ޝަންގްރިއްލާ ވިލިގިލި ރިސޯޓް މުއްދަތެއް ނެތް ގޮތަށް ބަންދުކޮށްފި

އަހުމަދު އަދްޝަން، މިހާރު

25 އޯގަސްޓް 2020 - 21:30

ކޮވިޑް-19އާ ހެދި މިދިޔަ އެޕްރީލް މަހުން ފެށިގެން އޮޕަރޭޝަން މެދުކަނޑާލާފައިވާ އައްޑޫގެ ޝަންގްރިއްލާ ވިލިގިލި ރިސޯޓް އެންޑް ސްޕާ މުއްދަތެއް ނެތް ގޮތަށް ބަންދުކޮށްފި އެވެ.

އައްޑޫގައި 2008 ގައި ހުޅުވި 132 ވިލާގެ އެ ރިސޯޓަކީ ރާއްޖޭގެ އެންމެ މަތީފަންތީގެ ރިސޯޓްތަކުގެ ތެރެއިން އެއް ރިސޯޓެވެ.

ޝަންގްރިއްލާ މުއްދަތެއް ނެތް ގޮތަށް ބަންދުކުރިކަން އަންގައި ރިސޯޓުގެ ޖެނެރަލް މެނޭޖަރު ރަހީމް ފްލީން މުވައްޒަފުންނަށް ފޮނުއްވި ނޯޓިހެއްގައި ވިދާޅުވީ، އެޕްރީލް މަހުން ފެށިގެން ރިސޯޓުގެ އޮކިިއުޕަންސީ އެއްކޮށްހެން ވެއްޓި، އެތަން މި ވަގުތު އޮޕަރޭޓްކުރަން ދަތިވެފައިވާ ކަމަށެވެ. ނަމަވެސް 100 އެއްހާ މުވައްޒަފުން ވަޒީފާ އަދާކުރާ ރިސޯޓު އަލުން އޮޕަރޭޝަނަށް ގެނެވޭނެ ގޮތްތަކެއް ބެލި ނަމަވެސް އަދި މިހާތަނަށް އަލިމަގެއް ފެނިފައި ނުވާ ކަމަށް ވިދާޅުވި އެވެ. އެހެންވެ، މި ވަގުތަށް ރިސޯޓު ބެހެލެއްޓުމަށް ބޭނުންވާ އަދަދަށް މުވައްޒަފުން ބޭތިއްބުމަށް ފަހު، ދެން ތިބި މުވައްޒަފުން މި ވަގުތަށް ދޫކޮށްލަން ނިންމާފައިވާ ކަމަށް ނޯޓިހުގައި ވެ އެވެ.

އޭގައި ބުނީ މިކަމާ ގުޅޭ ގޮތުން ޝަންގްރިއްލާ ވިލިގިލި ރިސޯޓް އެންޑް ސްޕާގެ ހިއުމަން ރިސޯސް ޑިޕާޓްމަންޓުން މުވައްޒަފުން ކުރަން ޖެހޭ މުއާމަލާތްތައް ކުރިއަށް ގެންދާނެ އެވެ.

ޝަންގްރިއްލާ ބަންދުކުރަން ނިންމުމާ ގުޅިގެން މިކަމާ ބެހޭ ގޮތުން އެތަނުގެ މެނޭޖްމަންޓާއި އައްޑޫ ސިޓީ ކައުންސިލާ ދެމެދު މިއަދު މަޝްވަރާ ވެސްކޮށްފައިވެ އެވެ. އެކަމަކު އޭގެ ތަފުސީލެއް ހާމައެއްނުކުރެ އެވެ.

ޝަންގްރިއްލާ ވިލިގިލި ރިސޯޓް އެންޑް ސްޕާ އަކީ ގަން އިންޓަނެޝަނަލް އެއާޕޯޓުން ސްޕީޑް ލޯންޗްގައި ގާތްގަނޑަކަށް ފަސް ވަރަކަށް މިނިޓުން ދެވޭހާ ދުރުގައި އޮންނަ ރިސޯޓެކެވެ. އަދި އެތަން މަޝްހޫރީ މުއްސަނދި ޓޫރިސްޓުން އަންނަ ތަނެއްގެ ގޮތުގަ އެވެ. އެގޮތުން ޝަންގްރިއްލާ ވަރަށް ޓޫރިސްޓުން ޕްރައިވެޓް ޖެޓްތަކުގައި ދަތުރުކުރެ އެވެ.

ނަމަވެސް ކޮވިޑް-19އާ ދިމާކޮށް ގިނަ ދުވަސްތަކެއް ވަންދެން ރާއްޖޭގެ ބޯޑަރު ބަންދުކުރަން ޖެހުމާއި ފަހުން ބޯޑަރު ހުޅުވައިލި ނަމަވެސް އައްޑު އަށް ޓޫރިސްޓުން އައުން ވަނީ ވަރަށް ބޮޑަށް މަދުވެފަ އެވެ.

އައްޑޫގައި 2007 ގައި ހުޅުވި ކެނަރީފް (ހެރެތަރެ) ރިސޯޓް ވެސް ވަނީ ޖޫން މަހުގެ ތެރޭގައި މުއްދަތެއް ނެތް ގޮތަށް ބަންދުކޮށްފަ އެވެ. ޝަންގްރިއްލާ އާއި ކެނަރީފްގެ އިތުރުން އައްޑޫގައި ދެން ހިންގަނީ ސައުތު ޕާމް ރިސޯޓެވެ. މީގެ އިތުރުން ގަމުގައި އީކްއޭޓަ ވިލެޖްގެ ނަމުގައި ސިޓީ ހޮޓަލެއް ވެސް ހިންގަ އެވެ.

Maalee haalathu dhahvumun Canareef resort 2 aharah bandhu kuranee

The most trusted news source in the Maldives

Mihaaru

އައްޑު އަކީ ގިނަ އަދަދަކަށް ގެސްޓްހައުސް ވެސް ހުރި ތަނެކެވެ. ނަމަވެސް ކޮވިޑާ އެކު އެތަންތަން ވެސް ބަންދުކުރަން ޖެހުމުން އައްޑޫގެ އިގުތިސާދަށް ބޮޑު ހީނަރުކަމެއް އައިސްފައިވެ އެވެ. އެގޮތުން އައްޑޫގެ ޓޫރިޒަމް ދާއިރާގައި ވަޒީފާ އަދާކުރާ 500 އަށް ވުރެ ގިނަ މީހުން މިހާރު ތިބީ ހާލުގައި ޖެހިފަ އެވެ.

އައްޑޫ ޓޫރިޒަމް އީކުއޭޓާ ވިލެޖް ޝަންގްރިލާ ވިލިނގިލި ރިސޯޓް ގަން އިންޓަނޭޝަނަލް އެއާޕޯޓް ރިސޯޓްތައް ޓޫރިސްޓުން

13 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކައްކާ

26 August 2020

މާލޭމީހުން މިކުޅޭ ކުޅިވަރު ބަލަންތިބެގެން އުޅެވޭކަށްނެތް، ތިތަން ހަމަ މިހާރުން މިހާރަށް ޗައިނާގެ ޑީޕްސްޕޭސް ނެޓްވޯކު ހަދަން ދޭންވީ އަހަރަކު 100 މިލިއަން ޑޮލަރަށް ދިނަސް ވަގުތުން ނަގާނެ 50 އަހަރަށްވިއަސް، ދެތިންހާސް ވަޒީފާ އުފެދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރިހިންބެއްޔާ

26 August 2020

ކޮވިޑު އޮތީ މާލޭއޭރިޔާގައި. ގަމުގެ އެއަރޕޯޓް އަބަދުވެސް އޮތީ ސަލާމަތުން. އެތަނަށް ދަތުރުކުރެވޭނެގޮތް ހަމަޖައްސާ އެއަރލަންކާއަށްވެސް ދަތުރުފެށޭނެފަދަ އެކަށޭނަ ޔަޤީންކަމެއްދީގެން ދަތުރުފެއްޓުވިނަމަ ޖުލައިމަހުން ފެށިގެން އައްޑޫގެ ރިޒޯޓްތަކާއި ގެސްޓްހައުސް އަދި ހުވަދޫއަތޮޅާއި އެނޫން އަތޮޅުތަކުގެ ރިޒޯޓްތަކަށްވެސް ޓޫރިސްޓުންނަށް ދެވުނީސް. ސަރުކާރުން މިކަން ކުރަންވެސް އުޅުނު. ހުއްޓުވާލީ ރަދުންކަންނޭގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

26 August 2020

އިންޑިޔާ ހާމުދުރުންގެންނަން އޭނަގެ ތާއީދު ލިބިދާނެ.ހާމުދުރުން އަންނައިރު 50 ގެރި އަދި 30 އަސް ގެންނަން ވެސް ޖެހޭނެ.ހެހެހެހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

26 August 2020

ފަތުރުވެރިންނަށް ނާދެވެންޏާ ރިސޯޓް އޮޕަރޭޓެއް ނުކުރެވޭނެ.ވިޔަފާރީގެ ތަރާދުން ކިރާއިރު ރިސޯޓް އޮޕަރޭޓްނުކޮށް 500 ސްޓާފުން ގޭގަ ބައިތިއްބައިގެން މަހުން މަހަށް ބަރާބަރަށް މުސާރަ ނުދެވި އެމުސާރަ ލައެބިލިޓީއެއްގެ ގޮތުގަ މެނޭޖްމެންޓަށް ނަގަން ވަރަށް ދަތިވާނެ.އަހަރެން ވަރަށް ދެރަވޭ 500 ސްޓާފުން ގޭގަ މަޑުކުރަންޖެހުނީމަ.އެހެނީ އޭގެތެރޭގަ އެބަތިބި ކުޑައިރުގެ ރަހްމަތްތެރިން އަދި އާއިލީ މީހުން.ހިތްވަރުކޮށްލާތި އަދި ރަނގަޅުވާނެ.އިންޝާﷲ. ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބްރިޑޖް

26 August 2020

ކެޔޮގަނޑު ކެނޑީމަ ގަހުގެ ބޭނުމެއް ނޯންނަފަދައިން ވޯޓްލިބުނީމަ އައްޑޫ ރައްޔިތުން ގެ ބޭނުން ދިޔައީ ، މިއީ ލައްކަ ވާހަކަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

26 August 2020

ތިބުނީ ވަރަށް ބޮޑު ތެދެއް.ނަމަވެސް މިހަބަރުގެ ސަބްޖެކްޓަށް ތި ބުނި ސްޓްރެޓެޖީ އެޕްލައި ކުރެވޭނެކަމަށް އެއްބަސްވެވޭކަށް ނެތް.މިސާލު: 100 އެނދުގެ ރިސޯޓެއްގެ ވެރިއަކަށް މަނިކްފާނު ހުރެ އޮޕަރޭޓްނުކޮށް 120 ސްޓާފުންނަށް މަހުނަ މަހަށް މުސާރަ ދެވޭނެބާ؟ ހުރިހާ ކަމެއްގަ ސިޔާސީ ފޯމިއުލާގެ (a+b)^2 = a^2+2ab+b^2) ބްރެކެޓަށް ވިސްނައިގެން ކޮމެންޓް ނުކުރެއްވުން އެދެން.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 August 2020

ގޭން އެއަރޕޯޓްގައިއޮތް ކާސާ ހޮލްޑިންގެ ގެ ޙިއްސާ ދައުލަތަށް ނެގުމަށްފަހު ކުރިއަށްއޮތް 2021 ވަނަ އަހަރުގެ ނިޔަލަށް ގޭން އެއަރޕޯޓްގައި 1 މިލިޔަން ގެލަން ޖެޓްފިއުލް ސްޓޯރޭޖާއި، އިންދްލައިޓް ކޭޓަރިންގ އަދި އެއަރލައިން ލައުންޗް ތަކާއިއެކު ބައިނަލް އަޤުވާމީ ފްލައިޓްތަކަށް ގޭން ހުޅުވާލާނެކަން ސަރުކާރުން ރަސްމީކޮށް އިއުލާންކުރުމާއިއެކު ހުވަދޫ އަތޮޅުން 80 ރަށް މަތީ ފެންވަރުގެ ޓްއަރިޒަމަށް ތަރައްޤީ ކުރާން ބައިނަލް އަޤުވާމީ ބިޑަށް ހުޅުވާލަންވީނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރިހިންބެއްޔާ

26 August 2020

ކުންފުންޏެއްގައި އޮތް ހިއްސާއެއް ދައުލަތަށް ނެގުން، އެއްމިލިޔަން ލިޓަރު ތެޔޮ, 80 ރަށް. އަފީފު ދީދީ ވެސް އޮނަރަބަލް އަކަށްވީމާ ތަންދޮރު ނޭގޭގޮތްވީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 August 2020

މާޒީގެތަޖުރިބާއާއި "އެ ހިތްދަތި ޒަމާން" އިއާދަވުމަށް ބަލަހައްޓައިގެންތިބެވޭކަށްނެތް. # ގޭން އިންޓަރނޭޝަނަލް އެއަރޕޯޓުން ޗައިނާ، ސައުތުއެފްރިކާ، އޮސްޓްރޭލިއާ، ޑްބާއީ އަދި ލަންޑަނަށް ދަތުރުކުރުމުގެފުރުސަތާއި ވަސީލަތް މޯލްޑިވިއަންއަށް ފަހިކޮށްދީ އެކަން މިއަހަރު ފަށައިނުގަންނަނަމަ ހުވަދުއާއި މުލައް އަދި އައްޑޫކައުންސިލް ގުޅިގެން އިންޑިޔާ އެމްބަސީއާއިއެކުބައްދަލުވެ މިކަމުގައި ދިއްލީސަރުކާރުގެއެހީތެރިކަމަށް އެދި ގަމުން މިދެންނެވި ރޫޓްތަކަށް އިންޑިގޯގެ ދަތުރުފެއްޓޭތޯބަލާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނު.

25 August 2020

ހާދަ ވަރަކަށް އިންޑިޔާ އަށް އިންޑިޔާ ދަށަށްދާން ތިޔަ ބޭނުން ވަނީ ؟ އަނެއްކާ ނަޝީދު އަފީފު ކާރީގަ ބުނެފައޮތީތޯމިކަން ކުރާންޖެހޭގޮތް ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

26 August 2020

ކޮސްގޮވަން ވީ ، ބޮލަށް ބޭސްކުރަން ވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

25 August 2020

ވަރަށް ދެރަކަމެއް. މިކަމުގައި މުސްތަގްބަލްގައި އޮތްހައްލަކީ މާލެފަދަ އިތުރު ސަރަހައްދުތައް ތަރައްގީކުރުން. މިހާރު ތައިލެންޑްގެ ވަކިސަރަހައްދެއް ޓޫރިޒަމަށް ހުޅުވާލަން ތައްޔާރުވަނީ. އެތަނަށްދާ މީހުންނަށް ބެންކޮކަށްނުވަދެ ޗުއްޓީ ހޭދަކޮށްލާފައި ގައުމަށްދެވޭނެ.