ދިވެހި ދަރިވަރުން ޖަޕާނުގައި މަތީ ތައުލީމަށް ކިޔެވުމުގެ ސްކޮލަޝިޕް އެއްބަސްވުމުގައި މިއަދު ސޮއިކުރެއްވުމަށް ފަހު، މިނިސްޓަރު ޝާހިދާއި ރާއްޖޭގައި ހުންނަވާ ޖަޕާނުގެ ސަފީރު އެއްބަސްވުމާ އެކު ފޮޓޯއެއް ނަންގަވަނީ.---ފޮޓޯ: ފޮރިން މިނިސްޓްރީ
05 އޯގަސްޓް 2020 - 18:21
7 comments
ރާއްޖެ އަށް ޖަޕާނުން މަތީ ތައުލީމުގެ ސްކޮލަޝިޕް ދިނުމުގެ އެއްބަސްވުމެއްގައި މިއަދު ސޮއިކޮށްފި އެވެ.
ފޮރިން މިނިސްޓްރީގައި ބޭއްވި ރަސްމިއްޔާތެއްގައި، ރާއްޖޭގެ ފަރާތުން އެއްބަސްވުމުގައި ސޮއި ކުރެއްވީ ފޮރިން މިނިސްޓަރު އަބްދުﷲ ޝާހިދެވެ. ޖަޕާނުގެ ފަރާތުން ސޮއިކުރެއްވީ ރާއްޖޭގައި ހުންނަވާ އެ ގައުމުގެ ސަފީރު ކެއިކޯ ޔަނާއީ އެވެ.
މި އެއްބަސްވުމުގެ ދަށުން ހަތަރު އަހަރުގެ މުއްދަތަށް، ކޮންމެ އަހަރަކު ދިވެހި ހަ ދަރިވަރަކު މަތީ ތައުލީމަށް ކިޔެވުމަށް ޖަޕާނަށް ދިއުމުގެ ފުރުސަތު ލިބޭނެ އެވެ. އެ ސްކޮލަޝިޕްތަކުގައި ކިޔެވުމުގެ އަގު 19 މިލިއަން ރުފިޔާ އަށް އަރާ ކަމަށް ފޮރިން މިނިސްޓްރީން ބުނެ އެވެ.
ޖަޕާނުން ވަނީ މީގެ ކުރިން ވެސް ރާއްޖެއަށް އެކި ގޮތް ގޮތުން އަދި އެކި ދާއިރާތަކަށް އެހީތެރިކަން ފޯރުކޮށްފީފަ އެވެ. އެގޮތުން ކޮވިޑް-19 އާ ގުޅިގެން ޔުނިސެފު މެދުވެރިކޮށް 356،400 ޑޮލަރުގެ އެހީއަކާއި ރެޑް ކްރެސެންޓް މެދުވެރިކޮށް 185،000 ޑޮލަރުގެ އެހީއެއް އަދި ޔޫއެންޑީޕީ މެދުވެރިކޮށް 1.4 މިލިއަން ޑޮލަރުގެ އެހީއެއް ވެސް ޖަޕާނުން ރާއްޖެ އަށް ދީފައިވާ ކަމަށް ފޮރިން މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުންދަނޑި
06 August 2020
މީގެ ކުރީގަ އިނގިރޭސިންނަކީ މާމޮޅުބައެއް، ދުނިޔޭގަ ކޮންމެކަމެއް ހޯދާނީވެސް އިނގިރޭސި އިލްމުވެރިން. އެހެންވެ އޭރު އެތަނުން ކިޔަވައިފިއްޔާ ވަރަށް މޮޅޭ ބުނާނީ. މިހާރުގެ ހާލަތަކީ ޗައިނާއިން އެކަނި އަހަރަކު 1.5 މިލިއަން އާއީޖާދު އެބަ ފައިލްކުރޭ، އިނގިރޭސިންނަށް 20 ހާސް ފައިލް ނުކުރެވޭ. އެހެންވީމަ އިނގިރޭސި ޔުނިވާސިޓީތަކެކޭ ލަންކާ ތަންތަނެކޭ ވަކި ތަފާތެއްނެތް، އޭޝިއާގެ ތަންތަނަށް ކިޔަވަން ފޮނުވަންވީ.
ކަސަބު
06 August 2020
ޖަޕާނަކީ އަބަދުވެސް ރާއްޖެއަށް އެހީތެރިވާ ގައުމެއް. މާލޭ ކަނޑު ތޮށިލައިދިނީވެސް ޖަޕާނުން. ތައުލީމަށް ޒަމާނުއްސުރެ އެހީވޭ. ކާބޯތަކެތީގެ އެހީވެސްދޭ. ފަހަކަށް އައިސް އިންޑިއާ ޗައިނާ ގެ ދެމެދު ވާދަވެރިކަމެއް އުފައްދައި ޖަޕާނާ ގުޅުން ހީނަރުވި. މިސަރުކާރުން އެކަން ރަނގަޅުކުރަން އުޅޭކަމަށް ބެލެވޭ.
ފޮނިޓައްޕު ހަސަނު
05 August 2020
ޖަޕާނުން ވަނީ ދެވަނަ ބޮޑު ހަނގުރާމައިގެ ދުވަސްވަރު އައްޑު އަތޮޅު އޮޑިއެއް އައްޑޫން ފުރައިގެން ސިލޯނަށް ދަތުރުކުރަނިކޮށް އަތުލައިގެން އެއޮޑީގެ މީހުންގެ ތެރެއިން ދެމީހަކު ފިޔަވައި ދެންތިބި އެންމެން ކަނޑުފައްތައި ޝަހީދު ކޮށްލާފައި. ވީމާ ޖަޕާނުން ޖެހޭނެ މިރާޢްޖެއަށް އެހީވާން.
ޖަޕާން
06 August 2020
ޖަޕާނުން ވަނީ އެ ޖަރީމާ އަށް ބަދަލު ދީފަ. އޭރު ދިވެހި ރާއްޖެ އޮތީ އިނގިރޭސިންގެ ދަށުގަ. ޖަޕާނުން ބަދަލު ހަވާލު ކުރީ އިނގިރޭސިންނާ. އިނގިރޭސިން ވަނީ އެ ފައިސާ މުހަންމަދު އަމީނާ ހަވާލު ކޮށްފަ. އަމީން އޭގެ ލޯ ލާރި އެއްވެސް ހައްގު ވެރިޔަކަށް ނުދިން. އަތިރީގޭ ކުދިން އެހާ އަރާމުގަ އެ އުޅެވެނީ ކަމަކާ ލައިގެން
ބަޑީ
05 August 2020
ތީ އެހެން ހުރިހާ ކަމަކަށް ވުރެން ރަގަޅު ފުރުސަތެއް!! ޖައިކާ ކޯހެއްގަ ޖަޕާނުގަ ހައެއްކަ މަސް ހޭދަކޮށްލުމުގެ ފުރުސަތު އަޅުގަޑަށްވެސް ލިބުނު. ތަރައްޤީ އާއި ތަހުޒީބާއި ރިވެތި އާދަކާދައާއި މިހެންގޮސް ނަންހުސްކޮށް ރަގަޅު ކަންކަން ފެނިގެންދިޔަ. ތި ފުރުސަތުލިބޭ ކުދިން ތީގެ ބޭނުން ރަގަޅު ގޮތުގާ ހިފުމަށް އެދެން. ތީކީ އަބަދަކު ލިބިދާނެ ފުރުސަތެއް ހެނެއް ހިޔެއްނުވޭ. ރަނުގެ ފުރުސަތެއް.
ޑޮޓް
06 August 2020
ތެދެއް ތިޔައީ. އަހަރެންވެސް އަބަދުވެސް ފޭވަރިޓަކީ ހަމަ ޖަޕާން. ވިއްސަކަށް ގައުމަށް ދެވުނުއިރުވެސް އަދިވެސް ޖަޕާން ވަރު ތާކަަށް ނުދެވޭ ހަމަ. ސިވިލައިޒްޑް އިން އެވްރީ ވޭ ޕޮސިބްލް
ވައްގަވައްގާ
05 August 2020
ގިނަ ދިވެހިންނަށް މަތީތައުލީމުގެ ފުރުސަތު އިތުރުވެގެން ދިއުމަކީ މިސަރުކާރުގެ ހާރިޖީ ސިޔާސަތުގެ ކާމިޔާބްކަން. އިބޫ އެންޑް ޝާހިދު އަށް ސާބަސް.