ކޭޓީ ޕެރީގެ އާ އަލްބަމަކީ "ސްމައިލް"

އަހުމަދު އަދްޝަން، މިހާރު

30 އޯގަސްޓް 2020 - 08:20

މިދިޔަ ހަފުތާގައި ދަރިއަކު ލިބުނު އެމެރިކާގެ ލަވަކިޔުންތެރިޔާ ކޭޓީ ޕެރީ އޭނާގެ ހަ ވަނަ އަލްބަމް ނެރެ ފޭނުން އުފާކޮށްދީފި އެވެ.

ކެޕިޓޮލް ރެކޯޑްސްގެ ތައްގަނޑުގައި ހުކުރު ދުވަހު ނެރުނު އަލްބަމްގެ ނަމަކީ "ސްމައިލް" އެވެ. މީގެ ދެ އަހަރު ކުރިން ފެށިގެން ކެޓީ ނެރެން ތައްޔާރުވަމުން ދިޔަ އަލްބަމް ރަސްމީ 16 ޓްރެކާ އެކު ނެރުނީ ބޯނަސް ޓްރެކްތަކެއް ވެސް ހިމަނައިގެންނެވެ. އަލްބަމްގައި 24 ލަވަ ހިމެނެ އެވެ.

IT’S HERE! IT’S REALLY HERE! 🙃 I finally got back my smile! Hope this record puts one on your face 🙂 #SMILE 🙂 IS OUT EVERYWHERE NOW! LOVE YOU GUYS SO MUCH ENJOY 🤡♥️ (sent from my hospital bed lol) https://t.co/BImXF3kEcw pic.twitter.com/2UmVajDoyn
— KATY PERRY (@katyperry) August 28, 2020

އިނގިރޭސި އެކްޓަރު އޯލަންޑޯ ބްލޫމްއާ އެންގޭޖްވެފައިވާ ކޭޓީ "ސްމައިލް" ސިފަކޮށްފައި ވަނީ އަމިއްލަ ނަފްސަށް ޕޮޒިޓިވިޓީ ގެނެސްދޭނެ އަލްބަމެއްގެ ގޮތުގަ އެވެ. އެގޮތުން މިއީ ލޯތްބާއި އުންމީދާއި އަލިކަމާއި އަމިއްލަ ހަޔާތުގެ ދަރުތު ސިފަކޮށްދޭ ކަހަލަ ލަވަތަކެއް ހިމެނޭ އަލްބަމެއް ކަމަށް ބުންޏެވެ

"ސްމައިލް" އަކީ 2017 ގެ "ވިޓްނެސް" ގެ ފަހުން ކޭޓީ ނެރުނު ފުރަތަމަ އަލްބަމެވެ.

ކުރިން އިނގިރޭސި ކޮމީޑިއަން ރަސަލް ބްރޭންޑާ ވެސް ކައިވެނިކުރި 35 އަހަރުގެ ލަވަތަކިޔުންތެރިޔާ ނެރުނު އަލްބަމްތަކުގެ ތެރޭގައި 2013 ގެ "ޕްރިސްމް" އާއި 2010 ގެ "ޓީނޭޖް ޑްރީމް" އާއި 2008 ގެ "ވަން އޮފް ދަ ބޯއިސް" ގެ އިތުރުން 2001 ގެ "ކޭޓީ ހަޑްސަން" ހިމެނެ އެވެ.