ވިލާ ކޮލެޖުގައި ހިންގާ އިނގިރޭސިވިލާތުގެ ދަ ވެސްޓް އޮފް އިންގްލޭންޑު ޔނިވާސިޓީގެ ގްރެޖުއޭޝަން ހަފުލާގައި ބައިވެރިވި ބައެއް ދަރިވަރުން.-- ފޮޓޯ: ނިޝާން އަލީ/ މިހާރު
26 އޯގަސްޓް 2020 - 23:19
26 comments
މަތީ ތައުލީމް ހާސިލްކުރުމަށް ލޯނު ދޭއިރު ކޮންމެ ރަށަކުން ދަރިވަރަކަށް ވެސް އެ ފުރުސަތު ލިބޭ ގޮތަށް ބަދަލުކުރުމުގެ ވިސްނުން ގެންގުޅުއްވާ ކަމަށް ހަޔަ އެޑިއުކޭޝަން މިނިސްޓަރު ޑރ. އިބްރާހިމް ހަސަން މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީގައި މިނިސްޓަރު ވިދާޅުވީ، މަތީ ތައުލީމުގެ ލޯނަށް ބަދަލުތަކެއް ގެނެސް، ލާމަރުކަޒީގޮތުން ބަހާލާފައިވާ ނުވަތަ އިންތިހާބީ 87 ދާއިރާއަށް ފުރުސަތުތަކެއް ކަނޑައެޅި ނަމަވެސް އެ ކެޓަގަރީއަށް އެކަށީގެންވާ ތަރުހީބެއް ނުލިބޭ ކަމަށެވެ. އެހެންވެ އެކަމާ ވަރަށް ބޮޑަށް ހައިރާންވެވަޑައިގެންނެވި ކަމަށް ވިދާޅުވި އެވެ.
މިދިޔަ ފެބްރުއަރީ މަހު ހުޅުވާލި 550 ލޯނުގެ ތެރެއިން، 87 ފުރުސަތު ހާއްސަކުރީ ލާމަރުކަޒީ ގޮތުން ބަހާލާފައިވާ ދާއިރާތަކަށެވެ. އެ ކެޓަގަރީއަށް 46 ދަރިވަރުން ކުރިމަތިލިއިސް އޭގެ ތެރެއިން ޝަރުތު ހަމަވެގެން ލޯނު ލިބިފައިވަނީ 10 ދަރިވަރަކަށެވެ.
އިންތިހާބީ ދާއިރާތައް ހާއްސަކުރުމާ ގުޅޭގޮތުން އޭނާ މީގެ ކުރިން ވިދާޅުވީ، މި ފަސް އަހަރު ނިމިގެންދާއިރު ވެސް މަތީ ތައުލީމް ހާސިލްކުރުމަށް ވަކި ރަށެއްގެ ކުއްޖަކަށް ފުރުސަތު ނުލިިބިދާނެ ކަމަށެވެ. މިކަން ފެށީ ރަނގަޅު ނިޔަތެއްގައި ކަމަށް ވިދާޅުވި އެވެ.
މިނިސްޓަރު ވިދާޅުވީ އިންތިހާބީ ދާއިރާތަކަށް ހާއްސަކޮށްފައި އޮތުމުން، ބޭނުންވާ ވަރަކަށް އަދި ވެސް މަތީ ތައުލީމުގެ ފުރުސަތުތައް ފަހިނުކުރެވޭ ކަމަށެވެ. އެހެންވެ އެ ދާއިރާތަކަށް ހާއްސަކޮށްގެން ރާއްޖެ އާއި ރާއްޖޭން ބޭރުގައި ކިޔެވުމަށް ލޯނު ދިނުމަށް ވުރެ ރާއްޖޭގެ ކޮންމެ ރަށަކަށް ސްލޮޓެއް ކަނޑައެޅުމުން ފަހަރެއްގައި ރަނގަޅުވެދާނެ ކަމަށް ވިދާޅުވި އެވެ.
"ތި ބޭފުޅުން ދާއިރާގައި ހުރެދާނެ ދެ ރަށް، ތިން ރަށް ހުންނަ ދާއިރާ. އެހެން ވިއްޔާ ހަތަރު ރަށް ހުންނަ ދާއިރާއަށް އެއް ސްލޮޓް ރިޒާވްކުރުމަށް ވުރެ ދާއިރާއަށް ފައިދާ ބޮޑުވާނެ ދާއިރާގައި ހިމެނޭ ކޮންމެ ރަށަކަށް އަޅުގަނޑުމެން ސްލޮޓެއް ރިޒާވްކުރިއްޔާ. އެއީ ވެސް އަޅުގަނޑުމެން ވިސްނުން ގެންގުޅޭ ގޮތެއް،" މިނިސްޓަރު ވިދާޅުވި އެވެ.
އޭނާ ވިދާޅުވީ ދެން ހުޅުވާލާ ލޯނު ސްކީމެއްގައި މިހާރަށް ވުރެ ވެސް ބޮޑަށް ރަށްރަށުގައި ތިބި މީހުންނަށް ފުރުސަތު ފަހިވާގޮތަށް ސްކީމް ބަދަލުކުރުން ވިސްނުން އެބަހުރި ކަމަށެވެ.
"މިހާރު އޮންނަގޮތުން ޝަރުތުހަމަވަންޏާ މި [ޖާގަ] ކަށަވަރުވަނީ 87 ކުދިންނަށް. އޭގެ ބަދަލުގައި މީހުން އުޅޭ ކޮންމެ ރަށެއްގެ ކުއްޖަކަށް އަޅުގަނޑުމެންނަށް އެ ބަދަލުކުރެވިއްޖެއްޔާ ވެސް 192 ކުދިންނަށް އަޅުގަނޑުމެންނަށް ފުރުސަތު ކަށަވަރުކުރެވިގެންދާނެ،" ޑރ. އިބްރާހިމް ހަސަން ވިދާޅުވި އެވެ.
އާބާދީ ބޮޑެތި ރަށްރަށުން ދަރިވަރުން ލޯނަށް ކުރިމަތިލާތީ އެ ދާއިރާތަކުން ކިޔަވަން ލިބޭ ދަރިވަރުންގެ އަދަދު އިތުރުވާނެ ކަމަށް ވިދާޅުވި އެވެ.
މިއަހަރު ފުރަތަމަ ހުޅުވާލި ލޯނު ސްކީމަށް 1،300 އަށްވުރެ ގިނަ ދަރިވަރުން ކުރިމަތިލި އެވެ. އޭގެ ތެރެއިން ލޯނު ލިބިފައިވަނީ 514 ދަރިވަރުންނަށެވެ. އެ ދަރިވަރުންގެ ކިޔެވުމަށް 151 މިލިއަން ރުފިޔާ ކަނޑައަޅާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
30 August 2020
ލޯނު ދޭންވީ އިންޓަރަސްޓް ފްރީކޮށް، އެދޭ/ޝަރުޠު ހަމަވާ އެންމެނަށް!
ދޫއޮތެމާ
27 August 2020
ހުސް ރަނގަޅު ނިޔަތުގައި ކުރާ ހެޔޮނިޔަތުގައިކުރާ ކަންކަން. ފަހުން ބޮޑެތި ވައްކަންތަކަށް ބަދަލުވަނީ...
އަހުމަދުއަލޯ
27 August 2020
ކީއްކުރަން އުޅޭ ލޯނެއްތަ؟ ސްކޮލާޝިޕްވެސް އެބަހުރި އެހެން ގައުމުތަކުން ލިބެން. އޭގެއިން ވަކިމިންވަރެއް ލިބޭގޮތެއް ހަދާބަލަ ރަށްރަށު ކުދިންނަށް. މާލޭގެ ގެދޮރުކުއްޔަށް ދީގެން އުޅޭމީހުންނަށް ލޯނު ދެއްކުނަސް ނުޖެހޭދޯ އެންމެން ބޮލުގަ އޭތި އަޅުވަން.
ސުމާރު2
27 August 2020
އަނއްކާވެސް ރަށޤފުށޙުމީޙުންގެ ބޮލަށް ގަދަކަމުން ލޯނެއް ފައްތަން އެބައުޅޭ....ތިޔައުޅެނީ ފްލެޓްލިސްޓު އޮއްބާލަން ދެއްތޯ..
އެންދެރި
27 August 2020
ރާއްޖެ އިން ބޭރައް ކިޔަވަން ދާން ސަރުކާރުން ކޯސްދިނީމަ ކިޔަވާ.ނިންމާ ފަ އެގައުމުގަ ދިރި އުޅެނީ އެވެ. ރަށުން މާލެ އައިސް ކިޔަވާ ނިންމާފަ މާލޭގަ ދިރި އުޅެނީ އެވެ. އަމިއްލަ ރަށައް އަދި އަމިއްލަ ގައުމައް ހިދުމަތް ކުރަން ޖެހޭ ގޮތައް ހަދަން ވީ އެވެ.
ޢަހުމަދ
27 August 2020
ރަށުގެ ހުރޭތަ ކިޔަވާ އެއްޗެކާ ގުޅޫ ވަޒީފާ؟
ދޮންވެލި
27 August 2020
އެންމެން މާލެ އައީމަ ޝަކުވާ ކުރުން ފިޔަވާ ވާކަމެއް ނޯވެ އެވެ. ދަރީންނަށް ކިޔަވާދީ 40 އަހަރު ކޮށްފަ ރަށައް ދާއިރު ވަންނާނެ ތަނެއް ނުހުރެ އެވެ.
އޮނަރަބްލް އަފީފު ދީދީ
27 August 2020
މިފަދަ ކަންކަމުގެ ހައްލުހޯދާ ހުރިހާ މިނިސްޓްރީ ތަކާއި ދައުލަތުގެ އެންމެހާ ގުނަވަންތަކުން އެއް އުސޫލަކުން ކަންކަން ކުރުމުގެ ފުރުސަތު ލިބޭގޮތަށް ރާއްޖެ އިދާރީ ޤާނޫނީ 3 ސަރަހައްދެއްގެ ގޮތުގައި ކަޑައަޅާންޖެހޭ. # ކޮންމެ ކަމަކާއި ވިއްދައިގެން މިފަދަ ހަމަނުޖެހޭ ވާހަކަ ދެއްކުމަކީ ވަރަށް ތާކުން ތާކު ނުޖެހޭ ކަމެއް. ކިތަންމެ ވަރަކަށް "ލާމަރުކަޒީ އޭ ކިޔައިގެން އަޑިއެރުވިޔަސް" އެކަން ކުރުމުގެ ވިސްނުން ނުވަތަ ކުރާން ބޭނުން ނުވާތީ މިހެން މިވާހަކަ ދައްކާންޖެހެނީ.
އޮނަރަބްލް އަފީފު ދީދީ
27 August 2020
ކަންކަން "ނުވާނެ" ވާހަކައަކީ ހޭލުންތެރި ދުނިޔެއާއި ނުގުޅޭ ކަޓް ވާހަކަ ތަކެއް ކަން ވަޒީރަށް އެގިވަޑައިގަންނަވާނެ. # ތިކަމުގެ ހައްލު ހޯދާދިނުމަށާއި އެމްޑީޕީގެ މެނިފެސްޓޯގައިވާ "ލާމަރުކަޒު ކުރުމުގެސިޔާސަތު ތަންފީޒުކުރާން ފަސޭހަވާނެގޮތަކަށް" ރާއްޖެ އިދާރީ ޤާނޫނީ 3 ސަރަހައްދަކަށްބަހާލަން ތިލަދުންމަތިން ފާދިއްޕޮޅަށް ނޯތުރީޖަން، ކ.އަތޮޅުން(މާލެއާއިއެކު)ދާލަށް ސެންޓަރަލް، އަދި ކޮޅުމަޑުލުން އައްޑުއަށް ސަދާރން ކަމުގައިކަޑައަޅާން ކެބިނެޓަށް ހުށަހަޅުއްވަންވީނޫންތޯ؟
ބޮ
27 August 2020
ކިޔަވައިގެން ރަށަށް ދާނަމަ ރަނގަޅު. ގޮތްހުސްވެ ވާނުވާ ނޭނގޭވެރިން ހަމަޖެހިލައިގެން އެއްރޭ ނިދާލަންވެސް މޮޅުބުއްދިއެއް.
ވުނަދާނަ
27 August 2020
ކޮންމެ ފަހަރަކު ކުރައިޓީރިއާ ބަދަލުވަންޏާ ދަރިވަރުން ތިބޭނީ ވާނުވާގަ. އެއްފަހަރު އެކަޑެމިކު ލެވެލް އިން އެންމެ މަތި ލިބޭ ކުދިން އަނެތް ފަހަރު އެންމެ ކުރު މުއްދަތު. މީ ވަކިބަޔަކައް ދޭން ކުރާ ކަމެއް ބާ؟
އަމިއްލަކޮލެޖްސްތަކަށް
27 August 2020
ކޮންމެ ރަށަކުން ދަރިވަރަކަށް ލޯނު ލިބޭ ގޮތަށް ބަދަލުކުރުމުގެ ވިސްނުން އެބަހުރި ކަމަށްވާނަމަ އެއީ މަމެން އުފާ ކުރާ ކަމެކޭ މިރާއްޖޭގެ ގައުމީ ޔުނިވަރސިޓީ އާއި އެއްގޮތަށް މިރާއްޖޭގެ މާލެ ސަރަހައްދުގައި ހުރި ކޮލެޖްސް ތަަކަށް އެބަޖެހޭ މާލެ ސަރަހައްދުން ބިން ތައް ދޭން މާލޭގައި ހުރި އަމިއްލަ ކޮލެޖްްސް ތަކަށް ހުޅުމާލޭން ގޯތި ތައް ދީފިނަމަ ކޯސްފީ ވަރަށް ބޮޑު ތަން ކުޑަ ވެގެން ދާނެ ކަން އެއީ ޔަގީން ކަމެކޭ މީ އެހެން ގައުމެއް ނަމަ މިހާރު ބިން ދިނީސް ހުޅުމާލޭން