ބޭރޫތުގެ ބާރުގަދަ ގޮވުމާ އެކު 140 ފޫޓު ފުން ވަޅުގަނޑެއް

ބޭރޫތުގައި ކެމިކަލް ގުދަން ގޮވި ސަރަހައްދު ބިމާހަމަވެފައި. --ފޮޓޯ:އޭއެފްޕީ

ހަސަން އާމިރު، މިހާރު

10 އޯގަސްޓް 2020 - 12:50

ބޭރޫތު (އޮގަސްޓް 10) - ލުބުނާނުގެ ވެރިރަށް ބޭރޫތުގެ ބަނދަރު ސަރަހައްދުގައި ކެމިކަލް ރައްކާކޮށްފައި ހުރި ގުދަން ގޮވިލެއް ބާރުވުމުގެ ސަބަބުން 43 މީޓަރު (141 ފޫޓު)ގެ ފުން ވަޅުގަނޑެއް ހެދުނު ކަމަށް ސަލާމަތީ އޮފިޝަލުން ބުނެފި އެވެ.

މިދިޔަ އަންގާރަ ދުވަހު ބޭރޫތުގައި ގޮވި ގޮވުމުގެ އަޑު ވަނީ މެޑިޓެރޭނިއަންގައި 240 ކިލޯ މީޓަރު ދުރުގައިވާ ސައިޕްރަސްއާ ހަމައަށް އިވިފަ އެވެ. އަދި އެމެރިކާގެ އިންސްޓްޓިއުޓް އޮފް ޖިއޯފިޒިކްސް އަށް ވަނީ 3.3 ގެ ބާރުމިނުގެ ބިން ހެލުމެއް ގޮތަށް އެ ގޮވުން ރެކޯޑްކުރެވިފަ އެވެ.

ބޭރޫތުގައި ކެމިކަލް ގުދަން ގޮވި ސަރަހައްދު ބިމާހަމަވެފައި. --ފޮޓޯ:އޭއެފްޕީ

ބެލެވޭ ގޮތުގައި 2،750 ޓަނުގެ އެމޯނިއަމް ނައިޓްރޭޓް ރައްކާކޮށްފައި ހުރި ގުދަން ގޮވީ އެ ސަރަހައްދުގައި ކޮންމެ ވެސް ގޮތަކުން އަލިފާން ގެންގުޅުމުގެ ސަބަބުންނެވެ. އެ ގުދަނުގައި ކެމިކަލް ހުންނަތާ ހަ އަހަރު ވެއްޖެ އެވެ.

ގޮވުމުގެ ސަބަބުން ވަނީ 150 އަށް ވުރެ ގިނަ މީހުން މަރުވެ، 6،000 އަށް ވުރެ ގިނަ މީހުން ޒަޚަމްވެފަ އެވެ. ގާތްގަނޑަކަށް 300،000 އަށް ވުރެ ގިނަ މީހުންގެ ގެ ހަލާކުވި އެވެ.

ބޭރޫތުގައި ކެމިކަލް ގުދަން ގޮވި ސަރަހައްދު ބިމާހަމަވެފައި. --ފޮޓޯ:އޭއެފްޕީ

ގުދަނުގައި ހުރި ކެމިކަލް ގޮވީ ފަރުވާ ކުޑަކަމުން ކަމަށް ބުނެ ލުބުނާން ސަރުކާރާ ދެކޮޅަށް އެތައް ހާސް ބަޔަކު މިހާރު ވަނީ މުޒާހަރާ އަށް ނުކުމެފަ އެވެ. ލުބުނާނުގެ ރައީސް މިޝޭލް އުޔޫން ވިދާޅުވެފައި ވަނީ ގުދަން ގޮވި ހާދިސާގައި ޒިންމާވާން ޖެހޭ މީހުންނަށް ހަރުކަށި އަދަބު ދޭނެ ކަމަށެވެ.

ލުބުނާން ބޭރޫތު

6 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަނިކުބޭ

10 August 2020

އެކްސިޔޯން ބޭކަރީގައި ގުދަންކޮށްފައި އެބަހުރި ގިނަ އަދަދަކަށް ކެރޯސީން ސާފުތެޔޮ، އެއީ އެތާ އަވަނަށް އަޅަންށޯ، މާފަންނުގެ އެންމެ ބައިބޯ ހަނިގޯޅިގަނޑެއްގެ ތެރޭގައި، އާދޭސްކޮށްފަ ބުނަން އެތަންގޮވުމުގެ ކުރިން ފިޔަވަޅުއަޅާދި އޯގާތެރިސަރުކާރު!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

10 August 2020

ލުބްނާން އެއީ ލަޔަންސް ޑެންއެއް ފަދަ ތަނެއް.ވެރިކަމުގެ ނިޒާމް މުޅިން ގަޑުބަޑުވެ ހަލާކުވެފަ އޮތް ތަނެއް.ރަފީކް ހަރީރީގެ ވެރިކަމުގަ މެދުއިރުމަތީގެ ރަނގަޅު އިކޮނޮމީއެއް އޮތް.ނަމަވެސް މިއަދު ގައުމުވަނީ ފުނޑިފަ.