ޔާމީންގެ ދަރިކަލުން ޒޭން: ކްރިމިނަލް ކޯޓާއި ހައި ކޯޓުން ވެސް ކޮށްފައިވާ އަމުރުތަކާ ޚިލާފަށް ވަކީލެއްގެ ހައްގު ބައްޕާފުޅަށް ނުދެނީ ސަރުކާރުން ގަސްދުގައި ކަމަށާއި އެކަމާ މެދު ކަންބޮޑުވާ ކަމަށް ވިދާޅުވި.---ފައިލް ފޮޓޯ: މިހާރު
18 އޯގަސްޓް 2020 - 16:44
45 comments
ކުރީގެ ރައީސް އަބްދުﷲ ޔާމީނަށް ވަކީލުންގެ ހައްގު ލިބުމަށް ހުރަސް އަޅައި، ހޯމް މިިނިސްޓަރު އިމްރާން އަބްދުﷲ ދައްކަވަމުން ދަނީ ހަގީގަތާ ޚިލާފު ވާހަކަތަކެއް ކަމަށް ޔާމީންގެ އާއިލާ އިން މިއަދު ބުނެފި އެވެ.
މަނީ ލޯންޑްރިންގެ ކުށުގައި މިދިޔަ އަހަރުގެ ނޮވެމްބަރު މަހުން ފެށިގެން ފަސް އަހަރުގެ ޖަލު ހުކުމެއް ތަންފީޒު ކުރަމުން ގެންދަވާ ޔާމީނަށް ވަކީލުންނާ ބައްދަލު ކުރެއްވުމުގެ ފުރުސަތު ލިބިވަޑައިނުގަންނަވާތީ، އިދިކޮޅު ޕީޕީއެމާއި ޕީއެންސީ ކޯލިޝަނުންނާއި އެ މަނިކުފާނުގެ ވަކީލުން ވަނީ ނުރުހުން ފާޅުކޮށްފަ އެވެ. އެކަމަކު ހޯމް މިނިސްޓަރު އިމްރާން ވިދާޅުވީ ވަކީލުންނާ ބައްދަލު ކުރެއްވުމުގެ ފުރުސަތަށް ހުރަސް އަޅާފައި ނުވާނެ ކަމަށެވެ.
އެކަމާ ގުޅިގެން ޔާމީންގެ އާއިލާގެ ފަރާތުން އެ މަނިކުފާނުގެ ދަރިކަލުން ޒޭން އަބްދުﷲ ޔާމީން މިއަދު ނެެރުއްވި ބަޔާނެއްގައި ވަނީ ކްރިމިނަލް ކޯޓާއި ހައި ކޯޓުން ވެސް ކޮށްފައިވާ އަމުރުތަކާ ޚިލާފަށް ވަކީލެއްގެ ހައްގު ބައްޕާފުޅަށް ނުދެނީ ސަރުކާރުން ގަސްދުގައި ކަމަށާއި އެކަމާ މެދު ކަންބޮޑުވާ ކަމަށެވެ. ވަކީލުން ޔާމީނާ ބައްދަލު ކުރަން ކ. މާފުއްޓަށް ދިއުމުން ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ހުއްދަ ނެތް ކަމަށް ބުނެ އެ ރަށަށް އެރުމުގެ ހުުއްދަ ވަކީލުންނަށް ދީފައި ނުވުމަކީ ޔާމީނާ މެދު އަނިޔާވެރިވުން ކަމަށް ޒޭން ވިދާޅުވި އެވެ.
ޔާމީން ޖަލަށް ވަޑައިގަތުމަށް ލޯންޗަށް އަރާވަޑައިގަންނަވަނީ.---ފައިލް ފޮޓޯ: މިހާރު
"އެމަނިކުފާނާ ވަކީލުންނާ ބައްދަލު ކުރެވޭނީ ކަމާނުބެހޭ މާފުށީ ކައުންސިލާއި ހެލްތު ޕްރޮޓެކްޝަން އޭޖެންސީގެ ހުއްދަ ނަގައިގެން ކަމަށް ކަރެކްޝަނަލް ސާވިސް އިން ބުނުމަކީ ދައުލަތުގެ ބެލުމުގެ ދަށުގައި ހުރި ފަރާތަކާ މެދު އަނިޔާވެރިވުން،" ޔާމީންގެ ދަރިކަލުން ޒޭންގެ ބަޔާނުގައިވެ އެވެ.
އެ ބަޔާނުގައި ޒޭން ވިދާޅުވީ، ވަކީލުންގެ ފުރުސަތާއި ބޭސްފަރުވާގެ ހައްގަކީ ކުޅިވަރެއްހެން ސިފަވާ ގޮތަށް މިނިސްޓަރު އިމްރާން މީޑިއާގައި ވާހަކަ ދައްކަވަމުން ގެންދަވާ ކަމަށާއި އޭގެ ސަބަބުން ޔާމީނާއި އެ މަނިކުފާނުގެ އާއިލާ އަށް ނަފުސާނީ ގޮތުން ގެއްލުންވާ ކަމަށެވެ. އަދި ކުރީގެ ރައީސަކާ މެދު އެފަދަ ގޮތަކަށް އިހާނެތިކޮށް އަމަލު ކުރުމަކީ އެއްވެސް ގޮތަކަށް ބަލައިގަނެވޭނެ ކަމެއް ނޫން ކަމަށް ވެސް ބަޔާނުގައި ޒޭން ވިދާޅުވި އެވެ.
ޔާމީނާ ބެހޭގޮތުން އެގޮތަށް އިމްރާން ވާހަކަ ދައްކަވާތީ އެކަން ހަރުކަށި އިބާރާތުން ކުށްވެރިކުރާ ކަމަށާއި އެކަންކަމާ މެދު ގާނޫނީ ގޮތުން އަޅަންޖެހޭ ފިޔަވަޅުތައް އަޅާނެ ކަމަށް ވެސް ޔާމީންގެ އާއިލާގެ ބަޔާނުގައިވެ އެވެ. ޔާމީނަށް ލިބެންޖެހޭ ހައްގުތައް ހޯދައި ދިނުމަށް ދައުލަތުގެ މުއައްސަސާތަކަށް ވެސް އެ މަނިކުފާނުގެ އާއިލާ އިން ގޮވައިލި އެވެ.
މަނީ ލޯންޑްރިންގެ ކުށުގައި ޔާމީން ފަސް އަހަރަށް ޖަލަށްލާން ކުރި ހުކުމުގެ އިސްތިއުނާފް ޝަރީއަތް ހައި ކޯޓުގައި ހިނގަމުން ދާއިރު، އެމަނިކުފާނުގެ މައްޗަށް އިތުރު ދެ ދައުވާއެއް ކްރިމިނަލް ކޯޓުގައި ވެސް ވަނީ އުފުލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ އާމިރު 2929
19 August 2020
އަހަރެން ޔާމީނުއަށް ފުރިހަމައަށް ތާއީދުކުރަން. އަދި 2023 ގައި ރައީސްކަމަށް އަންނަންވެސް ތާއީދުކުރަން. އެކަމަކު ޒޭންގެ ބަޔާނުގައި ގާނޫނީ މައްސަލަ އެބަހުރި. ސިއްހީ ކުއްލިނުރައްކަލުގެ ހާލަތު އިއުލާންކުރީމަ ކަމާނުބެހޭ މާފުށި ކައުންސިލްއާއި ހެލްތް ޕްރޮޓެކްޝަން އޭޖެންސީއޭ ނުބުނެވޭނެ. ގާނޫނީ ލަފާދޭ ޓީމުގައި ގާބިލުކަން ހުންނަންވާނެ.
ޓިނު
19 August 2020
ހަދާންވޭތަ ޤާސިމު ހޮސްޕިޓަލްގަ އި އޮށްވާ ދަންވަރު ކޯޓް ހުޅުވަ އިގެން ހުކުމް ކުރިކަން ؟ މި އަދު ކީކޭތިކިޔަނީ
ދެންއަދިވެސް
19 August 2020
ހަނދާންވޭތަ ވީލްޗެއަރއެއްގަ އިން ބޭފުޅަކު އެއަޕޯޓަށް ފުރަން ދެވުނީމަ އުޅުނު ގޮތުގެ ވީޑިއޯ؟
ހެލުތު އިމަޖެންސީ
19 August 2020
އެހެން ދިވެހީންވެސް އެހެން ރަށްރަށަށް ދަންޏާ ޖެހެނީ އެކަމުގެ ހުއްދަ ހޯދަން މި ދުވަސްކޮޅު. އެހެން ރަށެއްގަ ހުރި ޖަލަކަށް ދަންޏާ އެ ރަށްރަށަށް ރޯގާ ހިފައިގެން ދެވިދާނެތީ. ހުއްދަ ހޯދީމާ އެކަމަށް ރައްކާތެރިވެ، ސަމާލުވާން އެނގޭނެ އެ ރަށެއްގެ ބަޔަކަށްވެސް. ހުރިހާ އެންމެންވެސް ކަންކަން ކުރަން ހަމަޖެހިފަ ހުންނަ އުސޫލުތަކަށް އިޙްތިރާމްކުރަން ދަސްކުރަންވާނެކަމަށް ފެނޭ. ހަމަ އެހެންމެ، މީހުނަށް ލުއި ފަސޭހަކަން ފޯރުކޮށްދިނުމަކީ ދީނުގައި ކޮންމެހެން ކުރަންޖެހޭ ކަމެއް
ހާއިރު
19 August 2020
الله اكبر . الله اكبر މިއޮތީވާ ކަމެއް ކޮބާ އެއްކަލަ އެޑަމް . ބަރާބަރު މެޑަމް ގެ ބަސްފުޅު
ޒަފަރު
19 August 2020
ދޮގު ހަދަނީ ކޮންބައެއްކަން މާތްﷲ މޮޅަށް ދެނެވޮޑިގެންވޭ. ވަންކަން ކުރަން ފަސްުނުޖެހުނު ބަޔަކު ދޮގު ހަދަން ފަސްނުޖެހޭނެބާ؟ ޒާކާތު ފައުންޑޭޝަނުން ކީއްވެބާ މިހާރު އެހީނުވަނީ
ދެންއަދިވެސް
19 August 2020
ތިގޮތަށް ކިޔާނަމަ ދޮގުހަދަން ފަސްނުޖެހޭ ބަޔަކު ވައްކަންކުރަން ފަސްނުޖެހޭނެބާ؟ މިސަރުކާރުގެ ކިތައް މީހުން އެބަ ދޮގުތައް ހަދާ؟
އެޑަމް
19 August 2020
އިމްރާނަކައް ތެދެއްނެހެދޭނެ އިމްރާންތެދެއްހަދަން ބޭނުންވާނަމަ,އިމްރާންއެމަޤާމަކުނުހުންނަވާނެ ނަމޫނާއަކައްސައިޚުއިލްޔާސްހުސޭނުބެއްލެވީސް,މިހާރުގެސަރުކާރުގެ މަޤާމެއްގަބޫލުކޮއްގެންއަންނިގެދަށުގައުޅެން ލަދުަގަންނަންޖެހޭނެމަޖިލިހުގަ ހިންގިމާރާމާރީވެސްނުބެލުނުމަޖިލިހުގެތަޅުމުގަހިންގިމާރާމާރީއަކީމެމްބަރުންގެއިމްތިޔާޒުގެޤާނޫނުންބޭރުކަމެކެވެ,!!
ފަހުދު
19 August 2020
މީހަކައް ފަހު މީހެއް. މިފެށުނީ އިމްރާން ބޭރުކުރުމުގެ މަސައްކަތް. މިކަންކަމަކީ މިސްޓަރ ބީން އިދިކޮޅާއި ގުޅިގެން ހިންގާ ކަންކަން
އއއއިއ އިސްމާލު
19 August 2020
އިމްރާނު ފާޅުގަ އިދޮގުހަދާނެ
ޟި ޔަނަ
19 August 2020
ށ ސާލިހްބެއާ ަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަ އަންނިގެ ވަގުކަން މާބޮޑު ވެނަޓިލޭޓަރު ގެންނަން ރައީސް އޮފީހުން ހުއްދަދިނީ އޭނަ ހިފާ ހައްޔަރު ކޮށްބަލަ ަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަ
އާން
19 August 2020
ޙުރިހާ ފައިދާއެއްް ގާސިމްބެޔަށް
މގފ
18 August 2020
މާލެ އިން މީހުން ދިރި އުޅޭ ރަށަކަށް ދެވޭނީ އެޗް ޕީ އޭ ހުއްދަ ލިބިގެން. ވަކީލުންވެސް ހަމަ އަަރެމެން ޕޯޓަލް މެދުވެރި ކޮށް ހޯމް ކަރަންޓީނަށް ދާން ހުއްދަ ހޯދި ގޮތަށް ހޯދާ. މާފުށީގައި 14 ދުވަހު ކަރަންޓީނުވެފައި ދެން ޖަލަށް ދޭ. އެޗް ޕީ އޭ އިން ދޭ ހުއްދަ އެއް ކަރެކްޝަނަކަށް ނުދެވޭނެ. ތީ ވަރަށް ގޮތެއް ނެތް ވަކީލުން ތަކެއް. ޢާއްމު ޞިއްހަތުގެ ކުރި އަށް އަމިއްލަ މަސްލަހަތު އިސްކުރާނީ ވ އަމިއްލަ އެދުން ބޮޑުވީމަ.
ސަމަރޭ
19 August 2020
ކަރެކްޝަނުން ވަކި ގަޑިއެއް ކަނޑައަޅައި އެޗް ޕީ އޭ ގެ ހުއްދަ ކަރެކްޝަނުން ހަމަޖައްސަން ޖެހޭނެ. ޢެހެން ނޫނީ ކަރެކްޝަނުން ކަނޑައަޅާ ގަޑިއާ އެޗް ޕީ އޭ ގެ ލިޔެކިޔުންނިންމާ ގަޑިޔާ ދިމާނުވެ މައްްސަލަ ދިމާވާނެ. ނިއުނޯމަލް ގަ ޚާއްސަ މަސައްކަތަށް ކަރަންޓީނު ނުވާގޮތަށް 5ދުވަސް ނުވާގޮތަށް ރަށްރަށަށް ދެވޭ. ޢެކަން ކުރަންޖެހޭނީ ޒިންމާވާ އޮފީސްތަކުން. ޥަކީލުންނާ ބައްދަލުކުރުވުނުގެ ޒިންމާ ހައިކޯޓުން ވަނީ ކަރެކްޝަނާއި މަތިކޮށްފަ
ޙަލީމާ
19 August 2020
ސަރުކާރުން އިންތިޒާމުތައް ހަމަ ޖައްސަން ޖެހޭނީ.