ދިރާގުގެ މައި އޮފީސް:
24 އޯގަސްޓް 2020 - 19:00
26 comments
ދިރާގުގެ ހެޑް އޮފީހަށް މާސްކު ނާޅައި މިއަދު ވަންނަން މަސައްކަތް ކުރި އަންހެނަކު ހައްޔަރުކޮށް، ނަސޭހަތް ދިނުމަށް ފަހު ދޫކޮށްލައިފި އެވެ.
ފުލުހުން ބުނީ އުމުރުން 28 އަހަރުގެ އެ އަންހެންމީހާ ފުލުހުންގެ ބެލުމުގެ ދަށަށް ގެންދިޔައީ މާސްކު ނާޅައި، ދިރާގުގެ މައި އޮފީހަށް ވަންނަން އުޅެ، އަޑުގަދަކޮށް، ހަމަނުޖެހުން ހިންގަން މަސައްކަތް ކުރުމުން ކަމަށެވެ. އެކަމަކު އަޑުގަދަކުރުން ފިޔަވައި ހަމަނުޖެހުން ހިންގަން ކުރީ ކޮން ކަމެއްކަން ފުލުހުންނެއް ނުބުނެ އެވެ.
އެ އަންހެންމީހާ ސޯޝަލް މީޑިއާގައި ބުނެފައިވާ ގޮތުގައި ދިރާގުގެ އޮފީހަށް ދިޔައީ، އޭނާ ނެގި ޑޭޓާ ޕެކޭޖެއް ބޭނުން ކުރަން ނުލިބި މާ އަވަހަށް ހުސްވުމުންނެވެ. އެގޮތުން، 10 ޖީބީ ޑޭޓާ އަޅައިގެން 48 ގަޑިއިރުގެ ތެރޭގައި ހުސްވި ކަމަށާއި ބޭނުންކުރީ އެންމެ 10 މިނެޓް ކަމަށް ސޯޝަލް މީޑިއާގައި އެ މީހާ ބުނެފައިވެ އެެވެ.
އެކަމަކު އޭނާ އެ ދެއްކި ވާހަކައަކީ ތެދެއްކަން ނުވަތަ ނޫންކަން ކަށަވަރެއް ނުކުރެވެ އެވެ.
ރާއްޖޭގެ ދެ ޓެލެކޮމް އޮޕަރޭޓަރުން ވެސް އިންޓެނަށް ނަގާ އަގު ބޮޑުކަމުގެ ޝަކުވާ އާއްމުން އަބަދުވެސް ކުރެ އެވެ. އިންޓަނެޓް އަގުހެޔޮކޮށްދިނުމަކީ ސަރުކާރުގެ ވައުދެއް ކަމަށް ވާއިރު، ދިރާގާއި އުރީދޫން ވެސް ގެންދަނީ އެކިއެކި ކަންކަމާ ގުޅުވައިގެން ބައެއް ޚިދުމަތްތަކުގެ އަގު ދަށްކުރަމުންނެވެ. އެކަމަކު، އެކަށީގެންވާ ވަރަށް އަދިވެސް އަގުތައް ދަށް ނުކުރެވޭ މައްސަލައިގެ ޝަކުވާ އަށް ހުއްޓުމެއް ނާދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޖޯ
25 August 2020
މަމެން ގަންނަ ކަރާސީން ލީޓަރުގަވެސް އިންނާނީ ޓްރޭޑުން ޗެކްކޮށްފަ ސިލް ޖަހާފަ ރާތާ ގާބަރީގަވެސް ހުންނާނީ ސިލް ޖަހާފަ ވިޔަފާރިވެރިން މަކަރުހަދާނެތީ ދިރާގު އާއި އޫރިދޫން ޑޭޓާ މިނަން ގެންގުޅޭ މީޓަރު ޓެސްޓުކުރަންނުވޭތަ؟
ފެނުކައްކާބޮލި
25 August 2020
ދިރާގަކީ ވަރަށް ވަރަށް މަކަރުވެރި ދޮގުހަދާ ތަނެއް. މިހާރުވެސް އެ އެޕުން ދައްކަނީ އެތައް ބިލެއް ނުދައްކައި އޮތްކަމަށް. ދުވަސްކޮޅެއް ކޮށްފައި ނުދައްކައި އޮތް ބިލަށް ހަދާނެ. މީގެ ކުރިންވެސް މަޑުމަޑުން ބިލް ބޮޑުވަމުންގޮސް ހާހަކާ ގާތްކުރީމާ ތިތަނަށް ގޮސް ވަގަށް ގޮވާ ހިސާބަށް ދިޔައީމާ ޖެހިގެން އައި މަހު ފޮނުވި ބިލުގައި އޮތީ ދެތިން ސަތޭކަ ރުފިޔާ. ރާއްޖެއިން ބޭރުގައި ހުރި މަހު އެއްގޮތަކަށްވެސް ފޯނުގައި އަތްނުލާ މަހު ހާހަކާ ގާތަށް ދައްކަންޖެހުނު.
އިމާދު ސޯ
25 August 2020
މިކަހަލަ މީހުންގެ އަގަޔާ ނޭފަތުގައި އޮޓޯއިން މާސްކުއެޅޭ ސޮފްޓުވެއަރެއް ނެތްތަ؟
މަލީ
25 August 2020
ކޮބާތަ މަލީހު؟ އޭނަ ވެއްޖެ އެއްނު އިސްތިއުފާ ދޭން.
ކަނަމަދު މިދިލިގަހު
24 August 2020
މިގައި ކޮންމެވެސް ގޯހެއް އެބައުޅޭ، ދިރާގަށް މީހަކު ވަގަށް ވަންނަނިކޮށް ހައްޔަރުކުރީމާވެސް އަޑުއަހާނަން އަޑު އިއްވާނަން ކިޔާފައި ދެރާގުން ބަޔާނެއް ނެރޭނެތަ؟ މިބަޔާން ނެރުނީމާ ސުވާލު އުފެދިއްޖެ
އިމާދު ސޯ
24 August 2020
ދަގަޑުކެނޑޭނީ ދަގަޑުން، ގަދަކަމުން ކަންކަން ކުރާ މީހުން ހުއްޓުވަން ޖެހޭނީ ގަދަބާރުހުރި ބަޔަކު ލައްވާ
ހިޔާ ލަކީއަލީ
24 August 2020
ބޫސްޓަރާ ޓޯސްޓަރާ ނުލާ މަސްނިންމާލެވޭ ދުވަހެއް ދެކެން ބޭނުން، މީ އަހުރެންގެ ހިޔާލަކީ
މީޓޫ
24 August 2020
ތި އަންހެން މީހާގެ ސޯޝަލް މީޑިޔާ ޕޯސްޓުތަކުގަ ގޮވާފަ ހުރި ރޯ އައުގުރާނަ ފެނުނީމަ އެބަ އިނގޭ އޭނާ ދިރާގު ސްޓާފުންނާ މުހާތަބު ކުރާނެ ގޮތް!
ކޮރޯނާކަޕޫޜު
24 August 2020
އެންޓިވައިރަސް އަޕްޑޭޓާއި މަންތިލީ ވިންޑޯސް އަޕްޑޭޓްސްވެސް ޑާޓާ ކޮޅު 10 މިނިޓްތެރޭ ކާލަފާނެ، އެހެން ނޫންތޯ؟ދެން އެހެނޭ ކިޔާފައި މާސްކު ނާލާ މަގުމަތީ އުޅެ، ވުޟޫނުކޮށް ނަމާދުކޮށް، ޓައީ ނާޅާ އޮފީހަށް ދިޔައިމަ ކަމަކު ނުދާނެދޯ
ފޯކޭ ކޮލިޓީއޭ މިކިޔަނީ
24 August 2020
ބައެއް މީހުން ވާނުވާ ނޭގޭ، ޑާޓާ އަޅައިގެން ބަލާފާނެ ފޯކޭ ކޮލިޓީގެ ފިލުމެއްވެސް، ދެން ޖީބީ ކޮޅު ހުސްވީމާ ގޯސްވަނީ އުރީދުލާއި ދިރާގު
މުރަލިދާރު
25 August 2020
އަސްލުވެސް އިންޓަނެޓު އަގުބޮޑޭ ކިޔަނީޥެސް ޑޭޓާ މިނިކިރަން ނޭގޭމީހުން... ރާއްޖޭގަ އަގު ބޮޑޫ..އެކަމު ހުއްޖަތް ދައްކަން ނަގާ މިސާލުތައް މަށަށް ކަޑައީ...