ބްރޯޑްކާސްޓިން ކޮމިޝަނުން ޗެނަލް-13ގެ ބައެއް އިސްވެރިންނާ ބައްދަލުކުރަނީ: އެ ޗެނަލުގެ މައްސަލައެއް މީގެ ކުރިން ވެސް ބްރޯޑްކޮމުން ވަނީ ބަލާފައި. --ފައިލް ފޮޓޯ
04 ސެޕްޓެމްބަރ 2020 - 22:19
11 comments
ޗެނަލް-13 އިން އިއްޔެ ގެނެސްދިން ލައިވް ޕްރޮގްރާމެއްގައި ވާހަކަ ދެއްކި މީހަކު، ރައީސް އިބްރާހިމް މުހައްމަދު ސޯލިހުގެ ހަށިކޮޅަށް ގެއްލުން ދޭން ގޮވި މައްސަލަ ބްރޯޑްކާސްޓިން ކޮމިޝަން (ބްރޯޑްކޮމް) އިން ވެސް ބަލާނެ ކަމަށް ބުނެފި އެވެ.
"ރައްޔިތުންގެ އަޑު"ގެ ނަމުގައި ގެެނެސްދިން އެ ޕްރޮގްރާމުގައި އެ މީހާ އެހެން ބުނީ، ސަރުކާރުން އަމަލު ކުރަމުންދާ ގޮތާ ގުޅޭގޮތުން ޕްރެޒެންޓަރު ސުވާލު ކުރުމުން ވާހަކަ ދެއްކި ތ. ވިލިފުށީ މީހެކެވެ. ސަރުކާރަށް ފާޑުކިޔައި ވާހަކަ ދެއްކި އެ މީހާ ބުނީ ވެރިކަން އަވަހަށް ނައްތާލަން ބޭނުންވާ ކަމަށާއި "މިހާރުން މިހާރަށް އިބްރާހިމް މުހައްމަދު ސޯލިހު ގައިގާ (ކަނޑާލާފައި) " ކަމަށެވެ.
ބްރޯޑްކޮމުން މިރޭ ބުނީ ރައީސްގެ ހަށިކޮޅަށް ގެއްލުން ދޭން ހިތްވަރު ލިބޭ ފަދަ ގޮތަކަށް މީހަކު ދެއްކި ވާހަކަ ޗެނަލް-13 އިން ލައިވްކޮށްފައިވާތީ އެކަން އެ ކޮމިޝަނުގެ ސަމާލުކަމަށް އައިސްފައިވާ ކަމަށެވެ. އަދި އެ މައްސަލަ ބަލާނެ ކަމަށް އެ ތަނުން ބުންޏެވެ.
މި މައްސަލަ ފުލުހުން ވެސް މިހާރު އަންނަނީ ތަހުގީގުކުރަމުންނެވެ.
ޗެނަލް-13 އިން ބުނީ ރައީސްގެ ހަށިކޮޅަށް ގެއްލުން ދޭން އެ މީހާ ބުނީ އޭނާގެ އަމިއްލަ ހިޔާލުގެ މައްޗަށް ބިނާކޮށް ކަމަށާއި އެހެން ބުނާއަޑު ބްރޯޑްކާސްޓް ކުރެވިފައިވާތީ އެކަމަށް މާފަށް އެދޭ ކަމަށެވެ.
"ޗެނަލް-13އަކީ އަނިޔާވެރިކަމާއި އާއްމުންގެ މެދުގައި އެކަކު އަނެކަކަށް ނަފްރަތު އުފެއްދުމަށް ހިތްވަރު ދޭނެ ބައެއް ނޫނެވެ. އަދި ކުރިއަށް އޮތްތަނުގައި ވެސް އެ ފަދަ ކަންކަމަށް ހިތްވަރުު ދީ، ގާނޫނާ ހިލާފު ކަންކަން ކުރުމަށް ފުރުސަތު ނުދޭނެ ކަމަށް ދަންނަވަމެވެ." އެ ޗެނަލުން ސޯޝަލް މީޑިއާގައި ލިޔެފައިވެ އެވެ.
ރައީސްގެ ހަށިކޮޅަށް ގެއްލުން ދޭން ގޮވާލި އެ މައްސަލަ، ސޯޝަލް މީޑިއާގައި ގިނަ ބަޔަކު ދަނީ ކުށްވެރި ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބް
06 September 2020
ކުރީގެ ރައީސް ޢަބްދުﷲ ޔާމީނުގެ ކަރު ބުރިކުރަން ގޮވި ވާހަކައާއި އޮނަރަބަލް ޤާސިމް އިބްރާހިމް ކަނޑުފައްތަންގޮވި އެމްޑީޕީ މީހުން ގެ ވާހަކަތަށް ގެނެސްދިން ޗެނެލްތަކަށް ފިޔަވަޅު އަޅުއްވާފައިނުވަނީ ކީއްވެތޯ؟
Dezor
05 September 2020
މިގައުމުގާ ތިހުރިހާ ބަހުރުވަޔަކާ މީހުންނަށް އަނިޔާދިނުމަށް ގޮވާލީ ތިޔަ ރީނދޫ ޕާޓީއަކުން.
ޒާދީ
05 September 2020
މީ ޗެނަލް13 ގެ މައްސަލައެއްނޫން. ވާހަކަ ދެއްކި މީހާގެ މައްސަލައެއް. އެމީހާ އެހެން ބުނާއިރަށް ޕްރެޒެންޓަރ ވަނީ އިންޓަވިޔު ކުރުކޮށް ފޯނު ކުރުކޮށްލާފަ.
އާންސީ
05 September 2020
އޭނަ ބުނާނެ އިތުރު އެއްޗެއް ނެތޭ ބުނީމަ ނިންމާލީ.
ުވައި ސޫރި
05 September 2020
ރާއްޖެ ޓީވީ ގޮތައް ފަންޑުފޮށި ބަހައްޓާގެން ލާރިހޯދަން ޖެހޭވަރުގެ ބޮޑެތި އަދަދުތަކުން ޖުރިމަނާކޮއްބަލަ އޭރުން ފަހަރެއްގާ ކުޑަދުވަސް ކޮޅަކައް މައިތިރިވެދާނެ
އީސާ ޢަލީ މަނިކު
05 September 2020
މީސައިޒުއޮޅިގެން ޔާމީނުގެ ވެރިކަމުގައި ލިބުނުފައިސާތައް މިހާރުނުލިބޭތީ މޮޔަގޮވާބައިގަޑެއް ތިޔަ ޗެނަލް13 އިން ކުރާހާވެސްކަމަކީ ރައްޔިތުންގެ މެދުގަފިތުނައުފެއްދުން، ނޫސްވެރިކަންއެގޭ މީހަކުތިޔަޗެނަލުން ޕްރޮގްރާމެއް ހުށައަޅާލާތަނެއް ނުފެނެ މުޅިންވެސް އުޅެނީ ޕީޕީއެމްގެ ސިޔާސީ އެކްޓިވިސްޓުން މިޗެނަލާމެދު ފިޔަވަޅެއްއެޅުން ލަސްވެއްޖެ މިހާރު.
ތަކޮެއި
05 September 2020
ޗެނަލް 13 ގެ މައްސަަލަވެސް ބަލަންވީ. ރާއްޖެ ޓީވީން މާލޭގަ ހިނގި ހާދިސާއާއި ރައްޔިިތުން ގައުމުގެ މިނިވަންކަން ދެމެހެއްްޓުމަށް ގޮވާލާ ބޭއްވި އެއްވުމާ ގުޅުވައިގެން ކުރި ޓްވީޓްގެ މައްސަލަވެސް ޓިސްދަތި ކޮމިޝަނުން ބަލަންވީ.
ޢަހުމަދު އީސަ
05 September 2020
ކޮބާތަ ޔާމީން ހަށިކޮޅައް ގެއްލުންދޭން ގޮވިމީހާ ޔާމީން މާދަމާ 10ޖަހާއިރު ވެރިކަމުގަ ނުހުންނާނޭގޮވީ މީވެސް އިންސާފުތޯ ެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެ
ރަދީފްއޮފިޝިއަލް
05 September 2020
ދެރަ ދޯ މިހެން ''ރައްޔަތުންގެ އަޑު'' އައިއިރު 1 ރައްޔިތެއްގެ އަޑު މިހެން އައީމަ.ތިމާ ކިތަންމެ ނުރުހުނަސް އެއްވެސް މީހަކަށް އަނިޔާދޭން ގޮވާލައިގެން ނުވާނެ.ގައުމުގެ ރައީސުން އެއީ އަހަރުމެން އިހްތިރާމް ކުރަން ޖެހޭބައެއް.
މޯޑް
05 September 2020
ބުރޯޑް ކޮމްގަ އޮތީ ޔާމިނުގެ 100 ފަސެންޓް އަގުލަބިންޔަތު. ގޮނޑި ޖަހަށް އުޅުނި ކުދިން ކޮޅު އަދިވެސް ލީޑް ކުރަނި.
ސާފިރު
04 September 2020
ލައިވުކޮށް ޕީޕީގެ ސަޕޯޓަރުންލައްވާ ވާހަކަ ދައްކުވަނީ އެބޭނުމުގަ. އެއީ، ސަރުކާރާއި ވެރިންނާއި ސަރުކާރަށް ނަ ފުރަތު އު ފައްދަން. ދުވަހަކުވެސް ޔާމީނުގެ ވެރިކަމުގައި ހިންގިވަރުގެ ޖަރީމާތަކެއް ފެނުމަކީ ނާދިރު ކަމެއް