12 އޯގަސްޓް 2020 - 14:54
43 comments
ބިދޭސީން ގެންނަން މިހާރު ދޫކޮށްފައި ހުރި ހުރިހާ ކޯޓާތަކެއް އާާކުރަން ޖެހޭ ގޮތަށް ހަމަޖައްސައި، ކޮންމެ ކޯޓާއެއް އަހަރަކު 2000ރ. އަށް ވިއްކާ ގޮތަށް ސަރުކާރުން ނިންމައިފި އެވެ.
އެގޮތަށް ހަމަޖެއްސުމާ ގުޅިގެން، ރާއްޖޭގައި މަސައްކަތް ކުރާ ހުރިހާ ބިދޭސީން އަލުން ކޯޓާ ނަގަން ޖެހޭނެ އެވެ. އަދި ކުރިއަށް އޮތްތާނގައި ނަގާ ހުރިހާ ކޯޓާއެއް 2000ރ. ގެ މަގުން ވިއްކާ ގޮތަށް ވެސް މިއަދު އާންމުކުރި ގަވައިދުގައި ހަމަޖައްސައިފައި ވެ އެވެ.
އެ ގަވައިދުގައި ބުނެފައިވާ ގޮތުން މިހާރު ދޫކޮށްފައިވާ ކޯޓާތައް ބޭނުންކުރެވޭނީ ގަވައިދު ގެޒެޓް ކުރާތާ (މިއަދުން ފެށިގެން) ތިން މަސް ދުވަސްވަންދެނެވެ. އޭގެ ފަހުން އެ ކޯޓާތަކަށް އަހަރަކު 2000ރ. ގެ މަގުން ފީ ދައްކަން ޖެހޭނެ އެވެ.
އެ ގަވާއިދުގައި ބުނެފައިވާ ގޮތުގައި ކޮންމެ މީހަކަށް ވެސް ޖޮބް ޕޯޓަލްގައި ރަޖިސްޓްރީ ވެ ބިދޭސީން ރާއްޖެ ގެނައުމުގެ ކޯޓާއަށް އެދި ހުށަހެޅޭނެ އެވެ. ކޯޓާ ލިބޭނީ ޝަރުތުތައް ފުރިހަމަވާ އަދި މިނިސްޓްރީން ކަނޑައަޅާ އޮންލައިން ސިސްޓަމެއްގެ ތެރެއިން މައުލޫމާތުތައް ފުރިހަމަކުރުމަށް ފަހު ކޮންމެ ކޯޓާއަކަށް ވެސް ކަނޑައަޅާފައިވާ އަގު ދައްކާ މީހުންނަށް އެކަނި ކަމަށް ގަވާއިދުގައި ބުނެފައި ވެ އެވެ.
އެ އުސޫލުގައިވާ ގޮތުން ކޯޓާ ފީގެ މުއްދަތަކީ ކޯޓާ ދޫކުރާ ދުވަހުން ފެށިގެން 12 މަސް ދުވަހެވެ.
ނަމަވެސް ކުރިން ދޫކޮށްފައިވާ ކޯޓާ ތަކުގެ ކޯޓާ ފީ މުއްދަތަކީ މި އުސޫލަށް އަމަލުކުރަން ފަށާތާ އެއް އަހަރެވެ. މި އުސޫލުގެ ދަށުން އެއްފަހަރާ ކޯޓާ ފީ ދެއްކޭނީ އެންމެ ގިނަ ވެގެން ވެސް ތިން އަހަރަށެވެ.
ކޯޓާގެ އިތުރަށް ނުވަތަ ކޯޓާ ހޯދުމެއް ނެތި ގަވައިދާ ހިލާފަށް ބިދޭސީއަކު ވަޒީފާގައި ގެންގުޅުމަކީ ނުވަތަ ބިދޭސީއަކު ލައްވައި މަސައްކަތެއް ކުރުވުމަކީ މިހާރު މަނާ ކަމެކެވެ. ބިދޭސީން ރާއްޖޭގައި މަސައްކަތްކުރާނެ ގޮތުގެ އުސޫލުގައިވާ ގޮތުން ބިދޭސިން މަސައްތަކަށް ގެނައުމުގެ ކުރިން އެ މީހުންނަށް ވަޒީފާ ދީފި ކަމުގެ ޔަގީން ކަމާ އެކު އެމްޕްލޯއިމަންޓް ލިއުމެއް ހަވާލުކުރަން ޖެހެ އެވެ. އަދި ބިދޭސީން ގެނައުމުގެ ކުރިން އެމްޕްލޯއިމަންޓް އެޕްރޫވަލް ހޯދަން ޖެހެ އެވެ. މި ހުއްދައަށް އެދެވޭނީ ކޯޓާ ފީ ދެއްކުމަށް ފަހު އެވެ.
ބިދޭސީން ރާއްޖެ ގެނައުމަށް ދައްކާ ޑިޕޮސިޓް ފައިސާ ބަހައްޓާނެ ގޮތާއި ރިފަންޑް ކުރެވޭނެ ހާލަތާއި އުސޫލު ވެސް ގަވާއިދުގައި ވެ އެވެ. އަދި ގެންނަ މީހަކު ދެ ފަރާތުން އެއްބަސްވެގެން އަނބުރާ ފޮނުވާލާ ހާލަތެއްގައި އެކަންކަން ހަމަޖައްސަން ޖެހޭނީ އެ މީހަކު ގެނައި މީހެއް ކަމަށް ވެސް ބުނެފައި ވެ އެވެ.
މި އުސޫލުގައި ވަނީ ރާއްޖެ އަންނަ ބިދޭސީން ބަހައްޓަން ޖެހޭނެ ގޮތް ވެސް އާންމުކޮށްފަ އެވެ. އެގޮތުން ކޮންމެ މީހަކު ވެސް އަންނަ އިރު އެ މީހަކު ގެންނަ ފަރާތަކުން ހަވާލުވާން ދާން ޖެހެ އެވެ. އެކޮމޮޑޭޝަން ވެސް ހަމަޖައްސަދޭން ޖެހެނީ ވަޒީފާ ދޭ ފަރާތުން ކަމަށާއި، މީހުން ދިރިއުޅޭ ރަށެއްގައި މަސައްކަތްކުރާ ނަމަ ރަޖިސްޓްރީ ކުރަން ޖެހޭނެ ކަމަށް ވެސް ބުނެފައި ވެ އެވެ. އަދި މީހުން ދިރިނޫޅޭ ނުވަތަ ސިނާއީ ރަށެއްގައި މަސައްކަތް ކުރާ ނަމަ އެ ރަށަކާ އެންމެ ކައިރީގައި މީހުން ދިރިއުޅޭ ރަށެއްގައި ރަޖިސްޓްރީ ކުރަން ޖެހޭނެ ކަމަށް ވެސް ބުނެފައި ވެ އެވެ.
ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ވަނީ އިންތިހާ އަށް ބޮޑުވެފަ އެވެ. ގާތްގަނޑަކަށް ދެ ލައްކަ ބިދޭސީން ރާއްޖޭގައި އުޅޭ ކަމަށް އިކޮނޮމިކް މިނިސްޓްރީން ލަފާކޮށްފައިވާއިރު އޭގެ ތެރެއިން 60،000 އަށް ވުރެ ގިނަ މީހުންނަކީ ގަވާއިދާ ހިލާފަށް އުޅޭ މީހުން ކަމަށް ތަފާސްހިސާބުން ދައްކަ އެވެ.
ގަވާއިދާ ހިލާފަށް އުޅޭ ބިދޭސީން ރަޖިސްޓްރީކޮށް އަނބުރާ ގައުމަށް ފޮނުވާލުމުގެ މަސައްކަތް މިދިޔަ އަހަރު ތެރޭގައި އިކޮނޮމިކް މިނިސްޓްރީން ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަތުކިބަ
14 August 2020
ބޭރު މީހުންގެ ކަންކަމާއި މިސަރުކާރުން ދަނީ ވަރަށް ބޮޑަށް އިހްމާލް ވަމުން ކުރިން ނިމިފައި ހުންނަ ކަންކަމަކަށް އަލަށް ހެދޭ ގަވާއިދަކުން ނުވަތަ ގާނޫނަކުން އެކަން ކުރާކަން ނޭންގޭނެ އެއީ އިންސާނީ ހަމަތަކާއި އުސޫލްތަކުން އަދި ބައިނަލް އަގުވާމީ ހަމަތަކުގެ މަތިން ކުރެވޭނެ ކަމެއްނޫން
ައަހުމަދު
13 August 2020
ޤަވާއިދާއި ޙިލާފަށް އުޅެއެންމެން ފޮނުވާލާފަި ޤަވާއިދާ އެއްގޮތަށް ގެނޭ .
ދިވްޓޯ
13 August 2020
އަހަރެން ބީދޭސީއެއް ޤަވާއިދާއެއްގޮތަށް ރަނގަޅުކުރަން ހުށަހަޅާގެން އުޅޭތާ 6 މަސް ވެއްޖެ. އަދިވެސް ޕެންޑިންގ ވެރިފިކޭޝަންގަ. ރެގިއުލަރައިޒޭޝަންގެ ނަމްބަރޭ ކިޔާފަ ދޭ ނަމްބަރަކީ އަބަދު ބިޒީ ކޮށްފަ އިންނަ ނަމްބަރެއް. މޭޒު ދަށުން އެތިކޮޅެއް ދޭންޖެހެނީތޯ؟
ދިވެހިގެސްޓް
13 August 2020
ސުވާލަކީ މިހާރުވެސް ޤަވާޢިދާޚިލާފަށް މި ރާއްޖޭގައި އުޅެމުންދާ ބިދޭސީންނާއި ދޭތެރޭ އެޅުއްވީ ކޮން ފިޔަވަޅެއްތޯ.. އެމީހުން ރަށަށް އެދަނީ އަމިއްލައަށް އެދިގެން .. ސަރުކާރުން ގަދަކަމުން ފޮނުވަނީކީ ނޫން.. ބަންގާޅިން ބުނެފަ އެބަހުރި ދުނިޔޭގައިވެސް އިމިގެރޭޝަން ޤާނޫނާއި ޤަވާއިދާ ޚިލާފަށް އުޅެން މިއަށްވުރެ ފަސޭހަ ޤައުމެއް ނެތްކަމަށް.
ދިވެހިގެސްޓް
13 August 2020
ސަރުކާރަށް ފައިސާހޯދަން މި ޤަވާޢިދު ރަނގަޅު.. އިތުރުކަމެއް މި ޤަވާޢިދުގެ ސަބަބުން ރަނގަޅުވާނެކަމަކަށް ނުބެލެވޭ.
ދިވެހިގެސްޓް
13 August 2020
މި ޤަވާޢިދުގެ ސަބަބުން އިތުރު ބަޔަކު ޤަވާޢިދާ ޚިލާފުވަމުންދާނެކަން ކަށަވަރު.. ސަބަބަކީ މިހާުރުވެސް ޤަވާޢިދާ ޚިލާފު ބިދޭސީންނާއި ދޭތެރޭ ފިޔަވަޅު އެޅިފައެއްނުވޭ ނުވަތަ ފިޔަވަޅު އަޅާކަށް ނުކެރޭ...
ދިވެހިގެސްޓް
13 August 2020
މިއީ އެއްވެސް ކަހަލަ ޕްލޭނެއް ނެތި ހެދިފައިވާ ޤަވާޢިދެއްކަން ފާހަގަކުރެވޭ.. ހާހުން ގުނޭވަރަށް ޤަވާޢިދާ ޚިލާފު ބިދޭސީން އެމީހުން ހިތުހުރިގޮތަކަށް މި ރާއްޖޭގައި އުޅެމުންދާއިރު، އެކަންކަމަށް އެއްވެސް ކަހަލަ ފިޔަވަޅެއް ނާޅާ، ޤަވާޢިދާއެއްގޮތަށް ކަންކަން ކުރަމުން އަންނަ މީހުންނަށް ޖެއްސި ބޮޑު ތަކުލީފެއް މިއީ..
އޮނަރަބްލް އަފީފު ދީދީ
13 August 2020
ބިދޭސިންއެތެރެކުރުމަކީ މުޅިންހުއްޓުވޭނެކަމަކަށްނުވާތީ ބިދޭސިންނަށް ވާކްވީސާ ދޫކުރުން ހަރުދަނާކުރާންޖެހޭ. # މިގޮތުން ޕްރޮފެޝަނަލް ނޫން ގިންތީގެ ބިދޭސިންނަށް އެންމެގިނަވެގެން (އެކިފަހަރު މަތިން) ވީސާދޫކުރިޔަސް ވީސާދެވޭނީ ޖުމްލަ 10 އަހަރަށްކަމުގައި ޤާނޫނުގައިލިއުމުގެއިތުރަށް އެފަދަ ބިދޭސިންގެ އުމުރަކީ 35 އަހަރާއި 60 އަހަރާއި ދެމެދު ކަމަށް ވެސް ހަދާންޖެހޭ. އުމުރުން 60 އަހަރުންމަތީގެ ބިދޭސީއަކުގެނައުމާއި މަސައްކަތް ކުރުވުމަކީ ޖިނާޢީ ކުށެއްކަމަށްވެސް ކަޑައަޅާންޖެހޭ.
ނަން
13 August 2020
ހަމަ ތިގޮތައް ބިދޭސީންގެ ބައެއޯ މެޓްރިކްސް (ފިންގަރ ޕްރިންޓް އަރިސް ސްކޭން ޑެންޓަލް ސްކޭން ޑީއެންއޭ ފެއިސަލް ސްކޭން) ނެގުމަކީ މަޖުބޫރ ކަމެއް ކަމަށް ހަދައިބަލަ. އަދި މިޑޭޓާ ކަލެޓް ކުރާ ބައެއޯ މެޓްރިކްސް އަކީ ޑިލީޓް ކުރުމެގެ ރައިޓްސް އެއްވެސް ބަޔަކަށް ނުލިބޭގޮތަށް އޮތް ކަމަކަށް ހަދަބަލާށެވެ. މިހެން ހަދައިފިނަމަ ފިލާގެން އުޅޭ މީހަކީ ކާކުކަން ނޭގިގެން އުޅޭކަށް ނުޖެހޭނެވެ. އޭނަގެ ޕްރޮފައިލް މަރުވެފަ އޮތަސް އެގޭނެވެ. ހައްލު ކުރަންޏަ މިކަން ކުރޭ.
ސާބަހޭ ރާބަޑާ
13 August 2020
ކަލޯ ތިހެން ހަދައިފިނަމަ ސިޔާސީ ޕާޓީތަކުގެ ވެރިންނާއި ބައެއް ވިޔަފާރިވެރިނިން ބޭނުންވާ ކަންކަން ނުވާނެ. މި ގައުމުގައި އިންސާނީ ވަގުފާރި ކުރަނީ އެމީހުން. ސިޔާސީ ޕާޓީޓަކަށް ލާރި ދެނީ އެމީހުން. ދެން އަނެއް ކަމަކީ ސިވިލް ސަރވިސް މުސާރަ ކުޑަކުރަނީވެސް ސިވިލް ސަރވިސް ނުވަތަ އިމިގްރޭޝަންފަދަ މުއައްސަސާތައް މެދުވެރިކޮށް ތިފަދަ ޖަރީމާތައް ހިންގަން ދެކޮޅު ނުޖެހިގެން އުޅޭ މީހާ ހެއްލޭތީ. މި ގައުމުގެ މުސްތަޤްބަލު ސަލާމަތްކުރަން ބޭނުންނަމަ އަގީދާ ވަރުގަދަކުރޭ
އޮނަރަބްލް އަފީފު ދީދީ
13 August 2020
ވަގު ވޯރކްވީސާ ހުއްޓުވުމަށާއި، ޑޮކިއުމަންޓް ނައްތާލިޔަސް އޭނާއަކީ ކާކުކަންއިގޭގޮތަށް ބަޔޯމެޓްރިކް ޑޭޓާ އެއްކުރުމުގެ އިތުރަށް އޭނާގެ ޤައުމުގައި އޭނާގެ ނަމުގައިހުޅުވާފައިވާ ބެންކް އެކައުންޓެއްގެ ތަފްސީލާއި އެޤައުމުގެ ސަރުކާރު ހޮސްޕިޓަލަކުން ހަދާފައިވާ މެޑިކަލް އިންޝްއަރަންސްއެއް އަދި އޭނާގެ ޕާސްޕޯޓްސައިޒުގެ ފޮޓޯގެ އިތުރުން އިސްކޮޅު ފޮޓޯއާއި އޭނާގެ އިމިޑިއެޓް ފެމިލީ ނުވަތަ އާއިލާގެ މަދުވެގެން 3 މެންބަރުންނާއިއެކު ހިމެނޭ ފޮޓޯ ހުށަހަޅާން މަޖުބޫރުކުރާންޖެހޭ.