އެމްއެންބީސީގެ 1.5 މިލިއަން ރުފިޔާ އަށް ޚިޔާނާތްތެރިވި މީހަކު ޖަލަށް ލާން ކުރި ހުކުމް ދަމަހައްޓައިފި

ގިނަ އަދަދެއްގެ ދިވެހި ރުފިޔާތަކެއް: އެމްއެންބީސީގެ 1.5 މިލިއަން ރުފިޔާއަށް މީހަކު ޚިޔާނާތްތެރިވީ ޑޮލަރު ހޯދަން ހަވާލު ކުރުމުން --ފޮޓޯ/މިހާރު

މުއިއްޒު އިބްރާހިމް، މިހާރު

25 އޮކްޓޯބަރ 2016 - 21:02

12 comments

މޯލްޑިވްސް ނޭޝަނަލް ބްރޯޑްކާސްޓިން ކޯޕަރޭޝަން (އެމްއެންބީސީ) އަށް ޑޮލަރު ހޯދައި ދޭނެ ކަމަށް ބުނެ 1.5 މިލިއަން ރުފިޔާ ނެގުމަށް ފަހު އެއަށް ޚިޔާނާތްތެރިވި މީހަކު 25 އަހަރަށް ޖަލަށްލާން ކޮށްފައިވާ ހުކުމް ހައި ކޯޓުން ދަމަހައްޓައިފި އެވެ.

ސ. މަރަދޫ ރަބީއުގޭ އަހުމަދު ޒަމީން ޖަލަށްލާން މިދިޔަ އަހަރު ކްރިމިނަލް ކޯޓުން ހުކުމްކުރީ ސެޕްޓެމްބަރު، 2011 ގައި އެމްއެންބީސީއަށް 100،000 ޑޮލަރު ހޯދައިދޭނެ ކަމަށް ބުނެ 1.5 މިލިއަން ރުފިޔާ ހޯދުމަށް ފަހު ޑޮލަރު ހޯދައި ނުދީ، އެ ފައިސާއަށް ޚިޔާނާތްތެރިވި މައްސަލައިގަ އެވެ. އޭނާ ޖަލަށްލުމުގެ އިތުރުން އޭނާ ޚިޔާނާތްތެރިވި ފައިސާ އެމްއެންބީސީއަށް ދެއްކުމަށްޓަކައި އެ ފައިސާ ސިވިލް ކޯޓަށް ދައްކަން ވެސް ދަށު ކޯޓުން ޒަމީނަށް އަމުރުކޮށްފައިވެ އެވެ.

އެ މައްސަލަ ޒަމީންގެ ފަރާތުން އިސްތިއުނާފް ކުރުމުން ހައި ކޯޓުން މިދިޔަ ބުދަ ދުވަހު ހުކުމްކުރީ ދަށު ކޯޓުގެ ހުކުމް ރަނގަޅު ކަމަށާއި އެ ހުކުމަށް ބަދަލު ގެންނަންޖެހޭ ސަބަބެއް ނެތް ކަމަށެވެ. ހައި ކޯޓުގެ ތިން ފަނޑިޔާރުން އިއްތިފާގުވި ހުކުމުގައި ވަނީ ޚިޔާނާތުގެ ކުށުގައި ފުރިހަމަވާންޖެހޭ ހުރިހާ އުންސުރެއް އެ މައްސަލާގައި ފުރިހަމަވާ ކަމަށާއި އެ ކުށް ޒަމީންގެ މައްޗަށް ސާބިތުވާ ކަމަށެވެ.

ޒަމީންގެ ފަރާތުން ބުނެފައިވަނީ ޑޮލަރު ހޯދަން އެމްއެންބީސީން އޭނާއަށް ދިން ފައިސާ އޭނާ ހަވާލުކުރީ އިޓަލީ މީހަކަށް ކަމަށާއި އެ މީހާ ރާއްޖެއިން ބޭރަށް ދިޔަ ގޮތަށް އަނބުރާ ނާންނަ ކަމަށެވެ.

އެކަމަކު ހުކުމުގައި ވަނީ އެ މީހާގެ ނަން ފިޔަވައި އިތުރު އެއްވެސް މައުލޫމާތެއް ޒަމީނަށް ދެވިފައިނުވާ ކަމަށާއި އެ މީހާގެ ވާހަކަ ތަހުގީގުގައި ވެސް ފާހަގަނުކޮށް، ޒަމީން ހަނު ހުރެފައިވާ ކަމަށެވެ. އެހެންވެ އޭނާގެ އަމަލުތަކަށް ބަލާއިރު އެކަމުގައި އޭނާގެ ނުބައި ނިޔަތެއް އޮތްކަން ސާބިތުވާ ކަމަށް ހުކުމުގައިވެ އެވެ.

ޒަމީން ޚިޔާނާތްތެރިވީ 10،000ރ. އަށް ވުރެ ބޮޑު އަދަދެއްގެ ފައިސާއަށް ކަމަށްވާތީ ކުރީގެ ގާނޫނުލް އުގޫބާތުގެ ދަށުން އެ ކުށަށް ޒަމީނަށް އަންނަން ޖެހެނީ 130 އަހަރުގެ ޖަލު ހުކުމެކެވެ. ނަމަވެސް އެއް ކުށަކަށް ދެވޭ އެންމެ ބޮޑު އަދަބަކީ 25 އަހަރަށް ޖަލަށްލުން ކަމަށް އޭރުގެ ގާނޫނުލް އުގޫބާތުގައި އޮތުމުން ޒަމީންގެ އަދަބު 25 އަހަރަށް ކޯޓުން ދަށްކުރީ އެވެ.

އެމްއެންބީސީއަކީ ދައުލަތުގެ މީޑިއާ ހިންގުމަށް ކުރީގެ ރައީސް މުހައްމަދު ނަޝީދުގެ ވެރިކަމުގައި އުފެއްދި ކުންފުންޏެކެވެ.

ކުށްކުރުން އެމްއެންބީސީ ހައި ކޯޓް ޚިޔާނާތް ޑޮލަރު

12 ކޮމެންޓް, 52 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޙުމަދު.

15 August 2022

ޝަރީއަތްތަށް ނިމިގެން ދާލެއް އަވަސްކަމުން ބުނެލަން އޮތީ އަދިވެސް ފަނޑިޔާރުން ނަށް ދޭ މުސާރަޔާ އިނަޔަްތަށް ބޮޑުކޮށްލަ ދެއްވާށެވެ ތިޔަ ޝަރީއަތަށްވެސް ހީވަނީ 10ވަރަކަށް އަހަރު ވެދާނެއެވެ. މިހާއަވަހަށް ޝަރީއަތެއް ނިމިގެން މިދަނީ އިހުލާސް ތެރިކަން ބޮޑުކަމުން ނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިރޭމު

26 October 2016

ފައިސާ އޭނާޔަށް ދިންމީހާ ކޮބާ؟؟؟؟؟؟؟/

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

26 October 2016

ކޮބާ އެފައިސާދޫކުރި މީހާ، އަދި ކޮބާ ފެނަކައިގެ 17 މިލިއަން ނެގިމީހާ؟ ދެން ކޮބާ އެމްޕީއެލްގެ 77 މިލިއަން ރުފިޔާ ނެގިމީހުން؟ އެފައިސާ ހަރަދުކުރީ ކިހިނެއް؟ އެމީހުން ޖަލައްނުލެވޭތަ؟ ސަރުކާރުން މިހާރު ވައްކަންކުރަން އެންމެ މޮޅުގޮތަކީ ޑޮލަރު ގަންނަން ކޮންމެވެސް އަމިއްލަ މީހަކަށް ފައިސާދޫކުރުން، ވަރަށް މޮޅު ގޮތެއް އަދިވެސް ހަމަ ކުންފުނިތަކުން އެގެންދަނީ އެގޮތަށް ޑޮލަރު ގަންނަމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމު އިދްރީސް

26 October 2016

މިއީ ވަރަށް އަންފެއަރ ގޮތެއް. އެމްއެންބީސީ ހިންގަވަން ހުންނެވި މެނޭޖިންގ ޑިރެކްޓަރ މިހާރުގެ ދައުލަތުގެ މީޑިއާވެސް ހިންގަވަން އެ ހުންނެވީ. ރައީސް ނަޝީދުގެ ދައުރުގައި މިވަރުގެ ކަމެއް ކުރުމަށް ނިންމި ކުންފުނީގެ މެނޭޖިންގ ޑިރެކްޓަރާއި، ދައުލަތުގެ މީޑިއާ ހިންގުމަށް ތިބި މީހުންގެ އިހުމާލުން މިކަން ހިނގާފައިވަނީ. އަދި، އެހާ ގިނަ ޢަދަދެއްގެ ފައިސާ އަމިއްލަ މީހަކަށް ޑޮލަރު ގަންނާށޭ ކިޔާފަކާވެސް، ދޫނުކުރެވޭނެކަމަށް މާލިއްޔަތު ޤާނޫނުގައިވާއިރު، މިކަމުގައި ހަމައެކަނި އޭނާއަށް ހުކުމް އަންނަން ޖެހޭ ގޮތެއް ނުވިސްނުނު. މިމައްސަލަ ދިރާސާ ކުރާ ވަކީލުންވެސް މިމައްސަލަ މިއަށްވުރެއް ފުޅާކޮށްލަން އެބަޖެހޭ. އޭރުން އަސްލު އިހުމާލުވި އަދި ދައުލަތުގެ ފައިސާއަށް ހިޔާނަތްތެރިވި މީހުންނަށްވެސް އަދަބު ލިބިގެންދާނީ....!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

26 October 2016

ދިވެހި ޚަޒާނާ ލޫޓުވާލީމާ ވެސް އެކަމަށް އެޅުނު ފިޔަވަޅެއް ނެތް ! ނުބައި ނިޔަތާއި ނުބައި ކަންތައް މިކުރަނީ ހަމައެކަނި ތަންތަނުގައި ވަޒީފާ އަދާ ކުރާ އާދައިގެ ކަޗޯރުން ! މުލުވަގުން ތިބެނީ ބަޑުދައްކާލައިގެން ! ވަރަށް މޮޅަށް ހިންގާ ޝަރީއަތްތަކެއް !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުރިހާ

26 October 2016

ތިޔައީ ވައްކަމެއް، ވައްކަންފުޅެއް ނަމަ ސަލާމަތްވީސް. ދެއްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބޭ

26 October 2016

ހުކުން ވަރައް ރަގަޅު. ތިކަހަލަ ކިތަންމެ ޗޯރެއް މިތަނުގައެބައުޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޢީދު

26 October 2016

މިކަހަލަ ވާހަކައެއް ނުދެއްކޭ އެއްކަލަ ހަރުގެއަކު. މިދެން އެމީހުން ސަރުކާރުގެ ޚިޔާނާތްތައް ފަޅާއަރަންފެށީ. ހުންނާނެ ކުޅިސަމާ. މިރޭ ކީކޭ ކިޔާނެބާ؟؟؟؟؟؟؟؟؟؟؟؟؟؟؟؟؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެރިޔާ

26 October 2016

މި ޤައުމުގެ އިންސާފެއް އޮތް ނަމަ މި ހުކުން ތަންފީޒުކުރާ މީހުން ހާދަ ގިނަވާނޭ ދޯ! މާތް ކަލާކޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

26 October 2016

ޚިޔާނާތާއި ވައްކަމާއި މަކަރާއި ހީލަތުގެ ވާހަކައަކީ މިއަދު މިޤައުމުގައި އާންމު ވެފައި އޮތް ކަމެކެވެ. ރައްޔިތުން ކަމަކަށް ބޭނުންވެގެން އާންމުކޮށް ގޮސް އުޅޭ ކޮންމެ ތަނެއްގެ ހާލަކީވެސް މިއީއެވެ. ރާއްޖެއަށް ބިދޭސީން ގިނަވެގެން އުޅޭ ސަބަބަކީވެސް ހަމަ މިއީއެވެ. ބިދޭސީން ގެނައުމުގެ މަރުހަލާ މިހާރު މިއޮތީ މެކުހަށް ޖަހާފައެވެ. މިހާރު ދިވެއްސަކަށް ކޯޓާއެއްވެސް އަދި އެހެން ކަމެއްވެސް ފަސޭހައިން ކުރެވެން އޮންނާނެ ހަމައެކަނި ގޮތަކީ ގުޅިފައިވާ ބިދޭސީ އެޖެންޓަށް ފަނަރަސަތޭކައާއި ދެހާސް ރުފިޔާ ނުވަތަ ދެހާސް ފަސްސަތޭކަ ރުފިޔާ ހަވާލުކުރުމެވެ. އޭރުން ގުޅިފައިވާ ބިދޭސީ އެޖެންޓު ބުނާ މީހަކަށް ދެތިން ދުވަހުގެ ތެރޭގައި ހުރިހާ ކަމެއް ބަރާބަރުވެ ހަމަޖެހިގެން ދާނެއެވެ. މިހާލަތުގައި އޮތް ގައުމެއްގައި އެންމެ މީހެއްގެ މައްޗަށް ފިޔަވަޅު އަޅާފައި ނޫހުގައި ޖަހާފައި އޮތްތައް ފެނުނީމާވެސް ލައްކަ އުފާވެއެވެ.