ވެހިކަލް ހަދިޔާކުރުމުގެ ރަސްމިއްޔާތުގައި ފޮރިން މިނިސްޓަރޔ ޝާހިދު (ކ) އަދި އިންޑިއާއިން ރާއްޖެ ކަނޑައަޅާފައިވާ ސަފީރު ސަންޖޭ ބައިވެރިވެވަޑައިގަންނަވަނީ.-- ފޮޓޯ: ފޮރިން މިނިސްޓްރީ
23 އޯގަސްޓް 2020 - 17:11
9 comments
އިންޑިއާއިން މާލެ ސިޓީ ކައުންސިލަށް މިއަދު ފަސް ވެހިކަލް ހަދިޔާކޮށް، މާލޭގެ އެކި ކަންކަމަށް އިންޑިއާ ސަރުކާރުން ދޭން ނިންމާފައިވާ 16 ވެހިކަލް ހަވާލުކުރުމުގެ މަޝްރޫއު ނިންމާލައިފި އެވެ.
ގާތްގަނޑަކަށް 8 މިލިއަން ރުފިޔާ ހޭދަކޮށްގެން ހޯދައިދިން ވެހިކަލްތަކުގެ ފުރަތަމަ ޝިޕްމަންޓް ހަވާލުކުރީ މިދިޔަ ފެބްރުއަރީ މަހުގެ ތެރޭގަ އެވެ. އޭގެ ފަހުން، އެކި ފަހަރު މަތިން ސިޓީ ކައުންސިލަށް ވެހިކަލް ދީފައި ވެ އެވެ.
ސިޓީ ކައުންސިލާ މިއަދު ހަވާލުކުރި ތަކެތީގެ ތެރޭގައި ޕިކަޕަކާއި ފޯކްލިފްޓަކާއި ޑަމްޕަރު ހިމެނެ އެވެ.
ވެހިކަލްގެ އެންމެ ފަހު ޝިޕްމެންޓް ހަވާލުކޮށް ނިންމުމުގެ ރަސްމިއްޔާތުގައި ފޮރިން މިނިސްޓަރު އަބްދުﷲ ޝާހިދާއި އިންޑިއާއިން ރާއްޖެ ކަނޑައަޅާފައިވާ ސަފީރު ސަންޖޭ ސުދިރު މާލެ ސިޓީގެ މޭޔަރު ޝިފާ މުހައްމަދު ވެސް ބައިވެރިވެވަޑައިގަތެވެ.
އެ ރަސްމިއްޔާތުގައި ވާހަކަދައްކަވަމުން ޝާހިދު ވިދާޅުވީ ލާމަރުކަޒީ ގާނޫނަށް ގެނައި އިސްލާހާއެކު މާލެ ސިޓީ ކައުންސިލްގެ ޒިންމާތައް މަތިވެފައިވާ ކަމަށެވެ. އެހެންވެ އެ ވެހިކަލްތަކުގެ ސަބަބުން މާލެގައި އުޅޭ ރައްޔިތުންނަށް ދުވަހުން ދުވަހަށް ކައުންސިލްގެ ހިދުމަތްތައް ދިނުމުގައި ފަސޭހަތަކެއް ލިބިގެންދާނެ ކަމަށް ވިދާޅުވި އެވެ.
ވެހިކަލް ހަދިޔާކުރުމަށް ބޭއްވި ރަސްމިއްޔާތުގައި ސިޓީ ކައުންސިލްގެ މޭޔަރު ޝިފާ، އޮންލައިންކޮށް ބައިވެރިވެވަޑައިގަންނަވަނީ.-- ފޮޓޯ: ފޮރިން މިނިސްޓްރީ
ހައި ކޮމިޝަނަރު ވިދާޅުވީ ފާއިތުވި ދޮޅު އަހަރުގެ ތެރޭގައި 12.5 މިލިއަން ޑޮލަރުގެ އެހީދެ ދަށުން ރާއްޖޭގައި ހިންގާ 28 ހައި އިމްޕެކްޓް ގްރާންޓް މަޝްރޫއުތަކަކީ ލާމަރުކަޒީ ސިފައެއްގައި ރާއްޖޭގެ އެކި ކަންކޮޅުތަކަށް ހިންގާ މަޝްރޫއުތަކަށް ހެދުމަށް މަސައްކަތްކޮށްފައިވާ ކަމަށެވެ.
އާބާދީގެ ދެބައިކުޅަ އެއްބައި އުޅެމުން ދަނީ މާލޭގައި ކަމަށް ވުމުން، މާލޭގައި ހިންގާ މަޝްރޫއުތަކުގެ ސަބަބުން ރާއްޖޭގެ އާބާދީގެ ބޮޑުބަޔަކަށް ސީދާ ގޮތެއްގައި ފައިދާވާނެތީ މާލޭގައި ހިންގާ މަޝްރޫއުތަކަށް ހާއްސަ މުހިއްމުކަމެއް ދީފައިވާނެ ކަމަށް ވެސް އޭނާ ވިދާޅުވި އެވެ.
މާލެ ސިޓީ ކައުންސިލަށް ވެހިކަލް ހޯދުމުގެ ޕްރޮޖެކްޓަކަށް ފަންޑުކުރީ މިދިޔަ އަހަރުގެ މާޗު މަހު އިންޑިއާއިން އިއުލާނުކުރި 106 މިލިއަން ރުފިޔާގެ ހިލޭ އެހީގެ ދަށުންނެވެ. އެ އެހީގެ ދަށުން ހިންގާ އެކި މަޝްރޫއުތަކަށް ރާއްޖޭގެ އެކި ހިސާބުތަކުގައި ކުރިއަށްދާއިރު އެ މަޝްރޫއެއް މެނޭޖްކުރަނީ ސަރުކާރުގެ އިދާރާތަކާއި ކައުންސިލްތައް ގުޅިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑު މުހައްމަދު
24 August 2020
ތިޔަ ހަދިޔާކުރި އެއްޗެހި ދުއްވަން އެނގޭ ބަޔަކު އެބަތިބިތަ މި ސްޓޭޓުގަ. ވެންޓިލޭޓަރު ވަގު ސަރުކާރު އިސްތިއުފާ.
ފުންއަސަރު
24 August 2020
ތިޔަކަންތަކަކީވެސް ހެޔޮނިޔަތެއްގާ ކުރިކަމެއްނަމަ، ދަރުމައާއި ސަވާބު ހެސްކިޔާފާ ލިބޭނެއެވެ. އެކަމަކު ބަޔަކަށް ގޮތްދެއްކުމާ، ކަންދެއްކުން އެކުލެވިގެން ވާނަމަ ތީގެން ކުރާނޭ ފައިދާއެއް ނެތެވެ. ތާއަބަދު ކިޔާ ވާހަކައެއް އޮވެއެވެ. އެދުމެއްނެތި ވެދުމެއް ނުކުރާނެއެވެ. ވަކިން ޚާއްސަކޮށް ދުރުގަތިބި މޫނުގެ އެއްފަރާތް ފެންނަ އެކުވެރީންނެވެ.
ފުންއަސަރު
24 August 2020
ހާލު އެންގީމޭ އިނގޭތޯ އައްސަވާތީ އަޑުކަލާ، އެންމެ ފަހު ވިންދާ ޖެހެންދެން، ދެންނެވީމޭ ޝުކުރިޔާ. އެކަކަށްވެސް އަނެކާގެ ހިތުގާ އޮންނައެއްޗެއް ނޭނގޭނެ. އަދި އެއްބަޔަކު ދަށުލާން އަނެއްބަޔަކު ކުރާ މަސައްކަތްވެސް އެނގޭނީ މަދުފަހަރަކު. އެވެސް އެވަރުގެ ގާބިލްކަމެއް މަމެންގެ ހުރިނަމަ. އުންމީދަކީ ނުބައިނިޔަތުގާ މަމެންގެ ރާއްޖެއަށް ކަޅިއަޅާ ކަޅިއެޅުންތަކުން ރާއްޖެ ސަލާމަތް ކޮށްދެއްވުން!
ހަސަންފުޅު
24 August 2020
ތިޔަ ދުައްވަން ތިބޭނީ އިންޑިޔާ ޕައިލެޓުންތަ ؟
ދެރަ
23 August 2020
މިއީ މައިސަރުކާރުން މޯލްޑިވްސިޓީއަށް ދިން އެހީދޯ.
ކަނބިލި
23 August 2020
ތިޔަ ހެޔޮޮ ނިޔަތެއްގައި ކުރާ ކަމެއް ނޫން. އަތްދަށު ލާން ވެގެން ކުރާ ކަމެއް
އެންދެރި
23 August 2020
ހިލޭ އެހީގެ ބައި ލޯނު ތަކުން ކަވަރު ކުރާނެ އެވެ.
ވަތަން އިސްކުރަންޖެހޭ
23 August 2020
އިންޑިޔާއޭ ބުންޏަސް ދިވެހިން އަންނަނީ ރުޅި. ދިވެހިންނަ ވަރައް އެގޭ އެމީހުން ކުރަންއުޅޭ ފީކަޅާ ކަންތައްތައް.
ނެތީމޭނެތީމޭ
23 August 2020
ތިޔާއީ އަނެއްކާ ބާވެހިކަލް ބާ އާ ވެހިކަލް ބާ އިންޑިއާ އެއް ނޫންތޭ ބާ އެއްޗެހި ވެސް ދީފާނެއޭ އިންޑިއާ އިން ދިން މަނަވަރު ގަނޑު މިހާރު އެއޮތީ ޑޮކަށް ލާފައޭ ޚަބަރު ބެލި އިރު އެއީ ބާވެ ސްކްރޭޕް މެޓަލް އަށް އުކާލަން ވެފައި އޮތް އެއްޗެއް ހިލޭ އެހީއޭ ކިޔާ ރާއްޖޭގެ ބޮލުގައި އަޅުވާލީއޭ ދެން އަނެއްކާ ތިޔާ ވެހިކަލްސް ތައް ދުއްވަން 1500 އިންޑިއާ ޑްރައިވަރުންނާއި ސިފައިން މާލޭގައި ތިބެން ޖެހޭނެއޭ މަމެން ބުނަން ނެތީމޭ ނެތީމޭ..