އެމެޒޯންގެ އިންޓަނެޓް ސެޓެލައިޓް ޕްރޮގްރާމަށް ހުއްދަ ދީފި

އަހުމަދު އަދްޝަން، މިހާރު

01 އޯގަސްޓް 2020 - 09:11

އިންޓަނެޓްގެ ހިދުމަތަށް ހާއްސަކޮށްގެން އެމެޒޯން ކުންފުނިން ކުރިއަށް ގެންދަން ނިންމާފައިވާ ސެޓެލައިޓް ޕްރޮގްރާމަށް އެމެރިކާގެ ފެޑެރަލް ކޮމިއުނިކޭޝަންސް ކޮމިޝަންސް (އެފްސީސީ) އިން ހުއްދަ ދީފަ އެވެ.

"ކްއިިޕާ ކޮންސަޓެލޭޝަން" ނަމުގައި އެމެޒޯނުން ކުރިއަށް ގެންދަން ނިންމާފައިވާ މަޝްރޫއުގެ ދަށުން 3،236 ސެޓްލައިޓް ދުނިޔޭގެ އޯބިޓަށް ދޫކޮށްލަން ހަމަޖެހިފައިވެ އެވެ. މި މަޝްރޫއަށް ހުއްދަ ދީފައި ވަނީ ފިޔަވަހިތަކަކަށް ބަހާލައިގެން މަސައްކަތް ކުރިއަށް ގެންދާ ގޮތަށެވެ.

މިކަމަށް ތައްޔާރުކުރާ ސެޓްލައިޓްތަކުގެ މަސައްކަތް ދުނިޔޭގެ އެންމެ ބޮޑު މަހުޖަނު ޖެފް ބެޒޯސްގެ އެމެޒޯނުން މިހާރު ވެސް ފަށާފައިވާ އިރު ފުރަތަމަ ފިވަހީގެ ދަށުން 2026ގެ ކުރިން 578 ސެޓްލައިޓް ދޫކޮށްލަން ޖެހެ އެވެ. ބާކީ ހުރި ހުރި ސެޓެލައިޓްތައް ދެވަނަ ފިޔަވަހީގެ ދަށުން 2029 އާ ހަމައަށް އަންނަ އިރު ދޫކޮށްލަން ޖެހެ އެވެ.

Today the @FCC granted Amazon approval to deliver satellite-based broadband through Project Kuiper. Amazon will invest more than $10 billion in the initiative to improve Internet access in unserved and underserved communities around the world. https://t.co/CIRLlkWd7l
— Amazon News (@amazonnews) July 31, 2020

އެމެޒޯނުން ބުނެފައިވާ ގޮތުގައި "ކްއިިޕާ ކޮންސަޓެލޭޝަން" ޕްރޮގްރާމް ވެގެން ދާނީ އިންޓަނެޓްގެ ހިދުމަތަށް އިންގިލާބެއް ގެނުވާނެ ވަރަށް މުހިއްމު ބޮޑު ވެމަޝްރޫއަކަށެ. މިކަމަށް އެ ކުންފުނިން ވަނީ 10 ބިލިއަން ޑޮލަރު އިންވެސްޓްކުރަން ވެސް ނިންމައިފަ އެވެ.

"ކްއިިޕާ ކޮންސަޓެލޭޝަން" ޕްރޮގްރާމް ކުރިއަށް ގެންދާނީ ބެޒޯސްގެ ރޮކެޓް ކުންފުނި ބްލޫ އޮރިޖިންގެ ފަރާތުންނެވެ. މި ޕްރޮގްރާމްގެ އެންމެ ބޮޑު އެއް ޓާގެޓަކީ އިންޓަނެޓްގެ ހިދުމަތަށް ނުކުންނަ ބޮޑެތި ކުންފުނިތަކާ ވާދަކުރުމެވެ.

އޭގެ ތެރޭގައި އީލޮން މަސްކްގެ ސްޕޭސް އެކްސްގެ ދަށުން ކުރިއަށް ގެންދާ "ސްޓާލިންކް" ޕްރޮގްރާމް ހިމެނެ އެވެ. އެ ކުންފުންޏަށް އެފްސީސީން ހުއްދަ ދީފައި ވަނީ 12،000 ސެޓްލައިޓް ލޯންޗްކުރާށެވެވެ. މީގެ އިތުރުން އިނގިރޭސިވިލާތުގެ "ވަންވެބް" އަކީ ވެސް މިފަދަ މަޝްރޫއަކަށް ފޫގަޅައިގެން އުޅޭ ކުންފުންޏެކެވެ. އެ ކުންފުންޏަށް 650 ސެޓެލައިޓް ލޯންޗްކުރުމުގެ ހުއްދަ ދީފައިވާ އިރު، މިހާރު 74 ސެޓެލައިޓެއް ވަނީ އޯބިޓަށް ދޫކޮށްލައިފަ އެވެ.

އެފްސީސީން އެމެޒޯންގެ "ކްއިިޕާ ކޮންސަޓެލޭޝަން" އަށް ހުއްދަ ދިން ނަމަވެސް މި މަސައްކަތް ކުރިއަށް ގެންދާނެ ގޮތުގެ މާ ބޮޑު ތަފުސީލުތަކެއް އަދި އެމެޒޯނުން ހާމައެއް ނުކުރެ އެވެ. އެކަމަކު އެކަމާ ބެހޭ ތަފުސީލީ ޕްލޭން ހުށަހެޅުމުގެ ފުރުސަތު މިހާރު ވަނީ ދީފަ އެވެ.

އިންޓަނެޓް އެމޭޒަން ސެޓެލައިޓް އެމެރިކާ

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕިކްސް

01 August 2020

"ކްއިިޕާ ކޮންސަޓެލޭޝަން" އެއްނޫން ކައިޕާ ކޮންސަޓެލޭޝަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާގު އުރީދޫ ކޯލިޝަން

01 August 2020

ސަމަދޫ! ބަލަ އިންޑިޔާ ލަންކާ ތައިލެންޑް މެލޭ ތަންތަނުގެ މެކް ޑޮނަލްޑް ކޭއެފްސީ ތަންތާނގަ ހުންނަ އަގުގައިތަ ރާއްޖޭގައި ހުންނަނީ؟ ތިދައްކަނީ މުޅިންވެސް އުފެއްދުންތެރި ޤައުމުތަކުގެ ވާހަކަ! ރާއްޖެއަށް ހުރިހާ އެއްޗެއްވެސް އިމްޕޯޓު ކުރަނީ. ތިހާ ވަރު ވަންޔާ އަމިއްލަ ޓެލެކޮމް ކުންފުންޔެއް އުފައްދަބަލަ !!!!!! ކިހާ ދެރަކަމެއް ދެންމީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުއް ސަމަދް

01 August 2020

ދިރާގާއި އުރީދޫއަށް ގޮތް ހުސްވާތަން އަންނާނެ އަދި.. ވޯލްޑް ވައިޑް ބްރޯޑްބޭންޑް ޕްރައިސް ރިސާޗް ބަލާލަބަލަ، ރާއްޖެ އޮތީ 176 ވަނާގައި، އެވްރެޖް މަހަކު ބްރޯޑްބޭންޑަށް ކުރާ ހަރަދު 1367 ރުފިޔާ.. މިދިޔަ އަހަރު 146 ވަނަ، އެވްރެޖް 1249 ރުފިޔާ... އަވައްޓެރި ގައުމުތަކުގެ އެވްރެޖް މިއަހަރު: އިންޑިއާ 12.09 ޑޮލަރު، ތައިލޭންޑް 23 ޑޮލަރު، ސްރީލަންކާ 27 ޑޮލަރު، މެލޭޝިއާ 31 ޑޮލަރު... ދިވެހިން މާ މުއްސަނދީތަ؟