އަނބިމީހާ މަރުވުމުން ސްޓެޗޫއެއް ހަދައި އާ ގެޔަކަށް ގެންގޮސްފި

ސްރިނިވާސް އާއި އޭނާގެ ދެ އަންހެން ދަރިން މަދަވީގެ ސިފައިގައި ހަދާފައިވާ ސްޓެޗޫ ކައިރީގައި ފޮޓޯއަކަށް ހުއްޓިގެން.

އަހުމަދު އަދްޝަން، މިހާރު

13 އޯގަސްޓް 2020 - 06:57

އިންޑިއާގެ ކަރްނާޓަކާގެ ވިޔަފާރިވެރިއަކު އޭނާގެ އަނބިމީހާގެ އެދުމަކަށް ބިނާކުރި ރީތި ގެ ނިމުމުގެ ކުރިން އަނބިމީހާ މަރުވެފައި ވާތީ، ގެ ނިންމުމަށް ފަހު އަނބިމީހާގެ ސްޓެޗޫއެއް ހަދައި އެ ގޭގައި "ގެންގުޅެން" ފަށައިފި އެވެ.

ކޮއްޕާލް ޑިސްޓްރިކްޓްގައި އިމާރާތްކުރި ގެ ނިންމައި އެތަން އާއިލާގެ މީހުންނާއި އަވަށްޓެރިންނަށް ދައްކައިލަން ބޭއްވި ހަފުލާގައި އެންމެންނަށް ވެސް ހައިރާންކަން ލިބުނީ ސްރިނިވާސް ގުޕްތާގެ މަރުވެފައިވާ އަންހެނުން އެމްވީކޭ މަދަވީ ސޯފާއެއްގައި އިންދާ ފެނުމުންނެވެ.

ސިލިކަން ވެކްސް އިން އަނބިމީހާގެ ސްޓެޗޫ ތައްޔާރުކޮށް ބައިންދާފައި އިނީ ރީތި ބޮޑު ސޯފާއެއްގަ އެވެ. ސްޓެޗޫގައި އިނީ ފިޔާތޮށި ކުލައިގެ ސާޅީއެއް އަޅުވައި ގަހަނާތަކުން ވެސް ޒީނަތްތެރިކޮށް ނަލަހައްދައިފަ އެވެ.

Unbelievable! This is the wax statue of a lady who was killed in a road accident. Her husband, Srinivas Gupta of Koppal district in #Karnataka wanted her to be physically present at the family’s house-warming ceremony and decided to install a life-size figure at the new house. pic.twitter.com/gTmPdZojQa
— Rahul Devulapalli (@rahulscribe) August 10, 2020

މަދާވީ މަރުވީ 2017 ގައި ފިރިމީހާ އާއި ދެ އަންހެން ދަރިންނާ އެކު ތިރުޕަތީ އަށް ކުރި ދަތުރެއްގައި މަގުމަތީގައި ހިނގި ނުރައްކާތެރި އެކްސިޑެންޓަ އެވެ.

Businessman Srinivas Gupta from #Koppal got a statue of her late wife made to make sure she's present for the housewarming ceremony of their newly constructed house. #TRUELOVE pic.twitter.com/temmN6apsl
— Utkarsh Singh (@utkarshs88) August 11, 2020

ސްރިނިވާސް ބުނި ގޮތުގައި އޭނާ އަގުބޮޑު ރީތި ގެއެއް އިމާރާތްކުރަން ނިންމީ އެކަމަކީ އަންހެނުން ދުނިޔޭގައި ހުރި އިރު އަބަދު ވެސް ދެކެމުން ދިޔަ ހުވެފަނަކަށްވާތީ އެވެ. އެހެންވެ ގަނޑުވަރެއް ކަހަލަ ގެއެއް ބިނާކުރަން ބޭނުންވީ ކަމަށާއި އަންހުންގެ ސޫރައިގެ ސްޓެޗޫއެއް ހަދައި ގޭގައި ބެހެއްޓީ ވެސް މަދަވީގެ ހަނދާނަކަށްޓަކައި ކަމަށް ބުންޏެވެ.

ސްރިނިވާސް ބުނީ ސްޓެޗޫ ތައްޔާރުކޮށް ދިނީ ބެންގަލަރޫގެ އާޓިސްޓެއް ކަމަށްވާ ޝްރީދާރު މުރުތީ ކިޔާ މީހެއް ކަމަށެވެ. އެ ސްޓެޗޫން މިހާރު އިހުސާސްކުރެވެނީ އަންހެނުން އޭނާއާ އެކު ގޭގައި އުޅޭކަން ކަމަށް ބުންޏެވެ.

"މި ސްޓެޗޫ ނިންމަން އަހަރެއްހާ ދުވަސް ނެގި. އޭތި ފެނުމުން މިހާރު އަންހެނުން ހަމަ ފެންނަ ކަހަލަ. މިކަމުން ހިތަށް އުފާވެރިކަން ގެނުވައިދޭ." ސްރިނިވާސަން ބުންޏެވެ.

އިންޑިއާ އަންހެނުން ކައިވެނި

3 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާނއެކެވެ!

14 August 2020

އާނއެކެވެ! ސްޓެޗޫ އިން މިހާރު، އަންހެނުން ގޭގައި އުޅޭ ކަ މުގެ އިޙުސާސް ވަރަށް ރަނގަޅަށް ކުރެވޭނެ އެވެ. އޭގެ ތެރޭގައި އިންނާނީ ޝައިޠާނާ ސަވާރުވެގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

13 August 2020

ތި ސްޓެޗޫގެ ސަބަބުން ތިގެ ބަދަލުވާނީ ދާރުލް އާސާރަކަށް ހެން ހީވޭ. ތި ފިރިހެންމީހާ ވާނީ ޝާހް ޖަހާން އަކަށް ނޫން. އަދި ތިއާ ގުޅުވައިގެން ގިނަ ފްލޯކު ވާހަކަތައްވެސް އިވޭނެ ދުވަސް އަންނާނެ. އިލާހަކަށް ހަދައިގެން އަޅުކަންކުރަންވެސް ފަށާނެ.