ޚަބަރު / މިނިވަން މުއައްސަސާތަކުގެ ކޮމިޓީ

އެންއައިސީ އަށް އައްޔަންކުރަން 17 ބޭފުޅެއްގެ ނަން މަޖިލީހަށް

މަޖިލީހުގެ ޖަލްސާއެއް: އެންއައިސީ އިން ހުސްވެފައިވާ މަގާމުތަކަށް އައްޔަން ކުރުމަށް 17 ބޭފުޅެއްގެ ނަން މަޖިލީހަށް ވަނީ ފޮނުއްވާފައި -- ފޮޓޯ/މަޖިލިސް

މުއިއްޒު އިބްރާހިމް، މިހާރު

12 އޯގަސްޓް 2020 - 12:29

5 comments

ނޭޝަނަލް އިންޓަގްރިޓީ ކޮމިޝަން (އެންއައިސީ) އިން ހުސްވެފައިވާ މެމްބަރު ކަމަށް އައްޔަން ކުރަން 17 ބޭފުޅެއްގެ ނަން ރައީސް އިބްރާހިމް މުހައްމަދު ސޯލިހް ރައްޔިިތުންގެ މަޖިލީހަށް ފޮނުއްވައިފި އެވެ.

އެންއައިސީގެ ގެ މެމްބަރު ކަމަށް ބޭފުޅުން އައްޔަން ކުރަނީ އެ ކޮމިޝަންގެ ތިން މެމްބަރަކު މިދިޔަ މަހު އިސްތިއުފާ ދެއްވުމުންނެވެ. އެ ބޭފުޅުން އިސްތިއުފާ ދެއްވީ އެ ކޮމިޝަންގެ ހަތަރު މެމްބަރަކު ޒިންމާ އަދާނުކުރައްވާ ކަމަށް ނިންމައި އެ ބޭފުޅުން މަގާމުން ވަކިކުރަން ރައީސަށް ދަންނަވަން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމެޓީން ފާސްކުރުމާ އެކުގަ އެވެ.

އެ ބޭފުޅުން އިސްތިއުފާ ދެއްވުމުން އެންއައިސީން ހުސްވި ތިން މަގާމަށް އައްޔަންކުރަން 17 ބޭފުޅެއްގެ ނަން ރައީސް މަޖިިލީހަށް ފޮނުއްވުމުން އެ މައްސަލަ މަޖިލީހުގެ މިނިވަން މުއައްސަސާތަކާ ބެހޭ ކޮމެޓީއަށް މިއަދުގެ ޖަލްސާގައި ވަނީ ފޮނުވައިފަ އެވެ.

އެންއައިސީގެ އިތުރުން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ބޯޑުގެ އެއް މަގާމެއް ހުސްވެފައިވާތީ އާއި އިތުރު ތިން މެމްބަރެއްގެ ދައުރު ހަމަވާތީ އެ މަގާމުތަކަށް ބޭފުޅުން އައްޔަން ކުރަން އަށް ބޭފުޅެއްގެ ނަން ވެސް ރައީސް ވަނީ މަޖިލީހަށް ފޮނުއްވައިފަ އެވެ. އެ މައްސަލަ މަޖިލީހުުގެ އިގްތިސާދީ ކޮމެޓީއަށް މިއަދު ވަނީ ފޮނުވައިފަ އެވެ.

އެންއައިސީގެ ތިން މެމްބަރަކު އިސްތިއުފާ ދެއްވާފައި ވަނިކޮށް، އެ ކޮމިޝަންގެ ރައީސް އަހުމަދު ސުލައިމާން ވެސް ދާދިފަހުން ވަނީ މަގާމުން ވަކި ކުރައްވައިފަ އެވެ. އެންއައިސީގެ ގާނޫނު ބުނާގޮތުން އެ ކޮމިޝަންގެ މެމްބަރުން މަގާމުން ވަކި ކުރެވޭނީ ރައީސަށެވެ.

ރައީސް އިބްރާހިމް މުހައްމަދު ސޯލިހް މިނިވަން މުއައްސަސާތައް މިނިވަން މުއައްސަސާތަކުގެ ކޮމިޓީ ނެޝަނަލް އިންޓަގްރިޓީ ކޮމިޝަން

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަޝީދު.

12 August 2020

އެޖެންޑާ19ގަ ވީހާ ވައުދު ކޮބާ؟ ސަރުކާރުން ވިޔަފާރިކުރުން ހުއްޓާލަން ބުނިންތަ؟ ހުރިހާ އިންޕޯޓް ޑިއުޓީ ކަނޑާލަން ބުނިންތަ؟ އަނބިދަރިންގެ ހިސާބުތައް ހާމަކުރަން ބުނިންތަ؟ ހުޅުމާލެއާ ގުޅީފަޅުން ގޯތިދޭން ބުނިންތަ؟ އެލް.ޖީ.އޭ އޮވާލާ އަތޮޅާ ރަށުސަރުކާރަށް ބާރުތައް ބަހާލަން ބުނިންތަ؟ އިންޓަނެޓް އަގުހެޔޮކުރަން ބުނިންތަ؟ ކޮމިޝަންތަކެއް ހަދާ ތަހުގީގުތަކެއް ހާމަކުރަން ބުނިންތަ؟ ވަޒީފާ ގެއްލުވާލިމީހުންނަށް ވަޒީފާ ދޭން ބުނިންތަ؟ ހައްގުމިންވަރު ބާ މިފެންނަނީ؟!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއުލާނު

12 August 2020

މިއަދު އަދި ކުރިމަތިލުމަށް އިއުލާނުކުރީ ގެޒެޓް ގައި https://www.gazette.gov.mv/iulaan/view/132170 އެކަމު މިހާރު ނަން ފޮނުވީ. ވަރަށް ސާފު ތި ކުޅޭ ކުޅި ގަނޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައީސް ސޯލިހް ޕްރޯއެކްޓިވެލައްވާ

12 August 2020

ކޮބާތަ ހިއުމަން ރައިޓްސް ކޮމިޝަން އެއޮތީ ގާނޫނީ ބޮޑު ހުސްކަމެއްގެ ތެރޭގާ! ރައީސް އޮފީހަށް މަސައްކަތެއް ހަވާލުކުރުމެކޭ އިންޑިއާގެ ސަރުކާރު މެދުވެރިކޮށް ކަމެއް ކުރުމަށް ވުރެވެސް ލަހޭ! ރައީސް އޮފީހުގެ ޓީމް ވޯރކެއް ނެތްކަން ފާހަގަވޭ! ކަންކަން ލަސްވެ ދިގުލަނީ ރައީސް އޮފީސް ޓީމްގެ އުފެއްދުންތެރިކަމެއް ނެތް އިންތިހާއަށް ކަންކަން ކުރުމުގަ ލަސްކޮށް އަދި ކޮފީ މޭޒުތަކުގަ ސަޅިބައިސާ ކަނޑާ މީހުންނަށް މަގާމުތަށް އިސްކުރުމުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

5698

12 August 2020

ސިޔާސީ ބޭނުމަކަށް ތައުލީމާ ހިންގުމުގެ ތަޖުރިބާ ނެތް މީހުން މިނިވަން މުއައްސަސާތަކަށް ލައިގެން އެތަންތަނުން ޕާފޯމެއް ނުކުރެއޭ ނުކިޔާނެ ގޮތަކަށް ހިންގުމުގެ ތަޖުރިބާ ހުރި މެނޭޖްމަންޓް ދާއިރާއާގެ މީހަކަށްނޫނީ އެތަނުގެ ރައީސްކަން ނުދެއްވުން ވަރަށްބޮޑަށް އެދެން.