް ނިއުކުލިއާ ބޮން އެޅީ އެއީ ގާނޫނުގައި އެއްގޮތްތަ، މިމީހުންގެ ބޭނުމަކީ ދުނިޔޭގެ އެހެންބަޔަކު ކުރިއެރިޔަނުދިނުން. މީގެކުރީގަ އިނގިރޭސިން ޗައިނާގަ އަފިހުން ވިއްކާތީ އެކަން މަނާކުރީމަ ޗައިނާއާ ބޮޑު ހަނގުރާމައެއްކުރީ، މިމީހުންގެ ނަޒަރުގަ ދޮންމީހުންނޫން ބަޔަކު ކުރިއަރައިގެންނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީފު

30 July 2020

އިނގިރޭސިން ޗައިނާގަ އަފިހުން ވިއްކާތީ އެކަން މަނާކުރީމަ ޗައިނާއާ ބޮޑު ހަނގުރާމައެއްކުރި އަދި ހޮންކޮން އިގިރޭސިން ގެ އަށްދަށަށް ގެންދިޔަ އަދިވެސް ޗައިނާ އަށް އެއުޅެނީ ހޮންކޮންގައި ޗައިނާގެ ގާނޫނު ނުހިންގިގެން..އެކަމަކު އެއީ ޗައިނާގެ 100% ބިމެއް.