19 އޯގަސްޓް 2020 - 07:29
16 comments
ދުނިޔޭގެ އެންމެން ބިލިއަނަރުންނަށް ވާނެހާ ރަނާއި އަގުބޮޑު މައުދަން ހުރި ގިނިހިލައެއް ދިރާސާކުރަން ނާސާ އިން ތައްޔާރުވެއްޖެ އެވެ.
މާސް އާއި ޖުޕިޓާއާ ދޭތެރޭގައި އޮތް 226 ކިލޯމީޓަރުގެ "16 ސައިކީ" ގެ ނަން ދީފައިވާ އެސްޓްރޮއިޑްގައި އަގުބޮޑު އެތައް މައުދަނެއް އެބަ ހުއްޓެވެ. އޭގެ ތެރޭގައި ރަނާއި ޖަވާހިރާއި ޕްލެޓިނަމާއި ދަގަނޑު ފަދަ އެތައް މާއްދާތަކެއް ހުރި ކަމަށްވެ އެވެ.
އަންދާޒާކޮށްފައިވާ ގޮތުން އޭގެ އަގު 10،000 ކްއަޑްރިލިއަން އަށް އަރަ އެވެ. އެހެން ގޮތަކަށް އެ އަދަދު ތިލަކުރާނެ ނަމަ އެއީ މުޅި ދުނިޔޭގެ އިގުތިސާދުގެ އަގު އެއްކޮށްލިޔަސް ނުވާ ވަރުގެ ބޮޑު އަދަދެކެވެ.
"16 ސައިކީ" ދިރާސާކުރަން ނާސާ އިން ހާއްސަ އުޅަނދެއް ބަނުމުގެ މަސައްކަތް ފެށުމަށްޓަކައި އޭގެ ފަރުމާއާ ދޭތެރޭ މިދިޔަ މެއި މަހުގެ ތެރޭގައި ވަނީ ގޮތެއް ނިންމައިފަ އެވެ. އީލޮން މަސްކްގެ ސްޕޭސް އެކްސްއާ ވެސް ގުޅިގެން ކުރިއަށް ގެންދަން ނިންމާފައިވާ މި މިޝަނަށް ހާއްސަ އުޅަނދަކީ ސައިކީ އެވެ.
މީގެ ދިސާރާ ދަތުރަށް ނުކުންނަން ނިންމާފައި ވަނީ އޮގަސްޓް 19، 2022 ގަ އެވެ. ސްޕޭސް އެކްސްގެ ފަލްކޮން ހެވީ ރޮކެޓް ހިއްސާވާ ގޮތަށް ސައިކީގެ ދަތުރަށް ނުކުންނަ އިރު، މާސް ފަހަނައަޅައިދެވޭނީ 2023 ގަ އެވެ. އަދި "16 ސައިކީ" އަށް ފޯރާނެ ކަމަށް ލަފާކޮށްފައި ވަނީ 2026 ގެ ޖެނުއަރީގަ އެވެ.
މި މިޝަނުގެ މައި އިންވެސްޓިގޭޓަރު ލިންޑީ އެލްކިންސް-ޓެންޓަން ވިދާޅުވި ގޮތުގައި މިއީ ފަސޭހަ މިޝަނަކަށް ނުވާނެ އެވެ. އެހެންވެ މިކަމާ ކުރިމަތިލަނީ ވަރަށް ބޮޑު ޗެލެންޖެއްގެ ގޮތުގައި ދެކިގެން ކަމަށް ވިދާޅުވި އެވެ.
"މިއީ މިހާތަނަށް އަހަރެމެން ކުރިމަތިލާ އެންމެ އުނދަގޫ ލައިފް ސައިކަލް މިޝަނަށް ވާނެ،" އޭނާ ވިދާޅުވި އެވެ. "އެހެންވީމާ ކުރިމަތީގައި ހުރި ގޮންޖެހުންތައް ވެސް ކުޑައެއް ނޫން. އެކަމަކު މިހާތަނަށް މިކަމާ ގުޅޭ ގޮތުން ކުރެވުނު މަސައްކަތްތައް ކާމިޔާބު. އަދި އޭގެ މާނަ އަކީ އަހަރެމެން ކުރާ މަސައްކަތް އިތުރަށް ވަރުގަދަކުރުމޭ ކުރިއަށް އޮތީ."
ނާސާ އިން މިހާރު އަންނަނީ އެސްޓްރޮއިޑްގެ ދިރާސާ އަށް ބޭނުންވާ މައިގަނޑު ހާޑްވެއާތައް ވެސް އުފައްދަމުންނެވެ. މީގައި ހިމެނެނީ މައިގަނޑު ތިން ބައެކެވެ. އެއީ އެސްޓްރޮއިޑް މެގްނެޓިކް ފީލްޑް މިންކުރަން ހާއްސަ މެގްނެޓޯމީޓަރާއި އޭގެ ތަސްވީރުތައް ރެކޯޑްކުރަން ހާއްސަ މަލްޓިސްޕެކްޓަރަލް އިމޭޖާއެއްގެ އިތުރުން އެސްޓްރޮއިޑްގެ ނިއުރޯންސްތަކާއި ގަމާ ރޭތައް ދެނެގަންނަން ހާއްސަ ސްޕެކްޓްރޯމީޓަރެވެ.
ބައިތައް އެސެމްބަލްކޮށް، ޓެސްޓްކުރިން ނާސާގެ ޖެޓް ޕްރޮޕަލްޝަން ލެބޯޓްރީ (ޖޭޕީއެލް) ގައި ފަށަން ތާވަލުކޮށްފައި ވަނި އަންނަ އަހަރުގެ ފެބްރުއަރީ މަހުގެ ތެރޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު
21 August 2020
އެހާގިނަވެއްޖިއްޔާ ރަނާއި ވެލި ހުންނާނީ އެއްއަގެއްގަ
ޔާނު
20 August 2020
ރަން "ރަނަށް" ވަނީ މަދުވީމަދޯ؟
ގަލީބު
20 August 2020
ކްއަން ޑިރިލިއަނަކީ 1000 ޓްރިލިއަނެވެ. އެހެން ކަމުން އޭގެ އަގު އަދަދުން ޖަހާނަމަ އެއީ 10،000،000،000،000،000 އެވެ. މާނައަކީ އެމެރިކާގެ މިއަހަރުގެ 7.9 ޓްރިލިއަންގެ ބަޖެޓުން ބަލާނަމަ އެއީ އެމެރިކާގެ ކުރިއަށް އޮތް 1265 އަހަރުގެ މަޖެޓް އަދަދެވެ.
އަހުމަދު ދީދީ
19 August 2020
މިދުނިޔޭގެ އުޅެނީ އިންސާނުން އެކަނިތަ. ޖިންނީނާއި ންސީންދޯ.އިންސާނުން އުޅެދުބަދެގެން އެދަނަށް ދާންވާއިރަށްއެހިލަބާއްވާނެތަ.ބޯހަލާކު.
އެޑަމް ސްމިތް ޖރ.
19 August 2020
ކަލޯމެން އިކޮނޮމިކްސް ގަޑީގައި ކީއްކުރީ؟ ގިނަވާވަރަކަށް އަގުވެއްޓޭކަން ނޭނގޭތަ؟
އަލްޖާބިރު
20 August 2020
ކޮއުފުޅާ އާދަން އިސްމަތާ ދެލޯ ފުޅާ އަޑު އަހާބަލަ. އެކޮއި ލިޔުނު ފޮރުގައި ނޯވޭތަ ދެން ހުރި ބަހާތައް ބަދަލު ނުވެ އޮވެއްޖެ ނަމައޭ ކިޔާ މަހުފޫމެއް. ކޮއްކޮ އެއަށް ކިޔަނީ ސެޓިރަސްބެރިބަސް، އުތަ؟
ގީސް
19 August 2020
ތިޔައެއް ނުނެގޭނެ. ތިޔައީ ހަމަ ސައިންސްވެރިން ވަގުތާއި ފައިސާ ހަރަދުކުރުން. އާޅެ 2000 އަހަރު ވީއިރު އެއްވެސް ޕްލެނެޓަކުން އެކައްޗެއްވެސް ގެނެވިއްޖެތަ.
ވައިރަސް
19 August 2020
އެ ކީއްވެ؟ އިންސާނުން ޖައްވަށް ދާންފެށިތާ އަދި މާގިނަދުވަހެއްނުވޭ. ޕްލެނެޓެއް ނޫނަސް މިހާރު ހަނދުން ހިލަވެސް ދުނިޔެއަށް ގެނެއްސިއެއްނު! ބޮޑެތި ކަންތައް ގިނަދުވަހުން ވާނީ. ތިޔަބުނާ 2000އަހަރު ތެރެއިން އެންމެ ފަހު ސަތޭކައަހަރު ދުނިޔެއަށް އައި ތަރައްގީ ވިސްނާލަބަލަ..
ޙޮޕްކިންސް
20 August 2020
ކަލޯ އަށް އަދިވިސްނޭނެ. ޢިންސާނުން އަދި މާސްގަ ހިނގާނެ. ދެން މާގިނަ އަހަރެެ އްނުނަގާނެ. ކަލޯ ދުނިޔޭގަ އި ހުރި އްޔާ ފެންނާނެ
ކެރެމެލް
20 August 2020
ގީސްއަށް އެނގޭތަ ޖަޕާނުގެ ހަޔަބޫސާ އުޅަނދު 2005 ވަނައަހަރު ގިނިހިލަައަކަށް ޖައްސާފައި އޭން ސާމްޕަލް ނަގައިގެން 2010 ވަނައަހަރު ދުނިޔެއަށް އެނބުރި އައިކަން؟ އޭގެފަހުން ހަޔަބޫސާ 2 މިހާރުވަނީ ޖައްވަށް ފޮނުވާފައި އަދި "ރިޔޫގޫ" ނަންދެވިފައިވާ އެސްޓްރޮއިޑްއެއްގައި ޖައްސާ ސާމްޕަލްވެސް މިދިޔައަހަރު ނަގައިފި. އަދި އެ ހިފައިގެން މިއަހަރު ޑިސެމްބަރމަހު އެނބުރި އެބައާދޭ ދުނިޔެއަށް! ކުޑަކޮށް ދުނިޔޭގައި ހިނގާ ކަންތައްތަކަށް ލޯ ހުޅުވާލަފައި ކޮމެންޓްކޮއްލާ!
ޢަޅެ ނޯ
19 August 2020
ވަރަށް ރަނގަޅު ކޮމެންޓްތައް
މުސްޠަފާ މުޙައްމަދު
19 August 2020
ތިޔައީ ވެސް ވިސްނާ ބަޔަކަށް ﷲގެ ކުޅަދުންވަންތަކަން ހާމަކޮށްދޭ އަލިގަދަ ހެއްކެއް. މިކާއިނާތުގައި ﷲ ތަޢަލާ ތިޔަފަދަ ކިތައް ގިނިހިލަ ލައްވަވާފައިވާނެބާ؟ މާއްދިއްޔަތަށް ނުހެއްލި ﷲގެ މަގަށް ބަޔަކު ރުޖޫޢަ ވާނެފަދަ ހެއްކެއް ކަމުގައި ތިޔަ ކަންތައް މިންވަރު ކުރައްވާށި! އާމީން.
އޭކޭސީޖީ
19 August 2020
ސުރުޚީ ތާކުންތާކު ނުޖެހޭ. އެހުރިހާ ރަނެއް މިތަނަށް އައިސްފިނަމަ ރަނުގެ އަގެއްނުހުންނާނެ. ގަންނާނެ މީހަކު ނުވާނެ. އަނެއްކާ އެވިއްކަނީ އޭލިއަނުންގެ ބަޔަކައްތަ؟
ގަލީބު
20 August 2020
އޭގެ މާނައަކީ ކޮންމެ މީހަކު ބިލިއަނަރަކަށް ވާނެއެކޭ ނޫން. އެއީ އޭގެ އަގު އަހަރެމެން ކަހަލަ ގަމާރު ސިކުނޑިތަކަކަށް ވިސްނޭ ގޮތައް ކިޔާދިނުން. އެބުނަނީ މިހާރު ދުނިޔޭގައި ތިބި 7.8 ބިލިއަން އިންސާނުންގެ ތެރޭ ތިބީ އެންމެ 2095 ބިލިއަނަރުންނޭ. އެކަމަކު އެގެ އަގު ބަލާބަލާށޭ، އެ ހަމައަށް ބެހުމުން ދުނިޔޭގެ 7.8 ބިލިއަން އިންސާނުން ބިލިއަނަރުންނަށް ވާހާ ގިނަ ރަނާ ޖަވާހިރު އޭގައި އެބައިނޭ!
ބަސް
19 August 2020
ތިހިސާބަށް ދެވިގެން ތި ރަނާ ޖަވާހިރު ބިމަށް ގެނެވުނަސް ހަމަ ދުނިޔޭގައި ފަގީރުކަން އޮންނާނެ. ތި ތަކެތިވާނީ ނަގާ ބައެއްގެ މިލްކަކަށް. މިހާރުވެސް ދުނިޔެއިން ފަގީރުކަން ނައްތާލެވޭވަރަށް އެމީހުން އަތުގައި ފައިސާ އާ މުދާ އެބަހުރި. ދެން މި ބިމުގައި ފަގީރުކަމާ މުއްސަނދިކަން ލެއްވެވީ ﷲ ގެ ކުޅަދުނަވަންތަކަމުގެ ހެއްކެއްގެ ގޮތުގައި. އެކަން ދެމި އޮންނާނެ.