މަސް ފެންގަނޑަށް ވެއްޓުނު ކުއްޖާ ވޯޑަށް ބަދަލުކޮށްފި

އައިޖީއެމްއެޗުން ބަޔަކު ހިދުމަތް ހޯދަނީ: މަސްފެންގަނޑަށް ވެއްޓުނު ދޮޅު އަހަރުގެ ކުއްޖާ ވެންޓިލޭޓަރުން ނަގައިފި ކަމަށް އައިޖީއެމްއެޗް އިން މިއަދު ބުނި --ފޮޓޯ/މިހާރު

ލަމްޔާ އަބްދުﷲ، މިހާރު

10 އޯގަސްޓް 2020 - 16:45

4 comments

ލ. ގަމުން މަސްފެންގަނޑަކަށް ވެއްޓި ހާލު ދެރަވި ތުއްތު ކުއްޖާއަށް އައިޖީއެމްއެޗްގެ އައިސީޔޫގައި ފަރުވާ ދިނުމަށް ފަހު، ވޯޑަކަށް ބަދަލުކޮށްފި ކަމަށް މިއަދު ބުނެފި އެވެ.

މިދިޔަ މަހުގެ 16 ވަނަ ދުވަހު ހިނގި މި ހާދިސާގައި، ދޮޅު އަހަރުގެ އެ ކުއްޖާ މަސްފެންގަނޑަކަށް ވެއްޓި ހާލު ސީރިއަސްވުމުން، އިތުރު ފަރުވާ ދޭން އޭގެ އަނެއް ދުވަހު މާލެ ގެނަ އެވެ. މާލެ ގެނައި އިރު ވެސް އެ ކުއްޖާ ހެއެއް ނާރަ އެވެ. އައިޖީއެމްއެޗް އިން އޭރު ބުނީ އެ ކުއްޖާއަށް ފަރުވާ ދެން ފެށީ ވެންޓިލޭޓަރުގައި ކަމަށެވެ.

އެ ހޮސްޕިޓަލުގެ މީޑިއާ އޮފިޝަލު ހައްވާ އަފީފާ މިއަދު ވިދާޅުވީ، އެ ކުއްޖާއަށް މިހާރު ފަރުވާ ދެނީ ވެންޓިލޭޓަރުގައި ނޫން ކަމަށެވެ. އެކަމަކު އެކަމާ ބެހޭ އިތުރު މައުލޫމާތެއް ނުދެއްވަ އެވެ.

އެނގިފައިވާ ގޮތުގައި އެ ކުއްޖާ ވެއްޓުނު މަސް ފެންގަނޑަކީ ބޭނުން ނުކުރާ މަސްފެންގަނޑެކެވެ. އަދި އެ މަސް ފެންގަނޑު މި ދޭތެރެއިން ފުރުނީ ބޯކޮށް ވާރޭ ވެހުމުން ކަމަށާއި އޭގެ ފަހުން އެ ސާފުކުރި ކަމަށް ވެ އެވެ.

Masfenga'dah vettunu kujjaa ventiltor gai

The most trusted news source in the Maldives

Mihaaru

މިދިޔަ އަހަރުގެ ސެޕްޓެމްބަރު މަހު ވެސް ދެ އަހަރުގެ ކުއްޖަކު ލ. ގަމުގެ މަސް ފެންގަނޑަކަށް ވެއްޓި، ހާލު ސީރިއަސްވި އެވެ. އެ ކުއްޖާއަށް އިތުރު ފަރުވާ ދޭން މާލެ ގެނައުމަށް ފަހު އިންޑިއާއަށް ގެންދިޔަ އެވެ. ކޮޗިންގެ އަމްރިތާ ހޮސްޕިޓަލްގައި ގާތްގަނޑަކަށް ހަތަރު މަސް ދުވަހު ބޭއްވުމަށް ފަހު ކުއްޖާގެ ހާލު ރަނގަޅުވާން ފެށުމުން ގެއަށް ދޫކުރީ މި އަހަރު ކުރީކޮޅު އެވެ.

ލ. ގަން ކުޑަކުދިން އައިޖީއެމްއެޗު

4 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެރަކަމެއްނު

10 August 2020

ތިތަންތަން ރަނގަޅު ކުރަން ނުވޭތަ ؟ ދެފަހަރު އެއް ހާދިސާއެއް. އެއްރަށެއްގައި އެއް އުމުރު ފުރައެއް. މަރުނުވާތީ އަޅާނުލަނީތަ ؟ އިސްމަޤާމު ތަކުގައި ތިބޭމީހުންގެ ޒިންމާއަކީ މަހުމުސާރަ ނެގުން އެކަނިބާ؟