ހެލްތު މިނިސްޓަރު އަބްދުﷲ އަމީން: މަޖިލީހަށް ދޮގު މައުލޫމާތު ދެއްވި ކަމަށް ބުނާ މައްސަލާގައި އިމްތިޔާޒް ކޮމެޓީއަށް އޭނާ ހާޒިރުކުރަން ވަނީ ނިންމާފައި -- ފޮޓޯ/މިހާރު
26 އޯގަސްޓް 2020 - 12:27
33 comments
ދުބާއީ ކުންފުންޏަކާ ހަވާލު ކޮށްގެން ވެންޓިލޭޓަރުތައް ގެނައުމާ ގުޅޭގޮތުން ހެލްތް މިނިސްޓަރު އަބްދުﷲ އަމީން ރައްޔިތުންގެ މަޖިލީހުގައި އިތުރުފުޅު ހެއްދެވި ކަމަށް ބުނާ މައްސަލާގައި މަޖިލީހުގެ އިމްތިޔާޒް ކޮމެޓީއަށް އަމީން ހާޒިރު ކުރަން މިއަދު ނިންމައިފި އެވެ.
ކޮވިޑް-19 ގެ ބަލި މީހުންނަށް ފަރުވާ ދިނުމަށް، ދުބާއީގެ އެގްޒެކިއުޓާސް ޖެނެރަލް ޓްރޭޑިންއާ ހަވާލު ކޮށްގެން ވެންޓިލޭޓަރު ގެނައުމާ ގުޅޭގޮތުން އަމީން މަޖިލީހުގައި ދެއްކެވި ވާހަކަތަކާއި އޮޑިޓާ ޖެނެރަލް ނެރުއްވި ރިޕޯޓުގައި ހުރި ވާހަކަތައް ދިމާނުވާތީ އަމީންގެ މައްސަލަ އިމްތިޔާޒް ކޮމެޓީން ބަލައިދޭން އެދި އެ ކޮމެޓީއަށް ފޮނުއްވީ މަޖިލީހުގެ ރައީސް މުހައްމަދު ނަޝީދެވެ.
އެ މައްސަލާގައި މިއަދު ބޭއްވި އިމްތިޔާޒް ކޮމެޓީގެ ސަބް ކޮމެޓީގެ ބައްދަލުވުމުގައި ނިންމީ އޮކްޓޫބަރު މަސް ނިމުމުގެ ކުރިން އެ މައްސަލަ ކޮމެޓީން ނިންމުމަށެވެ. އަދި ވީހާ ވެސް އަވަހަކަށް އަމީން އެ ކޮމެޓީ އަށް ހާޒިރު ކުރުމަށާއި ހެލްތު މިނިސްޓްރީގެ އިތުރު ބޭފުޅުން ހާޒިރު ކުރަންޖެހޭ ނަމަ އެކަން ކުރުމަށް ވެސް ސަބް ކޮމެޓީން ނިންމި އެވެ. އެކަމަކު ހާޒިރު ކުރާނެ ވަކި ތާރީޚެއް ކޮމެޓީން ނުނިންމަ އެވެ.
ސަބް ކޮމެޓީގެ މެމްބަރު އަދި އިމްތިޔާޒް ކޮމެޓީގެ މުގައްރިރު ކުޅުދުއްފުށީ އުތުރު ދާއިރާގެ މެމްބަރު ޔާސިރު އަބްދުއްލަތީފް ވިދާޅުވީ މައްސަލާގެ ބާވަތުން ކޮމެޓީ އަށް ކޮންމެހެން އަމީން ހާޒިރު ކުރަންޖެހޭ ކަމަށެވެ. އަދި އަމީން މަޖިލީހަށް ދެއްވީ ތެދު މައުލޫމާތެއްކަން ސާބިތުކޮށް ދެއްވޭނެ ހެކި ހުށަހެޅުމުގެ ފުރުސަތު ވެސް ދޭންޖެހޭނެ ކަމަށާއި އެފަދަ މައްސަލަތައް ވަރަށް ބޮޑަށް ބަލަންޖެހޭ ކަމަށް އޭނާ ވިދާޅުވި އެވެ.
"މިއީ ކުށެއްގެ ގޮތުގައި ކަނޑައެޅިފައި އެބަ ވޭ. އޭގެ އަދަބެއްގެ ގޮތުން 3،000ރ. އާއި 10،000ރ. އާ ދެމެދުގެ އަދަދަކުން ޖޫރިމަނާ ކުރުން ނުވަތަ ތިން މަސް ދުވަހާއި ހަ މަސް ދުވަހާ ދެމެދުގެ މުއްދަތަކަށް ޖަލަށްލުން. އެހެންވީމަ މިވަރުގެ ކަމެއް ނިންމާއިރު ވީހާ ވެސް ރަނގަޅަށް ޑެލިބަރޭޓްކޮށްފައި ނިންމަންޖެހޭ،" މަޖިލީހުގެ އިމްތިޔާޒްތަކާއި ބާރުތަކުގެ ގާނޫނާ ހަވާލާ ދެއްވައި، ޔާސިރު ވިދާޅުވި އެވެ.
ޔާސިރު ވިދާޅުވީ ޑަބްލިއުއެޗްއޯއާ ގުޅޭ ކަންތައްތަކެއް އެ މައްސަލާގައި ހިމެނޭތީ ކޮމެޓީ މަރުހަލާ ސިއްރުކުރުން މުހިންމު ކަމަށެވެ. އެކަމަކު އެފަދަ ހުށަހެޅުމެއް އޭނާ ހުށައެއް ނާޅުއްވަ އެވެ.
ވެންޓިލޭޓަރު ގެންނަން ދުބާއީ ކުންފުންޏާ ހަވާލުކުރި މައްސަލަ މަޖިލީހުގެ މާލިއްޔަތު ކޮމެޓީން މިހާރު އަންނަނީ ބަލަމުންނެވެ. އެ މައްސަލާގައި އަމީނާއި ހެލްތު މިނިސްޓްރީގެ އިސްވެރިން އިއްޔެ ވަނީ އެ ކޮމެޓީ އަށް ހާޒިރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަތްނެތްކުއްޖާ
26 August 2020
ކޮބާހޭ ރާއްޖޭގައި ހުރި ޑަބްލިއު އެޗްއޯގެ ވެރި މީހާގެ ބަހަކީ ތިކަމުގައި. އޭނަވެސް ކޮމެޓީ އަށް ޙާޝިރު ކޮއް ސުވާލު ކުރެވެންޖެހޭނެ. ރައްޔިތުން ބޭނުންވޭ އޭނަގެ ބަހެއްވެސް. ޅަފާ ކުރެވޭ ގޮތުގައި އެކަލޭގެވެސް ބީ.އެމް.އެލް ގެ ކުރީގެ ސީ އީ އޯ ހެދިގޮތައް ރާއްޖެ ދޫކޮއް އެނބުރި ޤައުމަށް ދިއުން ވަރަށް ގާތް. ސަބަބަކީ މިކަމުގައި ހެދިފައި ހުރި ގޯސްތައް އަމިއްލައަށް އިޙުސާސްވޭތީ ވެ ކަމަށް ދެކެން.
މޫސާދީ
27 August 2020
ތި ކަހަލަ މީހުންގެ ސަބަބުން ރާއްޖޭގެ އެއްވެސް އިންސްޓިޓިއުޝަނަަކަށް ޕަބްލިކްގެ އިތުބާރު ނުހޯދެނީ. މިހާރު މިކަމުގައި ޑަބްލިއުއްޗްއޯ ފައްތާލަން ވީ ކޮން ސަބަބަކާ ހެދި؟ ތިހެން ކަންތައް ކުރީމަ ދެން ކުރިއަށް ތަނުގައި ކިތަންމެ ބޮޑު ކާރިސާއަކާ ކުރިމަތިވިޔަސް އެމީހުންގެ އެހީ ލިބޭނެތޯ؟ މިއަދު ކުރާ ކަންކަމުން މާދަމާ ގެއްލުން ވެދާނެކަން ވިސްނައިގެން އެކަންކަން ކުރާނީ.
އާރި
26 August 2020
އަމީން ކޮމެޓީއަށް ގެން ގޮސް ހުރިހާ މެންބަރުން ތިބެނި ކުރާނި ސުވާލެއް ނޭގި ވެންޓިލޭޓަރ ވެންޓިލޭޓަރ ކިޔާލަ ކިޔާލަ
ގޫސް
26 August 2020
މިއަމީން ދެކެ މަ އެންމެ ފޫހިވަނީ އެކިނަންނަމުގަ މީނާގެ ހިންގުންތެރިކަމުގެ ވާހަކަ ލިޔެ މީސްމީހުންލައްވާ ދޮގު ކޮމެންޓްތައް ލިޔާތީ. އޭނާއަކީ ހިންގުންތެރިއެއްނޫން. އެކަމަކު ހިޔަޅު ވިސްނުންހުންނަ މީހެއް. ޢެހެންވެ 3 ސަރުކާރެއްގަ މިނިސްޓަރުކަން އެލިބުނީ. އެކަމަކު އޭނާއަށް ތާއީދުކުރާ ރައްޔިތެއް މަދުވާނެ.
ހަސުދަ
27 August 2020
މުޅި ކޮމެންޓުގައިވެސް ދުވަނީ ހަސަދައިން ފުރިފަ ހުރި ވަސް.
ލީޝާ
26 August 2020
އަމީން އާއި އޭނަގެ ޓީމްއަކީ އެއްވެސް ގޮތެއްފޮތެއް ނެތް ބައެއް، ކޮންޓެކްނިކަލްއެކޭ ކިޔާކައްތަ!
ނަން
26 August 2020
ރައްޔިތުންގެ ފައިސާކޮޅު ކޮވިޑޭ ވެންޓިލޭޓަރޭ ކިޔައި ކާލުން މައްސަލައަކަށް ނުވާނަމަ ދެންކީއްވެ ތި ހަޅޭއްލަވަނީ
ސާބަސް
26 August 2020
ލިބިއްޖެބާ 5 މަސްވީ އޭ
ނަން
26 August 2020
ހިންގުންތެރިވީ މިންވަރުން 75 ވެންޓިލޭޓަރުގެ ތެރއިން ގެނައި 11 ވެންޓިލޭޓަރު ބޭނުން ނުކުރެވޭ ކަމަށާއި އޯޑަރ ދިން ތަކެތި ނޫންކަން ލިބުނީ އިއްޔަވެސް އިޢްތިރާފްވި. އަދި 30 ދުވަހުގެ ތެރޭގައި ގެންނަން އެއްބަސްވި ކަމަށްބުނާ ތަކެތި 5 މަސް ވީއިރުވެސް ނުގެނެވޭ.ރައްޔިތުންނަށް ވީ ޚިޔާނާތް, އޯޑަރު ކުރި ބްރޭންޑް ޑިސްޓްރިބިއުޓަރ ސޯލް އެޖެންޓް ރާއްޖޭގައި ހުރެ ްއެމީހުން ގެނެސްދޭން ބުނާ އަގުގެ 4 ގުނަ އަގުގައި ތަކެތި ނުލިބެނީސް 90 ޕަސެންޓް ފައިސާ ދެއްކި ކަމަށް ވަނީ އިޢްތިރާފްވެފަ. ދެން ހިންގުންތެރިވެފަ ވަފާތެރި ވާނީި ހަމަ މިވަރަށް.
ބޫޓާން
27 August 2020
ފުރަަތަމަ ކަމަކަށް ރަދީފު ހުޅުވައިގެން ބަލާބަލަ ޚިޔާނާތްތެރި ވުމަކީ ކޮބައިކަން. ޚިޔާނާތްތެރިވަނީ ކިހިނެއް އޭގައި އެއްވެސް މިންވަރަކަށް އަމިއްލަ މަންފާއެއް ހޯދުމަށް ނޫނީ ނާޖާއިޒު ފާއިދާއެއް ހޯދުމެއް ނެތިއްޔާ؟
ާއުނިމާ
26 August 2020
ޑޮކްޓަރ ޝާހު މާހިރު ނެރުނު ބަޔާނާއި އިއްޔަ ކޮމިޓީގެ އެބޭފުޅާ ދެއްކެވި ވާހަކަޔާވެސް ދިމަލެއްނުވޭ! އޮޅުވާލުންތަކެއް އެބައުޅޭ! ކޮންމެ ގޮތެއްވިޔަސް އިހުމާލުވެވިއްޖެ، ހެލްތްގެ މުޅި ސިޔާސީ ޓީމު ބަދަލުކުރަންޖެހޭ
ބޭފުޅިޒަމް
26 August 2020
ޝާހު މާޙިރު އެ ހާދަ އެންޓައިޓްލްޑް “ބޭފުޅެކޭ” ދޯ. އެތައް ބައެއްގެ ފުރާނަ އަތް މައްޗަށް ލައިގެންތިބެ ކުޑަ ހިނދުކޮޅެއްގެ ތެރޭގައި އެތައް ލައްކަ ނިންމުމެއް ނިންމަމުން ދިޔަ ދަނޑިވަޅެއްގައިވެސް، 10 ޖެހިއިރު ބިޑު ކޮމިޓީއިން މެސެޖު ފޮނުވީމަ 12 ޖެހާއިރަށް މީނާ ފެންވަރާ ފުށް ޖަހާ ނަލަ ހެދިގެން އަންނަން އުނދަގޫ ވާހަކަ ބުނީ.
ޔާޤޫތު
26 August 2020
ޑރ ޝާހު މާހިރުގެ އަސްލު ސޫރަ އިއްޔެ މަޖިލީހުގައި އެބޭފުޅާ ދެއްކީމަ ވަރަށް އުފާވެއްޖެ. އެބޭފުޅާ އިސްކަންދިނީ ހައިބަތު ފުޅާކުރުމަށް ރައްޔިތުންގެ ފުރާނަޔާ ގުޅިފައިވާ ބޮޑު ނިންމުމެއް ނިންމަންޖެހުނު އިރު.
ޑރ ޝާހު
27 August 2020
އަސްލު ހަގީގަތަކީ ޑރ ޝާހު ބޭނުންފުޅެއް ނުވި ތިއަބިޑު ކަންތަކުގަ ބައިވެރި ވާކަށް. އެހެންވެ އެދުވަހު އެއްބަސްވުން އެވޯޑްކުރި މީޓިންނަށް ނުދިއައީވެސް. ޑރ ޝާހަށް ވަސްދުވި މާކުރިން. އަދި ސީދާ އަހަރެން (ޔޫކޭގައި ދިރިއުޅޭމީހެއް) ގާތު މާކުރިން ބުނި .....................ކާލަނިއްޔޭ! މިއީ ތެދުކަން މާތްﷲ ހެކިވެ ވޮޑިގެންވާނެ!
ޒާތީ
27 August 2020
މާ މޮޅު ވާހަކަައެއް ހިތުން 'ޑރ.ޝާހް' ނަމުގައި ކޮމެންޓު ކުރި މީހާ މި ބުނީ. ކަލޭގެ މަސްއޫލިއްޔަތު ކޮބާ އެ ދުވަހު ބިޑު ކޮމިޓީގައި އެ ވާހަކަ ބުނުމުގެ؟ ކަލޭ ތިހެން ބުނީމަ މާ ހުތުރެއް ނޫންތަ؟ އަމިއްލަ މަސްއޫލިއްޔަތު އަދާނުކޮށް ހުރެ އަދި އެބަ އުޅެއެއްނު
ކޯވިދު
26 August 2020
ހަޖަމު ނުވި ހިންގުންތެރިކަމާއި ރައްޔިތުންގެ ލޯބި. އެ ނޫން އެއްވެސް ކަމެއް ނޫން ހަމަ.
ހަސުދަ
26 August 2020
އަމީން ތި ހުންނެވީ ހަސަދަވެރިންގެވެސް އަންމަމެން ތަކުގެ ތެރޭގައި. ކޮވިޑް ތެރޭގައި އަމީންގެ ހިންގުންތެރިކަން ފެނި ރައްޔިތުން އެކަން ބަލައިގަންނަން ފެށި ވަރު ބޮޑު ކަމުންވެސް ހިތަށް އެރި މިކަން ނިމުނީމާ އަމީންއަށް އަދި ހަދިޔާދޭނެއޭ. ހާއްސަކޮށް ކޮވިޑްއާ ޖެހި ނަޝީދު ފަލީހަތްވީމަ.